تيانشان تورى   ›   جاڭالىقتار   ›   شينجياڭ حابارلارى

تەكسەرىپ بەكىتۋ ەلەكترونداسىپ، جۇمىس بىتىرگەندە ”مۇلدە شاپقىلامايتىن“ بولادى

اۆتونوميالى رايوندىق تۇرعىن ءۇي جانە قالا، اۋىل قۇرىلىسى مەڭگەرمەسى ەلەكتروندى كۋالىكتى جاپپاي جالپىلاستىرادى

  ءتىلشى ۋاڭ يۇيجاۋ 9 - ايدىڭ 8 - كۇنى ۇرىمجىدەن حابارلايدى. اۆتونوميالى رايوندىق تۇرعىن ءۇي جانە قالا، اۋىل قۇرىلىسى مەڭگەرمەسىنەن ۇعىسۋعا قاراعاندا، كەزەكتە اۆتونوميالى رايوندىق تۇرعىن ءۇي جانە قالا، اۋىل قۇرىلىسى مەڭگەرمەسىنىڭ ەلەكتروندى كۋالىك جۇيەسى ورنالاستىرىلىپ بولعان، جاپپاي جەلىدە ىسكە قوسىلۋ الدىندا تۇر. ەلەكتروندى كۋالىك جۇيەسى جاپپاي جەلىدە ىسكە قوسىلعاننان كەيىن، كاسىپورىندار مەن جەكەلەر ينتەرنەت ارقىلى قۇرىلىس كاسىبىنىڭ بىلىكتىلىگىنە، تولىمدىلىعىنا ساياتىن قاتىستى اكىمشىلىك تەكسەرىپ بەكىتۋدى ورىنداپ، ”مۇلدە شاپقىلاماۋ“دى شىنايى جۇزەگە اسىراتىن بولادى.

  اۆتونوميالى رايوندىق تۇرعىن ءۇي جانە قالا، اۋىل قۇرىلىسى مەڭگەرمەسى ”قاعازسىز ءوتىنىش ەتۋ، زەردەلىلەندىرىپ تەكسەرىپ بەكىتۋ، مۇلدە شاپقىلاماي ءىس ءبىتىرۋ“دى نىسانا ەتىپ، وسى زامانعى ينفورماتسيا تەحنيكاسى مەن ۇلكەن ساندى مالىمەتتەن پايدالانىپ، بۇرىنعى اكىمشىلىك تەكسەرىپ بەكىتۋ جۇيەسىنىڭ دارەجەسىن جوعارىلاتىپ، وزگەرتىپ، اكىمشىلىك رۇقسات ىستەرىنىڭ تۇتاس بارىسىن مالىمدەۋدى جانە تەكسەرىپ - بەكىتۋدى تۇگەلىمەن ەلەكترونداستىرادى.

  اۆتونوميالى رايوندىق تۇرعىن ءۇي جانە قالا، اۋىل قۇرىلىسى مەڭگەرمەسى «بىلىكتىلىگىن تەكسەرىپ بەكىتۋگە قاتىستى قۇلاق قاعىس ەتۋ ۋادە ءتۇزىمىن جولعا قويۋ جونىندەگى ۇقتىرۋدى» ارناۋلى ءتۇسىرىپ، قۇرىلىس تۇرىندەگى كاسىپورىنداردىڭ بىلىكتىلىگىن تەكسەرىپ بەكىتۋگە قاتىستى ماڭىزدى حۇجاتتاردا ءوز تاراۋىنىڭ ينفورماتسياسىنان ورتاق پايدالانۋ ساندى مالىمەتىن جۇزەگە اسىرىپ، ساندى مالىمەت قامباسىنان تىكەلەي شىعارىپ الاتىن بولادى، ساندى مالىمەت قامباسىنان شىعارىپ الىنبايتىن جەكەلەردىڭ سالاۋاتى انىقتاماسى، كاسىپتىك اتاق انىقتاماسى، قوعامدىق قامسىزداندىرۋ انىقتاماسى، وقۋ تاريحى انىقتاماسى جانە ناتيجە انىقتاماسى سياقتىلارعا قاراتا جاپپاي ۋادە ءتۇزىمىن اتقارىپ، ءوتىنىش ەتۋشىنىڭ جازباشا فورماداعى ۋادەسى تەكسەرىپ بەكىتۋ شارتىنا ۇيلەسسە، تەكسەرىپ بەكىتۋ تاراۋلارى ءوتىنىش ەتۋشىنىڭ ۋادەسىنە نەگىزدەلىپ اكىمشىلىك تەكسەرىپ بەكىتۋ ۇيعارىمىن تىكەلەي شىعارىپ، كاسىپورىندار مەن جەكەلەردىڭ اۋىرتپالىعىن بارىنشا جەڭىلدەتەدى.

  اۆتونوميالى رايوندىق تۇرعىن ءۇي جانە قالا، اۋىل قۇرىلىسى مەڭگەرمەسىنىڭ قاتىستى جاۋاپتىسى بىلاي دەپ تانىستىردى: بۇرىنعى اكىمشىلىك تەكسەرىپ بەكىتۋ جۇيەسىنىڭ دارەجەسى جوعارىلاتىلىپ، وزگەرتىلگەننەن كەيىن، اۆتونوميالى رايوندىق تۇرعىن ءۇي جانە قالا، اۋىل قۇرىلىسى مەڭگەرمەسىنىڭ ءىس ءبىتىرۋ ۇلكەن زالىنداعى بۇرىنعى 6 تەرەزە، 6 ادامنىڭ حۇجات قابىلداۋى كەزەكتە ءبىر عانا ءجون سۇراۋ تەرەزەسىنە قىسقارتىلىپ، زالعا ءىس بىتىرگەلى كەلەتىن بۇقارا بۇرىنعى ءار كۇنگى 300 نەشە ادام - رەتتەن، كەزەكتە كۇنىنە تەك 2 − 3 ادامنىڭ عانا ءجون سۇراي كەلۋىنە قىسقارىپ، حالىقتىڭ اۋىرتپالىعىن جەڭىلدەتۋ ماقساتى شىنايى جۇزەگە استى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى