تيانشان تورى   ›   جاڭالىقتار   ›   شۋجي ەستەلىگى

اۆتونوميالى رايون ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىنىڭ 1 - توپتاعىسىن قورىتىندىلاۋ جانە 2 - توپتاعىسىنا ورنالاستىرۋ جاساۋ ءماجىلىسىن اشتى

  اۋەلگى ماقساتتى ۇمىتپاۋدى، بورىشتى ەستە بەرىك ساقتاۋدى ماڭگىلىك تاقىرىپ، ومىرلىك تاقىرىپ ەتىپ، 2 - توپتاعى نەگىزگى تاقىرىپتىق تاربيەنى پارمەندى، ءتارتىپتى ىلگەرىلەتىپ، ناقتى ونىمدىلىككە قول جەتكىزۋگە شىنايى كەپىلدىك ەتۋ كەرەك

  چىن چۋانگو، وۋياڭ سۇڭ ءسوز سويلەدى، شوكىرات زاكىر باسقاردى، شاۋكەت يمىن، لي پىڭشين قاتىناستى

  تىلشىلەر ياۋ تۇڭ، ۋاڭ شيڭرۇي 9 - ايدىڭ 11 - كۇنى ۇرىمجىدەن حابارلايدى. 9 - ايدىڭ 11 - كۇنى تۇستەن بۇرىن، اۆتونوميالى رايون ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىنىڭ 1 - توپتاعىسىن قورىتىندىلاۋ جانە 2 - توپتاعىسىنا ورنالاستىرۋ جاساۋ ءماجىلىسىن اشىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، باس شۋجي شي جينپيڭنىڭ نەگىزگى تاقىرىپتىق تاربيە جونىندەگى ءبىر قىدىرۋ ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، رايونىمىزدىڭ 1 - توپتاعى نەگىزگى تاقىرىپتىق تاربيەسىن قورىتىندىلاپ، 2 - توپتاعى نەگىزگى تاقىرىپتىق تاربيەسىنە ورنالاستىرۋ جاسادى. اۆتونوميالى رايوندىق پارتكومنىڭ شۋجيى، اۆتونوميالى رايوننىڭ ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىنە باسشىلىق ەتۋ گرۋپپاسىنىڭ باستىعى چىن چۋانگو، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىنە ورتالىقتىڭ 6 - ارالاپ تەكسەرۋ، قۋزاۋ - جەتەكشىلىك ەتۋ گرۋپپاسىنىڭ باستىعى وۋياڭ سۇڭ ماجىلىسكە قاتىناستى ءارى ءسوز سويلەدى.

  اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر ءماجىلىستى باسقاردى. اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى شاۋكەت يمىن، اۆتونوميالى رايوندىق پارتكومنىڭ ورىنباسار شۋجيى لي پىڭشين ماجىلىسكە قاتىناستى.

  چىن چۋانگو بىلاي دەپ اتاپ كورسەتتى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ورتالىق 6 - جەتەكشىلىك ەتۋ گرۋپپاسىنىڭ دەن قويا جەتەكشىلىك ەتۋىندە، اۆتونوميالى رايون 1 - توپتاعى نەگىزگى تاقىرىپتىق تاربيەنى تىڭعىلىقتى ورىستەتىپ، نازاردى نەگىزگى تاقىرىپتا، نەگىزگى جەلىدە، نازاريامەن قارۋلانۋدا تىڭ بيىككە كوتەرىلۋدى جۇزەگە اسىرۋعا شوعىرلاندىرىپ، بەرىك پارتيالىلىقتى، يدەيالىق ورەنى سومداۋدا جاڭا وسۋگە يە بولىپ، بورىشتى، جاۋاپكەرشىلىك ارقالاۋدى كۇشەيتۋدە، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرۋدە جاڭا ىلگەرىلەۋشىلىككە قول جەتكىزىپ، حالىققا سۇيىسپەنشىلىكتى، بۇقاراعا قىزمەت وتەۋدى كۇشەيتۋدە جاڭا ناتيجەگە قول جەتكىزىپ، پاكتىك قورعانىس شەبىن بەكەمدەپ، ساياسي ەكولوگيادا جاڭا بەينە بايقاتىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرۋدىڭ، تياناقتاندىرۋدىڭ يدەيالىق سانالىلىعىن، ساياسي سانالىلىعىن، ارەكەت سانالىلىعىن اناعۇرلىم كۇشەيتتى.

