تيانشان تورى   ›   جاڭالىقتار   ›   ماڭىزدى حابارلار

شي جينپيڭ مەملەكەتتىك كىتاپحانانىڭ ساقا ماماندارىنا جاۋاپ حات جازدى

شي جينپيڭ مەملەكەتتىك كىتاپحانانىڭ ساقا ماماندارىنا جاۋاپ حات جازىپ، بىلاي دەپ باسا دارىپتەدى

دۇرىس ساياسي بەتالىسقا تاباندى بولىپ، تاڭداۋلى ءداستۇرلى مادەنيەتتى اسقاقتاتايىق

جاۋاپ حات

  ديڭ يۇي، شۋە ديانشي قاتارلى جولداستار:

  سالەمەتسىزدەرمە! حاتتارىڭىزدى تاپسىرىپ الدىم. سىزدەردىڭ زەينەتكە، دەمالىسقا شىققاننان كەيىن دە مەملەكەتتىك كىتاپحانانىڭ دامۋىنا جانە مادەنيەت ىستەرىنە تىلەكتەس بولىپ وتىرعاندىقتارىڭىز، سىزدەردىڭ ”وركەنيەتتى جالعاستىرۋ، قوعامعا قىزمەت ەتۋ“ جونىندەگى اۋەلگى ماقساتتان اينىماعاندىقتارىڭىزدى بەينەلەيدى.

  110 جىلدان بەرى، مەملەكەتتىك كىتاپحانا جۇڭحۋا وركەنيەتىن جالعاستىرۋ، حالىقتىڭ ساپاسىن جوعارىلاتۋ، ەكونوميكالىق، قوعامدىق دامۋدى ىلگەرىلەتۋ سياقتى جاقتاردا بەلسەندى رول اتقاردى. مەملەكەتتىك كىتاپحاناداعى ءار ۇرپاق ادامدار وسى جولىندا اقىل - پاراساتى مەن كۇش - قۋاتىن جۇمسادى. وسى ارادا، مەن مەملەكەتتىك كىتاپحاناداعى بارلىق جولداستارعا ىقىلاستى سالەم جولدايمىن.

  كىتاپحانا − مەملەكەت مادەنيەتىنىڭ دامۋ دەڭگەيىنىڭ ماڭىزدى بەلگىسى، ۇلتتىڭ جان دۇنيەسىن نارلەندىرەتىن، مادەنيەت سەنىمىن جەتىلدىرەتىن ماڭىزدى ورىن. مەملەكەتتىك كىتاپحانانىڭ دۇرىس ساياسي بەتالىسقا تاباندى بولىپ، تاڭداۋلى ءداستۇرلى مادەنيەتتى اسقاقتاتىپ، قىزمەت وتەۋ فورماسىندا جاڭالىق اشىپ، جالپى حالىقتىق كىتاپ وقۋدى ىلگەرىلەتىپ، حالىقتىڭ رۋحاني مادەنيەت سۇرانىسىن اناعۇرلىم ويداعىداي قاناعاتتاندىرىپ، سوتسياليستىك مادەنيەتتە قۇدىرەتتى ەل قۇرۋعا تاعى دا تىڭ ۇلەس قوسۋىن ءۇمىت ەتەمىن.

  شي جينپيڭ

  2019 - جىلى 9 - ايدىڭ 8 - كۇنى

  (شينحۋا اگەنتتىگىنىڭ 9 - ايدىڭ 9 - كۇنى بەيجيڭنەن بەرگەن حابارى)

  شينحۋا اگەنتتىگىنىڭ 9 - ايدىڭ 9 - كۇنى بەيجيڭنەن بەرگەن حابارى. مەملەكەتتىك كىتاپحانا قۇرىلعاندىعىنىڭ 110 جىلدىعى بايلانىسىمەن، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ مەملەكەتتىك كىتاپحانانىڭ 8 ساقا مامانىنا جاۋاپ حات جازىپ، مەملەكەتتىك كىتاپحاناداعى بارلىق جولداستارعا ىقىلاستى سالەم جولداپ، مەملەكەتتىك كىتاپحانانىڭ سوتسياليستىك مادەنيەتتە قۇدىرەتتى ەل قۇرۋعا تاعى دا تىڭ ۇلەس قوسۋىن ءۇمىت ەتتى.

