تيانشان تورى   ›   جاڭالىقتار   ›   شينجياڭ حابارلارى

بۇقارانىڭ ءىسى − ۇلكەن ءىس

− ءپايزاۋات اۋدانى جانباز اۋىلى اگىتەرەك قىستاعى پارتيا ياچەيكاسىنىڭ شۋجيى تاجىگۇل سابىر جونىندە

 ءتىلشى حان چينيان

  شاشىن قىسقا بۋىپ الادى، قاراپايىم كيىنەدى، جۇمىستى جىلدام، تىندىرىمدى ىستەيدى. ءپايزاۋات اۋدانى جانباز اۋىلى اگىتەرەك قسىتاعى پارتيا ياچەيكاسىنىڭ 36 جاستاعى شۋجيى تاجىگۇل سابىر كادرلار مەن بۇقارانىڭ نازارىندا قاشان بولسىن جالىندى بەينەسىنەن اينىمايدى.

■ قىستاق تۇرعىندارىنىڭ قولداۋى وعان باتىلدىق سيلادى

  كورىكتى اۋىل - قىستاق قۇرىلىسى، كەدەيلىكتەن ارىلتۋدان قامال الۋ، قونىس ورتاسىن رەتتەۋ - وڭاۋ، قوقىر - قوقسىقتاردى ءبىر جايلى ەتۋ، لاس سۋلاردى ءبىر جايلى ەتۋ، اۋلا قۇرىلىسى سياقتىلاردىڭ ءبارى دەرلىك قيان - كەسكى شايقاس، مۇندا تاجىگۇلدىڭ باستاۋىنداعى قىستاق ”ەكى كوميتەتى“نىڭ القاسى اتويلاپ الدا ءجۇردى.

  اۋلا قۇرىلىسى جاقسى شارۋا، ايتسە دە العاشىندا 462 وتباسىنداعى قىستاق تۇرعىندارى تالاي جىلدان بەرگى ادەتتەرىن وزگەرتۋگە ۇيلەسە الماۋدان الاڭداپ، ءىستىڭ سوڭىن باقتى.

  ”بۇل جۇمىستى مەن ىستەيىن“. تاجىگۇل سول كۇننىڭ كەشىندە - اق وتباسىلارىن ارالادى، ۇلكەندەرگە كەزىككەندە الدىمەن امانداسىپ، ءۇي يەسىنىڭ تۇسىنۋىنە جانە قولداۋىنا يە بولعانعا دەيىن اڭگىمەلەستى.

  قازىر اۋلاسىنا ءجۇزىم سورەسىن ورناتقان، جەمىس اعاشتارىن ەككەن، كوكونىس اتىزىن اشقان احات ابدىرەيىم: تاجىگۇلدىڭ قاربالاستاعان بەينەسىن كورگەندە، قانشا اۋرە بولسا دا قوسىلاتىن بولدىق، دەگەنمەن اۋلانى وزگەرتۋ بىزگە پايدالى عوي، - دەدى.

  وسىلايشا تاجىگۇل وتباسىلارىن ارالاپ، ءبىر - بىردەن اڭگىمەلەسىپ، قىزمەت ىستەدى. ”جاعدايدى تولىق تۇسىندىرسەك قىستاق تۇرعىندارى تۇسىنەدى، ءبىزدىڭ قىزمەتىمىزدى قولدايدى“، - دەدى تاجىگۇل كۇلە.

  وسىدان بۇرىن تاجىگۇل قىستاق ايەلدەر بىرلەستىگىنىڭ ءتوراعاسى، قىستاق پارتيا ياچەيكاسىنىڭ ورىنباسار شۋجيى بولعان، قىستاق پارتيا ياچەيكاسىنىڭ شۋجيى مىندەتىن وتەۋدىڭ قيىن ەكەندىگىن ابدەن بىلەتىن، ايتسە دە ۇيىمنىڭ سەنىمى، قىستاق تۇرعىندارىنىڭ قولداۋى وعان باتىلدىق سيلادى.

  قىستاق تۇرعىندارىنىڭ قامىن جەيتىن تاجىگۇل بۇكىل قىستاقتىڭ جاعدايىن تەز ارادا يگەرىپ، پارتيا مۇشەلەرى مەن قىستاق تۇرعىندارىنىڭ قولداۋىنا يە بولدى، وسى قىستاقتىڭ پارتيا ياچەيكاسىن بۇكىل اۋدانداعى ”ۇزدىك نەگىزگى ساتى پارتيا ۇيىمى“ ەتىپ قۇرىپ شىقتى.

■ قىستاق تۇرعىندارىنىڭ ەسىك الدىندا جۇمىستانۋىنا كومەكتەستى

  بيىل 3 - ايدا قىستاق تۇرعىنى ابدۇۋالي ابدىرەيىم ايەلىنىڭ قولداۋىمەن جەڭىل اۆتوكولىك ساتىپ الدى. ول كەزىككەندەردىڭ بارىنە: ەگەر تاجىگۇل اقىل ايتپاسا، ايەلىمنىڭ قىزمەت تابۋىنا كومەكتەسپەسە، وتباسىمىز اۆتوكولىك ساتىپ الا الماس ەدى!، - دەيدى.

