تيانشان تورى   ›   جاڭالىقتار   ›   شينجياڭ حابارلارى

شينجياڭداعى مەملەكەتتىك ءمورال ۇلگىلەرى مەن كورسەتىلۋ سيلىعىنا يە بولعاندار باس شۋجي شي جينپيڭنىڭ ماڭىزدى نۇسقاۋىنىڭ رۋحىن ۇيرەنىپ، ءتۇسىنىپ، مىنالاردى ءبىلدىردى −

تاماشا سالتتى دارىپتەپ، وڭ ەنەرگيانى اسقاقتاتامىز

  باس شۋجي شي جينپيڭ جۋىردا مەملەكەتتىك ءمورال ۇلگىلەرىن سيلاۋ - ماداقتاۋ قيمىلى جونىندە ماڭىزدى نۇسقاۋ بەرىپ، سيلانىپ - ماداقتالعان مەملەكەتتىك ءمورال ۇلگىلەرىن قىزۋ قۇتتىقتادى. باس شۋجيدىڭ ءسوزى جاڭا عانا سيلانىپ - ماداقتالعان شينجياڭداعى 7 - كەزەكتى مەملەكەتتىك ءمورال ۇلگىلەرىن جانە كورسەتىلۋ سيلىعىنا يە بولعانداردى تەرەڭ شابىتتاندىردى. ولار باس شۋجي شي جينپيڭنىڭ ماڭىزدى نۇسقاۋىنىڭ رۋحىن مۇقيات ۇيرەنىپ، دايەكتىلەندىرىپ، ءباز - باياعىسىنداي تاماشا سالتتى دارىپتەپ، وڭ ەنەرگيانى اسقاقتاتىپ، جاڭا داۋىردە ەكپىندەي ىلگەرىلەپ، جۇڭگو ارمانىن بىرگە تۇلعالاۋ ءۇشىن پارمەندى رۋحاني كۇش - قۋات پەن ءمورالدىق تىرەك ازىرلەيتىندىكتەرىن ءبىلدىردى.

■ وتاندى قىزۋ ءسۇيىپ، حالىققا ۇلەس قوسامىز

  جىپ - جىلى مەيىر جۇرەكتە اعىلدى، سالماقتى جاۋاپكەرشىلىك كوڭىلدە بەرىك ساقتالدى.

  7 - كەزەكتى مەملەكەتتىك ءمورال ۇلگىسى اتاعىنا يە بولعان ءۇشتۇرپان اۋدانى يمام قالاشىعى مەملەكەتتە ءبىر تۇتاس قولدانىلاتىن ءتىل باستاۋىش مەكتەبىنىڭ مەكتەپ باستىعى قۇربان نياز بىلاي دەدى: ”بۇل قىمباتتى داڭق مەن ءۇشىن ەرەسەن زور شابىتتاندىرۋ جانە جەبەۋ سانالادى، مەن، ءسوز جوق، باس شۋجي شي جينپيڭنىڭ تاپسىرماسىن ەسىمدە بەرىك ساقتاپ، ءار ۇلت بۇقاراسىن وسكەلەڭ ءمورالدى امالياتتا ايگىلەۋشى، وركەنيەتتى سالتتى قورعاۋشى، تاماشا تۇرمىستى جاراتۋشى بولۋعا قۇلشىنا جەتەكتەيمىن“.

