تيانشان تورى   ›   جاڭالىقتار   ›   ايبىندى 70 جىل ، كۇرەسكە تولى جاڭا ءداۋىر

شينجياڭ ”ءۇش بازا، ءبىر ارنا“ قۇرىلىسىن جاپپاي جەدەلدەتتى

  تىلشىلەر باي جىيۇي، ما ينيڭ 9 - ايدىڭ 11 - كۇنى ۇرىمجىدەن حابارلايدى. 9 - ايدىڭ 4 - كۇنى ءتىلشى ”ەلىمىزدەگى ەڭ ۇلكەن تۇتاستانعان توتەنشە قويۋ مۇنايلى مۇناي الابى“ اتانعان جۇڭگو مۇنايى شينجياڭ مۇناي الابى سەرىكتەستىگىنىڭ فىڭچىڭ مۇناي الابى جۇمىس اۋماعىنان ءبىرقانشا مۇناي تارتقىشتىڭ تارتىپپەن قۇدىق تۇبىندەگى سۇيىقتىقتى الىپ شىققانىن ءارى جەر بەتىندەگى مۇناي جيناۋ قۇبىرى ارقىلى 1 - ءنومىرلى قويۋ مۇنايدى بىرلەستىرىپ وڭدەۋ پۋنكتىنە جەتكىزىپ جاتقانىن كوردى. ”مۇناي الۋ پۋنكتى كۇنىنە 3200 توننا قويۋ مۇنايدى وڭدەيدى. قازىر شينجياڭ مۇناي الابى سەرىكتەستىگىنىڭ قويۋ مۇناي جالپى ءونىم مولشەرى 100 ميلليون توننادان اسىپ، ەلىمىزدەگى ەڭ ۇلكەن ساپالى نافتەنيل قويۋ مۇناي ءوندىرۋ بازاسىن قۇرىپ ۇلگىردى“، - دەدى جۇمىس اۋماعى پارتكومىنىڭ شۋجيى جوۋ گۋاڭحۋا ماقتانىشپەن.

  جاڭا جۇڭگو قۇرىلعاننان بەرى، اسىرەسە، پارتيا 18 - قۇرىلتايىنان بەرى، رايونىمىز قامداۋ جاعىنداعى قۇرىلىمدىق رەفورمانى نەگىزگى جەلى، جاسىل دامۋدى ىلگەرىلەتۋدى، ەنەرگيا ءوندىرۋدى ىلگەرىلەتۋدى جانە تۇتىنۋ توڭكەرىسىن بەتالىس ەتىپ، مەملەكەتتىڭ ءىرى تيپتى مۇناي - تابيعي گاز ءوندىرۋ، مانەرلەۋ جانە ساقتاۋ بازاسى، ءىرى تيپتى كومىر، كومىر ەلەكتر، كومىر حيميا ونەركاسىبى بازاسى، ءىرى تيپتى جەل ەلەكتر جانە كۇن ەنەرگياسىمەن توك تاراتۋ بازاسى، مەملەكەتتىك ەنەرگيا بايلىعىنىڭ قۇرلىقتاعى ۇلكەن ارناسى جانە كەشەندى ەنەرگيا بازاسى قۇرىلىسىن ارقاۋ ەتىپ، ىلگەرىندى - كەيىندى ”شينجياڭنىڭ ەلەكترىن سىرتقا جەتكىزۋ“، ”باتىستىڭ گازىن شىعىسقا جەتكىزۋ“، وسى زامانعى كومىر حيميا ونەركاسىبى سياقتى ءبىر توپ كەلەلى ينجەنەريالاردى سالىپ، تۇتاس رايوننىڭ ەنەرگيامەن قامداۋدى قامتاماسىز ەتۋ قۋاتى كورنەكتى جوعارىلاپ، ەنەرگيا قۇرىلىمى ۇزدىكسىز ساپالىلانىپ، مەملەكەتتىڭ ەنەرگيامەن قامداۋ حاۋىپسىزدىگىن قامتاماسىز ەتۋگە، شينجياڭ ەكونوميكاسىنىڭ جوعارى ساپالى دامۋىن ىلگەرىلەتۋگە ەلەۋلى ۇلەس قوستى.

