تيانشان تورى
تيانشان تورى   ›   جاڭالىقتار   ›   ۇلتتىڭ گۇلدەنۋى جولىندا ەرجۇرەك قۇرباندار شەجىرەسى

يان - انداعى ”حولمىس“: بۋ لۋ

 

بۋ لۋدىڭ سۋرەتى. شينحۋا اگەنتتىگى تاراتقان

  شينحۋا اگەنتتىگىنىڭ 8 - ايدىڭ 21 - كۇنى گۋاڭجوۋدان بەرگەن حابارى (تىلشىلەر لي شيۇڭيڭ، تۋ چاۋحۋا). ءىرى دەلونى اشكەرەلەگەندىكتەن ماۋ زىدۇڭ جۋشي ونى يان - انداعى ”حولمىس“ دەپ ماداقتادى، ول بۋ لۋ ەدى.

  بۋ لۋ، اسىلگى اتى لۋ ماۋحۋان، تاعى ءبىر اتى چىن بو، 1909 - جىلى دۇنيەگە كەلگەن، گۋاڭدۇڭ ولكەسى لىحۇي اۋدانىنان (بۇگىنگى حاينان ولكەسىنىڭ چيۇڭحاي قالاسى). بۋ لۋ 5 − 6 جاسىندا اكەسىمەن بىرگە تەڭىزگە شىعىپ، بالىق اۋلايدى. وتباسىنداعىلارى ىشەر اسىنان، كيەر كيىمىنەن ىركىپ، ونى جەكەلىك مەكتەپكە وقۋعا جىبەرەدى. 14 جاسىندا بۋ لۋ حايكوۋ چيۇڭنان شيڭتيە زاۆودىنا بارىپ شاكىرت بولادى. 1926 - جىلى ۋاڭ ۋىنميڭ، لي جيڭمينداردىڭ تانىستىرۋىمەن بۋ لۋ جۇڭگو كوممۋنيستىك پارتياسىنا مۇشە بولادى.

  1927 - جىلى چيۇڭياداعى ”22 - ءساۋىر“ وقيعاسىندا، بۋ لۋ حايكوۋدا گومينداڭنىڭ اسكەر - ساقشىلارى جاعىنان تۇتقىندالادى. ول جولىنان تايماي، ءوزىنىڭ كوممۋنيستىك پارتيا مۇشەسى سالاۋاتىن اشكەرە ەتپەيدى، قاماۋدا ءبىر اي جاتقاننان كەيىن، ونىڭ تۋىستارى اقشا جۇمساپ ونى كەپىلگە تۇرمەدەن شىعارىپ الادى. تۇرمەدەن شىققان سوڭ، بۋ لۋ ۋاڭ ۋىنميڭنىڭ باسشىلىعىنداعى چيۇڭيا ساتقىنداردى جازالاۋ توڭكەرىستىك ارمياسىندا ناگان بانىنىڭ بانجاڭى بولادى. چيۇڭيا ساتقىنداردى جازالاۋ توڭكەرىستىك ارمياسىنىڭ اتى چيۇڭيا جۇمىسشى - ديقان قىزىل ارمياسى بولىپ وزگەرتىلگەننەن كەيىن، بۋ لۋ جۇمىسشى - ديقان قىزىل ارمياسىنىڭ پايجاڭى بولىپ تاعايىندالادى، كەيىن سوعىستاعى قاھارماندىعىمەن، جۇمىسشى - ديقان قىزىل ارمياسىنىڭ ورىنباسار ليانجاڭىنا كوتەرىلەدى.

  1928 - جىلى گومينداڭ ارمياسى توڭكەرىستىك بازاعا شابۋىل جاسايدى، بۋ لۋ اسكەري ءبولىمدى باستاپ قورعاۋ مىندەتىن ورىنداعان سوڭ جاۋىنگەر سەرىكتەرىنەن كوز جازىپ، كەيىن ەرىكسىز شەتەلگە پانالاپ كەتەدى.

  1932 - جىلى جىل باسىندا، بۋ لۋ شياڭگاڭ ارقىلى شيامىنعا بارىپ، شيامىندا قىسقا ۋاقىت قىزمەت ىستەگەن سوڭ، شاڭحايعا بارىپ قىزمەت ىستەيدى. بۋ لۋ ىلگەرىندى - كەيىندى جۇڭگو كوممۋنيستىك پارتياسى جياڭسۋ ولكەلىك كوميتەتىنىڭ حاتشىسى، شاڭحاي كەمەتۇراق جۇمىسشىلارى باس جۇمىسشى ۇيىمىنىڭ، شاڭحاي تەڭىزشىلەرى جۇمىسشى ۇيىمى پارتياسىنىڭ شۋجيى مىندەتتەرىن وتەيدى.