  7 - كەزەكتى مەملەكەتتىك ءمورال ۇلگىسىنە كورسەتىلۋ سيلىعىنا يە بولعان سالىقجان يمىن شاۋەشەك قالاسىنىڭ بۇرىنعى ازىق - تۇلىك سەرىكتەستىگىنىڭ زەينەتكە شىققان قىزمەتكەرى، ول تىلشىگە مىنانى ايتتى: ”باس شۋجيدىڭ ءسوزى ماعان ەرەكشە جىلى مەيىر بەرىپ، ايرىقشا جىگەرلەندىردى، بۇدان بىلاي مەن مەملەكەت تۋىن شىعارۋعا ۇزبەي تاباندى بولىپ، بوران سوعىپ، جاڭبىر جاۋسا دا، اياز قىسقان قارلى كۇندە دە، ءسوز جوق، بەس جۇلدىزدى قىزىل تۋدى اۋلامدا اسقاق جەلبىرەتە بەرەمىن. مەن تاعى مەملەكەت تۋىن شىعارۋ قىزمەتىن بالاما تاپسىرىپ، مەملەكەت تۋىن شىعارۋ سىندى داڭقتى بورىشتى ۇرپاقتان - ۇرپاققا جالعاستىرامىن“.

■ تالىقپاي تالپىنىپ، ەكپىندەي العا ىلگەرىلەيمىز

  10 نەشە جىلدان بەرى، بيڭتۋان 1 - شى 13 - تۋان 11 - ليان ”ەكى كوميتەتىنىڭ“ مۇشەسى يوۋ لياڭيىڭ ءىنىسى مامەتتۇرىپ مۇساقتىڭ جانە باسقا قىستاق تۇرعىندارىنىڭ ەگىن باپتاۋ تەحنيكاسىن ۇيرەنۋىنە كومەكتەسىپ، اۋىلداستارىن قاجىرلى ەڭبەگىمەن اۋقاتتانۋ جولىنا باستادى. بۇل رەت، ول 7 - كەزەكتى مەملەكەتتىك ءمورال ۇلگىسى اتاعىنا يە بولىپ، يىعىنداعى جۇكتىڭ اناعۇرلىم اۋىرلاعاندىعىن سەزىندى.

  ”ءبىزدىڭ سەلبەستىك كووپەراتيۆىمىزدە 1200 مۋلىق شىلان، جاڭعاق جانە الما باعى بار، 100 نەشە ادامنىڭ جۇمىستانۋىنا تىكەلەي دەمەۋشى بولىپ وتىر. كەلەشەكتە، ءبىز اۋىل شارۋاشىلىعى ونىمدەرىن جىنتىكتەي مانەرلەۋگە كۇش سالىپ، ءونىم مولشەرىنە ءمان بەرۋمەن بىرگە، ءونىم ساپاسىنا دا ءمان بەرىپ، سەلبەستىك كووپەراتيۆىندەگى مۇشەلەرمەن قول ۇستاسىپ، اۋىل شارۋاشىلىعى ونىمدەرىنىڭ ۇستەمە قۇنىن ارتتىرۋعا بىرگە قۇلشىنامىز“. يوۋ لياڭيىڭ مىنالاردى ءبىلدىردى: ءمورال ۇلگىسى − داڭق، ونان دا ماڭىزدىسى، جاۋاپكەرشىلىك، مەن قاي - قاشان دا باس شۋجيدىڭ ءسوزىن كوكەيىمە ءتۇيىپ، ارەكەتىمدە تياناقتاندىرىپ، اناعۇرلىم كوپ اۋىلداسىمدى ەڭبەكشىلدىكپەن اۋقاتتانۋعا باستايمىن.

  ”مەملەكەتتىك ءمورال ۇلگىسىنە كورسەتىلۋ سيلىعىنا يە بولعاندىعىما ىشتەي توتەنشە تەبىرەندىم“. بيڭتۋان 3 - شى قاعىلىق 2 - مال فەرماسى 3 - ليانى پارتيا ياچەيكاسىنىڭ شۋجيى ليۋ چياندۇڭ مىنالاردى ءبىلدىردى: ءسوز جوق، باس شۋجي شي جينپيڭنىڭ ماڭىزدى نۇسقاۋىنىڭ رۋحىن مۇقيات ۇيرەنىپ، دايەكتىلەندىرىپ، ۇلگىنىڭ باستاماشىلدىق ەتۋ رولىن ويداعىداي ساۋلەلەندىرىپ، ليان - دۇي جۇمىسشى - قىزمەتكەرلەرىن شەكارانى گۇلدەندىرىپ اۋقاتتانۋعا تاباندىلىقپەن باستاپ، جۇمىسشى - قىزمەتكەر بۇقاراسىنىڭ باقىتتى تۇرمىس كەشىرۋىنە مۇمكىندىك جاراتامىن.

