تيانشان تورى   ›   جاڭالىقتار   ›   شينجياڭ حابارلارى

اۆتونوميالى رايوندىق سالىق مەكەمەسى رەتتەۋ - تۇزەتۋدى تياناقتاندىرۋدا ”ۇزاق ۋاقىتتىق ونىمدىلىك“كە جانە ”ۇدايىلاندىرۋ“عا كۇش سالدى

شىنايى تەكسەرىپ، شىنايى تۇزەتىپ، ناقتى ناتيجە كورسەتىپ، بۇقارانىڭ رازىلىعىن كۇشەيتتى

  ءتىلشى جاۋ جىيۇن 9 - ايدىڭ 8 - كۇنى ۇرىمجىدەن حابارلايدى. ”بۇرىن سالىق تاراۋلارىنا بارىپ كۇشىنەن قالدىرۋ جۇمىسىن بىتىرگەندە كوپ ماتەريال تاپسىراتىنبىز، ونىمەن قويماي ەسەپتى انىقتاۋ كەرەك بولاتىن، بۇنىڭ جالپى بارىسىنا 20عا تاياۋ قىزمەت كۇنى جۇمسالاتىن“، - دەدى جۋىقتا ءۇرىمجى جيندۇن يۇڭ - ان سۋرەت - ءماتىن رەداكسيالاۋ ورتالىعىنىڭ قازىنا قىزمەتكەرى لي شياۋمين تىلشىگە، - ”قازىر سالىق تاراۋلارىنىڭ قىزمەت وتەۋ دەڭگەيى جوعارىلاپ، 10 مينۋتتا - اق كۇشىنەن قالدىرۋ جۇمىسىن ءبىتىردى، بۇل وتە قولايلى بولدى“.

  ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىندە اۆتونوميالى رايوندىق سالىق مەكەمەسى كاسىپورىننىڭ كۇشىنەن قالدىرۋ جۇمىسىندا ورىن تەپكەن ماسەلەلەردى قاداعالاۋعا كۇش سالىپ، مەملەكەتتىك سالىق باس مەكەمەسىنىڭ كاسىپورىندار سالىعىن كۇشىنەن قالدىرۋ ءتارتىبىن ساپالىلاندىرۋ تالابىمەن بىرلەستىرىپ، سالىق اداقتاۋ انىقتاماسىن ءبىتىرۋدى كۇشىنەن قالدىرۋ، ۇستىندە ءبىتىرۋ قىزمەت وتەۋى، ”ۋادە ءتۇزىمى“ بويىنشا ولقىلىققا قاراماي ءبىتىرۋ، ماتەريالدار مەن جۇمىس ءتارتىبىن ىقشامداۋ سياقتى شارالاردىڭ جۇيەلى تياناقتانۋىنا شىنايى كەپىلدىك ەتۋ نەگىزىندە، ۇستىندە ءبىتىرۋ كولەمىن ونان ارى كەڭەيتىپ، جۇمىس ءتارتىبىن ىقشامداپ، جولداناتىن ماتەريالداردى ازايتىپ، كاسىپورىنداردىڭ كۇشىنەن قالدىرۋداعى قيىن ماسەلەلەرىن شەشتى.

  تانىستىرۋعا نەگىزدەلگەندە، نەگىزگى تاقىرىپتىق تاربيە بارىسىندا، اۆتونوميالى رايوندىق سالىق مەكەمەسى بەلگىلەنگەن ارەكەتتى تياناقتاندىرۋدى مىقتى يگەرۋمەن قاتار، سالىق جيناۋ قىزمەتىمەن تىعىز بىرلەستىرىپ، ”ۇزاق ۋاقىت ونىمدىلىك“كە جانە ”ۇدايىلاندىرۋ“عا كۇش سالدى. رەتتەۋ - تۇزەتۋدى تياناقتاندىرۋدى ءتۇيىن ەتىپ، تاياۋ مەرزىمدىك، ورتا مەرزىمدىك، ۇزاق مەرزىمدىك رەتتەۋ - تۇزەتۋ نىسانالارىن بەلگىلەپ، ءتۇزىلىس - مەحانيزمدى ونان ارى كەمەلدەندىرىپ، ءتۇزىم ولقىلىقتارىن تولىقتاپ، قىزمەتتەگى ساڭلاۋلاردى بىتەپ، رەتتەۋ - تۇزەتۋ جوباسىنىڭ تياناقتانۋىن قاتاڭ، شىنايى، ويداعىداي يگەردى، سونداي - اق رەتتەۋ - تۇزەتۋدى تياناقتاندىرۋدى قۋزاۋ، جەتەكشىلىك ەتۋ، تەكسەرۋ، قىزمەت ناتيجەسىن باعالاۋ، شارلاۋ، قۋزاۋ - تەكسەرۋدىڭ ماڭىزدى مازمۇنىنا قامتىپ، ماسەلەلەردى رەتتەۋ - تۇزەتۋدەن كوز ايىرماي، ماسەلەلەردىڭ ءۇزىلدى - كەسىلدى رەتتەلۋ - تۇزەتىلۋىنە شىنايى كەپىلدىك ەتتى.

