جەمىس ورمانى كاسىبىنىڭ كەشەندى ءوندىرىس قۋاتى مەن بازارداعى باسەكەلىك قۋاتىن جاپپاي جوعارىلاتۋ كەرەك
ءتىلشى ليۋ ي 9 - ايدىڭ 10 - كۇنى حوتاننان حابارلايدى. 9 - ايدىڭ 9 - كۇنى، اۆتونوميالى رايون جەمىس ورمانى شارۋاشىلىعىنىڭ ساپاسىن جوعارىلاتىپ، ونىمدىلىگىن ارتتىرۋدىڭ جۇمىس باسى ىلگەرىلەتۋ ءماجىلىسىن اشىپ، بىلتىر قىس، بيىل كوكتەمنەن بەرگى جەر - جەردىڭ قىسقى سايابىرلىقتى قىسقى قاربالاستىققا وزگەرتىپ، جەمىس ورمانى شارۋاشىلىعىنىڭ ساپاسىن جوعارىلاتىپ، ونىمدىلىگىن ارتتىرىپ، كەدەيلىكتەن ارىلتۋدان قامال الۋعا دەم بەرگەن تاجىريبە - ادىستەرىن قورىتىندىلادى ءارى كەلەسى قادامداعى قىزمەتتەر جونىندە ورنالاستىرۋ جاسادى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوندىق پارتكوم اۋىل - قىستاق قىزمەتىنە باسشىلىق ەتۋ گرۋپپاسىنىڭ باستىعى لي پىڭشين ماجىلىسكە قاتىناستى ءارى ءسوز سويلەدى. اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز ءماجىلىستى باسقاردى.
ءماجىلىس مىنالاردى اتاپ كورسەتتى: جەمىس ورمانى شارۋاشىلىعىنىڭ ساپاسىن جوعارىلاتىپ، ونىمدىلىگىن ارتتىرۋدى ىلگەرىلەتۋ 1 - كاسىپتىڭ ورەسىن جوعارىلاتۋ، اۋىل - قىستاقتارداعى كاسىپتەردى وركەندەتۋدى ىلگەرىلەتۋ، اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسىن جەبەۋ، شينجياڭنىڭ جەمىس ورمانىنىڭ باسەكەلىك قۋاتىن جوعارىلاتۋ، شارۋالاردىڭ كىرىسىن ارتتىرۋدى جەبەۋ، وڭتۇستىك شينجياڭ ءوڭىرىنىڭ كەدەيلىكتەن ارىلتۋدان قامال الۋ شايقاسىنىڭ جەڭىسىنە جەتۋدىڭ قاجەتتى تالابى، ءمانى كەلەلى دە تەرەڭ. 2018 - جىلدان بەرى، جەر - جەر اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسىن نەگىزگى جەلى ەتىپ، اۋىل - قىستاقتى گۇلدەندىرۋ ستراتەگياسىن اتقارۋدى، كەدەيلىكتەن ارىلتۋدان قامال الۋ شايقاسىندا جەڭىسكە جەتۋدى توڭىرەكتەي وتىرىپ، جەمىس ورمانى شارۋاشىلىعىنىڭ ساپاسىن جوعارىلاتىپ، ونىمدىلىگىن ارتتىرۋدى ىلگەرىلەتىپ، جەمىس ونىمدەرىنىڭ ءونىم مولشەرى، ساپاسى، ساتىلۋ باعاسىندا ”3 ارتۋ“دى جۇزەگە اسىرۋدى جەبەپ، شارۋالاردىڭ كىرىستى ارتتىرۋىنا پارمەندى تىرەك بولىپ، جەمىس ورمانى شارۋاشىلىعىن دامىتۋ سەنىمى مەن بەكىمىن كۇشەيتتى.
ءماجىلىس مىنالاردى تالاپ ەتتى: باس شۋجي شي جينپيڭنىڭ اۋىل شارۋاشىلىعى، اۋىل - قىستاق، شارۋالار قىزمەتى جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، ءتۇيىندى يگەرۋدەن، ولقىلىقتاردى تولىقتاۋدان، ءالسىز تۇستاردى كۇشەيتۋدەن جازباي، كىشى پەيىل، بايىپتى، داندايسىمايتىن ءارى ۇشقالاقتىققا سالىنبايتىن تۇراقتىلىقپەن اۋەلگى ماقساتتان اينىماي، بورىشتى باتىلدىقپەن ارقالاپ، پارىقتاردى قاداعالاپ، تياناقتاندىرۋدى مىقتاپ يگەرىپ، جەمىس ورمانى شارۋاشىلىعىن جاسىلداندىرۋدى، ساپالىلاندىرۋدى، ەرەكشەلەندىرۋدى، ماركالاندىرۋدى كۇش سالا ىلگەرىلەتىپ، جەمىس ورمانى شارۋاشىلىعىنىڭ كەشەندى ءوندىرىس قۋاتى مەن تيجارات ونىمدىلىگىن جان - جاقتى جوعارىلاتىپ، جەمىس ورمانى تۇتاس كاسىپ تىزبەگىنىڭ ساپالىلانىپ دارەجەسىن جوعارىلاتۋدى، سايكەستى دامۋىن جەبەۋ كەرەك.
