تيانشان تورى   ›   جاڭالىقتار   ›   ايبىندى 70 جىل ، كۇرەسكە تولى جاڭا ءداۋىر

ەركىن ساۋدا رايونى رەفورماسىنىڭ 102 سىناق ءتۇيىنى تاجىريبەسى رايونىمىزدا تياناقتاندىرىلدى

  ءتىلشى چىن چياڭۋي 9 - ايدىڭ 8 - كۇنى ۇرىمجىدەن حابارلايدى. 9 - ايدىڭ 6 - كۇنى شينجياڭ ورتا ازيا ازىق - تۇلىك زەرتتەۋ، جاساۋ ورتالىعى (شەكتى سەرىكتەستىگى) وندىرگەن 300 توننا قىزاناق قويمالجىڭى مەن بۇرىش قويمالجىڭى ءۇرىمجى جالپىلىق قورعامالى باجى اۋماعىنان شىعارىلىپ، ەكسپورت ەتىلۋ الدىندا تۇر. ”جىل باسىنان بەرى، ءبىزدىڭ زاتتارىمىزدىڭ ءبارى الدىمەن اۋماقتان شىعىپ، ونان سوڭ كەدەن راسمياتتارىن ءبىتىرۋدى ءوتىنىش ەتۋدى اتقاردى، بۇل زاتتاردىڭ تاسىمال ۋاقىتىن زور دارەجەدە قىسقارتتى“، - دەدى شينجياڭ ورتا ازيا ازىق - تۇلىك زەرتتەۋ، جاساۋ ورتالىعىنىڭ (شەكتى سەرىكتەستىگى) اتقارۋشى ديرەكتورى جاڭ شانگۋاڭ.

  ”الدىمەن اۋماقتان شىعارۋ، ودان كەدەنگە مالىمدەۋ“ − رايونىمىز كوشىرىپ جالپىلاستىرعان ەركىن ساۋدا سىناق رايونى رەفورما سىناق تۇيىندەرى تاجىريبەلەرىنىڭ ءبىرى. قازىرگە دەيىن بۇكىل رايونىمىزدا 102 سىناق ءتۇيىنى تاجىريبەسى كوشىرىپ جالپىلاستىرىلدى.

  جاڭ شانگۋاڭ وسى بىرنەشە جىلدا شينجياڭدا ساۋدانىڭ قولايلى بولۋ دەڭگەيىنىڭ جوعارىلاعانىن شىنايى سەزىندى: بۇرىن سەرىكتەستىك كەدەنگە مالىمدەۋدە 2 ادامدى، ءسوزسىز، راسمياتتاردى ارناۋلى بىتىرۋگە ورنالاستىراتىن، ءبىر ساۋدا ءتۇرى اۋماقتان شىققاننان تارتىپ شەكارادان شىققانعا دەيىن، تۇتاس بارىس جيىنى 4 تە 5 ساعات ۋاقىتپەن ىستەلەتىن. قازىر حالىقارالىق ساۋدا جالاڭ تەرەزەسىندە مالىمدەۋگە ءوتىنىش ەتەمىز، بۇكىل بارىسى قاعازسىز ىستەلەدى، نەبارى ءبىر ساعاتتا - اق ىستەلىپ بولادى. جاڭ شانگۋاڭ تىلشىگە مىناداي ءبىر ەسەپ جاساپ بەردى، تەك بىلتىر ءبىر جىلدا كۇشىنەن قالدىرىلعان كۋالىكتەردىڭ اقىسى 20 دا 30 مىڭ يۋان بولدى، مۇندا ادامداردىڭ ەڭبەكاقىسى، ۋاقىت وزىندىك قۇنى، سونداي - اق جۇك اۆتوكولىكتەرىنىڭ ءتۇرلى اقىسى سياقتىلار ەسەپكە الىنبادى.

  2018 - جىلى اۆتونوميالى رايونىمىز «بۇكىل شينجياڭداعى جالپىلىق قورعامالى باجى اۋماعىندا تەڭىز جاعالاۋىنداعى ەركىن ساۋدا سىناق رايونى رەفورما جاساۋ، ەسىك اشۋ تاجىريبەلەرىن كوشىرىپ جالپىلاستىرۋ جونىندەگى جەتەكشى پىكىر»دى جاريالاپ، بۇكىل رايونىمىزداعى جالپىلىق قورعامالى باجى اۋماعى سياقتى ءتۇيىندى وڭىرلەردە تەڭىز جاعالاۋىنداعى ەركىن ساۋدا سىناق رايوندارىندارىنىڭ رەفورما جاساۋ، ەسىك اشۋداعى تاماشا تاجىريبەلەرىن، تاماشا ادىستەرىن كوشىرىپ، جالپىلاستىرىپ، ەل ىشىندەگى، حالىقاراداعى وزىق ەرەجەلەرگە تۋرالانىپ، ءۇرىمجى، قاشقار، الاتاۋ جالپىلىق قورعامالى باجى اۋماعى، جۇڭگو - قازاقستان قورعاس حالىقارالىق شەكارالىق سەلبەستىك ورتالىعى جانە جۇڭگو جاقتىڭ سايكەستى ءوڭىرى سياقتى ءتۇيىندى وڭىرلەرگە اناعۇرلىم ۇلكەن رەفورما جاساۋ وزىندىك ۇقىعىن بەرىپ، ەسىك اشۋ ارقىلى رەفورما جاساۋدى جەبەۋدى، دامۋدى جەبەۋدى، جاڭالىق اشۋدى جەبەۋدى تالاپ ەتتى.

  ءۇرىمجى كەدەنىنە قاراستى ءۇرىمجى - سانجى كەدەنىن باقىلاۋ - باسقارۋ 3 - ءبولىمىنىڭ باستىعى سۇڭ ۋي مىنالاردى ءبىلدىردى: وسى بىرنەشە جىلدا، ءۇرىمجى جالپىلىق قورعامالى باجى اۋماعى باقشا رايونىنىڭ ەرەكشەلىگىنە بايلانىستىرىپ، كوپتەگەن ەركىن ساۋدا رايونى كەدەنىنىڭ باقىلاۋ - باسقارۋدا جاڭالىق اشۋ تاجىريبەلەرىن ىلگەرىندى - كەيىندى كوشىرىپ، جالپىلاستىردى، جۇيەدەن ”الدىمەن اۋماقتان شىعارۋ، ودان كەدەنگە مالىمدەۋ“، ”كاسىپورىننىڭ سەنىمدىلىگىن باسقارۋ“ سياقتىلاردى قامتىدى. كەلەسى قادامدا قاتىستى مەحانيزمدەردى ۇزدىكسىز قاراستىرىپ، كەمەلدەندىرىپ، كەدەننەن ءوتۋدى قولايلىلاستىرۋ دەڭگەيىن اناعۇرلىم وسىرەمىز.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • وڭتۇستىك شينجياڭنان ەكسپورت ەتىلگەن زاتتار جۇڭگو - ەۆروپا كەزەكشى پويەزدەرىمەن ”باتىسقا شىعارىلدى“
  • باتىس سولتۇستىك مۇناي الابى: جوعارى ساپالى دامۋدىڭ ەنەرگيا جاۋابىن قۇلشىنا جازۋدا
  • كورلانىڭ ەرىكتى قىزمەت وتەۋى وركەنيەت ماركاسىنا اينالدى