تاياۋدا شينجياڭ ۇيعۇر اۆتونوميالى رايوندىق پارتكوم، ۇكىمەت «شينجياڭ ۇيعۇر اۆتونوميالى رايونىنىڭ ورتالىقتىڭ قارا كۇشتەردى الاستاۋ، سۇرقيا كۇشتەردى جويۋ 21 - قۋزاۋ - جەتەكشىلىك ەتۋ گرۋپپاسى اڭىس ەتكەن پىكىرلەردى رەتتەۋ - تۇزەتۋدى تياناقتاندىرۋ جونىندەگى قىزمەت جوباسىن» (تومەندە قىسقارتىلىپ «رەتتەۋ - تۇزەتۋ جوباسى» دەلىنەدى) باسىپ تاراتتى ءارى حابارلاندىرۋ جاريالاپ، جەر - جەردەن، قاتىستى ورىنداردان ءىس جۇزىندىك جاعدايعا بايلانىستىرىپ، مۇقيات دايەكتىلەندىرۋدى، تياناقتاندىرۋدى تالاپ ەتتى.
«رەتتەۋ - تۇزەتۋ جوباسى»ندا جەتەكشى يدەيا ايقىندالدى. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن تاباندىلىقپەن باتىل دايەكتىلەندىرىپ، ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداۋ. قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىن لاڭكەستىككە قارسى تۇرىپ، ورنىقتىلىقتى قورعاۋدىڭ جالپى تۇلعالىق ورنالاستىرۋىمەن تىعىز بايلانىستىرىپ، 3 جىلدىق مەرزىمدى نىسانادان تيتتەي دە بوساڭسىماي، سۇراپىل شابۋىل اۋقىمىن ساقتاپ، قارا كۇشتەرگە، سۇرقيا كۇشتەرگە ساياتىن ەلەۋلى دەلولاردان، قارا، سۇرقيا كۇشتەردىڭ ەكونوميكالىق نەگىزىنەن، ارت جاعىنداعى ”بايلانىس تورى“ مەن ”باسقالقا“سىنان تيتتەي دە كوز جازباي، ورتالىقتىڭ قۋزاۋ - جەتەكشىلىك ەتۋ گرۋپپاسىنىڭ تالابىنا قاتاڭ نەگىزدەلىپ، رەتتەۋ - تۇزەتۋدى تياناقتاندىرۋدى، تاباندا اتقارىپ، تاباندا وزگەرتۋدى باتىل ويداعىداي يگەرىپ، ارناۋلى كۇرەستىڭ ۇزدىكسىز جاڭا ناتيجەلەرگە قول جەتكىزۋىن ىلگەرىلەتۋ.
«رەتتەۋ - تۇزەتۋ جوباسى»ندا قىزمەت نىساناسى ايقىندالدى. ءبىرىنشى، ماسەلەنى رەتتەۋ - تۇزەتۋدى تياناقتاندىرۋعا شىنايى كەپىلدىك ەتۋ. ورتالىقتىڭ قۋزاۋ - جەتەكشىلىك ەتۋ گرۋپپاسى اڭىس ەتكەن ماسەلەلەردى جانە پىكىر - ۇسىنىستاردى ءبىر - بىردەن رەتىمەن تۇرگە ءبولىپ، جىكتەپ، ماسەلەلەر تىزىمدىگىن، مىندەت تىزىمدىگىن، جاۋاپكەرشىلىك تىزىمدىگىن دايىنداپ، رەتتەپ - تۇزەتۋدەگى ءتۇيىندى مىندەتتەردى، كەزەڭدىك مىندەتتەردى جانە ۇزاق مەزگىلدىك مىندەتتەردى ايقىنداپ، رەتتەۋ - تۇزەتۋ جوباسىن، ناقتى شارالاردى جانە رەتتەۋ - تۇزەتۋ ەستەلىگىن ناقتىلاندىرىپ، بىرەۋى رەتتەپ - تۇزەتىلسە بىرەۋىن ءوشىرۋ. ەكىنشى، كورنەكتى ماسەلەلەردى ءونىمدى شەشۋ. 5 دارەجەلى شۋجيلەر بىرگە يگەرۋگە تاباندى بولىپ، ساتى - ساتى بويىنشا قىسىم جەتكىزىپ، پارتكومنىڭ، ۇكىمەتتىڭ تۇلعالىق جاۋاپكەرشىلىگىن جانە كاسىپ سالاسىنداعى باقىلاۋ - باسقارۋ تاراۋلارىنىڭ باقىلاۋ - باسقارۋ جاۋاپكەرشىلىگىن ناقتىلاندىرۋ. باقىلاۋدى، ءتارتىپ اتقارۋدى، جاۋاپقا تارتۋدى كۇشەيتىپ، كۇندەلىكتى باقىلاۋ - باسقارۋدى ويداعىداي يگەرىپ، ءتۇرلى ماسەلەلەردىڭ جان - جاقتى شەشىلۋىنە شىنايى كەپىلدىك ەتۋ. ءۇشىنشى، باياندى ءونىمدى مەحانيزمدى اقاۋسىزداندىرۋ، كەمەلدەندىرۋ. بىرەۋى ارقىلى باسقاسىن باعامداپ، ءبىر تۇتاس جوسپارلاپ، تەڭ ءمان بەرىپ، تۋ باستان ءتۇزىمدى كەمەلدەندىرىپ، ولقىلىقتاردى جويىپ، ۇدايىلانعان، باياندى مەحانيزم قالىپتاستىرۋ.
