تيانشان تورى
تيانشان تورى   ›   جاڭالىقتار   ›   ماڭىزدى حابارلار

شي جينپيڭ چاۋشيان دەموكراتيالىق حالىق رەسپۋبليكاسى قۇرىلعاندىعىنىڭ 71 جىلدىعى بايلانىسىمەن چاۋشياننىڭ ەڭ جوعارى باسشىسى جين جىڭىنعا قۇتتىقتاۋ تەلەگرامماسىن جولدادى

  شينحۋا اگەنتتىگىنىڭ 9 - ايدىڭ 9 - كۇنى بەيجيڭنەن بەرگەن حابارى. 9 - ايدىڭ 9 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ چاۋشيان دەموكراتيالىق حالىق رەسپۋبليكاسى قۇرىلعاندىعىنىڭ 71 جىلدىعى بايلانىسىمەن چاۋشيان ەڭبەك پارتياسىنىڭ كوميتەت باستىعى، مەملەكەت ىستەرى كوميتەتىنىڭ كوميتەت باستىعى جين جىڭىنعا قۇتتىقتاۋ تەلەگرامماسىن جولدادى.

  شي جينپيڭ قۇتتىقتاۋ تەلەگرامماسىندا بىلاي دەدى: چاۋشيان دەموكراتيالىق حالىق رەسپۋبليكاسى قۇرىلعاندىعىنىڭ 71 جىلدىعى قارساڭىندا، مەن جۇڭگو كوممۋنيستىك پارتياسى، جۇڭگو ۇكىمەتى، جۇڭگو حالقى اتىنان، كوميتەت باستىعى جولداسقا ءارى ءسىز ارقىلى چاۋشيان ەڭبەك پارتياسىنا، چاۋشيان ۇكىمەتىنە، چاۋشيان حالقىنا قىزۋ مەرەيمەن قۇتتى بولسىن ايتامىن جانە شىنايى تىلەك جولدايمىن.

  شي جينپيڭ مىنانى ءبىلدىردى: چاۋشيان دەموكراتيالىق حالىق رەسپۋبليكاسى قۇرىلعان 71 جىلدان بەرى، چاۋشيان حالقى چاۋشيان ەڭبەك پارتياسىنىڭ باسشىلىعىندا سوتسياليستىك توڭكەرىس پەن قۇرىلىس ىستەرىنىڭ ۇزدىكسىز العا دامۋىن ىلگەرىلەتتى. كوميتەت باستىعى جولداس باس بولعان چاۋشيان ەڭبەك پارتياسىنىڭ باسشىلىعىندا چاۋشياننىڭ سوتسياليزم ىستەرى، ءسوزسىز، جاڭا ۇلى جەتىستىكتەرگە قول جەتكىزەدى دەپ سەنەمىن.

  شي جينپيڭ بىلاي دەپ باسا دارىپتەدى: مەن كوميتەت باستىعى جولداسپەن بىرگە جۇڭگو مەن چاۋشياننىڭ ءداستۇرلى دوستىعىن جالعاستىرىپ جانە اسقاقتاتىپ، ەكى ەلدىڭ دوستىق سەلبەستىك قاتىناسىنىڭ جاڭا تاريحي داۋىردە اناعۇرلىم زور دامۋدى جۇزەگە اسىرۋىن ىلگەرىلەتىپ، ەكى ەلدى جانە ەكى ەل حالقىن اناعۇرلىم ويداعىداي باقىتقا كەنەلتۋدى قالايمىن. چاۋشياننىڭ گۇلدەنىپ - كوركەيۋىن، حالقىنىڭ باقىتتى دا ساۋ - سالامات بولۋىن تىلەيمىن.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.