تيانشان تورى   ›   جاڭالىقتار   ›   سپورت الەمى

از ۇلتتاردىڭ 11 - كەزەكتى مەملەكەتتىك ءداستۇرلى سپورت جارىسىن ۇيىمداستىرۋ كوميسسياسى اقپار جاريالاۋ ءماجىلىسىن اشتى

رايونىمىز از ۇلتتاردىڭ ءداستۇرلى سپورت تۇرىنەن جيىنى 629دى كادەگە جاراتىپ، رەتكە سالدى

  ءتىلشى جىڭ ييۋان 9 - ايدىڭ 10 - كۇنى جىڭجوۋدان حابارلايدى. 9 - ايدىڭ 10 - كۇنى، از ۇلتتاردىڭ 11 - كەزەكتى مەملەكەتتىك ءداستۇرلى سپورت جارىسىن ۇيىمداستىرۋ كوميسسياسى جىڭجوۋداعى وليمپيادا دەنە تاربيە ورتالىعىندا اقپار جاريالاۋ ءماجىلىسىن اشىپ، وسى كەزەكتى از ۇلتتاردىڭ مەملەكەتتىك سپورت جارىسىنا قاتىناسىپ جاتقان شينجياڭ ۋاكىلدەر ۇيىرمەسى، حيلۇڭجياڭ ۋاكىلدەر ۇيىرمەسى، حۋنان ۋاكىلدەر ۇيىرمەسىنىڭ جارىسقا قاتىناسۋ جاعدايى جانە ۇلت ىستەرىنىڭ دامۋ جاعدايىن جاريالادى.

  اقپار جاريالاۋ ماجىلىسىندە شينجياڭ ۋاكىلدەر ۇيىرمەسىنىڭ ورىنباسار باستىعى، اۆتونوميالى رايوندىق ۇلت ىستەرى كوميتەتىنىڭ (ءدىن ىستەرى مەكەمەسىنىڭ) مەڭگەرۋشىسى (مەكەمە باستىعى) ماحمۇت وسمان: قازىر شينجياڭ از ۇلتتاردىڭ ءداستۇرلى سپورت تۇرىنەن جيىنى 629دى كادەگە جاراتىپ، رەتكە سالدى، - دەپ تانىستىردى.

  وسى كەزەكتى مەملەكەتتىك ۇلتتىق سپورت جارىسىنداعى شينجياڭ ۋاكىلدەر ۇيىرمەسى ۇيعۇر، حانزۋ، قازاق، حۇيزۋ، قىرعىز، موڭعۇل، سىبە، تاجىك، مانزۋ، وزبەك، ورىس، داعۇر، تاتار قاتارلى 13 ۇلتتىڭ سپورتشىلارى، باپكەرلەرى، جەتەكشىلەرى، قىزمەتكەرلەر جانە سول ارادا تۇراتىن ويىن كورسەتۋشىلەر سياقتى 260 ادامنان قۇرالعان. ۇلتتىق ات ونەرى، ۇلتتىق دەنە شىنىقتىرۋ گيمناستيكاسى، ۇلتتىق سايىس ونەرى، ۇلتتىق كۇرەس، جاياۋ تارتىس، التىباقان سياقتى 6 جارىس ءتۇرى، داۋاز، سارعايدي، ات ۇستىندە كۇش سىناسۋ، قىزقۋار، ءماررا دوبى سياقتى 5 ويىن كورسەتۋ تۇرىندەگى جارىسقا قاتىناسادى. مۇنىڭ ىشىندە، جارىس تۇرلەرىنەن ۇلتتىق كۇرەس، جاياۋ تارتىس، التىباقان، ونەر كورسەتۋ تۇرىنەن داۋاز، سارعايدي سياقتىلار شينجياڭ ۋاكىلدەر ۇيىرمەسىنىڭ باسىمدىققا يە تۇرلەرى. 9 - ايدىڭ 10 - كۇنىنە دەيىن، شينجياڭ ۋاكىلدەر ۇيىرمەسى التىباقان تۇرىندە ءۇش 2 - دارەجەلى سيلىققا يە بولىپ، شينجياڭ ۋاكىلدەر ۇيىرمەسىنە جاقسى باستاما اپەردى.

  شينجياڭ ۋاكىلدەر ۇيىرمەسىنىڭ ورىنباسار باستىعى، اۆتونوميالى رايوندىق دەنە تاربيە مەكەمەسىنىڭ ورىنباسار باستىعى ءجۇرات قاسىم بىلاي دەدى: ”شينجياڭ ۋاكىلدەر ۇيىرمەسىندەگى ءار ۇلت سپورتشىلارى وسى كەزەكتى از ۇلتتاردىڭ مەملەكەتتىك سپورت جارىسى كەزىندە تۋىسقان ولكە، قالا سپورتشىلارىمەن بىرگە جاتتىعۋ، جارىسقا ءتۇسۋ، پىكىر اۋىستىرۋ ورايىن قاستەرلەپ، تاسقىنداعان جىگەر جانە ەڭ تاماشا باسەكە كۇيىمەن جارىسقا ات سالىسىپ، جارىس ناتيجەسى مەن رۋحاني وركەنيەت سىندى ەكى جاقتا مول ناتيجە جاراتۋدى جۇزەگە اسىرۋعا ۇمتىلىپ، ۇزدىك ناتيجەمەن قاناعاتتانارلىقتاي جاۋاپ قاعازىن قايتارادى“.

  از ۇلتتاردىڭ ءداستۇرلى سپورت قيمىلدارى باي مازمۇندى بولىپ، ءار ۇلت بۇقاراسىنىڭ مادەنيەت تۇرمىسىن زور دارەجەدە بايىتتى. ۇعىسۋعا قاراعاندا، شينجياڭ وسىدان ىلگەرى 10 كەزەك از ۇلتتاردىڭ مەملەكەتتىك ءداستۇرلى سپورت جارىسىنا قاتىناسقان، اۆتونوميالى رايون ءار 4 جىلدا ءبىر كەزەك از ۇلتتار ءداستۇرلى سپورت جارىسىن وتكىزىپ قانا قالماستان، 14 ايماق، وبلىس، قالا مەن كوپ ساندى اۋدان، اۋىلدار دا اۋىل شارۋاشىلىعىنىڭ سايابىر كەزىندە تۇرلىشە فورماداعى از ۇلتتار ءداستۇرلى سپورت جارىسىن وتكىزىپ تۇرادى ەكەن.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.