تيانشان تورى   ›   جاڭالىقتار   ›   شينجياڭ حابارلارى

پارتيانىڭ ابزال ساياساتىن جىرلاعان ساحارا ”بۇلبۇلى“

− اراسان اۋدانى شاعانتۇڭگە اۋىلىنىڭ ورىنباسار باستىعى كانديداتى باقىتگۇل وجەتقان تۋرالى

 شينجياڭ گازەتىنىڭ بۇراتالا تىلشىلەر پۋنكتىنەن جاڭ شينيان

  8 - ايدىڭ 7 - كۇنى كەشتە اراسان اۋدانى شاعانتۇڭگە اۋىلىنىڭ مادەنيەت الاڭىندا ورىنباسار اۋىل باستىعى كانديداتى باقىتگۇل وجەتقان كادر - بۇقارانى اراسان اۋدانىنىڭ جالپى حالىقتىق دەنە شىنىقتىرۋ قيمىلىنا قاتىناسۋعا دايىندالۋ ءۇشىن راديو گيمناستيكاسىن ويناۋعا ۇيىمداستىرىپ جاتىپتى. بيىل 4 - ايدا اراسان اۋدانى شاعانتۇڭگە اۋىلىنا قىزمەتكە كەلگەننەن بەرى، باقىتگۇل جاڭا قىزمەت ورنىنا بەلسەنە ارالاسىپ، ىنتالى جۇرەكپەن نەگىزگى ساتىعا تامىر تارتىپ، نەگىزگى ساتىعا قىزمەت وتەپ، نەگىزگى ساتىعا ۇلەس قوستى.

  باقىتگۇل 2010 - جىلى داشۋەدەن وقۋ تاۋىسقان سوڭ، تاڭداپ جىبەرىلگەن ستۋدەنت رەتىندە، اراسان اۋدانى زالامۇتۇ اۋىلىنا قىزمەتكە بولىنەدى. ءان مەن بيگە شەبەر ول ءوزىنىڭ ارتىقشىلىعىن ساۋلەلەندىرىپ، سول جەردە تانىمال ”حالىقتىق“ ۇگىتشىگە اينالدى.

■ پارتيانىڭ ابزال ساياساتىن ۇگىتتەۋشى

  ”ومىردەگى ءاربىر قىزمەتتى دۇرىس اتقارىپ، ومىردەگى ءاربىر بۇرىلىستان جاقسى ءوتىپ، ’قوس 100 جىلدىق‘ ءۇشىن بىلەك سىبانىپ، قۇلشىنا جىگەرلەنە ىستەيمىن...“ 8 - ايدىڭ باسىندا اراسان اۋدانىنداعى كونسەرتتىك قويىلىمدا ءتىلشى باقىتگۇلگە جولىقتى، ول دومبىراسىن قۇشاقتاپ، ساحنا ورتاسىندا دومبىرامەن ەلىتە ءان سالىپ، پارتيانىڭ ابزال ساياساتىن حالىق تۇرمىسىنا جاناسىمدى تاسىلمەن ءار ۇلت بۇقاراسىنا ۇگىتتەۋدە ەكەن.

  باقىتگۇل بالا كۇنىنەن دومبىرا شەرتكەندى ۇناتادى، 14 جاسىنان باستاپ - اق اقىندار ايتىسىنا قاتىسا باستاپتى. ولەڭ قۇراپ، اۋەن جازىپ، دومبىرا شەرتىپ، ءان سالا الاتىن ول ساحارانىڭ ”بۇلبۇلى“ اتانعان. نەگىزگى ساتىداعى جاس كادر رەتىندە، ول ىرىقتى تۇردە ءوز ارتىقشىلىعىن ساۋلەلەندىرىپ، حالىق تۇرمىسىنا ەڭ جاناسىمدى تىلمەن اتىز باسىندا، اۋىل اراسىندا ارالاپ ءجۇرىپ ۇگىت - لەكسيا جۇرگىزىپ، دومبىرامەن ءان شىرقاپ پارتيانىڭ ءۇنىن سانسىزداعان وتباسىلارىنا جەتكىزدى.

