شينحۋا اگەنتتىگىنىڭ 8 - ايدىڭ 24 - كۇنى ۋحاننان بەرگەن حابارى (ءتىلشى شۇي حايبو). 8 - ايداعى حۋبەي، شىلىڭگىر ىستىق. حۋبەي ولكەسىنىڭ حۇڭ - ان اۋدانىنداعى حۋاڭما كوتەرىلىسى جانە حۋبەي - حىنان - انحۇي سوۆەتتىك رايونى توڭكەرىستىك قۇرباندار قابىرستانى دۇڭ بي - ۋ ەسكەرتكىش سارايىندا ەكسكۋرسيالاۋشىلاردىڭ اياعى ۇزىلمەيدى. ءبىر توپ باستاۋىش مەكتەپ وقۋشىلارىنا ءتۇسىندىرىپ جاتقان چىڭ شيڭ تىلشىگە بيىل جاڭا جۇڭگو قۇرىلعاندىعىنىڭ 70 جىلدىعى بولعاندىقتان، وسى جولعى جازدىق دەمالىستا، ءوزىنىڭ وتكەن جىلدارداعىدان قاربالاس بولعاندىعىن، كوپتەگەن مەكتەپتىڭ وقۋشىلاردى وسى اراعا قىزىل تاربيە مەن پارتيا تاريحى تاربيەسىن قابىلداۋعا ۇيىمداستىرعانىن ايتتى.
دۇڭ بي - ۋ 1886 - جىلى دۇنيەگە كەلگەن، حۋبەي ولكەسى حۇڭ - ان اۋدانىنىڭ ادامى، جۇڭگو كوممۋنيستىك پارتياسىنىڭ نەگىزىن سالۋشىلارىنىڭ ءبىرى. 1911 - جىلى شينحاي توڭكەرىسىنە قاتىناسقان، سول جىلى جۇڭگو تۇڭمىڭحۇيىنا قاتىناسقان. 1914 - جىلى جاپونيا توكيو ”جەكەشە جاپونيا داشۋەسىنە“ ەمتيحان بەرىپ ءوتىپ زاڭ ۇيرەنەدى، جاپونيادا سۇن جۇڭشان قۇرعان جۇڭحۋا توڭكەرىستىك پارتياسىنا مۇشە بولادى. 1915 - جىلى 6 - ايدا ەلگە قايتىپ، يۋان شىكايعا قارسى قيمىلدارمەن اينالىسادى، 2 رەت تۇتقىندالىپ، تۇرمەگە جابىلادى.
1919 - جىلى دۇڭ بي - ۋ شاڭحايدا 4 - مامىر قوزعالىسىنا قاتىناسادى، كەيىن ۋحان ورتا مەكتەبىن قۇرىپ، جۇڭگو ادەبيەتىنەن ساباق بەرەدى. 1920 - جىلى كۇزدە ۋحانداعى كوممۋنيستىك پارتيانىڭ العاشقى ۇيىمدارىن قۇرۋعا قاتىناسادى. 1921 - جىلى 7 - ايدا جۇڭگو كوممۋنيستىك پارتياسىنىڭ 1 - رەتكى مەملەكەتتىك ۋاكىلدەر قۇرىلتايىنا قاتىناسادى، ۋحانداعى كوممۋنيستىك پارتيانىڭ العاشقى ۇيىمدارىنىڭ ۋاكىلى. وسىدان كەيىن حۋبەي ولكەسىنىڭ پارتيا ۇيىمدارىن قۇرۋعا جانە دامىتۋعا قاتىناسىپ، جۇڭگو كوممۋنيستىك پارتياسى ۋحان رايوندىق كوميتەتىنىڭ مۇشەسى، حۋبەي ولكەلىك كوميتەتىنىڭ مۇشەسى بولادى.
دۇڭ بي - ۋ 1934 - جىلى 10 - ايدا ۇزاق جورىققا قاتىناسقان. شانبەيگە بارعاننان كەيىن، جۇڭگو كوممۋنيستىك پارتياسى ورتالىق پارتيا مەكتەبىنىڭ مەكتەپ باستىعى، شانشي - گانسۋ - نيڭشيا شەكارا رايوندىق ۇكىمەتىنىڭ ۋاقىتشا ءتوراعاسى بولعان. جاپون شاپقىنشىلارىنا قارسى سوعىس كەزىندە جانە جاپون شاپقىنشىلارىنا قارسى سوعىس جەڭىسكە جەتكەننەن كەيىن، جۇڭگو كوممۋنيستىك پارتياسىنىڭ گومينداڭ پارتياسىمەن كەلىسسوز وتكىزەتىن ۋاكىلدەرىنىڭ ءبىرى بولعان. 1945 - جىلى ازات رايوندارعا ۋاكىل بولىپ، سان فرانسيسكودا بىرلەسكەن مەملەكەتتەر ۇيىمىنىڭ ۋستاۆىن جاساۋ ماجىلىسىنە قاتىناسقان. كەزىندە جۇڭگو كوممۋنيستىك پارتياسى ورتالىق كوميتەتى وڭتۇستىك بيۋروسىنىڭ ورىنباسار شۋجيى، جۇڭگو كوممۋنيستىك پارتياسى چۇڭچيڭ قىزمەت كوميتەتىنىڭ شۋجيى، جۇڭگو كوممۋنيستىك پارتياسى ورتالىق كوميتەتى قازىنا - ەكونوميكا مينيسترلىگىنىڭ مينىسترى، حۋابەي بيۋروسىنىڭ شۋجيى، حۋابەي حالىق ۇكىمەتىنىڭ ءتوراعاسى بولعان.
