لي پىڭشين بايىنعولين وبلىسىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
كەدەيلىكتەن ارىلتۋدان قامال الۋدىڭ تابىستارىن ۇزدىكسىز كۇش سالا بەكەمدەيىك، جاقسارتايىق
ءتىلشى شيە حۇيبيان 9 - ايدىڭ 8 - كۇنى حىجيڭنان حابارلايدى. 9 - ايدىڭ 6 - كۇنىنەن 7 - كۇنىنە دەيىن اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ كەدەيلەردى سۇيەمەلدەۋ - وركەندەتۋ باسشىلىق گرۋپپاسىنىڭ ورىنباسار باستىعى لي پىڭشين بايىنعولين موڭعۇل اۆتونوميالى وبلىسىنىڭ لوپنۇر اۋدانىنا، باعراش اۋدانىنا، حوشۇت اۋدانىنا، حىجيڭ اۋدانىنا بارىپ، كەدەي ەمەس اۋدانداردىڭ كەدەيلىكتەن ارىلتۋدان قامال الۋ قىزمەتىن تىڭعىلىقتى ىلگەرىلەتۋ جونىندە تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: باس شۋجي شي جينپيڭنىڭ كەدەيلەردى سۇيەمەلدەۋ قىزمەتى جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، كەدەيلىكتەن ارىلتۋدان قامال الۋدى بەكەمدەۋ، جاقسارتۋ قىزمەتىن تىڭعىلىقتى تۇردە ويداعىداي ىستەۋ كەرەك.
لي پىڭشين ىلگەرىندى - كەيىندى لوپنۇر اۋدانى گۇلباق اۋىلى گۇلباق قىستاعى، اقچىكە قىستاعى، تارىم اۋىلى بوستان قىستاعى، باعراش اۋدانى شەكىننۇر اۋىلى لاحاننۇر قىستاعىنداعى مىڭ مۋلىق شاپتول باعى، ۇلانجەكسىن اۋىلى ۇلانجەكسىن قىستاعى باعراش گۇل باقشاسى، حوشۇت اۋدانى سۋحاتى اۋىلى سۋحاتى قىستاعى، تاعارشى قالاشىعى حويىرمودۇن قىستاعى، حىجيڭ اۋدانى حىجيڭ قالاشىعى جاڭا ءۇمىت الەۋمەتتىك اۋماعى، بارۇنحارمودۇن قالاشىعى كىزە قىستاعى سياقتى جەرلەرگە بارىپ، كەدەي بۇقارامەن، نەگىزگى ساتى كادرلارىمەن ىشكەرىلەي پىكىر اۋىستىرىپ، كەدەي وتباسىلارىنىڭ اۋلا شارۋاشىلىعى قۇرىلىسى، باسقا سالاعا ويىستىرىپ جۇمىستاندىرۋ سياقتى ءوندىرىس، تۇرمىس جاعدايلارىن تەكسەرىپ، ولاردى پارتيانىڭ ابزال ساياساتىن قاستەرلەۋگە، ءبىلىم جانە ونەردى بەرىلە ۇيرەنۋگە، قوس قولىنا سۇيەنىپ تۇرمىستارىن بارعان سايىن جاقسارتۋعا شابىتتاندىردى.
لي پىڭشين بىلاي دەپ باسا دارىپتەدى: كەدەيلىكتەن ارىلتۋدان قامال الۋ ىلگەرىلەتىلىپ قازىرگى كەزەڭگە جەتكەندە، ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، كەدەيلىكتەن ارىلتۋدان قامال الۋدىڭ ساياسي جاۋاپكەرشىلىگىن تياناقتاندىرۋدى ۇزدىكسىز كۇشەيتىپ، قالپاق الىنعانىمەن جاۋاپكەرشىلىكتى تاستاماۋعا، قالپاق الىنعانىمەن ساياساتتى توقتاتپاۋعا، قالپاق الىنعانىمەن كومەكتەسۋ - سۇيەمەلدەۋدى توقتاتپاۋعا، قالپاق الىنعانىمەن باقىلاۋ - باسقارۋدى توقتاتپاۋعا تاباندى بولىپ، تولىق جەڭىسكە جەتپەيىنشە، استە شەپ جيماۋ كەرەك.
