شينحۋا اگەنتتىگىنىڭ 9 - ايدىڭ 5 - كۇنى بەيجيڭنەن بەرگەن حابارى. تاياۋدا ورتالىقتىڭ ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىنە باسشىلىق ەتۋ گرۋپپاسى «2 - توپتاعى ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىن ورىستەتۋ جونىندەگى جەتەكشى پىكىر»دى باسىپ تاراتىپ، مىنالاردى اتاپ كورسەتتى: 2 - توپتاعى نەگىزگى تاقىرىپتىق تاربيەدە باس شۋجي شي جينپيڭنىڭ ماڭىزدى نۇسقاۋىنىڭ رۋحىن جانە ورتالىقتىڭ ورنالاستىرۋلارىن، تالاپتارىن مۇقيات ۇيرەنىپ، دايەكتىلەندىرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنۋدى، دايەكتىلەندىرۋدى ءتۇبىرلى مىندەت ەتىپ، اۋەلگى ماقساتتان اينىماۋ، بورىش ارقالاۋ، پارىقتى تابۋ، تياناقتاندىرۋدى يگەرۋ باس تالابىن جاپپاي يگەرىپ، يدەيالىق تانىمدى يگەرۋدى تىڭعىلىقتى جۇرگىزۋگە، ماسەلەلەردى قاداعالاۋدى يگەرۋدى تىڭعىلىقتى جۇرگىزۋگە، رەتتەۋ - تۇزەتۋدى تياناقتاندىرۋدى يگەرۋدى تىڭعىلىقتى جۇرگىزۋگە، ۇيىمدىق باسشىلىقتى يگەرۋدى تىڭعىلىقتى جۇرگىزۋگە تاباندى بولىپ، 1 - توپتاعى نەگىزگى تاقىرىپتىق تاربيەنىڭ تابىستى تاجىريبەلەرىنەن تولىق ۇلگى الىپ، ونى قولدانىپ، وزىنە تۇبەگەيلى توڭكەرىس جاساۋ رۋحىمەن اۋەلگى ماقسات پەن بورىشقا قايشى كەلەتىن ءتۇرلى ماسەلەلەردى شەشىپ، نازاريالىق ۇيرەنۋدە تابىس بولۋ، يدەيا - ساياسيدا سىننان ءوتۋ، ءىس تىندىرىپ، شارۋاشىلىق قۇرۋدا باتىل جاۋاپكەرشىلىك ارقالاۋ، حالىق ءۇشىن قىزمەت وتەۋدە قيىن ماسەلەلەردى شەشۋ، پاك، كىرشىكسىز بولۋدا ۇلگى بولۋ نىساناسىن قۇلشىنا جۇزەگە اسىرۋ كەرەك.
پىكىرگە ساي، 2 - توپتاعى نەگىزگى تاقىرىپتىق تاربيە 2019 - جىلى 9 - ايدا باستالىپ، 11 - ايدىڭ سوڭىندا اياقتايدى. باستىسى، ورتالىق باسقاراتىن جوعارى مەكتەپتەر جانە باسقا دا جوعارى مەكتەپتەر، قالالىق، اۋداندىق ورگاندار، سونداي - اق وعان توتە قاراستى ورىندار جانە كاسىپورىن، ءىسورىندارى، اۋىل - قالاشىقتار، مالىلەر جانە قىستاقتار، الەۋمەتتىك اۋماقتار، جالپىلىق مەنشىككە جاتپايتىن شارۋاشىلىق ۇيىمدارى، قوعامدىق ۇيىمدار جانە باسقا دا نەگىزگى ساتى ۇيىمدارى، 1 - توپتاعى نەگىزگى تاقىرىپتىق تاربيەگە قاتىناسپاعان ورتالىق پەن مەملەكەت ورگاندارى، ورتالىق باسقاراتىن فينانس كاسىپورىندارىنىڭ، ورتالىق باسقاراتىن كاسىپورىنداردىڭ ۋاكىلەتتى جانە بولىمشە قۇرىلىمدارى قامتىلادى.