  چىن چۋانگو بىلاي دەپ باسا دارىپتەدى: ءار دارەجەلى پارتيا ۇيىمدارى 2 - توپتاعى نەگىزگى تاقىرىپتىق تاربيەنى ويداعىداي ورىستەتۋدىڭ كەلەلى ءمانىن تولىق تانىپ، ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، 1 - توپتاعى نەگىزگى تاقىرىپتىق تاربيەنىڭ تابىستى تاجىريبەلەرىنەن تولىق ۇلگى الىپ، ونى قولدانىپ، نىسانا - مىندەتتەردى، نەگىزگى پرينسيپتى، جالپى تۇلعالىق ورنالاستىرۋدى ايقىنداپ، قىزمەت ءتۇيىنىن كورنەكتىلەندىرىپ، جاپپاي قامتۋدى ورىنداپ، ۇيرەنۋ - تاربيەنى، تەكسەرۋ - زەرتتەۋدى، ماسەلەنى قاداعالاۋدى، رەتتەۋ - تۇزەتۋدى تياناقتاندىرۋدى ويداعىداي يگەرۋگە تاباندى بولىپ، 2 - توپتاعى نەگىزگى تاقىرىپتىق تاربيەنى تىڭعىلىقتى ورىستەتىپ، نەگىزگى تاقىرىپتىق تاربيەنىڭ جانە شينجياڭنىڭ ورنىقتىلىعىنىڭ، دامۋىنىڭ ءتۇرلى قىزمەتتەرىن ىلگەرىلەتۋدىڭ ءىس جۇزىندىك ناتيجەسى ارقىلى جاڭا جۇڭگو قۇرىلعاندىعىنىڭ 70 جىلدىعىن قۇتتىقتاۋ كەرەك. نازاردى نەگىزگى جەلىگە شوعىرلاندىرۋعا تاباندى بولۋ كەرەك. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ سىندى وسى نەگىزگى جەلىنى ارقاۋ ەتىپ، ءتۇپ نۇسقادان ۇيرەنۋگە، قايتا - قايتا ىشكەرىلەي ۇيرەنۋگە، ءىس جۇزىندىكپەن بايلانىستىرىپ ۇيرەنۋگە تاباندى بولىپ، نازاريا ارقىلى اۋەلگى ماقساتتى نارلەندىرۋ، نازاريا ارقىلى بورىشقا ءجون سىلتەۋ كەرەك. كەلەلى جاعدايعا قىزمەت وتەۋگە تاباندى بولۋ كەرەك. باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ءسوزىنىڭ جانە ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرىپ، تياناقتاندىرىپ، شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتۋ كەرەك. ماسەلەنى باعدار ەتۋگە تاباندى بولۋ كەرەك. ماسەلەلەردى بەتكە الىپ، ماسەلەلەردى قۋالاپ ءارى پارتيالى كادرلاردىڭ ءوز بويىندا ورىن تەپكەن ماسەلەلەردى، اسىرەسە، يدەيالىق تامىرداعى ماسەلەلەردى كۇش سالا شەشۋ، ءارى قوعام ورنىقتىلىعى مەن باياندى تىنىشتىقتىڭ تەرەڭ قاتپارلى ماسەلەلەرىن، بۇقارانىڭ ەڭ كوڭىل ءبولىپ وتىرعان، ەڭ تىكە، ەڭ رەال مۇددەلىك ماسەلەلەرىن كۇش سالا شەشۋ كەرەك. ءتۇيىندى كورنەكتىلەندىرۋگە تاباندى بولۋ كەرەك. اۋدان، باسقارما دارەجەلىدەن جوعارى باسشى كادرلاردى ءتۇيىن ەتىپ، الدىمەن ۇيرەنىپ، الدىمەن تۇزەتىپ، بىلگەن زامان تۇزەتىپ، قالىڭ پارتيالى كادرلاردىڭ ۇيرەنۋ - تاربيەسىنە ۇلگى كورسەتۋ ارقىلى جەتەكشىلىك ەتۋ كەرەك. اشىق تاربيە جۇرگىزۋگە تاباندى بولۋ كەرەك. بۇقارانىڭ ات سالىسۋىن كەڭەيتىپ، بۇقارانىڭ باقىلاۋىن سانالى تۇردە قابىلداپ، بۇقارانى باعالاۋعا ىرىقتىلىقپەن ۇسىنىس ەتىپ، بۇقارانىڭ تابىس سەزىمى ارقىلى نەگىزگى تاقىرىپتىق تاربيەنىڭ تابىسىن سىننان وتكىزۋ كەرەك. ءبىر تۇتاس جوسپارلاپ، تەڭ ءمان بەرۋگە تاباندى بولۋ كەرەك. نەگىزگى تاقىرىپتىق تاربيەنى پارتيا ورتالىق كوميتەتىنىڭ ءتۇرلى شەشىمدەرىن، ورنالاستىرۋلارىن تياناقتاندىرۋمەن ۇشتاستىرىپ، ءوز ءوڭىرىنىڭ، ءوز تاراۋىنىڭ، ءوز ورنىنىڭ وزەكتى قىزمەتىن ىلگەرىلەتۋمەن ۇشتاستىرىپ، جاڭا جۇڭگو قۇرىلعاندىعىنىڭ 70 جىلدىعىن قۇتتىقتاۋمەن ۇشتاستىرىپ، ءار دارەجەلى پارتيا ۇيىمدارىنىڭ جانە پارتيا مۇشەلەرىنىڭ، كادرلاردىڭ نەگىزگى تاقىرىپتىق تاربيەدە جارىققا شىققان قىزمەت ىنتاسىن جانە كۇرەسكەرلىك رۋحىن جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن كۇش سالا جازۋدىڭ قۇدىرەتتى قوزعاۋشى كۇشىنە اينالدىرۋ كەرەك.