  رايونىمىز جۇندۇڭ ۇلكەن شاقتالى كەن اۋماعى وڭتۇستىك اشىق كەنى، جۇندۇڭ شيحيشان كەن اۋماعى جياڭجۇن قۇبا ءتۇزى 2 - ءنومىرلى اشىق كەنى، قۇمىل دانانحۋ كەن اۋماعىنىڭ 1 - ءنومىرلى 10 ميلليون توننالىق 3 ەرەكشە ءىرى كومىر كەنى سياقتىلاردى سالىپ بولدى. ”شينجياڭنىڭ ەلەكترىن سىرتقا جەتكىزۋ“دىڭ ءبىرىنشى ارناسى قۇمىلدىڭ وڭتۇستىگى − جىڭجوۋ ±800 كيلوۆولتتىق ەرەكشە جوعارى كەرنەۋلى تۇراقتى توك جەتكىزۋ ينجەنەرياسى، ەكىنشى ارناسى جۇندۇڭ − حۋادۇڭ (ۋاننان)±1100 كيلوۆولتتىق ەرەكشە جوعارى كەرنەۋلى تۇراقتى توك جەتكىزۋ ينجەنەرياسىنا سايكەس سىرتقا جەتكىزىلەتىن ەلەكتر قاينارى ىركەس - تىركەس سالىنىپ بولىپ، ىسكە قوسىلدى. چيڭحۋا ىلە ءبىرىنشى مەرزىمدىك جىلىنا ءبىر ميلليارد 375 ميلليون تەكشە مەتر كومىردەن تابيعي گاز ايىرۋ، ىلە شينتيان جىلىنا 2 ميلليارد تەكشە مەتر كومىردەن تابيعي گاز ايىرۋ سياقتى وسى زامانعى كومىر حيميا ونەركاسىپ نىساندارى ىركەس - تىركەس وندىرىسكە قوسىلدى.

  سونىمەن بىرگە، رايونىمىز جوڭعار، تارىم، تۇرپان - قۇمىل ءۇش ۇلكەن مۇناي - تابيعي گاز ويپاتىندا بايلىق بارلاۋ جانە اشۋ تەبىنىن كۇشەيتىپ، ماحۋ مۇناي الابى، جەمسارى جىمي مۇناي الابى، شۇنبەي مۇناي الابى سياقتى ءىرى مۇناي - تابيعي گاز الاپتارىندا جاڭا تابىستارعا قول جەتكىزدى، مەجەمەن 2020 - جىلعا جەتكەندە، تۇتاس رايوننىڭ مۇناي - تابيعي گاز ءونىم مولشەرى 60 ميلليون توننالىق مۇناي - تابيعي گاز بالاماسىنا جەتەدى. مايتاۋ، ءۇرىمجى، قارامايلى، وڭتۇستىك شينجياڭ تارىم وزەنى مۇناي حيمياسى سياقتى 10 ميلليون توننالىق ءىرى تيپتى مۇناي ايىرۋ مەن مۇناي حيميا ءبىر تۇلعالاندىرىلعان بازا قالىپتاسىپ، تۇتاس رايوننىڭ وڭدەلمەگەن مۇنايدى ءبىر جولدا وڭدەۋ قۋاتى 29 ميلليون 500 مىڭ تونناعا جەتتى.

  جاڭا ەنەرگيا نىساندارىنىڭ قۇرىلىسى جەدەل ىلگەرىلەتىلدى. قۇمىلدىڭ شىعىس وڭتۇستىگىندەگى جەلدى اۋماقتاعى ءبىرىنشى مەرزىمدىك جەل ەلەكتر، وڭتۇستىك شينجياڭنىڭ 4 ايماق، وبلىسىنداعى فوتوۆولتتىق توك تاراتۋ بازاسى سياقتى كەلەلى جاڭا ەنەرگيا نىساندارى ىركەس - تىركەس سالىنىپ بولدى. 2019 - جىلى 8 - ايدىڭ سوڭىنا دەيىن، تازا ەنەرگيانىڭ گەنەراتور اگراگاتتارىنىڭ سيىمدىلىعى 36 ميلليون 422 مىڭ كيلوۆات بولىپ، تۇتاس رايونداعى ءبىر تۇتاس رەتتەلەتىن جالپى گەنەراتور اگراگاتىنىڭ %41.1ىن يەلەدى.

  اۆتونوميالى رايوندىق دامۋ جانە رەفورما كوميتەتى ەنەرگيا باسقارماسىنىڭ قاتىستى قىزمەتكەرى مىنانى ءبىىلدىردى: قازىر رايونىمىز ەنەرگيا ءتۇزىلىس مەحانيزمى رەفورماسىن بەلسەنە ىلگەرىلەتىپ، ەنەرگيانىڭ دامۋ ومىرشەڭدىك قۋاتىن ۇزدىكسىز تۋىنداتتى. ءبىر توپ حالىقتىق كاسىپورىندار مەن مۇناي سالاسىنا جاتپايتىن مەملەكەت مەنشىگىندەگى كاسىپورىندار باسقى بارلاۋ - اشۋ بازارىنا كىردى، 21 مۇناي، مۇناي حيميا نىسانى، 49 مۇنايعا قاتىستى قىزمەت وتەۋ كاسىپورىندارى قارجى بىرىكتىرۋدى، سەلبەسۋدى قاراستى جەردە تىركەۋگە الدىرۋدى اياقتاتتى، شينجياڭ مۇناي - تابيعي گاز ساۋدا ورتالىعىن سالۋعا دايىندالۋ جۇمىستارى دا جەدەل ىلگەرىلەتىلۋدە.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • جاڭا قىستاقتىڭ جاڭا كەلبەتى
  • كەمەنى بالىققا تولتىرىپ، مول ونىممەن ورالدى
  • جاڭا ۇيگە كوشتى جاڭا تۇرمىس كەشىردى