تيانشان تورى   ›   جاڭالىقتار   ›   ايبىندى 70 جىل ، كۇرەسكە تولى جاڭا ءداۋىر

”بۇلت“ ۇستىندە ۇلاسۋ، ”بۇلت“ استىندا زەردەلى جاساۋ

ونەركاسىپ ينتەرنەتى شينجياڭنىڭ جاساۋ كاسىبىنىڭ جوعارى ساپالى دامۋىن دەمەدى، ىلگەرىلەتتى

  ءتىلشى شى شين، پراكتيكانت جاۋ شيڭمەي 9 - ايدىڭ 6 - كۇنى ۇرىمجىدەن حابارلايدى. ”بۇلت“ ۇستىندە ۇلاسۋ، ”بۇلت“ استىندا زەردەلى جاساۋ، شينجياڭنىڭ جاساۋ كاسىبى ونەركاسىپ ينتەرنەتىمەن ”ۇلاسۋ“ ارقىلى تيبىن جاڭالاپ، دەڭگەيىن ءوسىرۋ اياق الىسىن جەدەلدەتۋدە. اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسىنىڭ ساندى مالىمەتىندە كورسەتىلۋىنشە: 2018 - جىلدىڭ وزىندە، شينجياڭدا جاساۋ كاسىبى مەن ينتەرنەتتىڭ توعىسۋىنان ۇلگى كورسەتۋ بويىنشا سىناق ءتۇيىنى كاسىپورنىنان 12سى، سيستەمالىق ينتەگرال جانە جۇمساق بولشەك كاسىپورنىنان 150ى تىڭنان كوبەيگەن، 6300دەن استام كاسىپورىن ”شينجياڭ كاسپورىندارىن بۇلتقا شىعارۋ“ جوسپارىنا قوسىلعان.

  شينجياڭدا ەڭ العاش ونەركاسىپ ينتەرنەتىنە قۇشاق جايعان كاسپورىننىڭ ءبىرى رەتىندە، شينجياڭ جينفىڭ عىلىم - تەحنيكا شەكتى جارنا سەرىكتەستىگى 3 جىلدان بەرى جالپى 200 ميلليون يۋاننان استام قارجى سالىپ، ءتۇرلى كاسىپتەرىن سيفرلاندىرۋ، جەلىلەندىرۋ، زەردەلىلەندىرۋ دەڭگەيىن ارنايى جوعارىلاتۋدى جەدەل ىلگەرىلەتتى.

  جينفىڭ عىلىم - تەحنيكا سەرىكتەستىگىنىڭ باسالقاسى ۋ گاڭ مىنانى ءبىلدىردى: اينالىم ناتيجەسىنەن قاراعاندا، ونەركاسىپ ينتەرنەت قۇرىلىسى جينفىڭ عىلىم - تەحنيكا سەرىكتەستىگىنىڭ قۋات مەجەلەۋ دالدىگىن كاسىپ سالاسىنىڭ ورتاشا دەڭگەيىنەن %5 جوعارىلاتتى، ەلەكتر شىعارۋ پايداسىن %10 − %5 ءوسىردى، قۇرىلىس جۇرگىزۋ مەرزىمىن %10 − %5 قىسقارتتى، وزىندىك قۇنىن %3 − %1 ازايتتى، جەل ەلەكتر الاڭىنىڭ اينالىم، كۇتۋ وزىندىك قۇنىن %3 − %1 تومەندەتتى، ەلەۋلى ساپا حاۋىپسىزدىگى شىرعالاڭدارىنىڭ تۋىلۋ سالستىرماسى ءنول بولدى.

  شينتى ەنەرگيا شەكتى جارنا سەرىكتەستىگى ينفورماتسيا تەحنيكاسى مەن جاساۋ كاسىبىن تەرەڭ توعىستىرۋدى جانە ودان پايدالانۋدى ۇزدىكسىز تەرەڭدەتىپ، ەل ىشىندە تۇڭعىش تازا كريستالدى كرەمني ماتەريالدارى زەردەلى زاۆودىن قۇرىپ، ءوندىرىس ونىمدىلىگىن %28 جوعارىلاتىپ، تاسمال، تيجارات وزىندىك قۇنىن %25 تومەندەتىپ، ونىمدەردى زەرتتەۋ - جاساۋ مەرزىمىن %30 قىسقارتىپ، ەنەرگيادان پايدالانۋ سالىستىرماسىن %15 جوعارىلاتتى. سەرىكتەستىكتىڭ ”جوعارى، تازا كرەمني راديكالدى جاڭا ماتەريالدار كاسپورنىن جەلىلەندىرىپ جاڭالاۋ، ينتەگرالدى قولدانۋ سىناق ءتۇيىنى بويىنشا ۇلگى كورسەتۋ نىسانى“ونەركاسىپ جانە ينفورماتسيالاندىرۋ مينيسترلىگىنىڭ 2018 - جىلعى ونەركاسىپ ينتەرنەتىن جاڭالىق اشا دامىتۋ نىسانىنا تاڭدالدى.

  كاسىپورىن بۇلتى، زەردەلى ءوندىرىس جابدىقتارى، AGV قۇلتەمىرى... جولاڭ شينجياڭ زەردەلى مەحانيكا شەكتى سەرىكتەستىگى العاش زاۆود قۇرعاندا، ونەركاسىپ بۇلتى اياسىنداعى زەردەلى زاۆود قۇرۋعا بەل بايلاعان. ”ءبىز ساندى مالىمەتتى اۆتوماتتى جيناۋ - توپتاۋ جۇيەسىن قۇرۋ ۇستىندەمىز، كەيىن بارلىق شەشۋگە ءتيىستى جۇمىس باسىنداعى ماسەلەلەرگە تاپ بولعاندا،’بۇلت‘تان ساندى مالىمەت جيۋعا بولادى“. سەرىكتەستىكتىڭ جاۋاپتىسى ۋ جىڭچۇن بىلاي دەدى: وزىق تەحنيكانىڭ ارقاسىندا، بىلتىر وندىرىسكە قوسىلعاننان كەيىن، سەرىكتەستىك 220 ميلليون يۋان جىلدىق ساتىلىم سوماسىن جۇزەگە اسىردى، ونىمدەر حالىقارالىق بازارعا كىردى.

  ونەركاسىپ ينتەرنەتى سيفرلى شارۋاشىلىق قۇرۋدىڭ، ناقتى شارۋاشىلىقتى نىعايتۋدىڭ، جاساۋ كاسىبىنىڭ تيبىن جاڭالاپ، دەڭگەيىن ءوسىرۋدى ىلگەرىلەتۋدىڭ ماڭىزدى تۇتقاسىنا اينالدى. 2018 - جىلدان بەرى، شينجياڭ جاساۋ كاسىبى مەن ينتەرنەتتىڭ توعىسپالى دامۋىن ىلگەرىلەتۋدى جەدەلدەتىپ، ونەركاسىپ ينتەرنەتى كاسىپ سالا وداعىن قۇرۋدى جوسپارلاپ، زەردەلى جاساۋ، وزگەشە تاپسىرىس، قىزمەت وتەۋ ۇلگىسىندەگى جاساۋ، جەلىلەنگەن سەلبەستىك سياقتى جاساۋ كاسىبىنىڭ جاڭا ۇلگىسىن جەتىلدىرۋدى تەزدەتتى.

  كەزەكتە، شينجياڭنىڭ جاڭا ەنەرگيا جابدىقتارى، ەلەكتر جەتكىزۋ - رەتتەۋ جابدىقتارى، اۆتوكولىك سياقتى وزىق جابدىقتاۋ، جاساۋ كاسىپتەرىنىڭ سيفرلى زەرتتەۋ، اشۋ، جوبالاۋ قۇرالدارىنىڭ جالپىلاسۋ سالىستىرماسى %70تەن استى. ءىشىنارا كاسىپورىندار دانەكەرلەۋ، بۇركۋ، قۇراستىرۋ سىندى ماڭىزدى قىزمەت ورىندارىندا مەحانيكالىق قولدى، قۇلتەمىردى قولدانۋدى جۇزەگە اسىرىپ، كاسىپ سالاسىنىڭ زەردەلىلەنگەن قولدانىلىم دەڭگەيىن ۇزدىكسىز جوعارىلاتتى.

  جوباعا ساي، 2020 - جىلعا جەتكەندە، شينجياڭ ۋاقىتتى كوپ سوزبايتىن، جوعارى سەنىمدىلىككە يە، كەڭىنەن جالپىلاسقان ونەركاسىپ ينتەرنەتى تورابىنىڭ نەگىزدىك قۇرىلعىلارىن باستاپقى قادامدا ورناتادى؛ 2025 - جىلعا جەتكەندە 2 دە 3 حالىقارالىق وزىق دەڭگەيگە جەتكەن ونەركاسىپ ينتەرنەتى تۇعىرىن جەتىلدىرۋگە، قالىپتاستىرۋعا كۇش سالىپ، 100 ونەركاسىپ كاسپورنىنىڭ ونەركاسىپ ينتەرنەتى تۇعىرىنا سۇيەنىپ، سيفرلاندىرۋ، جەلىلەندىرۋ، زەردەلىلەندىرۋ دارەجەسىن ءوسىرۋدى اتقارۋىن ءتۇيىندى تۇردە ىلگەرىلەتەدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • وڭتۇستىك شينجياڭنان ەكسپورت ەتىلگەن زاتتار جۇڭگو - ەۆروپا كەزەكشى پويەزدەرىمەن ”باتىسقا شىعارىلدى“
  • باتىس سولتۇستىك مۇناي الابى: جوعارى ساپالى دامۋدىڭ ەنەرگيا جاۋابىن قۇلشىنا جازۋدا
  • كورلانىڭ ەرىكتى قىزمەت وتەۋى وركەنيەت ماركاسىنا اينالدى