«رەتتەۋ - تۇزەتۋ جوباسى»ندا رەتتەۋ - تۇزەتۋ شارالارى ايقىندالدى. ءبىرىنشى، ساياسي دەڭگەي جاعىندا، قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىن ورىستەتۋدىڭ ماڭىزدىلىعى مەن قاجەتتىلىگىن تولىق تانۋ. ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىمەن ۇشتاستىرىپ، باس شۋجي شي جينپيڭنىڭ قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسى جونىندەگى ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، پارتكومنىڭ، ۇكىمەتتىڭ جانە كاسىپ تاراۋلارىنىڭ قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىن مەرزىمدى زەرتتەۋ قىزمەت ءتۇزىمىن ورناتىپ، اقاۋسىزداندىرىپ، قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىنىڭ ناقتى شارالارىن اناعۇرلىم ەگجەي - تەگجەيلى اشالاپ، ساياسي جاۋاپكەرشىلىكتى شىن مانىندە ناقتىلاندىرىپ، قىزمەت ستيلىن جاقسارتىپ، ارناۋلى كۇرەستەگى فورماشىلدىقتى باتىل تۇزەتۋ. ەكىنشى، زاڭ بويىنشا قاتاڭ جازالاۋ جاعىندا، قارا، سۇرقيا كۇشتەرگە ساياتىن دەرەكتەردى شوعىرلى تۇردە تەكسەرۋ مەحانيزمى مەن دارەجە بويىنشا تەكسەرۋ جاۋاپكەرشىلىك ءتۇزىمىن كەمەلدەندىرىپ، قارا، سۇرقيا كۇشتەرگە جانە ”باسقالقا“عا ساياتىن ماسەلە دەرەكتەرىن الدىمەن ءبىر جاقتى ەتىپ، مالىمدەۋشىلەردى قورعاۋ شاراسىن قاتاڭ تياناقتاندىرىپ، قىلمىستىڭ جاڭا سىڭايىنا نازار اۋدارىپ، ”شىرعا نەسيە“، ينتەرنەت قىلمىسى سياقتى جاڭا تيپتەگى قارا، سۇرقيا كۇش قىلمىستارىنا سوققى بەرۋ سەرپىنىن كۇشەيتىپ، بۇقارانىڭ حاۋىپسىزدىك سەزىمىنە ىقپال جاسايتىن ءار ءتۇرلى زاڭعا قايشى قىلمىستارعا جالعاستىرىپ سوققى بەرىپ، ەلەۋلى جانە جاسىرىن قارا، سۇرقيا كۇشتەردى كوزدەن تايدىرماي، ەلەۋلى، كۇردەلى، قيىن دەلولاردى كۇش سالا باعىندىرىپ، قارا، سۇرقيا كۇشتەردىڭ ەكونوميكالىق نەگىزىن شىن مانىندە الاستاۋ كەرەك. ءۇشىنشى، جان - جاقتى جونگە سالۋ جاعىندا، تاراۋلاردىڭ جاۋاپكەرشىلىگىن اناعۇرلىم تياناقتاندىرىپ، قارا، سۇرقيا كۇشتەردىڭ وڭاي ءوربىپ - ءوسۋىنىڭ ماسەلە قاينارىن مۇقيات زەرتتەپ، قاتىناس - تاسىمال، فينانس، ساۋدا بازارى، جەر، كەن بايلىعى، قۇرىلىس ينجەنەرياسى، مادەنيەت - ساياحات، سۋ يگىلىگى سياقتى سالالاردى ءتۇيىندى تۇردە تەكسەرىپ، اۋرۋ وشاعىن ءداپ باسىپ تاۋىپ، جوبا شىعارۋ؛ كاسىپ تاراۋلارى مەن ساياسي - زاڭ ورگانىنىڭ قوس باعىتتى وتكىزىپ بەرۋ، جاۋاپ قايتارۋ، ينفورماتسيادان بىرگە يگىلىكتەنۋ، سايكەسىپ بىرگە قيمىلداۋ مەحانيزمىن