تيانشان تورى   ›   جاڭالىقتار   ›   سپورت الەمى

ىنتىماقتى دا بەرەكەلى ءبىر ءۇيلى جاندار

− شينجياڭ ۋاكىلدەر ۇيىرمەسى ۇلتتىق دەنە شىنىقتىرۋ گيمناستيكا قۇراماسى جونىندە لەزدىك شولۋ

 ءتىلشى جىڭ ي - يۋان

  9 - ايدىڭ 8 - كۇنى شينجياڭ ۋاكىلدەر ۇيىرمەسى ۇلتتىق دەنە شىنىقتىرۋ گيمناستيكا قۇراماسى تۇرعان جەردەگى جيىن زالدا ۇلتتىق دەنە شىنىقتىرۋ گيمناستيكا قۇراماسىنداعى قىز - جىگىتتەر باپكەردىڭ جەتەكشىلىگىندە جىگەرلەنە بيگە باسىپ، شينجياڭدىقتاردىڭ ارىندى بەينەسى مەن ىستىق ىقىلاسىن ايگىلەدى.

  وسى كەزەكتى ۇلتتىق سپورت جارىسىنىڭ ۇلتتىق دەنە شىنىقتىرۋ گيمناستيكا جارىسى 9 - ايدىڭ 10 - كۇنى جىڭجوۋ قالاسىنىڭ دەنە تاربيە سارايىندا وتەدى. سۇبەلى ناتيجەگە قول جەتكىزىپ، بۇكىل ەل حالقى الدىندا ەڭ تاماشا بەينەلەرىن ايگىلەۋ ءۇشىن، شينجياڭ ۋاكىلدەر ۇيىرمەسىنىڭ ۇلتتىق دەنە شىنىقتىرۋ گيمناستيكا قۇراماسىنداعىلارى كۇن - ءتۇن دەمەي جاپالى ماشىقتاندى.

  ۇلتتىق دەنە شىنىقتىرۋ گيمناستيكا قۇراماسىنىڭ جەتەكشى وقىتۋشىسى حان ۋيدۇڭ − شينجياڭ كوركەمونەر شۋەيۋانىنا قاراستى ورتا دارەجەلى كوركەمونەر مەكتەبىنىڭ ءبي وقىتۋشىسى، ول بىلاي دەپ تانىستىردى: ۇلتتىق دەنە شىنىقتىرۋ گيمناستيكا قۇراماسى بيىل 3 - ايدان باستاپ قۇرالعان. باستابىندا 30 ادام بولاتىن، سارالاۋ ارقىلى سوڭىندا 9 ەر، 9 ايەل جيىنى 18 ادام تاڭدالدى. ”بۇل قۇراما ۇيعۇر، حانزۋ، قازاق، حۇيزۋ، موڭعۇل، وزبەك سياقتى كوپ ۇلتتان قۇرالعان. مەيلى ماشىق بارىسىندا، الدە تۇرمىستا بولسىن، كوپشىلىك سەنىكى - مەنىكى دەسپەي، ءوزارا كومەكتەسىپ، ىنتىماقتى دا بەرەكەلى ءبىر ءۇيلى جاندارداي وتەدى“.

  2 كۇننىڭ الدىندا بۇل قۇرامانىڭ ءبي وقىتۋشىسى ەرشات عوپۇر ناۋقاستانىپ قالادى، قۇراماداعىلار مەن باسقا دا جەتەكشى وقىتۋشىلار وعان كەزەكتەسىپ قارايلاسىپ، ءدارى - دارمەك ساتىپ اپەرىپ، تاماق تاسيدى.

  قۇرامانىڭ مۇشەسى اراپات احىمەت جىڭجوۋعا جەتكەننەن كەيىن، ءبىر رەتكى ماشىق بارىسىندا بەلىن اۋىرتىپ العاندا، قۇراماداعىلار ونى دەرەۋ شيپاحاناعا جەتكىزەدى. جاتاقتاسى سۋ سۇڭ اراپاتتىڭ جانىنان ەكى ەلى ايرىلماي، وعان ماقسارى مايىن جاعىپ، ىستىق وتكىزىپ بەرەدى.

  ۇلتتىق دەنە شىنىقتىرۋ گيمناستيكا قۇراماسىنىڭ جەتەكشىسى شۋە جياجىڭ بىلاي دەدى: بۇل ىنتىماقتى دا تاتۋ - ءتاتى قۇراما، ءبىز جارىستا، ءسوز جوق، بۇكىل ەل حالقىنا شينجياڭداعى ءار ۇلت حالقىنىڭ اسقاق جىگەرمەن العا ۇمتىلاتىن، قايراتتانا شايقاساتىن رۋحاني بەت - بەينەسىن ايگىلەيمىز.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • وڭتۇستىك شينجياڭنان ەكسپورت ەتىلگەن زاتتار جۇڭگو - ەۆروپا كەزەكشى پويەزدەرىمەن ”باتىسقا شىعارىلدى“
  • باتىس سولتۇستىك مۇناي الابى: جوعارى ساپالى دامۋدىڭ ەنەرگيا جاۋابىن قۇلشىنا جازۋدا
  • كورلانىڭ ەرىكتى قىزمەت وتەۋى وركەنيەت ماركاسىنا اينالدى