تيانشان تورى   ›   جاڭالىقتار   ›   شينجياڭ حابارلارى

تۇرعىندار قاۋىمىنىڭ جان اشىرى

− ءۇرىمجى قالالىق قوعام حاۋىپسىزدىگى مەكەمەسى ميدۇڭ رايونى كازىۋان ساقشى بولىمشەسىنىڭ حالىق ساقشىسى شۇي شينجيان تۋرالى

ءتىلشى سۇي يۇنيان

  18 جىلدان بەرى، ءۇرىمجى قالالىق قوعام حاۋىپسىزدىگى مەكەمەسى ميدۇڭ رايونى كازىۋان ساقشى بولىمشەسىنىڭ حالىق ساقشىسى شۇي شينجيان نەگىزگى ساتىعا تەرەڭ تامىر تارتىپ، اماندىق ساقتاۋدى كۇشەيتىپ، بۇقاراعا قىزۋ ىنتامەن قىزمەت وتەپ، داۋ - دامايلاردى ىرىقتىلىقپەن جاراستىرىپ، قاراستى وڭىردەگى تۇرعىنداردىڭ قىرۋار قيىنشىلىعىن كومەكتەسىپ شەشىپ بەرىپ، كوممۋنيستەردىڭ اۋەلگى ماقساتىمەن الەۋمەتتىك اۋماق تۇرعىندارىنا قىزمەت وتەپ، تۇرعىندارمەن تەرەڭ دوستىق ورناتىپ، ىلگەرىندى - كەيىندى ”مەملەكەتتىك قوعام حاۋىپسىزدىگى ورگاندارىنىڭ حالىققا قامقورلىق جاساۋ ۇلگىسى“، ”مەملەكەتتىك قوعام حاۋىپسىزدىگى جۇيەسىنىڭ 2 - دارەجەلى قاھارمان ۇلگىسى“ سياقتى داڭقتى اتاقتاردى ەنشىلەدى.

■ 18 جىل بويى اماندىقتى قورعادى

  7 - ايدىڭ 22 - كۇنى تۇستەن كەيىن كۇن شىجىپ تۇرسا دا، ءۇرىمجى قالاسى ميدۇڭ رايونى كازىۋان اۋماعى چۋاڭيە الەۋمەتتىك اۋماعىنىڭ اعاش ساياسى ايرىقشا دىر - دۋماندى، قارتتار بىرنەشە تاس ۇستەلدىڭ ماڭىنا قورالانا وتىرىپ، شاحمات، قارتانىڭ قىزىعىنا باتسا، جازعى دەمالىسقا تاراعان بالالار ۆەلوسيپەدكە ءمىنىپ اسىر سالىپ ويناۋدا. شۇي شينجيان ءتىلشىنى ەرتىپ الەۋمەتتىك اۋماقتى ارالاتتى، ”قازىر قونىس ورتاسى جاقساردى، اماندىق ورتاسى دا جاقساردى، دەلو تۋىلۋ مولشەرى وتە تومەن“، - دەدى شۇي شينجيان اسا ماقتانىشپەن.

  بيىل 56 جاسقا كەلگەن شۇي شينجيان 2001 - جىلى اسكەري بولىمنەن قوعام حاۋىپسىزدىگى قوسىنىنا كاسىپ اۋىستىرىپ، وسى اراعا كەلىپ الەۋمەتتىك اۋماقتىڭ حالىق ساقشىسى بولعانىنا قازىرگە دەيىن 18 جىل تولدى. چۋاڭيە الەۋمەتتىك اۋماعىنىڭ توركىنى شينجياڭ بىلعارى ونەركاسىپ سەرىكتەستىگىنىڭ زاۆود ءوڭىرى بولاتىن، كاسىپورىن قۇرىلىم جاڭالاعاننان كەيىن الەۋمەتتىك اۋماق قۇرىلدى. ول ەندى عانا كەلگەن كەزدە، چۋاڭيە الەۋمەتتىك اۋماعى جالعا بەرىلگەن ءۇي كوپ، جىلجىمالى جان سانى كوپ الەۋمەتتىك اۋماق ەدى.