ورناتىپ، اقاۋسىزداندىرىپ، قىلمىستىق ىستەر، ءادىليا جانە اكىمشىلىك زاڭ اتقارۋدىڭ ۇشتاسۋ مەحانيزمىن كەمەلدەندىرىپ، ارناۋلى جونگە سالۋدىڭ ءونىمىن جوعارىلاتۋ. ءتورتىنشى، تەرەڭ قازۋ، تۇبەگەيلى تەكسەرۋ جاعىندا، بۇكىل رايونداعى ءتارتىپ تەكسەرۋ، باقىلاۋ - تەكسەرۋ ورگاندارىنىڭ ارناۋلى كۇرەستە باقىلاۋدى، ءتارتىپ اتقارۋدى، جاۋاپقا تارتۋدى كۇشەيتۋىن ىلگەرىلەتىپ، ”ءبىر دەلو، ءۇش تەكسەرۋ“ جاۋاپكەرشىلىگىن تياناقتاندىرىپ، قارا، سۇرقيا كۇشتەردىڭ زاڭعا قايشى قىلمىستارى مەن شىرىكتەسۋ ماسەلەلەرى ۇزاق ۋاقىت، تەرەڭ شىرما - شاتۋ ارالاسقان كۇردەلى دەلولار، سونداي - اق ءتۇيىندى سالالارداعى قارا، سۇرقيا كۇشتەرگە ساياتىن شىرىكتەسۋ دەلولارى جونىندە ءبىر ۋاقىتتا دەلو تۇرعىزىپ، ءبىر ۋاقىتتا تەكسەرىپ، قارا، سۇرقيا كۇشتەردىڭ ارتىنداعى ”بايلانىس تورىن“، ”باسقالقا“نى تۇبەگەيلى قاتاڭ تەكسەرۋ. بەسىنشى، نەگىزگى ساتى ۇيىمدىق قۇرىلىسى جاعىندا، قاتاڭ شارا قولدانىپ رەتتەپ، قىستاق پارتيا ۇيىمىنىڭ اۋىل - قىستاق نەگىزگى ساتىسىنىڭ جونگە سالۋ جۇيەسىندەگى باسشىلىق ورنىن كۇشەيتىپ، قىستاقتا تۇرۋ قىزمەتىن كۇشەيتىپ، باعىتتامالى قىستاقتا تۇرىپ كومەكتەسۋ، سۇيەمەلدەۋدى ورىستەتىپ، ”ەكى كوميتەت“تىڭ پارمەندى باسشىلىق القاسىن قۇرۋ؛ قىستاق كادرلارىنىڭ ۇنامسىز ءتىزىمىن جاساپ، قىستاق كادرلارىنىڭ شارتىنا تولمايتىن ادامداردى استە كىرگىزبەۋ؛ اۋىل - قىستاق نەگىزگى ساتى پارتيا ۇيىمى قۇرىلىسىن كۇشەيتىپ، وسى زامانعى نەگىزگى ساتىنى جونگە سالۋدىڭ جاڭا جاعدايىن اشۋ. التىنشى، ۇيىمدىق باسشىلىق جاعىندا، ءار دارەجەلى قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىنە باسشىلىق ەتۋ گرۋپپالارى مەن كەڭسەلەرى جەتەكشىلىك ەتۋ سەرپىنىن اناعۇرلىم كۇشەيتىپ، قۋزاۋ ءتاسىلىن ارناعا ءتۇسىرىپ، دەر كەزىندە ماسەلەنى بايقاۋ، ماسەلەنى شەشۋ؛ قارا، سۇرقيا كۇشتەرگە ساياتىن دەرەكتەردى جيناۋ، تاپسىرۋ، تەكسەرۋ، جاۋاپ قايتارۋ جابىق اينالىمدى مەحانيزمىن ورناتۋ، اقاۋسىزداندىرۋ؛ ۇگىتتەۋ، اتتانىسقا كەلتىرۋ تاسىلىنە، ادىسىنە جاڭالىق ەنگىزىپ، بۇقارانىڭ ءبىلۋ سالىستىرماسى مەن قاتىناسۋ سالىستىرماسىن جوعارىلاتىپ، قالىڭ حالىق بۇقاراسىنىڭ قارا كۇشتەردى الاستاۋ، سۇرقيا كۇشتەردى جويۋعا ات سالىسۋ سەنىمى مەن بەكىمىن نىعايتۋ؛ ادۆوكاتتاردىڭ كاسىپتىك ۇقىعىن شىن مانىندە قورعاپ، ءاربىر دەلونىڭ تاريحتىڭ سىنىنان، حالىقتىڭ سىنىنان، قوعامنىڭ سىنىنان وتۋىنە شىنايى كەپىلدىك ەتۋ.
