ۋ گىنشىڭنىڭ سۋرەتى (ماتەريال سۋرەت) شينحۋا اگەنتتىگى تاراتقان
شينحۋا اگەنتتىگىنىڭ 8 - ايدىڭ 26 - كۇنى ۋحاننان بەرگەن حابارى (ءتىلشى ۋاڭ شيان). ەلىمىزدەگى تۇڭعىش قوعام حاۋىپسىزدىگى ارناۋلى تاقىرىبىنداعى مۇراجاي − شاڭحاي قوعام حاۋىپسىزدىگى مۇراجايىندا ۋ گىنشىڭ قۇرباننىڭ قاشقىن قىلمىسكەردى قۋعاندا ايداعان موتوتسيكلى وسى اراعا كورمەگە قويىلىپ، حالىقتىڭ ءومىرىن قورعاۋ جولىندا ەرلىكپەن ءومىرىن ارناعان حالىق ساقشىسىنىڭ قاھارماندىق ىزگى ىستەرى كورسەتىلگەن.
ۋ گىنشىڭ، ەر، 1952 - جىلى 5 - ايدا دۇنيەگە كەلگەن، حۋبەيدىڭ ىچىڭنىڭ ادامى، 1968 - جىلى ورتا مەكتەپتى تاۋىسقاننان كەيىن شاڭحاي چۇڭميڭ چاڭجىڭ ەگىس الاڭىندا جۇمىس ىستەيدى. 1970 - جىلى شاڭحاي قالالىق قوعام حاۋىپسىزدىگى مەكەمەسىنە اۋىسىپ كەلىپ، قاتىناس ساقشىسى بولادى. كەلەسى جىلى جۇڭگو كوممۋنيستىك پارتياسىنا مۇشە بولادى، كەيىن شاڭحاي قالالىق قوعام حاۋىپسىزدىگى مەكەمەسى قاتىناس باسقارماسى موتورلى كولىك ورتا اترەتى بولىمشە اترەتىنىڭ ورىنباسار باستىعى بولادى.
1975 - جىلى 7 - ايدىڭ 2 - كۇنى ساعات 13تەن 05 مينۋت وتكەندە، تۇستە دەمالىپ جاتقان ۋ گىنشىڭ شاڭحاي قالالىق قوعام حاۋىپسىزدىگى مەكەمەسىنىڭ: جۇڭشان باتىس جولى ماڭىندا جۇك اۆتوموبيلىمەن ادام سوعۋداي ۋاقيعانىڭ تۋىلعاندىعىن، ءسوز جوق، قىلمىستىنى دەرەۋ بوگەپ، ءتىپتى دە كوپ بۇقارانىڭ ءولىم - جىتىمگە ۇشىراۋىنان ساقتانۋ جونىندەگى شۇعىل بوگەۋ بۇيرىعىن تاپسىرىپ الادى.
قىسىلتاياڭ ساتتە، ۋ گىنشىڭ مەن قىزمەتتەستەرى موتوتسيكلدەرىن جىلدام ايداپ، ۋاقيعا تۋىلعان جەرگە بارعاندا، 2 جارىم توننا اۋىرلىقتاعى ”يۋەجين ماركالى“ جۇك اۆتوموبيلىنىڭ شاۋجايسىز كەتكەن اساۋ جىلقى قۇساپ بۇزىپ - جارىپ، ءبىر توپ وقۋشىنى تىرىدەي جانشىپ وتكەننەن كەيىن، تيتتەي دە كىدىرمەگەنىن، كەرىسىنشە بارعان سايىن ورشەلەنىپ، سۇرقيالىققا باسىپ، ادام كورسە بولدى سوعا جونەلگەنىن كورەدى.
ويىنا كەلگەنىن ىستەگەن جۇك اۆتوموبيلى شوفەرى تالاي بەيكۇنا جانداردىڭ جانىن جالمايدى، اۋەلى، قۇشاعىندا بوپەسى بار ايەل دە مۇنان امان قالمايدى... ناق مايداندا 4 ادام ءولىپ، 30دان استام ادام جارالانىپ، ءسات سايىن تاعى دا باسقا ادامداردىڭ اۆتوموبيل دوڭگەلەگىنە باسىلىپ جانىنان جۇدا بولۋى مۇمكىن ەدى.
ءبىر جاعى قىلمىستىنىڭ قاندى سۇرقيالىعى، ەندى ءبىر جاعى بۇقارانىڭ ءومىر مەن ءولىم ارپالىسى ەدى. كوپشىلىك ساسقالاقتاعاندارىنان قاتەردەن اۋاشا باعىتقا قاراي قاشقان تۇستا، ۋ گىنشىڭ مەن قىزمەتتەستەرى ەشقانداي ءارى - ءسارى بولماستان، ادامدار شوعىرىنا قارسى باعىتتا ۇلكەن جۇك اۆتوموبيلىنە قاراي لاپ قويادى. ەڭ سوڭىندا شاڭحاي تەمىر جول شۋەيۋانىنىڭ قاقپاسى الدىندا، ۋ گىنشىڭ مەن قىزمەتتەستەرى زيانكەستىككە ۇشىراۋشىنىڭ سومكەسى ىلىنگەن ۋاقيعا تۋدىرۋشى جۇك اۆتوموبيلىن بايقايدى.