  شۇي شينجيان ىشكەرىلەي تەكسەرۋ - زەرتتەۋ جۇرگىزىپ، تالداۋ جاساپ، جالعا بەرىلگەن ۇيلەردى جانە جىلجىمالى جان سانىن باسقارۋدان باستاپ ىسكە كىرىسۋگە بەكىپ، وتباسىلارىن ارالاپ احۋال ۇعىسىپ، تىزىمگە الىپ ەستەلىك قۇراستىرىپ، اماندىق باسقارۋدى كۇشەيتەدى، 4 جىلعا تاياۋ قۇلشىنۋدىڭ ارقاسىندا، الەۋمەتتىك اۋماقتىڭ اماندىق جاعدايى كورنەكتى جاقسارادى.

  18 جىلدان بەرى، شۇي شينجيان الەۋمەتتىك اۋماقتاعى كىشكەنە جاتاعان ۇيلەردىڭ بىرتىندەپ عيماراتقا وزگەرگەندىگىن، ورتاسىنىڭ بارعان سايىن جاقسارعاندىعىن، تۇرعىنداردىڭ زاڭ تانىمىنىڭ دا جىل سايىن جوعارىلاعاندىعىن ءوز كوزىمەن كوردى. شۇي شينجيان بىلاي دەدى: وتكەندە الەۋمەتتىك اۋماقتا 2 رەت تەلەگراف الدامشىلىعى دەلوسى تۋىلدى، الدانعاندار ەندى عانا كەلگەن جىلجىمالى جان سانى ەدى. ۇگىتكە باسا ءمان بەرىلگەندىكتەن، تۇراقتى جان سانىنىڭ بارلىعى ساقتىق تانىمىنا يە بولادى، ەندى ول جاڭادان ارتقان جىلجىمالى جان سانىنا زاڭ جالپىلاستىرۋ ۇگىتىن كۇشەيتۋدى ويلاسادى. ۇگىت ونىمدىلىگىن اناعۇرلىم جوعارىلاتۋ ءۇشىن، شۇي شينجيان الەۋمەتتىك اۋماقتىڭ شاعىن راديو ستانسياسىن تەلەگراف الدامشىلىعى تاسىلدەرىن پارىقتاۋ ماتەريالدارىمەن ارناۋلى قامداپ، الەۋمەتتىك اۋماقتاعى بۇقاراعا ۇزدىكسىز ۇگىت جۇرگىزەدى.

■ بۇقاراعا شىنايى پەيىلىمەن، شىن نيەتىمەن قىزمەت وتەدى

  ءتىلشى شۇي شينجيانمەن سۇحبات جۇرگىزگەندە، ونى ىزدەپ كەلگەن تۇرعىنداردىڭ اياعى ۇزىلمەدى، نوپوس قوندىرۋ ءىسىن بىتىرگەلى كەلگەندەر دە، داۋ - دامايدى جاراستىرۋعا قول ۇشىن بەرۋگە شاقىرىپ كەلگەندەر دە، ءيت باعۋ كۋالىگىن ءبىتىرۋ جونىنەن كەڭەس سۇراي كەلگەندەر دە بار، ول جاعداي ايتا كەلگەن ءاربىر اداممەن شۇيىركەلەسە كەتەدى. 18 جىل بويى الەۋمەتتىك اۋماققا شىن نيەتىمەن قىزمەت وتەگەن شۇي شينجيان كوپشىلىكتىڭ جان اشىر ادامىنا اينالدى، تۇرعىندار قيىنشىلىققا جولىقسا، داۋ - داماي تۋىلسا، ءبىرىنشى بولىپ ونى ىزدەپ كەلەدى. كوپ جىلدىق اماليات شۇي شينجياندى جاراستىرۋ مايتالمانىنا اينالدىردى.