  شي جينپيڭ جاۋاپ حاتىندا بىلاي دەپ اتاپ كورسەتتى: سىزدەردىڭ زەينەتكە، دەمالىسقا شىققاننان كەيىن دە مەملەكەتتىك كىتاپحانانىڭ دامۋىنا جانە مادەنيەت ىستەرىنە تىلەكتەس بولىپ وتىرعاندىقتارىڭىز، سىزدەردىڭ ”وركەنيەتتى جالعاستىرۋ، قوعامعا قىزمەت ەتۋ“ جونىندەگى اۋەلگى ماقساتتان اينىماعاندىقتارىڭىزدى بەينەلەيدى.

  شي جينپيڭ بىلاي دەپ باسا دارىپتەدى: 110 جىلدان بەرى، مەملەكەتتىك كىتاپحانا جۇڭحۋا وركەنيەتىن جالعاستىرۋ، حالىقتىڭ ساپاسىن جوعارىلاتۋ، ەكونوميكالىق، قوعامدىق دامۋدى ىلگەرىلەتۋ سياقتى جاقتاردا بەلسەندى رول اتقاردى. مەملەكەتتىك كىتاپحاناداعى ءار ۇرپاق ادامدار وسى جولىندا اقىل - پاراساتى مەن كۇش - قۋاتىن جۇمسادى. وسى ارادا مەن مەملەكەتتىك كىتاپحاناداعى بارلىق جولداستارعا ىقىلاستى سالەم جولدايمىن.

  شي جينپيڭ بىلاي دەپ اتاپ كورسەتتى: كىتاپحانا − مەملەكەت مادەنيەتىنىڭ دامۋ دەڭگەيىنىڭ ماڭىزدى بەلگىسى، ۇلتتىڭ جان دۇنيەسىن نارلەندىرەتىن، مادەنيەت سەنىمىن جەتىلدىرەتىن ماڭىزدى ورىن. مەملەكەتتىك كىتاپحانانىڭ دۇرىس ساياسي بەتالىسقا تاباندى بولىپ، تاڭداۋلى ءداستۇرلى مادەنيەتتى اسقاقتاتىپ، قىزمەت وتەۋ فورماسىندا جاڭالىق اشىپ، حالپى حالىقتىڭ كىتاپ وقۋىن ىلگەرىلەتىپ، حالىقتىڭ رۋحاني مادەنيەت سۇرانىسىن اناعۇرلىم ويداعىداي قاناعاتتاندىرىپ، سوتسياليستىك مادەنيەتتە قۇدىرەتتى ەل قۇرۋعا تاعى دا تىڭ ۇلەس قوسۋىن ءۇمىت ەتەمىن. (جاۋاپ حاتتىڭ تولىعى ايىرىم بەرىلدى)

  مەملەكەتتىك كىتاپحانا 1909 - جىلى قۇرىلعان، كەزەكتە كىتاپحانادا ساقتالعان جازبالاردىڭ جالپى سانى 40 ميلليونعا تايايدى، جىلىنا قابىلدايتىن وقىرمان سانى 5 ميلليون ادام - رەتتەن اسادى. جۋىردا مەملەكەتتىك كىتاپحانانىڭ ديڭ يۇي، شۋە ديانشي سياقتى 8 ساقا مامانى باس شۋجي شي جينپيڭگە حات جازىپ، مەملەكەتتىك كىتاپحاناداعى اعا بۋىنداردىڭ مەملەكەتتىك كىتاپحانانىڭ وتاننىڭ گۇلدەنىپ - كوركەيۋى مەن دامۋىنا ىلەسىپ ۇزدىكسىز دامىعاندىعىنا كۋا بولعاندىقتارىن ماقتانىش ەتەتىندىكتەرىن، اۋەلگى ماقساتتان اينىماي، جاڭا داۋىردەگى كىتاپحانا ىستەرىنىڭ جەلكەن جايىپ تاعى العا تارتاتىندىعىنا بەرىك سەنىم ورناتاتىندىقتارىن بىلدىرگەن بولاتىن.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.