تاياۋدا اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى ورتالىقتىڭ 8 ءتۇرلى بەلگىلەمەسىنىڭ رۋحىنا قايشى 8 تيپتىك ماسەلەنى اشىق جاريالادى. بۇل 8 تيپتىك ماسەلە مىنالار:
1. اۆتونوميالى رايوندىق ءادىليا مەڭگەرمەسى ساياسي ءبولىمى پارتيا قۇرىلىسى باسقارماسىنىڭ بۇرىنعى باسقارما دارەجەلى تەكسەرىپ - زەرتتەۋشىسى بي ۋجياڭنىڭ بەلگىلەمەگە قايشىلىق جاساپ ۇكىمەتتىك كۇتىپ الۋ، ۇكىمەت اۆتوكولىگىن جەكە ىستەرىنە پايدالانۋ سياقتى ماسەلەسى. 2013 - جىلدان 2017 - جىلعا دەيىن، بي ۋجياڭ شينجياڭ ءادىليا ساقشى وفيتسەرلەر مەكتەبى پارتكومىنىڭ شۋجيى، ورىنباسار مەكتەپ باستىعى بولىپ تۇرعان كەزدە، قول استىنداعىلاردى جۇمىس اقى، جۇمىس قاراجاتى سياقتى اتپەن جالعان شىعىس ەسەبىن جاساپ، ونى بەلگىلەمەگە قايشى ۇكىمەتتىك كۇتىپ الۋعا پايدالانۋعا جەلىكتىرگەن؛ ءىس ساپارعا شىعۋ ورايىنان پايدالانىپ، ساپار جولىن تالاي رەت وزگەرتىپ، شي - ان، چيڭداۋ، ليجياڭ سياقتى كوپ جەرگە بارىپ ساياحاتتاپ، بەلگىلەمەگە قايشىلىق جاساپ 9800 يۋان قاراجاتتى ەسەپتەن كوتەرتكەن؛ ىلگەرىندى - كەيىندى ۇكىمەتتىك اۆتوكولىكپەن شىحىزى قالاسىنا 20 نەشە رەت بارىپ، جەكە جۇمىستارىن بىتىرگەن، وسى بارىستا ىستەتكەن جانار ماي اقىسى، جول اقىسى سياقتىلاردان 6800 يۋاندى بەلگىلەمەگە قايشىلىق جاساپ ەسەپتەن كوتەرتكەن. بۇدان سىرت، بي ۋجياڭنىڭ باسقادا تارتىپكە قايشى ماسەلەلەرى بار. بي ۋجياڭعا پارتيادا 2 جىل قالدىرىپ بايقاپ كورۋ، اكىمشىلىك مىندەتىنەن الۋ جازاسى بەرىلدى.
2. اۋات اۋداندىق 1 - ورتا مەكتەپ پارتيا ياچەيكاسىنىڭ بۇرىنعى ورىنباسار شۋجيى، مەكتەپ باستىعى ورگۇل داۋۇتتىڭ بەلگىلەمەگە قايشىلىق جاساپ، تارتۋ - تارالعى، اقشالاي تارتۋ الۋ ماسەلەسى. 2014 - جىلدان 2018 - جىلعا دەيىنگى قۇربان ايت مەرەكەسى، ”8 - ناۋرىز“ ايەلدەر مەرەكەسى كەزىندە، ورگۇل داۋۇت باسقارۋ، قىزمەت وتەۋ وبيەكتىسى ۇسىنعان تارتۋ - تارالعى، اقشالاي تارتۋدى تالاي رەت قابىلداعان، حالىق اقشاسىنا دولايلاستىرعاندا جيىنى 61 مىڭ 300 يۋان بولعان؛ باسقارۋ، قىزمەت وتەۋ وبيەكتىلەرىن ءوزى دوستارىن قوناققا شاقىرعانداعى 3000 يۋان تاماق اقىسىن تولەۋگە ورنالاستىرعان. بۇدان سىرت، ورگۇل داۋۇتتىڭ باسقادا تارتىپكە قايشى ماسەلەلەرى بار. ورگۇل داۋۇتقا پارتيادا ءبىر جىل قالدىرىپ بايقاپ كورۋ، اكىمشىلىك مىندەتىنەن الۋ جازاسى بەرىلدى.