ءماجىلىس مىنالاردى باسا دارىپتەدى: كوكتەمدە دەمەۋ، جازدا باسقارۋ، كۇزدە تىزگىندەۋ، قىستا قورعاۋ - باسقارۋ شاراسىن جان - جاقتى تياناقتاندىرىپ، جەمىس پەن استىقتى، جەمىس پەن ماقتانى ارالاستىرىپ ەگۋ ماسەلەسىن جاقسى شەشىپ، جاسىل ءوندىرىس تەحنيكالىق ولشەمىن جۇرگىزىپ، جەمىس باقشاسىن تازارتۋ، سيرەكتىگى مەن قويۋلىعىن وزگەرتۋ سياقتى كەشەندى باسقارۋ شارالارىن جالپىلاستىرىپ، وتباسى تىڭايتقىشىن، ورگانيكالىق تىڭايتقىشتى كوبىرەك بەرىپ، ورگانيكالى كەرەكسىز زات بايلىعىن ءۇيىپ شىرىتپە تىڭايتقىش جاساپ اتىزعا قايتارۋدان، قىشى اتىزىن اۋدارىپ ساباعىن كومىپ اتىزعا قايتارۋدان تولىق پايدالانىپ، جەردى تىڭايتقىش ارقىلى قۇنارلاندىرىپ، جەمىس ورمانى اپاتىن تىزگىندەۋ جانە ونان ساقتانۋ قۋاتى قۇرىلىسى مەن ىقتاسىن ورمان تورى جۇيە قۇرىلىسىن كۇشەيتىپ، جەمىس ورمانى بازالارىن ولشەمدەندىرۋدى ىلگەرىلەتۋ كەرەك. اۋىل - قىستاق جارامدىلارىن، باستاماشىلارىن باۋلۋ جوسپارىن جانە ”ءبىر وتباسىندا ءبىر بىلەتىن ادام بولۋ“ باۋلۋ ينجەنەرياسىن اتقارىپ، جەمىس ورمانى تەحنيكاسىن جالپىلاستىرۋ، باۋلۋدى كۇشەيتىپ، جەمىس ورمانى ماماندىق تەحنيكالىق قىزمەت وتەۋ قوسىنى قۇرىلىسىن كۇشەيتىپ، اۆتونوميالى رايون تۇرۋعا جىبەرگەن جەمىس ورمانى عىلىم - تەحنيكاسىنان قىزمەت وتەۋ ۇيىرمەسىنىڭ رولىن ساۋلەلەندىرىپ، عىلىم - تەحنيكالىق زەرتتەپ اشۋ مەن جەتىستىكتەردى كادەگە جاراتۋدى تەزدەتىپ، جەمىس ورمانى عىلىم - تەحنيكاسىنىڭ تىرەك بولىپ قىزمەت وتەۋ قابىلەتىن جوعارىلاتۋ كەرەك. جەمىس ونىمدەرىن وڭدەۋ، كادەگە جاراتۋ قابىلەتى قۇرىلىسىن كۇشەيتىپ، ءار ءتۇرلى جاڭا تيپتەگى تيجارات تۇلعالارىنىڭ جەمىس ونىمدەرىن وڭدەپ تيجارات ەتۋىنە قولداۋ كورسەتىپ، كوپ نەگىزدى، جاڭا تيپتى كاسىپ كۇيىن جەتىلدىرىپ، جەمىس ورمانى كاسىپ تىزبەگىن كەڭەيتىپ، ۇستەمە قۇندى ارتتىرۋ كەرەك. جەمىس ونىمدەرى بازارىندا باعانى ورنىقتىرۋ قابىلەتىن جوعارىلاتىپ، ماركا جەتىلدىرۋ جانە بازار اشۋ تەبىنىن ارتتىرىپ، كەمەلدى جەمىس ورمانى بازارداعى ساتۋ جۇيەسىن ورناتىپ، ورماندىق جەمىس ونىمدەرى بازارىن اشۋ قىزمەتىن اناعۇرلىم كەڭ سالادا جانە اناعۇرلىم تەرەڭ ساتىدا بار كۇشپەن ىلگەرىلەتۋ كەرەك.
ءماجىلىس مىنالاردى تالاپ ەتتى: جەمىس ورمانى شارۋاشىلىعىنىڭ ساپاسىن جوعارىلاتىپ، ونىمدىلىگىن ارتتىرۋ ينجەنەرياسىنىڭ ۇدايىلانعان قىزمەت مەحانيزمىن ورناتىپ، قارجى ۇسىنىلىمى جانە فينانستىق قولداۋ تەبىنىن كۇشەيتىپ، جاڭا تيپتى تيجارات تۇلعالارىن جەتىلدىرىپ، قۋزاۋ مەن باعالاۋدى كۇشەيتىپ، جەمىس ورمانى شارۋاشىلىعىنىڭ ساپاسىن جوعارىلاتىپ، ونىمدىلىگىن ارتتىرۋ ينجەنەرياسىنىڭ جاپپاي تىڭعىلىقتى ىلگەرىلەۋىنە شىنايى كەپىلدىك ەتۋ كەرەك.