«رەتتەۋ - تۇزەتۋ جوباسى»ندا قىزمەت تالابى ايقىندالدى. ءبىرىنشى، ۇيىمدىق باسشىلىقتى كۇشەيتۋ، جەر - جەر، تاراۋلار قوعام ورنىقتىلىعى مەن باياندى تىنىشتىق باس نىساناسىن جەتەكشى ەتىپ، ساياسي دەڭگەيدى اناعۇرلىم جوعارىلاتىپ، يدەيانى، ارەكەتتى بىرلىككە كەلتىرىپ، ماسەلەنى رەتتەۋ - تۇزەتۋدەگى ءبىر تۇتاس جوسپارلاپ سايكەسۋدى جانە قۋزاپ تياناقتاندىرۋدى كۇش سالا ويداعىداي يگەرۋ كەرەك. ەكىنشى، تۇلعالىق جاۋاپكەرشىلىكتى قاتايتۋ، ايماق، اۋدان ەكى دارەجەلى پارتكومنىڭ نەگىزگى جاۋاپتى جولداستارىنىڭ ءبىرىنشى جاۋاپتى ادامدىق جاۋاپكەرشىلىگىن كۇش سالا قاتايتۋ، جەر - جەردىڭ، تاراۋلاردىڭ نەگىزگى جاۋاپتى جولداستارى ارناۋلى كۇرەستى مىقتاپ يگەرىپ، وزدەرى زەرتتەپ ورنالاستىرىپ، وزدەرى ۇيىمداستىرىپ سايكەستىرۋى، وزدەرى دەلونىڭ ىستەلۋىن قۋزاۋى كەرەك. ءۇشىنشى، رەتتەۋ - تۇزەتۋدى باقىلاۋدى قاتايتۋ، ءار دارەجەلى پارتكومدار جاۋاپكەرشىلىكتى قۋزاستىرۋدى زاڭ - ەرەجە بويىنشا كۇشەيتىپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىنىڭ جانە اۆتونوميالى رايوندىق پارتكومنىڭ ورنالاستىرۋ تالاپتارىنىڭ ناقتاپ دايەكتىلەندىرىلۋىنە، تياناقتاندىرىلۋىنا شىنايى كەپىلدىك ەتۋ كەرەك.
«رەتتەۋ - تۇزەتۋ جوباسى»ندا ورتالىقتىڭ قارا كۇشتەردى الاستاۋ، سۇرقيا كۇشتەردى جويۋ 21 - قۋزاۋ - جەتەكشىلىك ەتۋ گرۋپپاسى اڭىس ەتكەن ماسەلەلەرگە سالىستىرىلا، 6 ۇلكەن ءتۇر بويىنشا 59 ءتۇرلى رەتتەۋ - تۇزەتۋ مازمۇنى سالالانىپ، رەتتەۋ - تۇزەتۋ نىساناسى، رەتتەۋ - تۇزەتۋ شاراسى، باستاۋشى باسشىلار، جاۋاپتى ورىندار، جاۋاپتى ادامدار جانە رەتتەۋ - تۇزەتۋ ۋاقىت شەگى ءبىر - بىرلەپ ايقىندالدى.