لي پىڭشين مىنالاردى تالاپ ەتتى: ءبىر جاعىنان، كەدەيلىكتەن ارىلتۋدى يگەرۋگە، ەندى ءبىر جاعىنان، قايتا كەدەيلەسۋدەن ساقتانۋدى يگەرۋگە تاباندى بولىپ، نازاردى ”ەكىدەن تارىقتىرماۋ، ءۇشتى قامتاماسىز ەتۋ“گە شوعىرلاندىرىپ، دالمە - ءدال شارا اتقارۋدى كۇشەيتىپ، ”جەتى ءبىر توپ“تى، ”ۇشتە سەرپىندى ارتتىرۋ“دى ىلگەرىلەتىپ، ”توعىزدى ايقىنداۋ“دى تياناقتاندىرىپ، كەدەيلەردى جەتەكتەۋ، كەدەيلەرگە تيىمدىلىك جاساۋ مەحانيزمىن قۇلشىنا اقاۋسىزداندىرۋعا، كەمەلدەندىرۋگە كۇش سالىپ، بەكەمدەۋدى، جاقسارتۋدى تىڭعىلىقتى تۇردە ويداعىداي ىستەپ، كەدەيلىكتەن ارىلتۋدان قامال الۋ شايقاسىندا جوعارى ساپالى جەڭىسكە جەتۋگە كەپىلدىك ەتۋ كەرەك. بۇقارانىڭ تىلەگىنە قۇرمەت ەتىپ، جەردى اينالىمعا سالۋدى ورنىقتى ىلگەرىلەتىپ، كەدەي جان سانىن تارتىپپەن باسقا سالاعا ويىسىپ جۇمىستانۋعا جەتەكتەپ، قىزمەتتى ادام باسىنا دەيىن تياناقتاندىرىپ، بۇقارانىڭ تولىق جۇمىستانۋىنا، قاجىرلىلىقپەن ەڭبەكتەنىپ اۋقاتتانۋىنا كەپىلدىك ەتۋ كەرەك. اۋلا شارۋاشىلىعىن تەرەڭدەتىپ ويداعىداي ىستەپ، ۇكىمەت تۇعىر ازىرلەۋ، كاسىپورىن نەمەسە سەلبەستىك كووپەراتيۆى تومەنگى شەكتەن تۇسىرمەي ساتىپ الۋ، شوعىرلى جەتكىزۋ، باعىتتامالى تۇردە تىكەلەي قامداۋ ءادىسىن جالپىلاستىرىپ، اۋلا شارۋاشىلىعىن شىنىمەن بۇقارانىڭ ”اقشا قاپشىعىنا“ اينالدىرۋ كەرەك. ءىس جۇزىندىك جاعدايعا بايلانىستىرىپ، اۋىل - قىستاقتىڭ قونىستانۋ ورتاسىن جاقسارتۋدى ورنىقتى ىلگەرىلەتۋ كەرەك. جەر جاعدايىنا قاراۋ، قولايلى دا ۇيلەسىمدى بولۋ پرينسيبىنە تاباندى بولىپ، دارەتحانانى وزگەرتۋ قىزمەتىن شىندىقتى ءىس جۇزىندىگىنەن ىزدەي وتىرىپ ىلگەرىلەتۋ كەرەك.
لي پىڭشين لوپنۇر اۋدانىنداعى حىڭشۇي ورتا مەكتەبىنىڭ لوپنۇر بولىمشە مەكتەبىنە، حوشۇت اۋدانى شينجياڭ مەديتسينا داشۋەسىنىڭ جوعارى دارەجەلى كاسىپتىك تەحنيكالىق شۋەيۋانىنا، حوشۇت اۋداندىق 3 - باستاۋىش مەكتەپكە، حىجيڭ اۋداندىق 7 - بالاباقشاعا بارىپ، مەكتەپتەردىڭ وقىتۋشى كۇشتەرى، نەگىزدىك قۇرىلعىلار قۇرىلىسى، مەكتەپ اۋلاسىنىڭ الەۋمەتتىك حاۋىپسىزدىگى، ازىق - تۇلىك، تازالىق حاۋىپسىزدىگى سياقتىلار جونىندە تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: وقىتۋشى مەكتەپ بولۋدىڭ نەگىزى، قاتاڭ باسقارۋ مەن ەرەكشە قامقورلىق جاساۋدى ۇشتاستىرۋعا تاباندى بولىپ، وقىتۋشىلاردىڭ ۇيلەنۋ، تۇرعىن ءۇي سياقتى ءىس جۇزىندىك ماسەلەلەرىن شەشۋگە ءمان بەرىپ، جۇرەكتى باۋراپ، ادامدى الىپ قالاتىن ورتانى شىنايى قالىپتاستىرۋ كەرەك. حاۋىپسىزدىك تانىمىن بەرىك ورناتىپ، مەكتەپ اۋلاسىنىڭ حاۋىپسىزدىگىن باسقارۋدىڭ ءتۇرلى شارالارىن قاز - قالپىندا تياناقتاندىرىپ، جاڭا جۇڭگو قۇرىلعاندىعىنىڭ 70 جىلدىعىن حاۋىپسىز، ورنىقتى، بەرەكەلى مەكتەپ ورتاسىمەن قارسى الۋ كەرەك.