  چىن چۋانگو بىلاي دەپ باسا دارىپتەدى: ۇيىمدىق باسشىلىقتى كۇشەيتىپ، 2 - توپتاعى نەگىزگى تاقىرىپتىق تاربيەنى پارمەندى، ءتارتىپتى ىلگەرىلەتۋ كەرەك. جاۋاپكەرشىلىكتى تياناقتاندىرۋدى كۇشەيتۋ كەرەك، ايماقتىق (وبلىس، قالا)، اۋداندىق (قالا، رايون) پارتكومدار نەگىزگى تۇلعالىق جاۋاپكەرشىلىكتى ارقالاۋ ءارى ءوزىن ويداعىداي يگەرۋ، ءارى نەگىزگى ساتىنى ويداعىداي يگەرۋ كەرەك، ءار دارەجەلى پارتيا ۇيىمدارىنىڭ شۋجيلەرى نەگىزگى تاقىرىپتىق تاربيەنىڭ ءبىرىنشى جاۋاپتى ادامى بولۋداي جاۋاپكەرشىلىكتى ارقالاۋ كەرەك. قۋزاۋ - جەتەكشىلىك ەتۋدى شىنايى يگەرىپ، پرينسيپكە تاباندى بولىپ، قاتاڭ، شىنايى بولىپ، ماسەلەلەردى دەر كەزىندە بايقاپ جانە شەشىپ، تياناقتاندىرۋدى ىلگەرىلەتۋ، ساپاعا شىنايى كەپىلدىك ەتۋ كەرەك. تۇرگە ءبولىپ ىلگەرىلەتۋگە باسا ءمان بەرىپ، تۇرلىشە جىكتەگىلەردىڭ، تۇرلىشە سالالاردىڭ، تۇرلىشە وبيەكتىلەردىڭ ەرەكشەلىگىنە مەڭزەس، ۇيىمداستىرۋ، جەتەكشىلىك ەتۋ ءتاسىلىن جاڭالاپ، نەگىزگى تاقىرىپتىق تاربيەنىڭ ونىمدىلىگىن ارتتىرۋ كەرەك. قويۋ راي قالىپتاستىرىپ، ۇنامدى ۇگىت پەن قوعامدىق پىكىر جەتەكشىلىگىن كۇشەيتىپ، وڭ ەنەرگيا ۇيىستىرۋ، تاماشا راي قالىپتاستىرۋ كەرەك. فورماشىلدىقتان ساقتانىپ، فورماشىلدىقتى، تورەشىلدىكتى باتىل تەجەپ، ۋاقىت ۇتامىن دەپ اسىعۋدان، قارقىن قۋۋدان، شالاعايلىق ىستەۋدەن باتىل ساقتانۋ كەرەك. نەگىزگى تاقىرىپتىق تاربيە ورىستەتۋدى وراي ەتۋگە، قوزعاۋشى كۇش ەتۋگە تاباندى بولىپ، قوعام ورنىقتىلىعى مەن باياندى تىنىشتىقتى تىڭعىلىقتى ىلگەرىلەتىپ، ءتۇرلى قىزمەتتەردىڭ دەڭگەيىنىڭ جوعارىلاۋىن ىلگەرىلەتۋ كەرەك.