پىكىردە مىنالار باسا دارىپتەلدى: 2 - توپتاعى نەگىزگى تاقىرىپتىق تاربيەنى ورىستەتۋدە شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ سىندى وسى نەگىزگى جەلىنى ارقاۋ ەتىپ، پارتيا مۇشەلەرىن، كادرلاردى ءتۇپ نۇسقادان ۇيرەنۋگە جەتەكتەپ، نازاريا ارقىلى اۋەلگى ماقساتتى نارلەندىرىپ، نازاريا ارقىلى بورىشقا جەتەكشىلىك ەتىپ، ”ءتورت تانىم“دى كۇشەيتۋ، ”ءتورت سەنىم“دى بەكەمدەۋ، ”ەكىنى قورعاۋ“دى ورىنداۋ كەرەك. ماسەلەنى باعدار ەتۋدى كورنەكتىلەندىرۋ كەرەك، ياعني پارتيا مۇشەلەرىنىڭ، كادرلاردىڭ ءوز بويىندا ورىن تەپكەن ماسەلەلەرىن، اسىرەسە، يدەيالىق تامىرداعى ماسەلەلەرىن كۇش سالا شەشىپ، مۇرات - سەنىمنەن اينىماۋ، اۋەلگى ماقساتتان، بورىشتان اۋىتقىماۋ ءارى بۇقارانىڭ ەڭ كوڭىل ءبولىپ وتىرعان، ەڭ تىكە، ەڭ رەال مۇددە ماسەلەسىن كۇش سالا شەشىپ، حالىقتىڭ مۇددەسىن كوزدەۋ، حالىق ءۇشىن جاۋاپكەرشىلىك ادا ەتۋ ءىس جۇزىندىك ناتيجەسى ارقىلى حالىقتىڭ سەنىمىنە يە بولۋ كەرەك. اۋدان، باسقارما دارەجەلىدەن جوعارى باسشى كادرلاردى ءتۇيىن ەتىپ، الدىمەن ۇيرەنۋ، الدىمەن تۇزەتۋ، بىلگەن زامان تۇزەتۋ، قالىڭ پارتيا مۇشەلەرىنىڭ، كادرلاردىڭ ۇيرەنۋ تاربيەسىنە ۇلگى كورسەتۋ، جەتەكشىلىك ەتۋ كەرەك. نەگىزگى تاقىرىپتىق تاربيەنى جاڭا جۇڭگو قۇرىلعاندىعىنىڭ 70 جىلدىعىن قۇتتىقتاۋمەن ۇشتاستىرىپ، قالىڭ پارتيا مۇشەلەرىن، كادرلاردى تاريحتى ۇمىتپاۋعا، اۋەلگى ماقساتتى ۇمىتپاۋعا جەتەكتەپ، كۇرەسكەرلىك رۋحتى جانە توڭكەرىستىك رۋحتى باستان - اياق ساقتاپ، كۇرەس جۇرگىزۋگە باتىل بولىپ، كۇرەس جۇرگىزۋگە شەبەر بولىپ، ءتۇرلى قيىنشىلىقتاردى، كەدەرگىلەردى، حاۋىپ - قاتەرلەردى، سىن - سايىستاردى باتىلدىقپەن جەڭىپ، جاڭا داۋىردەگى جۇڭگوشا سوتسياليزمنىڭ جاڭا جەڭىسىنە كۇش سالا قول جەتكىزۋ كەرەك.
پىكىردە بىلاي دەپ اتاپ كورسەتىلدى: اۋدان، باسقارما دارەجەلىدەن جوعارى باسشىلىق القاسىنىڭ جانە باسشى كادرلاردىڭ نەگىزگى تاقىرىپتىق تاربيەسىن كورنەكتى تۇردە ويداعىداي يگەرۋ كەرەك. نازاردى نەگىزگى تاقىرىپتىڭ نەگىزگى جەلىسىنە شوعىرلاندىرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋدى، دايەكتىلەندىرۋدى مىقتاپ ارقاۋ ەتىپ، باس شۋجي شي جينپيڭنىڭ ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ جونىندەگى ماڭىزدى بايىمداۋىن تىعىز ارقاۋ ەتىپ، ۇيرەنۋ - تاربيە، تەكسەرۋ - زەرتتەۋ، ماسەلەنى قاداعالاۋ، رەتتەۋ - تۇزەتۋدى تياناقتاندىرۋدى ورىستەتۋ كەرەك. 4 ءتۇرلى ءتۇيىندى شارانى ءبىر تۇتاس جوسپارلاپ، ىلگەرىلەتىپ، ۇيرەنۋ مەن ىستەۋدى ۇشتاستىرىپ، تەكسەرۋ مەن رەتتەۋدى تۇتاستىرىپ، ۇيرەنۋ - تاربيەنىڭ، تەكسەرۋ - زەرتتەۋدىڭ، ماسەلەنى قاداعالاۋدىڭ، رەتتەۋ - تۇزەتۋدى تياناقتاندىرۋدىڭ ورگانيكالى توعىسۋىن، باستان - اياق ساباقتاسۋىن ىلگەرىلەتۋ كەرەك. جوعارى مەن تومەن بىرلەسىپ ارەكەتتەنىپ ارناۋلى رەتتەۋ - وڭاۋدى ويداعىداي يگەرىپ، ورتالىقتىڭ نەگىزگى تاقىرىپتىق تاربيەسىنە باسشىلىق ەتۋ گرۋپپاسىنىڭ «”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسى بارىسىندا ارناۋلى رەتتەۋ - وڭاۋ ورىستەتۋ جونىندەگى حابارلاندىرۋى» جانە ءتۇرلى ارناۋلى رەتتەۋ - وڭاۋدى اتقارۋ جوباسى بويىنشا، ارناۋلى رەتتەۋ - وڭاۋدى ەكى توپتاعى نەگىزگى تاقىرىپتىق تاربيەگە ساباقتاستىرىپ، ۇزدىكسىز ىلگەرىلەتۋ، ناقتى ونىمدىلىككە ۇمتىلۋ كەرەك.