  قىزمەتكە قاتىناسقاننان بەرى، باقىتگۇل قىزمەتتىڭ ءىس جۇزىندىگىمەن بىرلەستىرىپ، حالىققا ءتيىمدى ساياساتتاردى، ۇلتتار ىنتىماعى اڭگىمەلەرىن ءوزى ولەڭگە قۇراپ ۇگىتتەپ، وڭ ەنەرگيا تاراتىپ كەلەدى. 2015 - جىلى جۇڭگو كوممۋنيستىك پارتياسى ورتالىق كوميتەتى جاڭادان وزگەرىس ەنگىزىلگەن «جۇڭگو كوممۋنيستىك پارتياسىنىڭ پاك، تارتىپشەڭ بولۋ ولشەمى» مەن «جۇڭگو كوممۋنيستىك پارتياسىنىڭ ءتارتىپ جازاسى ەرەجەسىن» اتقارۋدى جاريالاعاندا، باقىتگۇل «ولشەم» مەن «ەرەجە»نىڭ مازمۇندارىن ۇعىنىقتى، قاراپايىم تىلمەن ءان ءسوزى ەتىپ جازىپ، زالامۇتۇ اۋىلىنىڭ ءاربىر قىستاقتارىن ارالاپ ايتىپ، ۇگىتتەپ شىقتى.

  2016 - جىلدىڭ سوڭىندا باقىتگۇل اۆتونوميالى رايوننىڭ ”ۇعىسۋ، تيىمدىلىك جاساۋ، توعىستىرۋ“ بويىنشا ۇگىت - لەكسيا بەينەجازبالارىن ءتۇسىرۋ قىزمەتىنە قاتىناستى. كورنەكتى بەينەسىمەن كوزگە تۇسكەندىكتەن باعدارلاما توبى ول تۇسىرەتىن بەينەجازبا سانىن بۇرىنعى 4تەن 8گە كوبەيتتى، ول ايتىپ ۇگىتتەگەن مازمۇندار وپتيكالىق ديسكىگە جازىلىپ، قىستاقتا تۇراتىن قىزمەت اترەتتەرىنە تاراتىلىپ، ”ۇعىسۋ، تيىمدىلىك جاساۋ، توعىستىرۋ“ ۇگىتىنىڭ العاشقى ماتەريالى بولدى.

  2017 - جىلى باقىتگۇل ورتالىق كوميتەت ۇگىت ءبولىمىنىڭ ”نەگىزگى ساتىدا نازاريا ۇگىتتەۋشىلەردىڭ مەملەكەتتىك وزاتى“ اتاعىنا يە بولدى، بۇل داڭقتى اتاق ونىڭ كوپ جىلدان بەرگى ۇگىت - لەكسيا قىزمەتىنىڭ ەڭ جاقسى قارىمجىسى سانالادى.

■ ۇلتتار ىنتىماعىن امالياتتا ايگىلەۋشى

  ”لو اتاي، بۇگىن قانداي تاماق جەگىڭىز كەلەدى، مەن سىزگە جاساپ بەرەيىن“. 8 - ايدىڭ 2 - كۇنى باقىتگۇل اراسان اۋدانى اڭگىرلىك قالاشىعى بۋرىلتۇڭگە قىستاعىنداعى تۋىسى لو حۇيميڭنىڭ ۇيىنە امانداسا كەلدى.

  جۇپ قۇراپ، تۋىس بولعان 3 جىلدا باقىتگۇل لو حۇيميڭ كاريامەن ءبىر ءۇيلى جانداي ەتەنە بولىپ كەتتى. جاسى ۇلعايعان، دەنساۋلىعى ءالسىز، اۋرۋشاڭ لو اتاي بىرنەشە جىلدىڭ الدىندا ءوتىن الدىرۋ، باۋىرىن كەسۋ سياقتى وپەراتسيالار جاساتقان بولاتىن، باقىتگۇل لو اتايدىڭ دەنساۋلىق جاعدايىنا ءار دايىم كوڭىل ءبولىپ كەلەدى. ءار جولى لو اتايدىڭ ۇيىنە بارعان سايىن ول ءدارى - دارمەك جانە دەنساۋلىققا پايدالى ازىقتىقتار الا كەلىپ، قولىنان كەلگەنشە جۇمىس ىستەپ كومەكتەسىپ تۇرادى.

  2017 - جىلى لو اتايدىڭ ءۇيى ەككەن كارتوپتىڭ ءتۇسىمى مول بولعانىمەن، ساتىلىمى جاقسى بولماي، باقىتگۇل جان - جاققا شاپقىلاپ ساتۋ جولدارىن قاراستىرادى. نەبارى 2 كۇننىڭ ىشىندە - اق ول 20 نەشە داعار كارتوپ ساتىسادى، لو اتاي قۋانا: ”پارتيا ماعان قانداي جاقسى قىز جىبەرگەن دەسەڭىزشى، كەمپىرىم ەكەۋىمىز ايرىقشا ريزامىز!“ دەيدى.