3. مارالباسى اۋدانى قوعام حاۋىپسىزدىگى مەكەمەسى قاتىناس ساقشى ۇلكەن اترەتىنىڭ بۇرىنعى ورىنباسار باستىعى، اۆتوكولىك باسقارۋ ورنىنىڭ باستىعى گۇڭ يۇيدىڭ بەلگىلەمەگە قايشىلىق جاساپ، تارتۋ - تارالعى، اقشالاي تارتۋ الۋ سياقتى ماسەلەسى. 2016 - جىلدان 2018 - جىلعا دەيىنگى كوكتەم مەرەكەسى، جۇڭچيۋ مەرەكەسى كەزىندە، گۇڭ يۇي بۇرىن - سوڭدى باسقارۋ، قىزمەت وتەۋ وبيەكتىلەرى ۇسىنعان تارتۋ - تارالعى، اقشالاي تارتۋدى تالاي رەت قابىلداعان، حالىق اقشاسىنا دولايلاستىرعاندا 24 مىڭ 100 يۋان بولعان؛ باسقارۋ، قىزمەت وتەۋ وبيەكتىلەرىن جەكە تۇتىنۋ اقىسىنان جيىنى 5100 يۋاندى تولەۋگە ورنالاستىرعان. بۇدان سىرت، گۇڭ يۇيدە باسقا دا تارتىپكە قايشى ماسەلەلەرى بار. گۇڭ يۇيگە پارتيا ىشىندە قاتاڭ ەسكەرتۋ بەرۋ، اكىمشىلىك دارەجەسىن تومەندەتۋ جازاسى بەرىلدى.
4. ساۋان اۋدانى سۋمەن قامداۋ، سۋ ىعىستىرۋ سەرىكتەستىگىنىڭ ديرەكتورى كۇڭ شياڭميننىڭ قىزمەت بولمەسىن ولشەمنەن ارتىق پايدالانۋ ماسەلەسى. 2018 - جىلى 1 - ايدان 2019 - جىلى 3 - ايعا دەيىن، كۇڭ شياڭمين اۋدانى 58.22 شارشى مەترلىك ەكى اۋىزدى ءۇيدى قىزمەت بولمەسى ەتكەن، بۇل بەلگىلەنگەن اۋداننان 40.22 شارشى مەتر ارتىق؛ باقىلاۋدان، تەكسەرۋدەن قاشقالاقتاپ، ىشكى، سىرتقى بولمەگە 4 قىزمەت ۇستەلى مەن ورىندىعىن ورنالاستىرعان جانە 4 قىزمەتكەردىڭ اتىن ۇستەلگە جازىپ قويعان، ءىس جۇزىندە بۇل 4 ادام تۇگەلدەي بۇل ارادا جۇمىس ىستەمەيدى. كۇڭ شياڭمينگە پارتيا ىشىندە قاتاڭ ەسكەرتۋ بەرۋ جازاسى بەرىلدى.
5. ءۇرىمجى قالاسى سايباق رايونى قوعامدىق قىزمەت وتەۋ، باسقارۋ مەكەمەسىنىڭ بۇرىنعى باستىعى زىڭ ليميڭنىڭ جەكە اۆتوكولىگىنە ۇكىمەت اقشاسىن پايدالانۋ ماسەلەسى. 2014 - جىلى 4 - ايدان 2018 - جىلى 12 - ايعا دەيىن، زىڭ ليميڭ مەكەمەنىڭ ۇكىمەتتىك اۆتوكولىك جانارماي قوسىمشا قاراجاتىن پايدالانىپ، ءوزىنىڭ جانە مەكەمەدەگى قىزمەتكەرلەردىڭ جەكە اۆتوكولىكتەرىنە جيىنى 24 مىڭ 900 يۋان ماي قۇيعان. زىڭ ليميڭگە پارتيا ىشىندە قاتاڭ ەسكەرتۋ بەرۋ جازاسى بەرىلدى.
6. حوتان قالاسى نارباع ءمالىسى شينچۋان الەۋمەتتىك اۋماعىنىڭ بۇرىنعى مەڭگەرۋشىسى روزىنيسا وشۇردىڭ بەلگىلەمەگە قايشى تارتۋ - تارالعى الۋ سياقتى ماسەلەسى. 2017 - جىلى 11 - ايدان 2018 - جىلى 1 - ايعا دەيىن، روزىنيسا وشۇر باسقارۋ، قىزمەت وتەۋ وبيەكتىلەرى ۇسىنعان ساندىك بۇيىمدار، قول ساعات سياقتى تارتۋ - تارالعىلاردى 2 رەت قابىلداعان، حالىق اقشاسىنا دولايلاستىرعاندا جيىنى 24 مىڭ يۋان بولعان. مۇنان سىرت، روزىنيسا وشۇرىڭ باسقادا تارتىپكە قايشى ماسەلەلەرى بار. روزىنيسا وشۇرعا پارتيا ىشىندە قاتاڭ ەسكەرتۋ بەرۋ جازاسى بەرىلدى.
