− قۇمىل قالاسى يجوۋ رايونى شيحى ءمالىسى تۋانجيە الەۋمەتتىك اۋماعى پارتيا ياچەيكاسىنىڭ شۋجيى ۋ چىڭگۇڭ جونىندە
شينجياڭ گازەتىنىڭ قۇمىل تىلشىلەر پۋنكتىنەن جاۋ يۇيۋي
ۋ چىڭگۇڭ − قۇمىل قالاسى يجوۋ رايونى شيحى ءمالىسى تۋانجيە الەۋمەتتىك اۋماعى پارتيا ياچەيكاسىنىڭ شۋجيى، 1974 - جىلى 17 جاستاعى ۋ چىڭگۇڭ قالادا قالعان زيالى جاس رەتىندە الەۋمەتتىك اۋماققا قىزمەتكە تۇرادى. 45 جىلدان بەرى، ول ىلگەرىندى - كەيىندى 12 الەۋمەتتىك اۋماقتا قىزمەت ىستەپ، كوممۋنيستەردىڭ حالىق ءۇشىن قىزمەت ىستەۋ اۋەلگى ماقساتىنان باستان - اياق اينىماي، بۇقارانىڭ مۇڭ - مۇقتاجىن تىڭداپ، قيىنشىلىعى بولسا كومەكتەسىپ، تۇرعىندارعا سۇيىسپەنشىلىكپەن، شىن نيەتپەن قىزمەت وتەپ، ءبىر كومپارتيا مۇشەسىنىڭ بۇكىل ىنتا - پەيىلىمەن حالىق ءۇشىن قىزمەت ىستەۋدەي ايبىندى سەرتىن ءىس جۇزىندىك ارەكەتىمەن ورىندادى.
2016 - جىلى 59 جاستاعى ۋ چىڭگۇڭ ”مەملەكەتتىك تاڭداۋلى پارتيا ىستەرى قىزمەتكەرى“ اتاعىنا يە بولدى.
بۇگىندە ۋ چىڭگۇڭ ءالى دە حالىق ءۇشىن قىزمەت ىستەۋ جولىندا كەلەدى، الەۋمەتتىك اۋماقتاعى تۇرعىنداردىڭ قامىن جەپ، قاراستى اۋماقتىڭ ىنتىماعى مەن جاراسىمدىلىعى ءۇشىن قۇلشىنۋدا. ۋ چىڭگۇڭ: ”وسىنشاما جىلدان بەرى، مەن تەك ءبىر عانا ءىستى ىستەدىم، ياعني الەۋمەتتىك اۋماقتاعى تۇرعىندار ءۇشىن قىزمەت ەتتىم“دەيدى.
الەۋمەتتىك اۋماق قىزمەتىندە وزات بولۋعا ەرلىكپەن ۇمتىلدى
”يجوۋ رايونى شيحى ءمالىسى تۋانجيە الەۋمەتتىك اۋماعى قالا مەن اۋىلدىڭ تۇيىلىسكەن جەرىنە ورنالاسقان، توڭىرەكتەگى 18 اۋىل - قالاشىقتىڭ ورنالاستىرۋ شاعىن اۋماعى، ۇيلەرى شاعىلعاننان كەيىن ورنالاستىرىلعان وتباسىلارى ءبىرشاما كوپ، قالا - قالاشىق تۇرعىندارىنان 207ى وتباسى، اۋىل - قىستاق تۇرعىندارىنان 1592 وتباسى، جىلجىمالى حالىقتان 82 وتباسى بار“، - دەپ تانىستىردى الەۋمەتتىك اۋماقتىڭ جالپى جاعدايىن بەس ساۋساعىنداي بىلەتىن ۋ چىڭگۇڭ.
2017 - جىلى ۋ چىڭگۇڭ تۋانجيە الەۋمەتتىك اۋماعى پارتيا ياچەيكاسىنىڭ شۋجيى مىندەتىن ۇستىنە الدى، مىندەت وتەگەن كۇننەن باستاپ ول ۇيىمعا 3 جىل ىشىندە بۇل جەردى تانىمالى الەۋمەتتىك اۋماق ەتىپ قۇرىپ شىعۋ جونىندە ۋادە بەردى.