  وۋياڭ سۇڭ بىلاي دەپ اتاپ كورسەتتى: ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسى ورىستەتىلگەننەن بەرى، شينجياڭ ۇيعۇر اۆتونوميالى رايوندىق پارتكوم شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، پارتيا ورتالىق كوميتەتىنىڭ ورنالاستىرۋلارىن تالاپتارى بويىنشا، باسشىلىقتى كۇشەيتىپ، دەن قويا ۇيىمداستىرىپ، ءتۇيىندى كورنەكتىلەندىرىپ، تىڭعىلىقتى ىلگەرىلەتىپ، اۆتونوميالى رايوننىڭ 1 - توپتاعى نەگىزگى تاقىرىپتىق تاربيەسىندە كورنەكتى ناتيجەگە قول جەتكىزدى. 1 - توپتاعى نەگىزگى تاقىرىپتىق تاربيە تابىسىن بەكەمدەپ، كەڭەيتىپ، نازاريامەن قارۋلانۋدى كۇشەيتۋگە بۇلجىماي تاباندى بولىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇزدىكسىز ىشكەرىلەي ۇيرەنىپ، دايەكتىلەندىرىپ، سانالى تۇردە ”ءتورت تانىم“دى كۇشەيتۋ، ”ءتورت سەنىم“دى بەكەمدەۋ، ”ەكىنى قورعاۋ“دى ورىنداۋ؛ رەتتەۋ - تۇزەتۋدى تياناقتاندىرۋ، اسىرەسە، ارناۋلى رەتتەۋ - وڭاۋ قىزمەتىن باستان - اياق ويداعىداي يگەرۋگە شەبەر بولىپ، جۇيەلى رەتتەپ، ەسەپ سالىستىرىپ، اداقتاپ، جوعارى مەن تومەندى بىرگە ارەكەتتەندىرىپ، كۇش بىرىكتىرە رەتتەپ - تۇزەتىپ، ونىمدىلىكتى وكشەلەي قۋزاپ، قايتالاۋدان ساقتانىپ، ءىس جۇزىندىك ناتيجە ارقىلى حالىقتىڭ سەنىمىنە يە بولۋ؛ اۋەلگى ماقساتتى ۇمىتپاۋدى، بورىشتى ەستە بەرىك ساقتاۋدى ماڭگىلىك تاقىرىپ، ومىرلىك تاقىرىپ ەتۋگە تاباندى بولىپ، وسى رەتكى نەگىزگى تاقىرىپتىق تاربيەنىڭ ءونىمدى ءادىسىن قورىتىندىلاپ، قولدانىپ، پارتيانى جاپپاي قاتاڭ جونگە سالۋدىڭ تەرەڭدەي دامۋىن ىلگەرىلەتۋ كەرەك.