  ”وسىنشاما جىلداردان بەرى ونىڭ قىستاق تۇرعىندارىنىڭ كوپتەگەن قيىنشىلىقتارىن شەشۋىنە كومەكتەسكەندىگىن بىلەمىن“، - دەدى اگىتەرەك قىستاعى ايەلدەر بىرلەستىگىنىڭ ءتوراعاسى اسيگۇل تۇردى.قىستاق تۇرعىنى ابليكىم تۇرسۇننىڭ وتباسىندا 5 جان بار، بۇل وتباسىنداعىلار ەڭ تومەنگى تۇرمىستى قامتاماسىزداندىرۋ قارجىسىنا سۇيەنىپ كۇنەلتەتىن. تاجىگۇلدىڭ كومەگىندە قازىر ابليكىم ويىنداعىداي قىزمەت تاۋىپ قالماستان، ەڭ تومەنگى تۇرمىستى قامتاماسىزداندىرۋدان شەگىنەتىندىگىن ىرىقتىلىقپەن العا قويدى.

  تەك زاڭدى دا ورىندى، قىستاق تۇرعىندارىنىڭ مۇددەسىنە قاتىستى بولسا بولعانى، تاجىگۇل لاجىن تاۋىپ قانشا قيىن بولسا دا قىستاق تۇرعىندارىنا كومەكتەسەدى.

  وسى جىلداردا اگىتەرەك قىستاعى ”ەكى كوميتەتى“ تاجىگۇلدىڭ باستاماشىلدىعىندا، قالا، اۋىل مەن ونەركاسىپ باقشاسى رايونىنىڭ وڭىرلىك باسىمدىعىنان پايدالانىپ، تاپسىرىس قابىلداپ اۋقاتتانۋ ونەرىنە باۋلۋ كۋرسىن ورىستەتىپ، قىستاقتاعى 170 تۇرعىندى ەسىك الدىندا - اق ورنىقتى تۇردە جۇمىستاندىردى.

■ قىستاق تۇرعىندارىنىڭ اۋقاتتانۋ جولى بارعان سايىن كەڭەيدى

  ”بۇقارانى ەستەن شىعارماعاندا، قىزمەتتە بۇقاراعا سۇيەنگەندە، بارلىعىندا بۇقارا ءۇشىن ىستەگەندە عانا، بۇقارا سەنى قولدايدى، سەنى مويىندايدى“. تاجىگۇل بۇل ءوزىنىڭ تالاي جىلدان بەرى ۇستانعان قىزمەت تاجىريبەسى ەكەندىگىن ايتتى.

  قىستاقتاعى لاس سۋلاردى ىعىستىرۋ قۇبىر تورابى قالاداعى لاس سۋ نەگىزگى قۇبىرىنا جالعاندى، قۇبىر سۋى 10 - ايدا قىستاق تۇرعىندارىنىڭ ۇيىنە جەتكىزىلەدى... قازىر تاجىگۇل ەرەكشە قۋانىشتى.

  قازىر نە كىتاپ وقۋ ۇيىنە بارىپ كىتاپ وقيدى، نە قيمىل بولمەسىندە شاحمات وينايدى، نە دەن قويا گازەت وقيدى، نە توپتاسىپ ءبي بيلەيدى، قىستاقتىڭ بەينەسى جاقساردى، قىستاق تۇرعىندارىنىڭ تۇرمىسى دا ءمان - ماعىنالى بولدى. تاجىگۇلدىڭ قۇلشىنۋىندا، وسى جىلدارى اگىتەرەك قىستاعىندا قىستاق سالتى دۇرىس، حالىقتىق سالت - سانا جاقسى، كورشىلەر تاتۋ - ءتاتتى، كادرلار مەن بۇقارا جاراسىمدى قۋانارلىق بەينە جارىققا شىقتى.

  تاجىگۇل قىستاقتىڭ كەستەشىلىك قوعامىن، اعاش جابدىقتاردى مانەرلەۋ سەلبەستىك كووپەراتيۆىن، ەگىمشىلىك، باعىمشىلىق، شارۋالار سەلبەستىك كووپەراتيۆىن، وتباسىلىق قىزمەت وتەۋ سەرىكتەستىگىن قۇرۋىنا دا كومەكتەسىپ، قىستاق تۇرعىندارىنىڭ كەدەيلىكتەن ارىلىپ اۋقاتتانۋ جولىن بارعان سايىن كەڭەيتتى.

  تاجىگۇل ارەكەتىمەن بۇقارانى ەستەن شىعارمادى ءارى ءوزى دە بۇقارانىڭ جۇرەگىنەن ورىن الىپ، بۇقارانى باستاپ، اناعۇرلىم تاماشا تۇرمىسقا قول جەتكىزدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • وڭتۇستىك شينجياڭنان ەكسپورت ەتىلگەن زاتتار جۇڭگو - ەۆروپا كەزەكشى پويەزدەرىمەن ”باتىسقا شىعارىلدى“
  • باتىس سولتۇستىك مۇناي الابى: جوعارى ساپالى دامۋدىڭ ەنەرگيا جاۋابىن قۇلشىنا جازۋدا
  • كورلانىڭ ەرىكتى قىزمەت وتەۋى وركەنيەت ماركاسىنا اينالدى