جاڭا داۋىردەگى ءتارتىپ تەكسەرۋ، باقىلاۋ - تەكسەرۋ قىزمەتىنىڭ جوعارى ساپالى دامۋىن ىلگەرىلەتەيىك
ءتىلشى جاۋ جىيۇن، ەرىكتى ءتىلشى بۋ چاڭجيە 9 - ايدىڭ 6 - كۇنى ۇرىمجىدەن حابارلايدى. 8 - ايدىڭ 26 - كۇنى اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى باسشىلىق القاسى ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسى بويىنشا ارناۋلى تاقىرىپتىق دەموكراتيالىق تۇرمىس جيىنىن اشتى. اۆتونوميالى رايوندىق پارتكومنىڭ تۇراقتى مۇشەسى، ءتارتىپ تەكسەرۋ كوميتەتىنىڭ شۋجيى، باقىلاۋ - تەكسەرۋ كوميتەتىنىڭ مەڭگەرۋشىسى ياڭ شين جيىندى باسقاردى جانە قورىتىندى ءسوز سويلەدى.
جيىندا ياڭ شين اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى باسشىلىق القاسى اتىنان قاداعالاۋ، بورشالاۋ جۇرگىزىپ، ساياسي قۇرىلىس، يدەيالىق قۇرىلىس، ۇيىمدىق قۇرىلىس، جاۋاپكەرشىلىك ارقالاۋ، ىسكەرلىك كورسەتۋ، ستيل قۇرىلىسى جاقتارىن ءتۇيىن ەتىپ، قىزمەت ءىس جۇزىندىگىمەن تىعىز ۇشتاستىرىپ، ماسەلەنىڭ ءتۇپ قاينارىنا تالداۋ جاساپ، قۇلشىنۋ بەتالىسى مەن جاقسارتۋ شارالارىن ايقىندادى. القا مۇشەلەرى ءبىر - بىردەن وزدەرىن قاداعالاپ، بورشالاپ، سىن جانە ءوز - وزىنە سىندى بۇكپەسىز ورىستەتتى.
ياڭ شين قورىتىندى سوزىندە مىنانى اتاپ كورسەتتى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدەن جازباي، ساياسي باقىلاۋدى ونان ارى كۇشەيتىپ، نازاردى جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ءسوزىنىڭ جانە ماڭىزدى نۇسقاۋىنىڭ رۋحىن دايەكتىلەندىرۋ، تياناقتاندىرۋ سياقتى جاقتاردى باقىلاۋدى، تەكسەرۋدى كۇشەيتۋگە شوعىرلاندىرىپ، پارتيا ورتالىق كوميتەتىنىڭ ساياسي بۇيرىقتارىنىڭ ىركىلىسسىزدىگىن بار كۇشپەن قامتاماسىز ەتىپ، ناقتى ارەكەت ارقىلى ”ەكىنى قورعاۋ“دى امالياتتا ورىنداۋ كەرەك. نەگىزگى تاقىرىپتىق تاربيەنى وراي ەتىپ، ۇستانىمدا، وي جەلىدە، تۇزىلىستە، مەحانيزمدە جاڭالىق اشۋدى ۇزدىكسىز ىلگەرىلەتۋ كەرەك. تەمىر سوقساڭ، ءسوزسىز، قۇرىش بولۋدان جازباي، پارتياعا شارتسىز ادال بولىپ، باتىلدىقپەن جاۋاپكەرشىلىك ارقالاپ، ىسكەرلىك كورسەتىپ، كىشى پەيىل، بايسالدى بولىپ، ”ۇشتە قاتاڭ، ۇشتە شىنايى بولۋ“دى امالياتتا ايگىلەپ، ماڭگى پارتيا مەن حالىقتىڭ ادال قورعاۋشىسى بولۋ كەرەك.
اۆتونوميالى رايوننىڭ نەگىزگى تاقىرىپتىق تاربيە 1 - ارالاپ جەتەكشىلىك ەتۋ گرۋپپاسى جيىنعا قاتىناسىپ جەتەكشىلىك ەتتى جانە باعا بەردى.