7. ءۇرىمجى جول ىستەرى (تەڭىز ىستەرى) باسقارۋ مەكەمەسى سولتۇستىك قالا ماڭى شەكتەن اسىرعانداردى تەكسەرۋ پۋنكتىنىڭ بۇرىنعى باستىعى لي يۇننىڭ بەلگىلەمەگە قايشى قوناعاسىعا قاتىناسۋ، زات ساتىپ الۋ كارتچكاسىن قابىلداۋ سياقتى ماسەلەسى. 2015 - جىلدان 2018 - جىلعا دەيىن، لي يۇن ءوز مەكەمەسىندەگى قىزمەتكەرلەردى باسقارۋ، قىزمەت وتەۋ وبيەكتىلەرىنىڭ قوناعاسىلارىنا قاتىناسۋعا تالاي رەت ۇيىمداستىرعان؛ باسقارۋ، قىزمەت وتەۋ وبيەكتىلەرى ۇسىنعان جيىنى 2700 يۋاندىق زات ساتىپ الۋ كارتچكاسىن قابىلداپ، مەكەمەدەگى قىزمەتكەرلەرگە يگىلىك رەتىندە تاراتقان، ءوزى 300 يۋاندىق زات ساتىپ الۋ كارتچكاسىن العان؛ باسقارۋ، قىزمەت وتەۋ وبيەكتىلەرىن جەكە اۆتوكولىكتەرىمەن ءوزىن ءۇرىمجى قالا رايونىمەن ارادا قىزمەتكە اپارىپ - اكەلۋگە تالاي رەت ورنالاستىرعان. لي يۇنگە اكىمشىلىك دارەجەسىن تومەندەتۋ جازاسى بەرىلدى.
8. اراسان اۋدانى ادام كۇشى بايلىعى جانە قوعامدىق قامتاماسىزداندىرۋ مەكەمەسى ەڭبەك باقىلاۋ - تەكسەرۋ ۇلكەن اترەتىنىڭ بۇرىنعى باستىعى حان جياديڭنىڭ بەلگىلەمەگە قايشى ۇكىمەتتىك اۆتوكولىكتەردى پايدالانۋ ماسەلەسى. 2019 - جىلى 2 - ايدىڭ 25 - كۇنى حان جياديڭ مەكەمەنىڭ ۇكىمەتتىك اۆتوكولىگىمەن قىزمەتتەستەرىن ءوزى ۇيىمداستىرعان جەكە قوناعاسى قيمىلىنا قاتىناسۋعا اپارىپ - اكەلۋگە ىستەتىپ، ناشار قوعامدىق ىقپال تۋدىرعان. حان جياديڭگە پارتيا ىشىندە ەسكەرتۋ بەرۋ جازاسى بەرىلدى.
جوعارىداعى 8 ءتۇرلى تيپتىك ماسەلە ءارى پارتيا، ۇكىمەت ورگاندارىنا، ءارى كاسىپورىندار مەن ءىسورىندارعا سايادى، كەيبىرەۋلەرى بەلگىلەمەگە قايشىلىق جاساپ، تارتۋ - تارالعى، اقشالاي تارتۋ العان، بەلگىلەمەگە قايشىلىق جاساپ، قوناعاسىعا قاتىناسقان؛ كەيبىرەۋلەرى بەلگىلەمەگە قايشىلىق جاساپ، ۇكىمەت اۆتوكولىگىن پايدالانعان، قىزمەت بولمەسىن ولشەمنەن ارتىق پايدالانعان؛ كەبيبىرەۋلەرى ساپارىن وزگەرتىپ، ۇكىمەت اقشاسىمەن ساياحاتتاعان، ت. ب، ونىڭ ۇستىنە وسى ماسەلەلەردىڭ كوپ ءبولىمى پارتيا 19 - قۇرىلتايىنان كەيىن تۋىلعان نەمەسە ۇزدىكسىز تۋىلۋدا، بۇلار ستيل قۇرىلىسىنىڭ ماڭگى جالعاساتىندىعىن، ”قاتاڭدىق“قا، ءسوز جوق، ۇزاق ۋاقىت تاباندى بولىپ، ستيلدى دۇرىستاۋدى، ءتارتىپتى قاتايتۋدى تاباندىلىقپەن جۇرگىزۋ كەرەكتىگىن تەرەڭ ءتۇسىندىردى. تۇتاس رايونىمىزداعى ءار دارەجەلى پارتيا ۇيىمدارى يدەيا مەن ارەكەتتى باس شۋجي شي جينپيڭنىڭ ماڭىزدى سوزدەرىنىڭ رۋحىمەن جانە 19 - كەزەكتى ورتالىق ءتارتىپ تەكسەرۋ كوميتەتىنىڭ ءۇشىنشى جالپى ماجىلىسىندەگى ورنالاستىرۋلارمەن بىرلىككە كەلتىرىپ، اۆتونوميالى رايوندىق ءتارتىپ تەكسەرۋ كوميتەتىنىڭ «باس شۋجي شي جينپيڭنىڭ ماڭىزدى بەكىتۋلەرىنىڭ رۋحىن دايەكتىلەندىرىپ، ورتالىقتىڭ 8 ءتۇرلى بەلگىلەمەسىنىڭ رۋحىن ىشكەرىلەي تياناقتاندىرۋ جونىندەگى ناقتى شارالارىن» مۇقيات دايەكتىلەندىرىپ، تياناقتاندىرىپ، ىرىقتى تۇردە جاۋاپكەرشىلىك ارقالاپ، ىسكەرلىك كورسەتىپ، كۇرەس جۇرگىزۋگە باتىل، كۇرەس جۇرگىزۋگە شەبەر بولىپ، بوساڭسىماي، كىدىرمەي، ماڭگى توقتاتپاۋداي توزىمدىلىكپەن، تالىقپاي مىندەتتى اتقارىپ، جاۋاپكەرشىلىكتى ادا ەتىپ، ستيل قۇرىلىسىن ۇزدىكسىز تەرەڭدەتىپ، ستيل قۇرىلىسىنىڭ ۇزدىك ناتيجەلەرىمەن جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قارسى الۋ كەرەك.
2019 - جىلعى جۇڭچيۋ مەرەكەسى، مەملەكەت مەرەكەسى تاياپ قالدى، ءار دارەجەلى پارتيالى باسشى كادرلار، ءسوز جوق، ”ءتورت تانىم“دى مىقتاپ ورناتىپ، ”ءتورت سەنىم“دى بەكەمدەپ، ”ەكىنى قورعاۋ“دى باتىل ورىنداپ، تيپتىك دەلولاردان تەرەڭ ساباق الىپ، وزىمەن شىن مانىندە بايلانىستىرا وتىرىپ، وزىنە ءۇڭىلىپ، ءوزىن ساقتاندىرىپ، تەرىس پيعىل، بۇرىس نىسايلاردى باستاماشىلدىقپەن تەجەپ، تاڭداۋلى سالتتى باستاماشىلدىقپەن ساۋلەلەندىرىپ، ”باستاۋشى قاز اسەرىن“اتقارىپ، باسقا پارتيالى كادرلاردىڭ مەرەكە وتكىزۋ داعدىلارىنا شىن مانىندە بۇرىلىس جاساۋىنا ونەگەلىكپەن جەتەكشى بولىپ، مەرەكە كەزىندە سالتتىڭ دۇرىس بولۋىنا شىنايى كەپىلدىك ەتۋ كەرەك. ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى ماڭىزدى ۋاقىت كەزەڭدەرىندە بوساڭسىماي، راقاتقۇمارلىق، ىسىراپشىلدىق سياقتى تەرىس پيعىل، ناشار ادەتتەردى بايقالعان جەردەن باس كوتەرتپەي، ”ءتورت ءتۇرلى بۇرىس ستيل“دىڭ جاسىرىن ءتۇرى وزگەرگەن سىڭايىنان قاي - قاشان دا ساق بولۋ كەرەك؛ ءتۇيىندى سالالاردى، ءتۇيىندى وبيەكتىلەردى، شەشۋشى بۋىنداردى كورنەكتىلەندىرىپ، ورتالىقتىڭ 8 ءتۇرلى بەلگىلەمەسىنىڭ، سونداي - اق ونى اتقارۋ ناقتى ەرەجەسى رۋحىنىڭ تياناقتانۋىن ۇزدىكسىز باقىلاپ، تەكسەرىپ، ءتۇيىن - ءتۇيىن بويىنشا قاداعالاپ، تاباندىلىقتان جازباي، باسقارۋدا داعدى قالىپتاستىرىپ، ناتيجە شىعارىپ، سالتقا اينالدىرۋ كەرەك.