■ بەلسەنە تالپىنىپ، ءمورالدى قاستەرلەپ، ىزگىلىككە تالپىنامىز

  9 - ايدىڭ 6 - كۇنى تۇستەن كەيىن، 7 - كەزەكتى مەملەكەتتىك ءمورال ۇلگىسىنە كورسەتىلۋ سيلىعىنا يە بولعان سۋ يۇيچين اتا مەكەنى سانجى قالاسىنا قايتىپ كەلە سالىسىمەن، ەش ايالداماستان ءوزىنىڭ ەرىكتى قىزمەت وتەۋ پۋنكتىنە بارىپ، ەندىگى كەزەكتى ەرىكتى قىزمەت وتەۋ قيمىلىن جوسپارلاي باستادى.

  ”بۇل داڭق جەكە وزىمە عانا بەرىلگەن شابىتتاندىرۋ مەن جىگەرلەندىرۋ بولىپ قانا قالماستان، بۇكىل قوعامداعى ىزگى ىستەر مەن جاقسى ىستەرگە بولعان ماداق، قوعامداعى جاڭاشا، دۇرىس سالتتى بەلسەنە دارىپتەگەندىك تە سانالادى“. سۋ يۇيچين بىلاي دەدى: ”مەن بۇل داڭقتى ەسەلەپ قاستەرلەپ، العىس ايتۋ سۇيىسپەنشىلىگىمدى ءىس جۇزىندىك ارەكەتكە اينالدىرىپ، باسقالارعا كومەكتەسۋدى قۋانىش سانايتىن وركەنيەتتى سالتتى كۇش سالا اسقاقتاتىپ، بۇكىل قوعامعا ءمورالدىڭ كۇش - قۋاتىن، قامقورلىقتىڭ كۇش - قۋاتىن شىن مانىندە سەزىندىرەمىن“.

  ”باس شۋجيدىڭ ءسوزى جۇرت جۇرەگىن ەرەكشە جىگەرلەندىردى!“. 7 - كەزەكتى مەملەكەتتىك ءمورال ۇلگىسىنە كورسەتىلۋ سيلىعىنا يە بولۋشى، بۇراتالا موڭعۇل اۆتونوميالى وبلىسى اراسان اۋدانى كوكتوحا اسىل تۇقىمدى مال فەرماسىنىڭ زەينەتكە شىققان قىزمەتكەرى جاڭ گۋاڭچين بەرىك سەنىممەن بىلاي دەدى: ”مەن قولىمداعى ۇتىلامالى تاياقشانى ماڭگى جالعاستىرىپ، وركەنيەتتىڭ جاڭا سامالىن بارلىق جەرگە جەتكىزىپ، قوعامدىق سالتتىڭ بارعان سايىن جاقسارۋىن، ىزگىلىككە بەت الۋىن جەبەيمىن“.

  (تىلشىلەر جاڭ جىلي، چىن چىن، گاي يوۋجۇن، جاڭ تيڭ، سۇڭ ياۋىن، ءجازيرا نەسىپبەك، ەرىكتى ءتىلشى لياڭ حۇڭتاۋ)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • وڭتۇستىك شينجياڭنان ەكسپورت ەتىلگەن زاتتار جۇڭگو - ەۆروپا كەزەكشى پويەزدەرىمەن ”باتىسقا شىعارىلدى“
  • باتىس سولتۇستىك مۇناي الابى: جوعارى ساپالى دامۋدىڭ ەنەرگيا جاۋابىن قۇلشىنا جازۋدا
  • كورلانىڭ ەرىكتى قىزمەت وتەۋى وركەنيەت ماركاسىنا اينالدى