  وۋياڭ سۇڭ بىلاي دەپ باسا دارىپتەدى: پارتيا ورتالىق كوميتەتىنىڭ ورنالاستىرۋلارىن، تالاپتارىن مۇقيات دايەكتىلەندىرىپ، تياناقتاندىرىپ، باس شۋجي شي جينپيڭنىڭ ماڭىزدى ءسوزىنىڭ جانە ماڭىزدى نۇسقاۋىنىڭ، بەكىتۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، 1 - توپتاعى نەگىزگى تاقىرىپتىق تاربيەنىڭ تابىستى تاجىريبەلەرىنەن ۇلگى الىپ، ونى قولدانىپ، 2 - توپتاعى نەگىزگى تاقىرىپتىق تاربيەنى شىنايى ويداعىداي يگەرۋ كەرەك. نازاردى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنۋ، دايەكتىلەندىرۋ سىندى وسى ءتۇبىرلى مىندەتكە شوعىرلاندىرىپ، ”اۋەلگى ماقساتتان اينىماۋ، بورىش ارقالاۋ، پارىقتى تابۋ، تياناقتاندىرۋدى يگەرۋ“ سىندى وسى جالپى تالاپتى دايەكتىلەندىرىپ، ءتۇيىندى وبيەكتىلەردى كورنەكتىلەندىرىپ، تۇرگە ءبولىپ جەتەكشىلىك ەتۋدى كۇشەيتىپ، كورنەكتى ماسەلەلەردى شەشىپ، نەگىزگى تۇلعالىق جاۋاپكەرشىلىكتى تياناقتاندىرىپ، فورماشىلدىقتى، تورەشىلدىكتى باتىل تەجەپ، تۇتاس نەگىزگى تاقىرىپتىق تاربيەنىڭ ورگانيكالى ۇشتاسۋىنا، ۇزدىكسىز ىلگەرىلەۋىنە، ناقتى ونىمدىلىككە قول جەتكىزۋىنە شىنايى كەپىلدىك ەتۋ كەرەك.

  ءماجىلىس تەلەۆيزور - تەلەفون ءماجىلىسى فورماسىندا اشىلدى. اۆتونوميالى رايوندىق پارتكومنىڭ، حالىق قۇرىلتايىنىڭ، ۇكىمەتتىڭ، ساياسي كەڭەستىڭ باسشىلارى، ورتالىقتىڭ 6 - ارالاپ تەكسەرۋ، قۋزاۋ - جەتەكشىلىك ەتۋ گرۋپپاسىنداعى قاتىستى جولداستار، اۆتونوميالى رايونعا (ورتالىققا) توتە قاراستى ورىنداردىڭ نەگىزگى جاۋاپتى جولداستارى، پارتيا 19 - قۇرىلتايىنىڭ ۋاكىلدەرى، اۆتونوميالى رايوندىق پارتكومنىڭ ءارقايسى شارلاۋ گرۋپپاسىنىڭ باستىقتارى، اۆتونوميالى رايوننىڭ نەگىزگى تاقىرىپتىق تاربيەگە باسشىلىق ەتۋ گرۋپپاسى كەڭسەسىنىڭ، ءارقايسى قىزمەت گرۋپپاسىنىڭ قاتىستى جاۋاپتى جولداستارى، اۆتونوميالى رايوننىڭ نەگىزگى تاقىرىپتىق تاربيە بويىنشا ارالاپ تەكسەرۋ، جەتەكشىلىك ەتۋ گرۋپپاسىنىڭ باستىقتارى، ورىنباسار باستىقتارى نەگىزگى ءماجىلىس الاڭىندا ماجىلىسكە قاتىناستى. ءارقايسى ايماقتاردىڭ (وبلىس، قالا)، اۋدانداردىڭ (قالا، رايون) جانە قاتىستى ورىنداردىڭ جاۋاپتى جولداستارى بولىمشە ءماجىلىس الاڭىندا ماجىلىسكە قاتىناستى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.