ءتىلشى ميھىرگۇل ناسىر 9 - ايدىڭ 6 - كۇنى ۇرىمجىدەن حابارلايدى. اۆتونوميالى رايوندىق باس جۇمىسشى ۇيىمى 9 - ايدىڭ 4 - كۇنى 2019 - جىلعى شينجياڭداعى ”ەڭ ارداقتى قىزمەتكەر“ ەسىمدىگىن بۇكىل قوعامعا جاريالادى، ولار مۇناي، ەمدەۋ، سالىق ىستەرى، قۇرىلىس، مادەنيەت - ساياحات، ەلەكتر، وقۋ - اعارتۋ سياقتى سالالاردان كەلگەن 12 وزات ۋاكىل.
”ەڭ ارداقتى قىزمەتكەر“ − بۇكىل رايونداعى ءار دارەجەلى جۇمىسشى ۇيىمىنىڭ تانىستىرۋىمەن، العاشقى سارالاۋ، ينتەرنەتتە داۋىس بەرۋ سياقتى بۋىندار ارقىلى 2019 - جىلى مەملەكەتتىك 1 - مامىر ەڭبەك مەدالىنا، شينجياڭدى وركەندەتۋ، گۇلدەندىرۋ مەدالىنا يە بولعانداردىڭ اراسىنان كورسەتىلىپ شىققان ۇزدىك قىزمەتكەرلەردىڭ ۋاكىلدەرى. ولاردىڭ اراسىندا نەگىزگى ساتىعا تامىر تارتىپ، ەلەكتر جالعاستىرعىشتى قورعاۋ قىزمەتىمەن 20 نەشە جىل شۇعىلدانعان حۋاڭ شينمين، قاعىر تاۋدى جاسىلداندىرۋ ىسىنە 30 نەشە جىل ات سالىسقان حۋا يۇن، ءار ۇلت بۇقاراسىنا شىن جۇرەگىمەن قىزمەت وتەگەن لياۋنيڭنان شينجياڭعا كومەككە كەلگەن كادر سۇي ياۋيۇن قاتارلىلار بار. ولار ءوز كاسىبىندەگى، ءوز سالاسىنداعى وزات ۇلگىلەر بولۋمەن بىرگە، ءار ۇلت كادر - بۇقاراسىنىڭ وسكەلەڭ باعاسىنا جانە تولىق تۇراقتاندىرۋىنا دا يە بولعان.
كەلەسى قادامدا، بۇكىل رايونداعى ءار دارەجەلى جۇمىسشى ۇيىمى ”ەڭ ارداقتى قىزمەتكەر“لەردىڭ العاباسار ىستەرىن كەڭىنەن ۇگىتتەپ، ءار ۇلت جۇمىسشى - قىزمەتكەرلەردى ولاردان ۇيرەنىپ، ەڭبەك ۇلگىسى رۋحىن، ەڭبەك رۋحىن، ۇستالىق رۋحتى اناعۇرلىم اسقاقتاتىپ، بۇكىل رايوندا ەڭبەكتى داڭق سانايتىن قوعامدىق سالت پەن شەبەرلەنە تۇسەتىن قىزمەت ستيلىن قالىپتاستىرۋعا تاربيەلەيدى، جەتەكتەيدى.