  1936 - جىلى جازدا بۋ لۋ شي - انعا بارىپ، كوممۋنيستىك پارتيا باسشىلىعىنداعى ”قىزىل جۇڭحۋا اگەنتتىگى“ (شينحۋا اگەنتتىگىنىڭ توركىنى) باسقارماسىندا قىزمەت ىستەيدى. شي - ان وقيعاسىنان كەيىن، بۋ لۋ يان - ان قىزىل ارميا داشۋەسىنىڭ 4 - ۇلكەن اترەتىندە وقيدى.

  1937 - جىلى جازدا بۋ لۋ وقۋىن تاۋىسىپ، شانشي - گانسۋ - نيڭشيا شەكارا رايوندىق اماندىق ساقتاۋ باسقارماسىنا تاڭداپ جىبەرىلىپ، ىلگەرىندى - كەيىندى بارلاۋ ءبولىمىنىڭ باستىعى، مالىمەت توپتاۋ ءبولىمىنىڭ باستىعى، اماندىق ساقتاۋ ءبولىمىنىڭ باستىعى بولادى. 1938 - جىلى بۋ لۋ يان - ان اماندىق قورعاۋ باسقارماسى ءبىرىنشى مەرزىمدىك بارلاۋ، مالىمەت توپتاۋ كادرلارىنىڭ توتەنشە جاتتىعۋ كۋرسىن اشادى.

  1942 - جىلى بۋ لۋ ءوزى گومينداڭ جۇنتۇڭىنىڭ ”حانجۇڭ جاتتىعۋ كۋرسى“ ءىرى دەلوسىن اشكەرەلەپ، شەكارا رايوندىق اماندىق ساقتاۋ جانە ساتقىنداردى جويۋ تاراۋىنىڭ تىعىز سايكەسۋىمەن، شەكارا رايونعا جاسىرىن كىرگەن حانجۇڭ جاتتىعۋ كۋرسىنىڭ تىڭشىلارىنان 51 ادامدى قولعا الادى، 6 ادام قاشىپ كەتەدى، تىڭشىعا قاتىستى 150دەن استام دەرەكتى اشكەرەلەيدى. بۇل جاپون شاپقىنشىلارىنا قارسى سوعىس كەزىندە يان - اندا اشكەرەلەنگەن ەڭ ۇلكەن گومينداڭ تىڭشىلارى ۇيىمى. ”حانجۇڭ جاتتىعۋ كۋرسى“ دەلوسىنىڭ اشكەرەلەنۋى شەكارا رايوندا زور ءدۇمپۋ تۋدىرىپ، ماۋ زىدۇڭ جۋشيدى توتەنشە قۋانتىپ، بۋ لۋدى يان - انداعى ”حولمىس“ دەپ ماداقتايدى!

  1943 - جىلى جىل باسىندا بۋ لۋ يان - ان اماندىق قورعاۋ باسقارماسى اماندىق ساقتاۋ ءبولىمىنىڭ باستىعى مىندەتىنەن اۋىسىپ، شانشي - گانسۋ - نيڭشيا شەكارا رايونى سۇيدى رايونىنا بارىپ، ىلگەرىندى - كەيىندى رايوندىق اماندىق قورعاۋ باسقارماسىنىڭ ورىنباسار باستىعى، جەرگىلىكتى پارتيا كوميتەتىنىڭ مۇشەسى، اماندىق قورعاۋ باسقارماسىنىڭ باستىعى بولادى.

  1946 - جىلى بۋ لۋ شىعىس سولتۇستىككە جىبەرىلىپ، ىلگەرىندى - كەيىندى حاربين قالالىق قوعام حاۋىپسىزدىگى مەكەمەسىنىڭ ورىنباسار باستىعى، جۇڭگو كوممۋنيستىك پارتياسى سۇڭجياڭ ولكەلىك كوميتەتىنىڭ تۇراقتى مۇشەسى، الەۋمەت ءبولىمىنىڭ باستىعى، قوسىمشا ولكەلىك قوعام حاۋىپسىزدىگى مەڭگەرمەسىنىڭ باستىعى بولادى.

  1949 - جىلى بۋ لۋ 4 - دالا ارمياسىنىڭ قالىڭ قولىمەن بىرگە وڭتۇستىككە بەتالىپ، جياڭشيگە بارىپ، جۇڭگو كوممۋنيستىك پارتياسى جياڭشي ولكەلىك كوميتەتىنىڭ تۇراقتى مۇشەسى، الەۋمەت ءبولىمىنىڭ باستىعى، قوسىمشا قوعام حاۋىپسىزدىگى مەڭگەرمەسىنىڭ باستىعى بولادى. 1949 - جىلى 10 - ايدا گۋاڭجوۋ ازات بولادى، بۋ لۋ گۋاڭدۇڭ ولكەلىك قوعام حاۋىپسىزدىگى مەڭگەرمەسىنىڭ باستىعى، جۇڭگو كوممۋنيستىك پارتياسى گۋاڭجوۋ قالالىق پارتكومىنىڭ تۇراقتى مۇشەسى، قوسىمشا قالالىق قوعام حاۋىپسىزدىگى مەكەمەسىنىڭ باستىعى بولادى.

  1972 - جىلى بۋ لۋ ناۋقاستان قايتىس بولادى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.