جۇك اۆتوموبيلى ادامدار شوعىرى مول ۋنيڭ جولىنىڭ چاڭشوۋ بولىگىنە باسا - كوكتەپ كىرمەكشى بولادى، تالاي رەتكى بوگەۋدەن ناتيجە بولماعان سوڭ، 23 جاستاعى ۋ گىنشىڭ كوپ ويلانباستان - اق باتىلدىقپەن موتوتسيكلىن جۇك اۆتوموبيلىنە قاراي بەتپە - بەت ايداپ، دەنەسىمەن جانە موتوتسيكل ارقىلى سۇمدىققا باسقان جۇك اۆتوموبيلىنىڭ دوڭگەلەگىن بوگەيدى.
”گۇرس“ ەتكەن داۋىسپەن جۇك اۆتوموبيلى قاتتى سوققىعا ۇشىراپ، مەڭگەرۋسىز كەتىپ، جول بويىنداعى بالشىققا قۇلايدى،ءسويتىپ اقىرى قان جۇتقان وسى اۆتوموبيل ءماجبۇري توقتايدى؛ حالىق ساقشىلارى مەن بۇقارا تۇگەلدەي لاپ قويىپ، قىلمىس كۇماندىسىن تىرىدەي قولعا تۇسىرەدى. الايدا، ۋ گىنشىڭ سۇراپىل سوققىدان 10 نەشە مەتر الىسقا ۇشىپ بارىپ جىعىلادى، اياق - قولىنىڭ جانە باس سۇيەگىنىڭ بىرنەشە جەرى سىنىپ، 2000CC قان كەتىپ، اۋىر جاراقاتتانادى.
بىرنەشە تاۋلىك بويى ەسىنەن تانعاننان كەيىن، ەسىن جيعاندا ۋ گىنشىڭ ەڭ الدىمەن: ”قاندى قول ۇستالدى ما؟ قىزمەتتەستەرىمنىڭ حال - جاعداعى جاقسى ما؟“ دەپ سۇرايدى.
1977 - جىلى 1 - ايدىڭ 2 - كۇنى ساعات 23تەن 35 مينۋت وتكەندە، ناۋقاس جاعدايى اسقىنعاندىعى سەبەپتى، 25 جاستاعى ۋ گىنشىڭ ەمدەۋ ءونىم بەرمەي باقىتقا قارسى قازا بولادى. سول جىلى 1 - ايدىڭ 14 - كۇنى شاڭحاي قالالىق قوعام حاۋىپسىزدىگى مەكەمەسى، كوممۋنيستىك جاستار وداعى شاڭحاي قالالىق كوميتەتى تۇتاس قالاداعى قوعام حاۋىپسىزدىگى سالاسىن، جاستاردى ۋ گىنشىڭ جولداستىڭ ىزگى ىستەرىنەن ۇيرەنۋگە ۇندەيدى، شاڭحاي قالاسىنداعى «جيەفاڭ گازەتى»، «ۋىنحۇي گازەتى» سياقتى اقپارات قۇرالدارى ونىڭ داڭقتى ىزگى ىستەرىن ىركەس - تىركەس حابارلايدى. 1977 - جىلى 1 - ايدىڭ 14 - كۇنى ۋ گىنشىڭ توڭكەرىستىك قۇربان دەپ تانىلادى.
بۇگىنگى تاڭدا، ۋ گىنشىڭ قۇرباننىڭ اۋىلى حۋبەي ولكەسىنىڭ ىجوۋ قالاسىندا، ءار دارەجەلى قوعام حاۋىپسىزدىگى كادر - ساقشىلارى قارا كۇشتەردى الاستاپ، سۇرقيا كۇشتەردى جويۋ ارناۋلى كۇرەسىن ىشكەرىلەي ورىستەتىپ، بۇقارانىڭ مۇددەسىنە سۇعاناقتىق جاساعان، بۇقارانىڭ باس اماندىعى مەن مال - مۇلىك حاۋىپسىزدىگىنە قاتەر توندىرگەن ءبىر توپ قارا، سۇرقيا كۇشتەردى تالقاندادى. ىجوۋ قالالىق قوعام حاۋىپسىزدىگىندەگى قىرۋار حالىق ساقشىلارى: ۋ گىنشىڭ قۇرباننىڭ ەرلىك ىزگى ىستەرىنەن وزدەرىنىڭ تاربيە العاندىقتارىن، قاھارمان رۋحىن جالعاستىرۋعا بەكىپ، قالتقىسىز، تايسالماس بەت - بەينە، ەرجۇرەك، سوعىسقا شەبەر ارەكەت، قيىندىقتان قامال الاتىن كۇش - قۋات ارقىلى قارا كۇشتەردى الاستاپ، سۇرقيا كۇشتەردى جويۋ ارناۋلى كۇرەسىن ۇزدىكسىز ىشكەرىلەي تەرەڭدەتىپ، جاڭا داۋىردەگى حالىقتىڭ باس اماندىعى مەن مال - مۇلىك حاۋىپسىزدىگىنىڭ جاقسى ”قورعاۋشىسى“ بولاتىندىقتارىن ءبىلدىردى.
