شينحۋا اگەنتتىگىنىڭ 9 - ايدىڭ 8 - كۇنى بەيجيڭنەن بەرگەن حابارى. ءتىلشىنىڭ جاڭا جۇڭگو قۇرىلعاندىعىنىڭ 70 جىلدىعىن قۇتتىقتاۋ قيمىلدارىنىڭ اقپارات ورتالىعىنان ۇعىسۋىنشا، 9 - ايدىڭ 7 - كۇنى ساعات 23تەن 8 - كۇنى تاڭعا دەيىن بەيجيڭ تيان - انمىن اۋماعىندا جاڭا جۇڭگو قۇرىلعاندىعىنىڭ 70 جىلدىعىن قۇتتىقتاۋ قيمىلدارىنىڭ العاشقى بىرلەسكەن جاتتىعۋى ءوتىپ، شامامەن 90 مىڭ ادام جاتتىعۋعا جانە الاڭداعى قامتاماسىز ەتۋ قىزمەتىنە قاتىناسقان.
تانىستىرۋعا قاراعاندا، العاشقى بىرلەسكەن جاتتىعۋعا قۇتتىقتاۋ جينالىسىنىڭ سالتى، اسكەري پارات، بۇقارالىق شەرۋ، بىرلەسكەن ويىن - ساۋىق قيمىلى، الاڭ اۋىستىرۋ، توتەنشە جاعدايداعى ءبىر جاقتى ەتۋ سياقتى 6 مازمۇن قامتىلعان. مۇنىڭ ىشىندە ءبىر ساعاتقا جالعاساتىن اسكەري پارات جاتتىعۋىندا اسكەردى كوزدەن كەشىرۋ، سالتانات قاتارى جاتتىعۋى ءتۇيىندى تۇردە جۇرگىزىلگەن. بۇقارالىق شەرۋ جاتتىعۋىندا جينالۋ - تاراۋ، جالپى توپتىق ءجۇرىپ ءوتۋ، سونداي - اق بىرلەسكەن اسكەري وركەسترمەن، حور ۇيىرمەسىمەن سايكەسۋى، اسكەري پارات قاتارىمەن، بىرلەسكەن ويىن - ساۋىق قيمىلىمەن ىلگەرى - كەيىن ۇشتاسۋى ءتۇيىن بولعان. بىرلەسكەن ويىن - ساۋىق قيمىلىندا نەگىزگى تاقىرىپتىق ونەر كورسەتۋ جانە ورتالىق تۇيىندە بىرلەسكەن ويىن - ساۋىق ونەر كورسەتۋ جاتتىعۋى جاسالىپ، ونەر كورسەتۋشىلەر الاڭ - ورىنعا جاتىلىپ، وت شاشۋ ويىنىن مەڭگەرۋ جۇيەسى ناقپا - ناق سىناق وتكىزگەن.
بۇل رەتكى جاتتىعۋدا قۇتتىقتاۋ قيمىلدارىنىڭ جالپى ءتارتىبىنىڭ، وزەكتى فاكتورلاردىڭ ىشكى ۇشتاسۋى ءتۇيىندى تۇردە سايكەستىرىلىپ، ءار جاقتىڭ ۇيىمداستىرۋ، قامتاماسىز ەتۋ جانە قولباسشىلىق ەتۋ، جۇرگىزۋ قىزمەتى تەكسەرىلىپ، جاتتىعۋ مينۋتتىق دالدىكپەن جۇرگىزىلىپ، ءتارتىپتى ۇيىمداستىرىلىپ، مەجەلى نىساناعا جەتتى. بەيجيڭ قالاسىنىڭ قاتىستى جاعى بۇل رەتكى كەشكى جاتتىعۋ قيمىلىنىڭ قالىڭ قالا تۇرعىندارىنىڭ ءتۇسىنۋى مەن قولداۋىنا يە بولعاندىعىن ايتىپ، ارنايى تۇردە شىن جۇرەكتەن العىس ايتاتىندىقتارىن ءبىلدىردى.