سول كەزدە تۋانجيە الەۋمەتتىك اۋماعى جاڭا عانا قۇرىلعان، بارلىق جۇمىستى نولدەن باستاۋعا تۋرا كەلەتىن. ۋ چىڭگۇڭ مەن الەۋمەتتىك اۋماقتاعى 7 كادر ۋاقىتشا جالعا العان كەڭسەدە جۇمىس ىستەپ، تۇرعىنداردىڭ نەگىزدىك ينفورماتسياسىن يگەرۋدەن باستاپ قولعا الدى، تالماي قۇلشىنۋدىڭ ارقاسىندا 2 جىلدان كەيىن تۋانجيە الەۋمەتتىك اۋماعىنىڭ قىزمەتى بۇكىل قالاداعى الەۋمەتتىك اۋماقتاردىڭ ىشىندە الدىڭعى قاتارعا ءوتتى.
8 - ايدىڭ 7 - كۇنى بيىل ىسكە قوسىلعان تۋانجيە الەۋمەتتىك اۋماعىنىڭ قىزمەت وتەۋ ورتالىعىنىڭ تاپ - تازا قىزمەت وتەۋ زالىندا ءاربىر قىزمەت وتەۋ تەرەزەلىگى تارتىپپەن جۇمىس جۇرگىزۋدە؛ دەنساۋلىق ساقتاۋ قىزمەت وتەۋ پۋنكتى اشەكەيلەنۋ ۇستىندە، ءتىلشى كەڭەس سۇراۋ اۋماعىنىڭ، ءدارى دايىنداۋ اۋماعىنىڭ، ۋكول قويۋ اۋماعىنىڭ، كۇتۋ اۋماعىنىڭ تۇگەل تولىق ەكەنىن كوردى.
ۋ چىڭگۇڭ بىلاي دەدى: الەۋمەتتىك اۋماقتا مۇگەدەكتەر دەنساۋلىعىن قالپىنا كەلتىرۋ فيزيكالىق ەمدەۋ قىزمەت وتەۋ ورتالىعى، الەۋمەتتىك اۋماق كىتاپحاناسى، پسيحيكالىق كەڭەس بەرۋ ءۇيى، جاستار مەن ءوسپىرىم بالالاردىڭ كۇن نۇرى مەكەنى، جاستار مەن ورەندەردىڭ عىلىم جالپىلاستىرۋ كورمە زالى، كوركەم جازۋ، سۋرەت ءۇيى، شاحمات - قارتا ءۇيى سياقتىلار ىركەس - تىركەس سالىنىپ، تۇرعىنداردىڭ تۇرمىسىنا ونان ارى قولايلى شارت - جاعداي ازىرلەنىپ، تۇرعىنداردىڭ تابىس سەزىمى، باقىت سەزىمى شىن مانىندە كۇشەيتىلەدى.
كورشىلەر جاراسىمدىلىعىنىڭ دانەكەرى
”بۇقارانىڭ تۇرمىسىندا ءتۇرلى ماسەلەلەر كەزدەسەدى، ولار مەنى ىزدەپ كەلسە بولدى، مەن استە نەمقۇرايدى قارامايمىن“، - دەيدى ۋ چىڭگۇڭ. تالاي جىل الەۋمەتتىك اۋماقتا قىزمەت ىستەگەن ۋ چىڭگۇڭ دارالىق ماسەلەلەردى عيماراتتىڭ ىشىندە شەشۋ، جالپىلىق ماسەلەلەردى شاعىن اۋماقتا شەشۋ، ءىرى ماسەلەلەردى الەۋمەتتىك اۋماقتا شەشۋ سياقتى بۇقاراعا جاقىن، ناقتى، جارامدى قىزمەت ادىستەرىن قورىتىندىلادى.
2018 - جىلى 7 - ايدا تۋانجيە شاعىن اۋماعىنداعى جاسى 70تەن اسقان قاريانىڭ ۇيىنە ۇستىڭگى قاباتتاعى تۇرعىننىڭ ۇيىنەن سۋ اعادى، ءبىراق الگى تۇرعىن جىل بويى ۇيدە تۇرمايتىندىعىن ايتىپ، جاۋاپكەرشىلىكتى ۇستىنە العىسى كەلمەيدى. ۋ چىڭگۇڭ بۇل ىستەن حابار تاپقان سوڭ دەرەۋ جوندەۋ قۇرالدارىن الىپ جەتەدى.
