شينحۋا اگەنتتىگىنىڭ 9 - ايدىڭ 11 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 9 - ايدىڭ 11 - كۇنى ميكرونەزيا فەدەراتسياسىنىڭ زۇڭتۇڭى پانۋەلومەن ءوزارا قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 30 جىلدىعىن قىزۋ قۇتتىقتادى.
شي جينپيڭ قۇتتىقتاۋ تەلەگرامماسىندا بىلاي دەپ اتاپ كورسەتتى: جۇڭگو مەن ميكرونەزيا ديپلوماتيالىق قارىم - قاتىناس ورناتقان 30 جىلدان بەرى، ەكى ەلدىڭ قارىم - قاتىناسى تاماشا دامۋدى ساقتادى. ەكى جاقتىڭ جوعارى جىكتەگىلەرىنىڭ بارىس - كەلىسى جيىلەپ، ناقتى ىستەر سەلبەستىگىندە مول تابىسقا قول جەتكىزدى، گۋمانيتارلىق اۋىس - كۇيىس كۇن سايىن كەڭەيدى. مەن جۇڭگو مەن ميكرونەزيا قارىم - قاتىناسىنىڭ دامۋىنا وسكەلەڭ ءمان بەرەمىن، پانۋەلو زۇڭتۇڭمەن بىرگە قۇلشىنىپ، ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 30 جىلدىعىن تىڭ باستاما ەتىپ، ساياسي ءوزارا سەنىمدىلىكتى كۇشەيتىپ، ناقتى ىستەر سەلبەستىگى مەن دوستىق بارىس - كەلىستى تەرەڭدەتىپ، ەكى ەلدىڭ جان - جاقتى ستراتەگيالىق سەرىكتەستىك قارىم - قاتىناسىنىڭ تىڭ بەلەسكە كوتەرىلۋىن ىلگەرىلەتىپ، ەكى ەل حالقىن اناعۇرلىم جاقسى باقىتقا كەنەلتۋدى قالايمىن.
پانۋەلو قۇتتىقتاۋ تەلەگرامماسىندا مىنالاردى ءبىلدىردى: ميكرونەزيا مەن جۇڭگونىڭ قارىم - قاتىناسى بەيبىت قاتار تۇرۋ 5 پرينسيبى نەگىزىندە قۇرىلعان. ديپلوماتيالىق قارىم - قاتىناس ورناتقان 30 جىلدان بەرى، ميكرونەزيا مەن جۇڭگونىڭ قارىم - قاتىناسى قارىشتاپ دامىدى. ميكرونەزيا جاق ءبىر جۇڭگو ساياساتىن بۇلجىماي اتقارادى، ”ءبىر بەلدەۋ، ءبىر جول“ ۇلى باستاماسىن قولدايدى. ميكرونەزيا - جۇڭگو قارىم - قاتىناسىنىڭ بولاشاقتا ونان ارى بيىككە كوتەرىلۋىن شىن جۇرەكتەن تىلەيمىن.