پىكىردە مىنالار تالاپ ەتىلدى: نەگىزگى ساتى پارتيا ياچەيكاسىنىڭ ۇيرەنۋ - تاربيەسىن جانە قاداعالاۋىن، رەتتەۋ - تۇزەتۋىن ناقتىلاندىرۋ كەرەك. اۋدان، باسقارما دارەجەلىدەن جوعارى باسشى كادرلاردان جانە پىكىردى پايدالانىپ اتقاراتىن باسشىلىق القاسىنان باسقا پارتيا مۇشەلەرى نەگىزگى تاقىرىپتىق تاربيەگە قاتىناسادى، پارتيا ياچەيكاسىن بىرلىك ەتىپ، ”ەكىنى ۇيرەنۋ، بىردە تولىمدى بولۋ“ ۇيرەنۋ - تاربيەسىن ۇدايىلاندىرۋمەن، تۇزىمدەندىرۋمەن ۇشتاستىرىپ، ”3 جيىن، ءبىر ساباق“قا، نەگىزگى تاقىرىپتىق پارتيا كۇنى سياقتىلارعا سۇيەنۋ ارقىلى جۇرگىزۋ كەرەك. ۇيرەنۋ - تاربيەنى ويداعىداي يگەرىپ، پارتيا مۇشەلەرىن جەكەلەي وزدىگىنەن ۇيرەنۋدى نەگىز ەتىپ، «شي جينپيڭنىڭ ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ جونىندەگى بايىمداۋلارىنان ۇزىندىلەر»دى ءتۇپ نۇسقاسى بويىنشا وقىپ شىعۋ سياقتىلارعا ۇيىمداستىرۋ كەرەك. اۋەلگى ماقساتتى، بورىشتى ۇعىنىپ، پارتيالىلىق تانىمدى كۇشەيتىپ، مۇرات - سەنىمدى بەكەمدەۋ كەرەك. مۇقيات قاداعالاپ، رەتتەپ - تۇزەتىپ، پارتيا مۇشەلەرىن پارتيا ۋستاۆىندا بەلگىلەنگەن پارتيا مۇشەلەرىنىڭ شارتىنا جانە بورىشىنا، ۇقىعىنا سالىستىرۋعا، «جۇڭگو كوممۋنيستىك پارتياسىنىڭ پاك، تارتىپشەڭ بولۋ ولشەمى»نە، «جاڭا داۋىردەگى پارتيانىڭ ىشكى ساياسي تۇرمىسى جونىندەگى ءبىرقانشا ولشەمى» نە، «جۇڭگو كوممۋنيستىك پارتياسىنىڭ ءتارتىپ جازاسى ەرەجەسى»نە سالىستىرۋعا، بۇقارا ورتاعا قويعان پىكىر - ۇسىنىس سياقتىلارمەن سالىستىرۋعا ۇيىمداستىرىپ، پارتيا مۇشەسى تانىمى، جاۋاپكەرشىلىك ارقالاۋ، ءىس تىندىرۋ، بۇقاراعا قىزمەت وتەۋ، تارتىپكە بويسۇنۋ، رولىن ساۋلەلەندىرۋ سياقتى جاقتارداعى پارىقتاردى جانە جەتەرسىزدىكتەردى تەكسەرىپ تاۋىپ، ماسەلەلەردى ءبىر - بىرلەپ ءتىزىپ شىعىپ، رەتتەۋ - تۇزەتۋدى ءبىر - بىرلەپ ورىنداۋ كەرەك. تاسىلدە، ادىستە جاڭالىق اشىپ، ”ۇيرەنۋدە قۋاتتى ەل“ ۇيرەنۋ تۇعىرى سىندى قازىرگى بار پارتيا مۇشەلەرىنىڭ تاربيەلەۋ، باسقارۋ دانەكەرى تۇعىرىن قولدانۋ نەگىزىندە، تۇرلىشە توپتاعى پارتيا مۇشەلەرىنىڭ ءىس جۇزىندىگىنە باعىتتاي وتىرىپ، جاندى دا جالىندى، قۋانا تىڭداپ، سۇيىنە كورەتىن ءتاسىل قولدانىپ، دەلو ارقىلى تاربيەلەۋ، ۋيچات الەۋمەتتىك تۇعىرى، ميكرو كەسكىن سياقتىلاردان ويداعىداي پايدالانىپ، نەگىزگى تاقىرىپتىق تاربيەنىڭ باۋراۋ قۋاتى مەن ىقپال قۋاتىن كۇشەيتۋ كەرەك. نەگىزگى تاقىرىپتىق تاربيە اياقتاۋدىڭ الدىندا، پارتيا ياچەيكاسى ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“دى نەگىزگى تاقىرىپ ەتىپ، ءبىر رەت ارناۋلى تاقىرىپتاعى ۇيىمدىق تۇرمىس جيىنىن اشىپ، پارتيا مۇشەلەرىنە دەموكراتيالىق باعالاۋىن ورىستەتۋ كەرەك.
پىكىردە مىنالار ايقىندالدى: دارەجەگە، تۇرگە ءبولىپ جەتەكشىلىك ەتۋدى كۇشەيتۋ كەرەك. 2 - توپتاعى نەگىزگى تاقىرىپتىق تاربيە شارپيتىن ورىنداردىڭ جانە ادامداردىڭ كولەمى كەڭ، ءتۇرى كوپ، مولشەرى مول، جاعدايى كۇردەلى. ءىس جۇزىندىكتى شىعار ءتۇيىن ەتۋگە تاباندى بولىپ، تۇرلىشە جىكتەگىلەردىڭ، تۇرلىشە سالالاردىڭ، تۇرلىشە وبيەكتىلەردىڭ ەرەكشەلىگىنە مەڭزەس، ورنالاستىرۋدى عىلمي، ۇيلەسىمدى جاساپ، ۇيىمدىق جەتەكشىلىك ەتۋ ءتاسىلىن جاڭالاپ، ۇيرەنۋ - تاربيەنىڭ جاپپاي قامتۋىنا كەپىلدىك ەتىپ، نەگىزگى تاقىرىپتىق تاربيەنىڭ ونىمدىلىگىن كۇشەيتۋ كەرەك.
پىكىردە مىنالار باسا دارىپتەلدى: ءار دارەجەلى پارتكومدار (پارتيا باسشىلىق گرۋپپاسى) 2 - توپتاعى نەگىزگى تاقىرىپتىق تاربيە ورىستەتۋدى ماڭىزدى ساياسي مىندەت ەتىپ، قىزمەت جاۋاپكەرشىلىگىن شىنايى اتقارىپ، ۇيىمدىق باسشىلىقتى ويداعىداي يگەرۋ كەرەك. ولكەلىك (رايون، قالا) پارتكومدار ءوز ءوڭىرىنىڭ 2 - توپتاعى نەگىزگى تاقىرىپتىق تاربيەسىندە باس جاۋاپكەرشىلىك ارقالاپ، جوبالاۋدى، جەتەكشىلىك ەتۋدى كۇشەيتىپ، تياناقتاندىرۋدى، ناقتىلاندىرۋدى ىلگەرىلەتۋ كەرەك. قالالىق، اۋداندىق پارتكوم نەگىزگى تاقىرىپتىق تاربيەنى ويداعىداي يگەرۋدىڭ شەشۋشى جىگى، ءارى ءوزىن يگەرۋ، ءارى نەگىزگى ساتىنى يگەرۋ كەرەك، سونداي - اق جوعارى مەن تومەن بىرگە ارەكەتتەنەتىن رەتتەۋ - تۇزەتۋ مىندەتىن ارقالاپ، تياناقتاندىرۋ كەرەك، زەيىن - زەردەنى، كۇش - قۋاتتى شوعىرلاندىرىپ، ءبىر تۇتاس ورنالاستىرىپ، جوعارىنى تۇتاستىرىپ، تومەندى جالعاۋ رولىن تولىق ساۋلەلەندىرۋ كەرەك. ءار دارەجەلى پارتكومدار نەگىزگى تاقىرىپتىق تاربيەگە باسشىلىق ەتۋ گرۋپپاسىن جانە ونىڭ كەڭسەسىن قۇرىپ، ۇيىمداستىرۋدى، اتقارۋدى ويداعىداي يگەرۋ كەرەك. ءار دارەجەلى پارتيا ۇيىمدارىنىڭ شۋجيلەرى باستاماشىلدىقپەن ۇيرەنىپ، باستاماشىلدىقپەن تۇزەتىپ، باستاماشىلدىقپەن يگەرىپ، ءبىرىنشى جاۋاپتى ادام بولۋ جاۋاپكەرشىلىگىن شىنايى ارقالاۋ كەرەك.