  تاياۋدا ول تاعى ءبىر وتباسى قايشىلىعىن جاراستىردى. ءبىر تۇرعىننىڭ ۇلكەن قىزى زەينەتكە شىققاننان كەيىن اكە - شەشەسىمەن بىرگە تۇرمىس كەشىرەدى، الايدا ەكى جاق ۇنەمى كەركىلدەسىپ قالادى، قىزى دا، قاريا دا وزدەرى وبالدى قالعانداي سەزىنەدى. شۇي شينجيان ۇنەمى وسى وتباسىنىڭ ادامدارىمەن اڭگىمەلەسىپ، شىن نيەتىمەن جۇرەك قىلدارىن تەربەپ، قاعيدامەن ءتۇسىندىرىپ، وتباسىنداعىلاردى بىرتىندەپ كوڭىل تۇيىنشەگىنەن ارىلتادى.

  شۇي شينجيان تاعى ۇنەمى قيىنشىلىعى بار تۇرعىنداردىڭ قىزمەت تابۋىنا كومەكتەسەدى. 2015 - جىلعى الەۋمەتتىك اۋماقتاعى جازا مەرزىمى تولىپ بوساتىلعان ءبىر ادامنىڭ قىزمەت تابۋى قيىنعا سوعادى، شۇي شينجيان قاراستى وڭىردەگى كاسىپورىندارمەن بەلسەنە بايلانىس جاساپ، ونىڭ جۇمىستانۋىنا كومەكتەسەدى؛ ەسىرتكىدەن تيىلىپ، دەنساۋلىعى قالپىنا كەلگەن ءبىر ادام شۇي شينجياننىڭ تانىستىرۋىمەن ءبىر قۇرىلىس ماتەريالدارى دۇكەنىنىڭ قىزمەتكەرىنە اينالادى دا، سودان باستاپ تۇراقتى كىرىسكە يە بولىپ، تۇرمىس ىنتاسىن قايتا مازداتادى؛ الەۋمەتتىك اۋماقتاعى ءبىر تۇرعىن اجىراسقاننان كەيىن كوڭىلى قاتتى جابىرقايدى، شۇي شينجيان وعان جول نۇسقاپ، جىگەر بەرىپ، سول ماڭداعى ءبىر قوناقجايمەن بايلانىس جاساپ، ونىڭ اماندىق قورعاۋشى قىزمەتكەر بولۋىنا كومەكتەسەدى... تاياۋ جىلداردان بەرى، شۇي شينجيان ىلگەرىندى - كەيىندى قاراستى وڭىردەگى نەشە 10 تۇرعىننىڭ جۇمىسقا ورنالاسىپ، باقىتتى تۇرمىس وتكىزۋىنە كومەكتەسەدى.

  الەۋمەتتىك اۋماقتا بۇكىل شينجياڭنىڭ جەر - جەرىنەن جۇمىس ىستەي كەلگەن جىلجىمالى جان سانى ۇنەمى كەزدەسەدى، ولار ۇرىمجىگە ەندى عانا كەلگەن، تۇرمىسى ءالى ورنىقپاعان، شۇي شينجيان ۇنەمى ىرىقتىلىقپەن ۇيلەرىنە بارىپ احۋال ۇعىسىپ، قيىنشىلىعى بار وتباسىلارى بولسا، كۇرىش، ۇن، ازىقتىق ماي ساتىپ الىپ بەرىپ، ولاردىڭ قيىنشىلىق وتكەلىنەن وتۋىنە كومەكتەسەدى.

■ بۇقارانى تۋىس - تۋعاندارىنداي كوردى

  2015 - جىلى وتباسىن ارالاپ احۋال ۇعىسقان كەزىندە، شۇي شينجيان تۇرعىن جاڭ Xتىڭ اجىراسقاننان كەيىن 2 بالاسىن ەرتىپ تۇرمىس كەشىرىپ جاتقاندىعىن، جاڭ Xتىڭ قىزمەتكە ەرتە بارىپ، جاي قايتاتىندىعىن، ۇلكەن قىزىنىڭ ورتالاۋ مەكتەپتە وقىپ جاتقاندىعىن، 4 جاستان اسقان كىشكەنە ۇلىنىڭ كۇندىز ۇيدە جالعىز قالاتىندىعىن بىلەدى. بالانىڭ وتە كىشكەنە ەكەنىن ويلاسقان شۇي شينجيان بالانى ۇيىنە ەرتىپ بارىپ، ايەلىنىڭ قاراۋىنا تاپسىرادى.