ۋ چىڭگۇڭ ۇستىڭگى قاباتتاعى تۇرعىنعا: ”تولەم ءىسىن كەيىن كورەيىك، الدىمەن ەسىكتى اشىڭىز، سۋ قۇبىرىن جوندەيىن، سۋ توقتاماي اعىپ تۇرسا، قالاي بولماق؟“، - دەيدى دە ۇيگە كىرىپ قۇبىردى جوندەيدى.
الگى كىسى مۇنى كورىپ قاتتى قىسىلىپ، استىڭعى قاباتتاعى قاريانىڭ زيانىن تولەيتىندىگىن ايتادى. سۋ قۇبىرى جوندەلىپ، ەكى وتباسىنىڭ قايشىلىعى شەشىلەدى.
ۋ چىڭگۇڭ تۋانجيە الەۋمەتتىك اۋماعىنا كەلگەن سوڭ، ىلگەرىندى - كەيىندى 648 وتباسى، 1944 ادامعا (رەت) ساياتىن 47 قايشىلىق پەن داۋ - شاردى سايكەستىرىپ شەشتى.
2018 - جىلى 10 - ايدا يجوۋ رايوندىق ءادىليا مەكەمەسىنىڭ كومەگى مەن قولداۋىندا، تۋانجيە الەۋمەتتىك اۋماعىندا ”ۋ چىڭگۇڭ حالىقتىق جاراستىرۋ قىزمەت كەڭسەسى“ قۇرىلدى.
تاجىريبە ۇيرەتىپ، جاڭا ادام تاربيەلەدى
بۇقاراعا قىزمەت وتەۋ ءىسى نەشە بۋىن جاستاردىڭ ۇرپاقتان - ۇرپاققا جالعاسۋىن قاجەت ەتەدى، ۋ چىڭگۇڭ جاس جولداستاردى تاربيەلەۋگە ەرەكشە ءمان بەردى.
يجوۋ رايونى شيحى ءمالىسى بينحى جولى الەۋمەتتىك اۋماعىنىڭ مەڭگەرۋشىسى چىن يۇيباۋ − ۋ چىڭگۇڭنىڭ ءوزى باۋلىپ جەتىلدىرگەن شاكىرتتەرىنىڭ ءبىرى. سول جىلدارى الەۋمەتتىك اۋماققا العاش قىزمەت ىستەۋگە كەلگەن چىن يۇيباۋ ۇساق - تۇيەك قىزمەتتەر مەن قات - قابات اۋىر مىندەتتەردى كورىپ شەگىنۋ ويىنا كەلەدى. ۋ چىڭگۇڭنىڭ ءوزى ونەگە كورسەتۋىمەن ول ەڭ سوڭىندا الەۋمەتتىك اۋماقتا قالادى.
ۋ چىڭگۇڭ ءوزىنىڭ تالاي جىلدان بەرگى الەۋمەتتىك اۋماق قىزمەت تاجىريبەلەرىن جاستارعا ۇيرەتتى. ماكرولىق جاقتا قىزمەت وتەۋ، ميكرولىق جاقتا جەتەكشىلىك ەتۋ، باسقانىڭ ورنىندا تۇرىپ ويلاۋ، تالماۋ تۇيىندەردى ءدال تابۋ، بار شارۋانى ءوزى تىندىرۋ... ۋ چىڭگۇڭنىڭ بويىنان ۇيرەنگەن وسى قىزمەت تاجىريبەلەرى جاستاردىڭ جۇمىس ورنىندا تەز ەسەيىپ - جەتىلۋىنە سەپتىگىن تيگىزدى. 2017 - جىلى قۇمىل قالاسى يجوۋ رايوندىق پارتكومنىڭ ۇيىمداستىرۋ ءبولىمى تۋانجيە الەۋمەتتىك اۋماعىندا ”ۋ چىڭگۇڭ قوعامدىق قىزمەت دارىندىلارى قىزمەت كەڭسەسىن“ قۇردى. قىزمەت كەڭسەسىنە سۇيەنە وتىرىپ، ۋ چىڭگۇڭ ىلگەرىندى - كەيىندى 10 تاڭداۋلى الەۋمەتتىك اۋماق قىزمەتكەرىن باۋلىپ جەتىلدىردى، بۇلاردىڭ جەتەۋى الەۋمەتتىك اۋماق پارتيا ياچەيكاسىنىڭ شۋجيى نەمەسە الەۋمەتتىك اۋماق مەڭگەرۋشىسى مىندەتىن ۇستىنە الدى.
