ءتىلشى لي ياڭ 9 - ايدىڭ 11 - كۇنى ۇرىمجىدەن حابارلايدى. 9 - ايدىڭ 11 - كۇنى تۇستەن بۇرىن، اۆتونوميالى رايوندىق ساياسي كەڭەس 12 - كەزەكتى كوميتەتى تۇراقتى كوميتەتىنىڭ 7 - رەتكى ءماجىلىسى ءتۇرلى كەڭەستىك تارتىپتەرىن اياقتاتقاننان كەيىن ۇرىمجىدە جابىلدى. اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ءماجىلىستى باسقاردى ءارى ءسوز سويلەدى.
نۇرلان ءابىلماجىن بىلاي دەپ باسا دارىپتەدى: كەدەيلىكتەن ارىلتۋدان قامال الۋ شايقاسى شەشۋشى جەڭىسكە قول جەتكىزۋدىڭ ماڭىزدى كەزەڭىنە ءوتتى، وسى رەتكى تۇراقتى كوميتەت ءماجىلىسى ”نازاردى باس نىساناعا شوعىرلاندىرىپ، حالىقتىق كاسىپورىنداردىڭ رولىن ساۋلەلەندىرىپ، اۋىر كەدەي اۋدان - قالالاردىڭ كەدەيلىكتەن دالمە - ءدال ارىلۋىنا دەم بەرۋ“دى كەڭەس تاقىرىبى ەتىپ، ارناۋلى تاقىرىپتا ۇكىمەت ءىسىن كەڭەستى، مۇشەلەر ىشكەرىلەي تەكسەرۋ - زەرتتەۋ نەگىزىندە سىندارلى پىكىر - ۇسىنىستاردى ورتاعا قويىپ، پارتيا مەن ۇكىمەتتىڭ عىلمي شەشىم جاساۋىنا ءتيىمدى پايدالانۋ ماتەريالىن بەلسەنە ازىرلەدى. بۇكىل رايونىمىزداعى ءار دارەجەلى ساياسي كەڭەس، ساياسي كەڭەسكە قاتىناسقان ءارقايسى ورىندار، ءار ۇلت، ءار سالا مۇشەلەرى ”ءتورت تانىم“دى ونان ارى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، ءسوز جوق، جەڭىسكە جەتۋ سەنىمىن بەكەمدەپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە ۋاعىندا جاپپاي قول جەتكىزۋگە وڭ ەنەرگيا ۇيىستىرۋ كەرەك.
نۇرلان ءابىلماجىن بىلاي دەپ اتاپ كورسەتتى: حالىقتىق كاسىپورىندار رايونىمىزدىڭ كەدەيلەردى قوعامدىق سۇيەمەلدەۋدەگى جالىندى كۇش، دامىپ زورايۋمەن بىرگە، كەدەيلىكتەن ارىلتۋدان قامال الۋدىڭ نەگىزگى شايقاس مايدانىنا ىرىقتىلىقپەن ات سالىسۋى كەرەك. كاسىپ سالاسى بويىنشا كەدەيلەردى سۇيەمەلدەۋ جانە تۇتىنۋ بويىنشا كەدەيلەردى سۇيەمەلدەۋ جاعىنان ونەرىن بارىنشا ايگىلەپ، اۋىل شارۋاشىلىعى ونىمدەرىن وڭدەۋدىڭ جاڭا كاسىپ كۇيىن بەلسەنە جەتىلدىرىپ، باۋلۋدى ويداعىداي ورىستەتىپ، كەدەي بۇقارانىڭ جۇمىستانۋ قابىلەتىن كۇشەيتىپ، وڭتۇستىك شينجياڭنىڭ اۋىل - قىستاقتارىنداعى ارتىق ەڭبەككۇشتەردى باسقا سالاعا ويىستىرىپ جۇمىستاندىرۋعا مۇمكىندىكتىڭ بارىنشا كومەكتەسىپ، اۋىر كەدەي وڭىرلەردىڭ كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋىنە دەم بەرۋ كەرەك.
نۇرلان ءابىلماجىن بىلاي دەپ باسا دارىپتەدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ كەدەيلەردى سۇيەمەلدەۋ قىزمەتى جونىندەگى ماڭىزدى بايىمداۋلارىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرىپ، تياناقتاندىرىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋدىڭ وڭ ەنەرگياسىن كەڭىنەن ۇيىستىرۋ كەرەك. يدەيا - ساياسي جاقتان جەتەكشىلىك ەتۋدى كۇشەيتۋدى، ورتاق تانىمدى كەڭىنەن ۇيىستىرۋدى وزەكتى بۋىن ەتىپ، ۇسىنىس قويۋ، كەڭەس بەرۋ جانە ورتاق تانىم ۇيىستىرۋ جاعىندا قوس باعىتتا كۇش شىعارىپ، قوعامداعى ءار سالانى كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋدىڭ نەگىزگى شايقاس مايدانىنا بەلسەنە ات سالىسۋعا جۇمىلدىرۋ جانە وعان جەتەكشىلىك ەتۋ كەرەك. ساياسي كەڭەستىڭ كوپىرلىك رولىن تولىق ساۋلەلەندىرىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋگە كۇش - قۋات توپتاۋ كەرەك. ساياسي كەڭەستىڭ اقىل - پاراسات قامباسى رولىن تولىق ساۋلەلەندىرىپ، الۋان فورماداعى اقىلداسۋ، ۇكىمەت ءىسىن كەڭەسۋ قيمىلدارىن ورىستەتىپ، كەدەيلىكتەن ارىلتۋدان قامال الۋعا اقىل - كەڭەس بەرۋ كەرەك. ساياسي كەڭەستىڭ كومەكتەسۋ - سۇيەمەلدەۋ رولىن تولىق ساۋلەلەندىرىپ، كەدەيلەردى سۇيەمەلدەۋدىڭ ءتۇرلى بايلىعىن كەدەي اۋداندارعا، كەدەي قىستاقتارعا، كەدەي بۇقاراعا بەيىمدەۋدى جانە شوعىرلاندىرىپ كۇش شىعارۋدى سايكەستىرە ىلگەرىلەتۋ كەرەك. ساياسي كەڭەستىڭ باقىلاۋ رولىن تولىق ساۋلەلەندىرىپ، كەدەيلىكتەن ارىلتۋدان قامال الۋ ساياساتتارىنىڭ شىن مانىندە ناقتاپ تياناقتاندىرىلۋىن جەبەۋ كەرەك.
نۇرلان ءابىلماجىن مىنالاردى تالاپ ەتتى: شارالاردى اناعۇرلىم كۇشەيتىپ، جاۋاپكەرشىلىكتى تياناقتاندىرىپ، جاڭا جۇڭگو قۇرىلعاندىعىنىڭ 70 جىلدىعىنا جاراسىمدى، ورنىقتى قوعامدىق ورتا ازىرلەۋ كەرەك. ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىن مۇقيات ويداعىداي ورىستەتىپ، نەگىزگى تاقىرىپتىق تاربيەنىڭ ناقتى جەتىستىكتەرىمەن جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ تياناقتانىپ تەرەڭ تامىر تارتۋىن ىلگەرىلەتۋ كەرەك.
ءماجىلىس كادرلار ىسىنە قاتىستى ىستەردى ماقۇلدادى، اۆتونوميالى رايوندىق پارتكوم پارتيا مەكتەبىنىڭ ورىنباسار باستىعى ھەبي سالامنىڭ «شينجياڭداعى ۇلتتاردىڭ مادەنيەتى − جۇڭحۋا مادەنيەتىنىڭ ايرىلماس قۇرامداس بولىگى» دەگەن تاقىرىپتا جاساعان ارناۋلى تاقىرىپتىق لەكسياسىن تىڭدادى.
اۆتونوميالى رايوندىق ساياسي كەڭەستىڭ ورىنباسار ءتوراعاسى، قوسىمشا باس حاتشى جاڭ بو، ورىنباسار ءتوراعالار ءمۇتاللىپ وبۇل، ياڭ يۇڭ، ءيىلھام سابىر ماجىلىسكە قاتىناستى.