  سالىق تاپسىرۋشىلار مەن اقى تاپسىرۋشىلارعا قىزمەت وتەۋدىڭ تىڭعىلىقتى بولماۋى ماسەلەسىن رەتتەۋ - جونگە سالۋ جاعىندا، اۆتونوميالى رايوندىق سالىق مەكەمەسى ۇدايى 6 - جىل حالىققا قولايلى سالىق ءبىتىرۋدىڭ كوكتەم سامالى ارەكەتىن ورىستەتىپ، سالىق تاپسىرۋشىلاردىڭ سالىق ءبىتىرۋ قولدانباسىنا تۇزەتۋ ەنگىزىپ، ”كوپ دەگەندە ءبىر رەت بارۋ“ ءتىزىمىنىڭ قامتۋ كولەمىن ونان ارى كەڭەيتتى.

  نازاردى سالىقتى ازايتۋ، اقىنى تومەندەتۋ ساياساتىنىڭ تياناقتانۋىنا شوعىرلاندىرا وتىرىپ، اۆتونوميالى رايوندىق سالىق مەكەمەسى 8 كاسىپ سالاسىنداعى 3193 كاسىپورىنعا بىرگە - ءبىر ارناۋلى تەكسەرۋ، جەتەكشىلىك ەتۋ ورىستەتتى؛ نازاردى قىزمەت وتەۋدى ساپالىلاندىرۋعا، سالىق تاپسىرۋشىلاردىڭ جاڭا تىلەكتەرىنە جاۋاپ قايتارۋعا شوعىرلاندىرىپ، اۆتونوميالى رايوندىق سالىق مەكەمەسى حالىققا قولايلى سالىق ءبىتىرۋ شارالارىنان 187سىن اتقاردى؛ نازاردى ءىشىنارا سالىق تاپسىرۋشىلار اڭىس ەتكەن 3 - جاقتىڭ بەتالدى اقى الۋ ارەكەتىنە شوعىرلاندىرىپ، اۆتونوميالى رايوندىق سالىق مەكەمەسى ارناۋلى اداقتاپ تەكسەرۋ جۇرگىزىپ، 11 مىڭ 900 سالىق تاپسىرۋشىنىڭ 3 ميلليون 320 مىڭ يۋان اقىنى قايتارىپ الۋدى بىتىرۋىنە كومەكتەسىپ، نەگىزگى تاقىرىپتىق تاربيەنىڭ ءتۇيىندى قىزمەتتەرمەن قاتار ىلگەرىلەۋىن، تياناقتانۋىن جۇزەگە اسىردى.

  بيىلعى سالىقتى ازايتۋ، اقىنى تومەندەتۋ ساياساتى تۋرالى ايتقاندا، كوپتەگەن كاسىپورىن يەلەرى اۋىز جاپپاي القاپ، پارتيانىڭ ابزال ساياساتى، شىنىندا، دەر كەزىندە جاۋعان جاۋىن ءتارىزدى، ءبىزدىڭ قيىنشىلىقتى شەشۋىمىزگە كومەكتەستى، ءبىزدىڭ دامۋ سەنىمىمىز اناعۇرلىم بەكەمدەلىپ، كاسىپورىندى ويداعىداي جۇرگىزۋ كۇش - قايراتىمىز اناعۇرلىم تاسقىنداي ءتۇستى، - دەدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • وڭتۇستىك شينجياڭنان ەكسپورت ەتىلگەن زاتتار جۇڭگو - ەۆروپا كەزەكشى پويەزدەرىمەن ”باتىسقا شىعارىلدى“
  • باتىس سولتۇستىك مۇناي الابى: جوعارى ساپالى دامۋدىڭ ەنەرگيا جاۋابىن قۇلشىنا جازۋدا
  • كورلانىڭ ەرىكتى قىزمەت وتەۋى وركەنيەت ماركاسىنا اينالدى