  2017 - جىلى 2 - ايدا باقىتگۇل ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇرۋ قىزمەتىنە قاتىناسۋعا ءوتىنىش بەرىپ، بۋرىلتۇڭگە قىستاعىنا كەلىپ، لو اتايمەن بايلانىسى بۇرىنعىدان دا جيىلەي تۇسەدى.

  بۋرىلتۇڭگە قىستاعى كوپ ۇلت بىرگە قونىستانعان، ەگىن شارۋاشىلىعىمەن شۇعىلداناتىن قىستاق. قىستاقتاعى ءار ۇلت اۋىلداستار تاتۋ، بەرەكەلى، ىنتىماقتى، جاراسىمدى وتەدى. بۇل جىلدا بۋرىلتۇڭگە قىستاعى ”ۇلتتار ىنتىماعىنىڭ بەرەكەلى شاڭىراعىن“ نەگىزگى تاقىرىپ ەتكەن ءبىرسىپىرا قيمىلدار وتكىزەدى. ءار جولعى قيمىلدا باقىتگۇل جۇرگىزۋشى ءسوزىن جازۋعا، قيمىلدىڭ كۇن ءتارتىبىن ورنالاستىرۋعا، ويىن نومىرلەرىن دايىنداۋعا كومەكتەسەدى، باي مازمۇندى، ءار الۋان مادەنيەت، دەنە تاربيە قيمىلدارى پارتيا مەن بۇقارانىڭ، كادرلار مەن بۇقارانىڭ قاتىناسىن جاقىنداتىپ، بۇقارانىڭ مادەني تۇرمىسىن بايىتتى.

■ نەگىزگى ساتى قىزمەتىن ىلگەرىلەتۋشى

  ”ساباقتاستار، سەندەر وتاننىڭ بولاشاعىسىڭدار، سەندەردىڭ ءتىپتى دە الىسقا قانات قاعۋلارىڭدى تىلەيمىن...“ ءسوز اياقتاي بەرە دۋ قول شاپالاق ءۇنى كوتەرىلدى. بيىل باقىتگۇل اراسان اۋدانى شاعانتۇڭگە اۋىلىنىڭ ورىنباسار باستىعى كانديداتتىعىنا كورسەتىلدى. اۋىلعا قايتقان ستۋدەنتتەردىڭ قوعامنىڭ جاراسىمدىلىعىن جەبەۋدەگى بەلسەندى رولىن تولىق ساۋلەلەندىرۋ ءۇشىن، ول اۋىلعا قايتقان ستۋدەنتتەردى اراسان اۋداندىق مۇراجايدى جانە بەيني سارايىن ەكسكۋرسيالاۋعا ۇيىمداستىرىپ، اڭگىمە ءماجىلىس اشتى. ساباقتاستار ىركەس - تىركەس لەبىز ءبىلدىرىپ، اۋىلدارىنىڭ وزگەرىستەرى، وتانعا دەگەن قىزۋ سۇيىسپەنشىلىك جانە بولاشاقتاعى كاسىپ تىرشىلىگى جوسپارلارى تۋرالى ءسوز قوزعادى.

  شاعانتۇڭگە اۋىلىندا باقىتگۇل، باستىسى، مادەنيەت، دەنە تاربيە، ساياحات، وقۋ - اعارتۋ، بازار باقىلاۋ - باسقارۋ سياقتى قىزمەتتەرگە جاۋاپتى. جاڭا قىزمەت ورنىندا ول قىسىمدى قوزعاۋشى كۇشكە اينالدىرىپ، قاي - قاشان دا كىشى پەيىل، بايسالدى بولۋ، ءوزىن تارتىپكە شاقىرۋ پەيىلىمەن بارلىق جەردە كوممۋنيستىك پارتيا مۇشەسىنىڭ ولشەمى بويىنشا وزىنە قاتاڭ تالاپ قويىپ، ءار جاقتاعى قىزمەت قابىلەتىن ۇزدىكسىز جوعارىلاتتى.

  نازاريالىق جەتىلىمدى كۇشەيتۋ ءۇشىن، باقىتگۇل جۇمىستان سىرت ۋاقىتتارىنان تولىق پايدالانىپ، پارتيانىڭ حالىققا ءتيىمدى ساياساتتارى، ۇلت، ءدىن ساياساتى سياقتى قاتىستى بىلىمدەردى ۇيرەنۋدى ۇزدىكسىز كۇشەيتىپ، ءار قادامىن نىق باسىپ، بۇكىل ىنتا - پەيىلىمەن ءاربىر قىزمەتتى ويداعىداي جۇرگىزىپ، ناقتى ءىستى، يگى ءىستى بۇقارانىڭ كوڭىلىنەن شىعارا وتىرىپ جاقسى ىستەۋگە قۇلشىنۋدا.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى