ءتىلشى يۋان لەي 9 - ايدىڭ 11 - كۇنى ۇرىمجىدەن حابارلايدى. 9 - ايدىڭ 11 - كۇنى اۆتونوميالى رايوننىڭ ءتوراعاسى شوكىرات زاكىر اۆتونوميالى رايوندىق حالىق ۇكىمەتىنىڭ ۇنەمىلىك ىستەر ءماجىلىسىن باسقارىپ اشىپ، اقسۋ توقىماشىلىق ونەركاسىبى ورتالىعىنىڭ (اشۋ رايونى) جالپى جوباسى (2030 − 2019)، وتباسىلىق قىزمەت وتەۋ كاسىبىنىڭ ساپاسىن جوعارىلاتىپ، كولەمىن كەڭەيتۋدى جەبەۋ، اۆتونوميالى رايوننىڭ الەۋمەتتىك بايلىقتى ساۋدالاۋ تۇعىرىن بىرىكتىرۋدى، بىرگە يگىلىكتەنۋدى تەرەڭدەتۋ سياقتى قىزمەتتەردى اقىلداستى.
ءماجىلىس مىنالاردى باسا دارىپتەدى: اقسۋ توقىماشىلىق ونەركاسىبى ورتالىعى (اشۋ رايونى) قۇرىلىسىن جەدەل ىلگەرىلەتۋ رايونىمىزدىڭ ماقتا توقىماشىلىعى كاسىبىنىڭ دامۋىن جەبەۋ، كەدەيلىكتەن ارىلتۋدان قامال الۋعا دەم بەرۋ، ەكونوميكانىڭ جوعارى ساپالى دامۋىن ىلگەرىلەتۋ جونىنەن ماڭىزدى ءمان الادى. اۆتونوميالى رايوننىڭ توقىماشىلىق، كيىم - كەشەك كاسىبى سالاسى ارقىلى جۇمىستانۋدى جەتەكتەۋ تالابى بويىنشا، دامۋ دەڭگەيىن ونان ارى ساپالىلاندىرىپ، رەتتەپ، جوبالاپ، ورنالاستىرۋدى ساپالىلاندىرىپ، قاتىناستى كەمەلدەندىرىپ، ورتانى قورعاۋعا ءمان بەرىپ، اقسۋ توقىماشىلىق ونەركاسىبى ورتالىعى (اشۋ رايونى) قۇرىلىسىن جەدەل ىلگەرىلەتىپ، جۇمىستانۋدى جەتەكتەۋگە، كىرىستى ورنىقتى ارتتىرۋعا كەپىلدىك ەتىپ، جىبەك جولى ەكونوميكالىق بەلدەۋى وزەكتى رايون قۇرىلىسىندا باسىمدىققا قول جەتكىزۋگە قۇلشىنۋ كەرەك.
ءماجىلىس مىنالاردى اتاپ كورسەتتى: ءۇي شارۋاسى قىزمەت وتەۋ كاسىبىنىڭ ساپاسىن جوعارىلاتىپ، كولەمىن كەڭەيتۋدى ىلگەرىلەتۋ جۇمىستانۋدى جەبەۋدە، كەدەيلىكتەن دالمە - ءدال ارىلتۋدا، حالىق تۇرمىسىن قامتاماسىز ەتۋدە ماڭىزدى رول اتقارادى. ءۇي شارۋاسى قىزمەت وتەۋ كاسىبىنىڭ ساپاسىن جوعارىلاتىپ، كولەمىن كەڭەيتۋدى ىلگەرىلەتۋدى ماڭىزدى قىزمەت كۇن تارتىبىنە ەنگىزىپ، تۇتاس قوعام سايكەسە ىلگەرىلەتەتىن مەحانيزم ورناتىپ، ءتۇرلى ساياسات - شارالاردىڭ تياناقتانۋىنا كەپىلدىك ەتىپ، ءار ۇلت بۇقاراسىنىڭ كۇننەن - كۇنگە ارتىپ كەلە جاتقان سان سالالى ءۇي شارۋاسى قىزمەت وتەۋ قاجەتىن ۇزدىكسىز قاناعاتتاندىرىپ، ءۇي شارۋاسى قىزمەت وتەۋ كاسىبىنىڭ جۇمىستانۋدى جەبەۋ، كەدەيلىكتەن دالمە - ءدال ارىلتۋ، حالىق تۇرمىسىن قامتاماسىز ەتۋ سياقتى جاقتارداعى بەلسەندى رولىن تولىق ساۋلەلەندىرىپ، ەكونوميكانىڭ جوعارى ساپالى دامۋىن جۇزەگە اسىرۋ كەرەك.
ءماجىلىس مىنالاردى باسا دارىپتەدى: الەۋمەتتىك بايلىق ساۋدا تۇعىرىن بىرىكتىرۋدى، بىرگە يگىلىكتەنۋدى تەرەڭدەتۋ − اكىمشىلىك قۇرىلىمدى ىقشامداپ، بيلىكتى تومەنگە بەرۋدەگى ماڭىزدى شارا، بازاردىڭ ومىرشەڭدىگىن قاۋلاتۋدا، كاسىپورىندار ساۋداسىنىڭ وزىندىك قۇنىن تومەندەتۋدە توتەنشە ماڭىزدى مانگە يە. جەر - جەر، قاتىستى تاراۋلار بازاردىڭ بايلىقتى ورنالاستىرۋداعى شەشۋشى رولىن تولىق ساۋلەلەندىرىپ، ۇكىمەتتىڭ رولىن اناعۇرلىم ويداعىداي ساۋلەلەندىرىپ، بىركەلكى الەۋمەتتىك بايلىق ساۋدا تۇعىرىن بىرىكتىرىپ ورناتىپ، الەۋمەتتىك بايلىق ساۋدا ەرەجەسىنە ۇزدىكسىز ىزدەنىس جاساپ جانە ونى كەمەلدەندىرىپ، الەۋمەتتىك بايلىق ساۋدا ءتارتىبىن عىلميلاندىرىپ، ونىمدىلىگىن جوعارىلاتىپ، ساۋدا قيمىلىن ءتىپتى دە جۇيەلى، ءتارتىپتى ەتىپ، ونىمدىلىگىن جانە پايداسىن ونان ارى جوعارىلاتىپ، زاڭعا قايشى، بەلگىلەمەگە قايشى ارەكەتتەردى قاتاڭ تەكسەرىپ ءبىر جايلى ەتىپ، ءبىر تۇتاس اشىق، باسەكەسى ءتارتىپتى الەۋمەتتىك بايلىق ساۋدا بازارىنىڭ اقاۋسىز اينالىمىن جەبەپ، بازار تۇلعاسىنىڭ تابىس سەزىمىن ۇزدىكسىز كۇشەيتۋ كەرەك.
ءماجىلىس تاعى باسقا ىستەردى اقىلداستى.