جۇڭحۋا حالىق رەسپۋبليكاسى قۇرىلعان العاشقى كەزدە دۇڭ بي - ۋ اكىمشىلىك كەڭەسىنىڭ ورىنباسار زۇڭليى بولعان، قابىلداۋ قىزمەتى كوميتەتى حۋادۇڭ قىزمەت ۇيىرمەسىن باستاپ نانجيڭ، شاڭحاي سياقتى جەرلەرگە بارىپ، ءبىر ايدان استام ۋاقىت جاپالى قىزمەت ىستەۋ ارقىلى مىندەتىن جەڭىسپەن ورىندايدى. چاھاردىڭ سولتۇستىك وڭىرىندە وبا ىندەتى تۋىلىپ، جىلدام تارالعاندا، دۇڭ بي - ۋ دەرەۋ شۇعىل ءماجىلىس اشىپ، ورتالىقتىڭ ىندەتتەن ساقتانۋ كوميتەتىن قۇرىپ، ەمدەۋ قىزمەتكەرلەرىن ىندەت تارالعان وڭىرگە بارۋعا ۇيىمداستىرىپ، ىندەت جاعدايىنىڭ اناعۇرلىم ۇلعايا ءتۇسۋىنىڭ الدىن الادى. بۇكىل ەلدىڭ جەر - جەرى جاپون شاپقىنشىلارى مەن گومينداڭ كەرتارتپاشىلارىنىڭ تابانىندا تاپتالىپ، بارلىق جەردەن كۇيزەلگەن جۇرتتى كورۋگە بولاتىن. دۇڭ بي - ۋ ءوزى ورتالىق اپاتتان قۇتقارۋ كوميتەتىنىڭ مەڭگەرۋشىسى بولىپ، قالىڭ حالىقتىڭ اپاتپەن ەرجۇرەكتىكپەن كۇرەس جاساۋىنا باسشىلىق ەتىپ، مەملەكەتتىڭ قازىناسى قيىن جانە قاتىناس قولايسىز جاعدايدا اپاتتىڭ الدىن الۋ بەكىمىن نىعايتتى.
دۇڭ بي - ۋ ۇنەمى ءوزىن حالىقتىڭ قىزمەتكەرى ساناپ، پارتيا مەن حالىقتىڭ ”وگىزىمىن“ دەپ جىگەرلەندى. ول ۇنەمى بىلاي دەيتىن: ”پارتيامىز بۇقارانىڭ مۇددەسىنە قىزمەت ەتەدى، بۇقارا ءۇشىن قىزمەت ەتپەسە، كوممۋنيستىك پارتيانى ۇيىمداستىرۋدىڭ كەرەگى نە؟“. ول ولەڭ جازىپ: ”توڭكەرىس جەكە ادام ءۇشىن ەمەس، بۇقارانىڭ ەڭسە كوتەرۋىن قولدايىق“دەپ جىرلادى. ول وزىنە قاتاڭ تالاپ قويۋمەن بىرگە، بالالارى مەن تۋىس - تۋعان، دوس - جاراندارىنا دا قاتاڭ تالاپ قويىپ، ولاردى دۇرىس ادام بولۋعا، قاجىرلىلىقپەن ۇيرەنۋگە جانە قىزمەت ىستەۋگە تاربيەلەپ، ەشقانداي ەرەكشە ارەكەتتەردىڭ بولۋىنا جول قويمادى.
جۇڭحۋا حالىق رەسپۋبليكاسى قۇرىلعاننان كەيىن، اۋىلىنداعى تۋىس - تۋعان، دوس - جاراندارى ونى بەيجيڭدە ”ۇلكەن ۇلىق“ بولدى دەپ، جۇمىستارىن شەشۋ، جوعارىلاپ وقۋ جانە تراكتور، بولات ماتەريالدارىن ساتىپ الۋ سياقتى ماسەلەلەرىن شەشۋگە كومەكتەسۋىن تالاپ ەتەدى. دۇڭ بي - ۋ تۇگەل تويتارىپ تاستايدى ءارى ولاردى شىن پەيىلىمەن تاربيەلەپ: ”مەن پارتيانىڭ تاپسىرماسىن، حالىقتىڭ سەنىمىن ارقالاپ، مەملەكەتتى باسقارۋعا قاتىناستىم، ءتۇرلى ساياساتتى جاساۋدىڭ قاتىناسۋشىسىمىن، سونداي - اق قورعاۋشىسىمىن، قىزمەت ۇقىعىمنان پايدالانىپ تۋىستارىما دۇنيە - مۇلىكتەردى بەكىتىپ بەرۋىمە مۇلدە بولمايدى“؛ ”توڭكەرىس ءمانساپتى بولۋ ءۇشىن ەمەس“دەيدى.
1975 - جىلى دۇڭ بي - ۋ بەيجيڭدە قايتىس بولدى. يە جيانيىڭ ازا ءبىلدىرۋ جينالىسىندا: ”دۇڭ بي - ۋ جولداس شىنىندا دا ءومىر بويى جاقسى ءىس ىستەۋدى ورىنداي الدى، ايتسا ايتقانداي پارتيا مەن حالىققا شەكسىز ادال بولعان پرولەتاريات توڭكەرىسشىسى!“دەيدى.