  سونان كەيىن شۇي شينجيان كوپ جاقتان ىزدەپ، بالانىڭ شەشەسىن تاۋىپ الادى، شەشەسى قايتىپ كەلىپ ۇل بالاسىن الىپ كەتىپ، جانىنا ەرتىپ ءجۇرىپ قارايلاسادى. شۇي شينجيان سىندى وسى ”كوپىر“دىڭ ارقاسىندا، بالانىڭ اكە - شەشەسىنىڭ قاتىناسى جاقسارا تۇسەدى.

  بۇل شۇي شينجياننىڭ الەۋمەتتىك اۋماقتاعى قارايلاساتىن ادامى جوق بالالاردى تۇڭعىش رەت ۇيگە الىپ كەلۋى ەمەس ەدى. الەۋمەتتىك اۋماققا ەندى كەلگەن كەزدە، ول 3 جاستاعى كىشكەنە قايساردىڭ رۋحاني اۋرۋعا شالدىققان اكەسىمەن بىرگە تۇرمىس كەشىرىپ جاتقاندىعىنان، ويداعىداي قاراۋعا يە بولا الماي كەلگەندىگىنەن حابار تاپقاننان كەيىن، شۇي شينجيان كىشكەنە قايساردى ۇيىنە ەرتىپ كەلەدى.

  قازىر كىشكەنە قايسار ازامات بولىپ، تيانجيندە جۇمىسقا ورنالاستى. ءار جىلى كوكتەم مەرەكەسىندە ول شينجياڭعا قايتىپ شۇي شينجيانمەن بىرگە مەرەكەنى وتكىزەدى. ادەتتەگى كۇندەردە دە ۇنەمى شۇي شينجيانعا ءۇنحات جولداپ، وعان قانشا قاربالاس بولسا دا تاماقتى ۋاعىندا ءىشۋدى، جاقسى دەمالۋدى ەسكەرتەدى. ”بالا ەرەكشە اقىلدى“، - دەدى شۇي شينجيان سۇيىنە.

  بۇقارا ساقشى ىستەرى كەڭسەسىنە كەلسە، شۇي شينجيان ۇنەمى ولاردىڭ ءىسىن تاباندا ءبىتىرىپ بەرەدى. ”بۇقارانى كۇتكىزىپ قويۋعا بولمايدى“، - دەيدى ول.

  تاماقتى ۋاعىندا جەي الماعاندىقتان، شۇي شينجيان اسقازان اۋرۋىنا شالدىعادى. ۇنەمى قاربالاس بولعاندىقتان، ۇيىنە قارايلاسا المايدى. ”قىزىم ەگىز ۇلدى بولعان، ءبىر جاسقا كەلەيىن دەپ قالدى“. شۇي شينجيان جيەندەرىن كوتەرەتىن ورايىنىڭ وتە از ەكەندىگىن ايتتى.

  شۇي شينجيان بىلاي دەدى: ”مەن كومپارتيا مۇشەسىمىن، بۇكىل ىنتا - پەيىلىممەن حالىق ءۇشىن قىزمەت ىستەۋ مەنىڭ اۋەلگى ماقساتىم جانە بورىشىم، بۇدان كەيىنگى قىزمەت بارىسىندا، مەن پارتيا مۇشەلەرىنىڭ ۇلگىلىك، باستاماشىلدىق رولىن اناعۇرلىم ساۋلەلەندىرىپ، بۇقارا ءۇشىن ءتىپتى دە ويداعىداي ناقتى ءىس، جاقسى ءىس ىستەيمىن“.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ”قوس 11“ جونەلتۋمەن قاربالاس
  • كاسىپتەنۋ جولىن اشتى
  • شينجياڭ ساۋدا - ساتتىق ۇيىرمەسى ”شينجياڭ جاقسى جەر“ نەگىزگى تاقىرىبىندا كورمەگە قاتىناستى
  • كىشكەنە قولعاپ كەدەيلىكتەن ارىلتۋعا دەم بەردى