تيانشان تورى   ›   جاڭالىقتار   ›   ايبىندى 70 جىل ، كۇرەسكە تولى جاڭا ءداۋىر

رايونىمىزدىڭ اۋىل شارۋاشىلىق ماشينالارى زەردەلىلەنۋ داۋىرىنە قادام تاستادى

  ءتىلشى ليۋ ي 9 - ايدىڭ 5 - كۇنى ۇرىمجىدەن حابارلايدى. ءتىلشى اۆتونوميالى رايوندىق اۋىل شارۋاشىلىعىن ماشينالاندىرۋدى باسقارۋ مەكەمەسىنەن مىنانى ۇعىستى: بيىل جىل باسىنان بەرى رايونىمىز ساياسات ارقىلى جەتەكشىلىك ەتۋ تەبىنىن ارتتىرىپ، زور قۋاتتى، جوعارى يقۋاتتى، كۇردەلى جۇمىس جۇرگىزەتىن اۋىل شارۋاشىلىق ماشينالارى جابدىقتارىن بەلسەنە جالپىلاستىرىپ، كونەرگەن، ەسكىرگەن، ەنەرگيانى كوپ جۇمسايتىن ماشينا جابدىقتاردى جاڭالاۋدى ىلگەرىلەتىپ، ءبىر توپ زەردەلىلەندىرىلگەن، ينفورماتسيالاندىرىلعان ماشينا جابدىقتار اۋىل شارۋاشىلىعى ءوندىرىسىنىڭ ءار بۋىنىندا قولدانىلعان. 8 - ايدىڭ سوڭىنا دەيىن بۇكىل رايوندا بەرىلگەن اۋىل شارۋاشىلىق ماشينالارى قوسىمشا قاراجات قارجىسى جيىنى 521 ميلليون يۋان بولىپ، 25 مىڭ 650 ماشينا جابدىققا قوسىمشا قاراجات بەرىلگەن، يگىلىگىن كورگەن شارۋالار وتباسى 18 مىڭ 500 بولىپ، مۇنىڭ ىشىندە وڭتۇستىك شينجياڭداعى 4 ايماق، وبلىس %57تەن استامىن يەلەگەن.

  تاياۋ جىلداردان بەرى رايونىمىز سۋ ۇنەمدەپ سۋارۋ، دالمە - ءدال اۋىل شارۋاشىلىق ماشينالارىمەن جۇمىس ىستەۋ سياقتى ماشينالاندىرۋ تەحنيكاسىن بەلسەنە جالپىلاستىرىپ، جاسىل، قورشاعان ورتانى قورعايتىن، جوعارى ءونىمدى، ۇنەمدى بولاتىن ماشينالاندىرۋ جابدىقتارى مەن تەحنيكانى جالپىلاستىرىپ قولدانۋدى كەڭەيتتى، بۇكىل رايوندا ەنەرگيانى ۇنەمدەپ، قۇراۋدى ازايتاتىن اۋىل شارۋاشىلىعىن ماشينالاندىرۋدان ۇلگى كورسەتۋ اۋماعىنان تورتەۋى، اۋىل شارۋاشىلىق ماشينالارى تەحنيكاسىن توپتاستىرىپ ۇلگى كورسەتۋ اۋماعىنان 40ى قۇرىلىپ، تىڭايتقىشتى ۇنەمدەۋ، تۇقىمدى ىركۋ، سۋدى تەجەۋ سياقتى ءبىر توپ تەحنيكالار جابدىعىن توپتاستىرىپ سايكەستىرۋ ۇلگى كورسەتۋ اۋماقتارىندا گۇل اشىپ، جەمىس بەرۋدە.

  سونىمەن بىرگە، رايونىمىز جۇگەرىدەن ءونىم الۋ، ماقتادان ءونىم الۋ، قالدىق جارعاقتى جيناپ الۋ سياقتى ءالسىز بۋىنداردا الدىمەن قوسىمشا قاراجات بەرۋگە تاباندى بولىپ، جابدىق سانىن جەدەل ارتتىرىپ، جابدىقتىڭ يقۋات ورەسىن جوعارىلاتتى. جابدىقتىڭ ساقتالۋ مولشەرى جوعارى، ماشينالاندىرىلۋ ورەسى ءبىرشاما جوعارى جۇمىس بۋىندارىندا ەنەرگيا كوپ جۇمسالاتىن، لاستاۋى اۋىر، ونىمدىلىگى تومەن كونەرگەن، ەسكىرگەن اۋىل شارۋاشىلىق ماشينالارىن كەرەكسىز ەتىپ، جاڭالاۋدى جەدەلدەتىپ، اۋىل شارۋاشىلىق ماشينالارى جابدىقتارىنىڭ قۇرىلىمىن اناعۇرلىم ساپالىلاندىرىپ، اۋىل شارۋاشىلىق ماشينالارى جابدىقتارىنىڭ ورەسىن جوعارىلاتتى.

  قازىر رايونىمىزدا 30 ات كۇشىنەن جوعارى 290 مىڭ تراكتور، 1330 ماقتا تەرۋ ماشيناسى بار، قولدانىستاعى اۋىل شارۋاشىلىق ماشينالارىنىڭ ىعىستىرۋ ورەسىندە تومەندەۋ جاعدايى جارىققا شىقتى، بۇكىل رايونداعى نەگىزگى اۋىل شارۋاشىلىق داقىلدارىنىڭ ۋنيۆەرسال ماشينالاندىرىلۋ ورەسى %84.68كە، ەگىنشىلىك، ورمانشىلىق، مال شارۋاشىلىق، بالىقشىلىقتىڭ ۋنيۆەرسال ماشينالاندىرىلۋ ورەسى %68كە، ءبيدايدىڭ ۋنيۆەرسال ماشينالاندىرىلۋ ورەسى %98.2كە جەتتى، ماقتانىڭ ۋنيۆەرسال ماشينالاندىرىلۋ ورەسى %80تەن استى.

  بيىل رايونىمىز اۋىل شارۋاشىلىق ماشينالارىن ساتىپ الۋ قوسىمشا قارجىسى سياقتىلاردا الدىمەن وڭتۇستىك شينجياڭداعى 4 ايماق، وبلىستىڭ قارجى قاجەتىن قاناعاتتاندىرۋعا ۇزدىكسىز تاباندى بولىپ، ساتىپ الۋ قوسىمشا قارجىسىنان 369 ميلليون 100 مىڭ يۋان ورنالاستىردى، بۇل بۇكىل رايونداعى ساتىپ الۋ قوسىمشا قارجىسى جالپى سوماسىنىڭ %61.5ىن يەلەدى؛ تەرەڭدەي قوپسىتۋ جاردەماقى قارجىسىنان 41 ميلليون 400 مىڭ يۋان ورنالاستىردى، بۇل بۇكىل رايونداعى تەرەڭدەي قوپسىتۋ جاردەماقى قارجىسى جالپى سوماسىنىڭ %41.4ىن يەلەدى؛ اۆتونوميالى رايوننىڭ قازىنالىق سۇيەمەلدەۋى بويىنشا اۋىل شارۋاشىلىعىن ماشينالاندىرۋدى دامىتۋ ارناۋلى قارجىسىنان 5 ميلليون 630 مىڭ يۋان ورنالاستىردى، بۇل بۇكىل رايونداعى قازىنالىق سۇيەمەلدەۋ بويىنشا اۋىل شارۋاشىلىعىن ماشينالاندىرۋدى دامىتۋ ارناۋلى قارجىسى جالپى سوماسىنىڭ %50.04ىن يەلەدى.

  قوسىمشا قاراجات ساياساتىمەن ءتۇيىندى تۇردە قولداۋ ارقىلى اۋىل شارۋاشىلىق ماشينالارى جابدىقتارىنىڭ قۇرىلىمىن اناعۇرلىم ساپالىلاندىرىپ، اۋىل شارۋاشىلىق ماشينالارى جابدىقتارىنىڭ ورەسىن جوعارىلاتتى.

  بيىل اقسۋ ايماعى، بايىنعولين موڭعۇل اۆتونوميالى وبلىسى، قاشقار ايماعى ماقتانى تامشىلاتىپ سۋارۋدا، سۋ مەن تىڭايتقىش ءبىر تۇلعالاندىرىلعان ماشينامەن تەرۋ، ەگۋ ۇلگىسى قولدانىلعان جەر اۋدانىندا تىڭ ناتيجە كورىلدى. 3 ايماق، وبلىستىڭ ماشينامەن تەرۋ، ەگۋ ۇلگىسى قولدانىلعان جالپى جەر اۋدانى 8 ميلليون 186 مىڭ مۋعا جەتىپ، سايكەس مەزگىلدەگىدەن %28.6 ارتتى.

  اۋىل شارۋاشىلىق ماشينالارى جابدىقتارىن جاڭالاپ، اۋىستىرۋمەن ءبىر ۋاقىتتا، رايونىمىز اۋىل شارۋاشىلىق ماشينالارىنىڭ قوعامدانعان قىزمەت وتەۋىندە ورنىقتى دامۋدى جۇزەگە اسىردى. قازىرگى ۋاقىتتا تۇتاس رايونىمىزداعى اۋىل شارۋاشىلىق ماشينالارى كاسىپتىك سەلبەستىك ۇيىمدارى 1048گە، كووپەراتيۆ مۇشەلەرى 18 مىڭ 500 ادامعا جەتىپ، تيەسىلى ماشينا جابدىقتار 30 مىڭ بولىپ، سەلبەستىك كووپەراتيۆتىڭ جىلدىق قىزمەت وتەۋ جالپى كىرىسى ءبىر ميلليارد يۋان بولعان. جەردى اماناتتاۋ، جەردى جارناعا قوسۋ، جەردى اينالىمعا سالۋ، جۇمىستىق قىزمەت وتەۋ مەن قامداۋ سياقتى كوپ ءتۇرلى ءتاسىل ارقىلى تيجاراتتىق قىزمەت وتەۋ كولەمىن كەڭەيتىپ، قىزمەت وتەۋ اۋماعى 16 ميلليون مۋعا تايادى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • وڭتۇستىك شينجياڭنان ەكسپورت ەتىلگەن زاتتار جۇڭگو - ەۆروپا كەزەكشى پويەزدەرىمەن ”باتىسقا شىعارىلدى“
  • باتىس سولتۇستىك مۇناي الابى: جوعارى ساپالى دامۋدىڭ ەنەرگيا جاۋابىن قۇلشىنا جازۋدا
  • كورلانىڭ ەرىكتى قىزمەت وتەۋى وركەنيەت ماركاسىنا اينالدى