تيانشان تورى   ›   جاڭالىقتار   ›   ماڭىزدى حابارلار

شي جينپيڭ مەملەكەتتىك ءمورال ۇلگىلەرىن سيلاۋ - ماداقتاۋ قيمىلى جونىندە ماڭىزدى نۇسقاۋ بەردى

شي جينپيڭ مەملەكەتتىك ءمورال ۇلگىلەرىن سيلاۋ - ماداقتاۋ قيمىلى جونىندە ماڭىزدى نۇسقاۋ بەرىپ، بىلاي دەپ باسا دارىپتەدى

بۇقارالىق رۋحاني وركەنيەت قۇرۋ قيمىلىن تەرەڭدەتىپ، ۇلتتى گۇلدەندىرۋ ۇلى مىندەتىن ارقالايتىن ءداۋىر جاڭا ادامدارىن كۇش سالا باۋلۋ كەرەك

ۋاڭ حۋنيڭ 7 - كەزەكتى مەملەكەتتىك ءمورال ۇلگىلەرىنىڭ جانە كورسەتىلۋ سيلىعىنا يە بولعانداردىڭ ۋاكىلدەرىمەن كەزدەستى

  شينحۋا اگەنتتىگىنىڭ 9 - ايدىڭ 5 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا مەملەكەتتىك ءمورال ۇلگىلەرىن سيلاۋ - ماداقتاۋ قيمىلى جونىندە ماڭىزدى نۇسقاۋ بەرىپ، سيلانىپ - ماداقتالعان مەملەكەتتىك ءمورال ۇلگىلەرىن قىزۋ قۇتتىقتادى.

  شي جينپيڭ مىنانى اتاپ كورسەتتى: جاڭا جۇڭگو قۇرىلعاندىعىنىڭ 70 جىلدىعى قارساڭىندا، ورتالىق وركەنيەت كوميتەتى جاڭا كەزەكتى مەملەكەتتىك ءمورال ۇلگىلەرىن ماداقتاپ - سيلادى، بۇل تاماشا سالتتى دارىپتەۋ، وڭ ەنەرگيانى اسقاقتاتۋ، تۇتاس قوعامنىڭ ورگە ۇمتىلىپ، ىزگىلىككە تالپىنۋىن جەبەۋ جونىنەن توتەنشە ماڭىزدى ءمان الادى.

  شي جينپيڭ مىنانى باسا دارىپتەدى: مەملەكەتتىك ءمورال ۇلگىلەرى وتاندى قىزۋ ءسۇيۋ، حالىق ءۇشىن ۇلەس قوسۋداي وتباسى جانە مەملەكەت سەزىمىن، ءوزىن تىنباي الەۋەتتەندىرۋ، اتويلاپ الدا جۇرۋدەي كۇرەس جۇرگىزۋ رۋحىن، بەلسەنە تالپىنۋ، ءمورالدى قاستەرلەۋ، ىزگىلىككە تالپىنۋداي وسكەلەڭ قاسيەتتى ايگىلەدى. ءمورال ۇلگىلەرىنىڭ ىزگى ىستەرىن كەڭ كولەمدە ۇگىتتەپ، ءمورال ۇلگىلەرىنىڭ وسكەلەڭ قاسيەتىن اسقاقتاتىپ، حالىقتى ءمورال ۇلگىلەرىنەن ۇيرەنۋگە باستاپ،وسكەلەڭ ءمورالدى امالياتتا ايگىلەۋشىلەردەن، وركەنيەتتى سالتتى قورعاۋشىلاردان، تاماشا تۇرمىستى قۇرۋشىلاردان بولۋعا قۇلشىنۋ كەرەك. سوتسياليستىك وزەكتى قۇن كوزقاراسىن جەتىلدىرىپ جانە ونى امالياتتا ايگىلەپ، قوعامدىق الەۋمەتتىك ءمورال، كاسىپتىك ءمورال، وتباسى تاماشا ءمورالى، جەكە ادامدىق ءمورال قۇرىلىسىن ىلگەرىلەتىپ، بۇقارالىق رۋحاني وركەنيەت قۇرۋ قيمىلىن تەرەڭدەتىپ، ۇلتتى گۇلدەندىرۋ ۇلى مىندەتىن ارقالايتىن ءداۋىر جاڭا ادامدارىن كۇش سالا باۋلىپ، سوتسياليستىك ءمورالدىڭ شۋاعىن جۇرەكتەرگە جەتكىزىپ، قوعامدى وركەنيەتتىڭ مەيىرىنە بولەپ، جاڭا داۋىردە ەكپىندەي ىلگەرىلەۋدى، جۇڭگو ارمانىن بىرگە ورىنداۋدى قۇدىرەتتى رۋحاني كۇشپەن جانە ءمورال تىرەگىمەن قامداۋ كەرەك.

  7 - كەزەكتى مەملەكەتتىك ءمورال ۇلگىلەرى اڭگىمە ءماجىلىسى 9 - ايدىڭ 5 - كۇنى تۇستەن بۇرىن بەيجيڭدە وتكىزىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ۋاڭ حۋنيڭ سيلانىپ - ماداقتالعانداردىڭ ۋاكىلدەرىمەن كەزدەستى.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت ۇگىت ءبولىمىنىڭ باستىعى حۋاڭ كۇنميڭ كەزدەسۋگە قاتىناستى، سونداي - اق اڭگىمە ماجىلىستە شي جينپيڭنىڭ ماڭىزدى نۇسقاۋىن وقىدى. وسىدان سوڭ ول ءسوز سويلەپ مىنانى ءبىلدىردى: باس شۋجي شي جينپيڭنىڭ ماڭىزدى نۇسقاۋىنىڭ رۋحىن مۇقيات ۇيرەنىپ، دايەكتىلەندىرىپ، نازاردى ۇلتتى گۇلدەندىرۋ ۇلى مىندەتىن ارقالايتىن ءداۋىر جاڭا ادامدارىن باۋلۋعا شوعىرلاندىرىپ، ۇلگىلەردىڭ كۇشىن تولىق ساۋلەلەندىرىپ، ءمورالدى امالياتتا ايگىلەۋ قيمىلىن كەڭ كولەمدە ورىستەتىپ، جاستار مەن وسپىرىمدەردىڭ يدەيا، ءمورال قۇرىلىسىن كۇشەيتىپ، تيپتىك ۇلگىلەردى ۇزدىكسىز جارىققا شىعارىپ، وركەنيەت جاڭا سالتىن شار تاراپقا تاراتۋ كەرەك.

  اڭگىمە ماجىلىستە سيلاۋ - ماداقتاۋ قارارى وقىلدى، جاڭ فۋچيڭ سياقتى 58 جولداسقا 7 - كەزەكتى مەملەكەتتىك ءمورال ۇلگىسى داڭق اتاعى بەرىلدى، جاڭ جياشين سياقتى 257 جولداسقا 7 - كەزەكتى مەملەكەتتىك ءمورال ۇلگىسىنە كورسەتىلۋ سيلىعى بەرىلدى. 7 - كەزەكتى مەملەكەتتىك وزگەلەرگە كومەكتەسۋدى قۋانىش سەزىنۋدىڭ ۇلگىسى، حۋبەي ولكەسى اسكەري رايونى ۋحان قىزمەتتەن بوساعان كادرلاردىڭ 7 - كۇتىنۋ ورنىنىڭ قۇرمەتتى زەينەتكەرى ما شۇي، 7 - كەزەكتى مەملەكەتتىك كاسىپتى ءسۇيىپ، ۇلەس قوسۋدىڭ ۇلگىسى، سىچۋان اۆياتسيا توبى شەكتى جاۋاپكەرشىلىك سەرىكتەستىگىنىڭ ۇشقىشى ليۋ چۋانجيان، 6 - كەزەكتى مەملەكەتتىك كاسىپتى ءسۇيىپ، ۇلەس قوسۋدىڭ ۇلگىسى، جىجياڭ داشۋەسى مەديتسينا شۋەيۋانىنا قاراستى شاۋيفۋ شيپاحاناسى كوز اۋرۋلار ءبولىمىنىڭ مەڭگەرۋشىسى ياۋ يۇيفىڭ، سونداي - اق قاتىستى جاقتارداعى جاۋاپتى جولداستار جەكە - جەكە لەبىز ءبىلدىردى.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ ورىنباسار زۇڭليى سۇن چۇنلان اتالعان قيمىلدارعا قاتىناستى.

  7 - كەزەكتى مەملەكەتتىك ءمورال ۇلگىلەرى مەن كورسەتىلۋ سيلىعىنا يە بولعانداردىڭ ۋاكىلدەرى، وتكەن كەزەكتى مەملەكەتتىك ءمورال ۇلگىلەرىنىڭ ۋاكىلدەرى، ورتالىق وركەنيەت كوميتەتىنىڭ مۇشەلەرى، قاتىستى تاراۋلارداعى جاۋاپتى جولداستار، ءارقايسى ولكە، اۆتونوميالى رايون، قالا جانە شينجياڭ ءوندىرىس - قۇرىلىس بيڭتۋانى پارتكومدارى ۇگىت بولىمدەرىنىڭ باستىقتارى، وركەنيەت كەڭسەلەرىنىڭ مەڭگەرۋشىلەرى قاتارلىلار ماجىلىسكە قاتىناستى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.