ەكى ەلدىڭ مەملەكەت باسشىلارى ءبىر اۋىزدان جۇڭگو مەن قازاقستاننىڭ ماڭگىلىك جان - جاقتى ستراتەگيالىق سەرىكتەستىك قارىم - قاتىناسىن دامىتۋدى ۇيعاردى
شينحۋا اگەنتتىگىنىڭ 9 - ايدىڭ 11 - كۇنى بەيجيڭنەن بەرگەن حابارى (ءتىلشى سۇن ي). مەملەكەت ءتوراعاسى شي جينپيڭ 9 - ايدىڭ 11 - كۇنى حالىق سارايىندا قازاقستاننىڭ زۇڭتۇڭى توقايەۆپەن كەڭەس وتكىزدى. ەكى ەلدىڭ مەملەكەت باسشىلارى ءبىر اۋىزدان ەكى جاقتىڭ قيىن - قىستاۋ كەزدە بىرگە ءوتۋ، سەلبەسىپ تەڭ يگىلىكتەنۋ رۋحىن نەگىز ەتىپ، جۇڭگو مەن قازاقستاننىڭ ماڭگىلىك جان - جاقتى ستراتەگيالىق سەرىكتەستىك قارىم - قاتىناسىن دامىتۋدى ۇيعاردى.
شي جينپيڭ بىلاي دەدى: ەندى 10 نەشە كۇننەن كەيىن، ءبىز جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن سالتاناتتى تۇردە قۇتتىقتايمىز. 70 جىلدان بەرى، جۇڭگو كوممۋنيستىك پارتياسى جۇڭگو حالقىن باستاپ كۇللى دۇنيە ءجۇزى كوز تىككەن ۇلى جەتىستىككە قول جەتكىزىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ نىساناسىنا قاراي ارشىندى قادام تاستاۋدا. بۇل ءۇردىس ەشقاشان وڭايدان وڭاي ءساتتى بولا قالمايدى، ءبىراق مەيلى سىرتقى جاعداي قالاي وزگەرسە دە، جۇڭگو ءوزىنىڭ ءىسىن تاباندىلىقپەن، بار ىقىلاسىمەن ويداعىداي ىستەپ، رەفورمانى جاپپاي تەرەڭدەتىپ، سىرتقا ەسىك اشۋدى كەڭەيتىپ، اناعۇرلىم جوعارى ساپالى دامۋدى جۇزەگە اسىرۋدى ىلگەرىلەتەدى. ءبىزدىڭ ءتۇرلى حاۋىپ - قاتەر، سىن - سايىستارعا ويداعىداي توتەپ بەرۋگە قابىلەتىمىز تولىق جەتەدى، ءارقانداي قيىندىق پەن حاۋىپ ءبىزدىڭ العا باسقان قادامىمىزعا بوگەت بولا المايدى. ورنىقتى، اشىق، گۇلدەنگەن جۇڭگو قاشاندا دۇنيە ءجۇزىنىڭ بولاشاقتاعى دامۋ ورايى بولا بەرەدى.
شي جينپيڭ بىلاي دەپ اتاپ كورسەتتى: جۇڭگو - قازاقستان قارىم - قاتىناسى تاتۋ كورشىلىك دوستىقتىڭ ۇلگىسى. جۇڭگو جاق قازاقستان جاقپەن جان - جاقتى سەلبەستىكتى تەرەڭدەتىپ، جىبەك جولى ەكونوميكالىق بەلدەۋىن بىرگە قۇرۋ مەن ”نۇرلى جول“ جاڭا ەكونوميكالىق ساياساتىن ءتۇيىلىستىرۋدى ويداعىداي تياناقتاندىرىپ، ۇلاستىرۋ - تۇتاستىرۋدى كۇشەيتىپ، جۇڭگو - قازاقستان قۇرلىق - تەڭىز بىرلەسكەن تاسىمال ۇلكەن ارناسىن ىركىلىسسىزدەندىرىپ، ەكونوميكا - ساۋدا سەلبەستىگىنىڭ ساپاسىن كوتەرۋدى، دەڭگەيىن جوعارىلاتۋدى ىلگەرىلەتىپ، وندىرىستىك قۋات سەلبەستىگىن تىڭعىلىقتى ىلگەرىلەتىپ، عىلىم - تەحنيكادا جاڭالىق اشۋ سەلبەستىگىن كەڭەيتىپ، گۋمانيتارلىق اۋىس - كۇيىس پەن جەرگىلىكتى بارىس - كەلىستى جيىلەتۋدى قالايدى. جۇڭگو مەن قازاقستان ايقىن تۋ ۇستاي وتىرىپ، كوپ جاقتىلىق پەن اشىق دۇنيە ءجۇزى ەكونوميكاسىن قورعاپ، اناعۇرلىم تەڭ، ءادىل، ۇيلەسىمدى الەمدىك جونگە سالۋ جۇيەسىن قۇرۋدى ىلگەرىلەتۋگە بەلسەندى ۇلەس قوسۋ كەرەك. شاڭحاي سەلبەستىك ۇيىمىنىڭ وڭىرلىك جانە حالىقارالىق ىستەردە اناعۇرلىم ۇلكەن، بەلسەندى رول اتقارۋىن ىلگەرىلەتىپ، ورتاق، كەشەندى بولۋ، سەلبەسۋ، باياندى بولۋ سىندى جاڭا حاۋىپسىزدىك كوزقاراسىن بەلسەنە امالياتتا ايگىلەپ، حاۋىپسىزدىك سەلبەستىگىن ارتتىرىپ، كۇش بىرىكتىرە وتىرىپ ”ءۇش ءتۇرلى كۇش“كە سوققى بەرىپ، سىن - سايىسقا قول ۇستاسا توتەپ بەرۋ كەرەك.
توقايەۆ جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قىزۋ قۇتتىقتادى. توقايەۆ مىنالاردى ءبىلدىردى: جاڭا جۇڭگو تاڭعاجايىپ تاريحي كەزەڭدەردى باسىپ ءوتىپ، شۇعىلالى دامۋ جەتىستىكتەرىنە قول جەتكىزىپ، جۇڭگو حالقىن باقىتقا كەنەلتىپ قانا قالماستان، دۇنيە ءجۇزىنىڭ دامۋى مەن ادامزاتتىڭ العا باسۋىن جەبەۋ ءۇشىن دە ەلەۋلى ۇلەس قوستى. جۇڭگونىڭ رەفورما جاساۋى، ەسىك اشۋى قازاقستان قاتارلى مەملەكەتتەرگە وراي اكەلدى. قازاقستان جاق جۇڭگو ۇكىمەتى مەن حالقىنىڭ مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعاۋىنا باتىل قولداۋ كورسەتەدى. قازاقستان جاق جۇڭگومەن ماڭگىلىك جان - جاقتى ستراتەگيالىق سەرىكتەستىك قارىم - قاتىناس ورناتۋدى وراي ەتىپ، قازاقستان - جۇڭگو قارىم - قاتىناسىنىڭ ونان ارى دامۋىن ىلگەرىلەتۋدى قالايدى. قازاقستان جاق 6 جىلدىڭ الدىندا ءسىزدىڭ قازاقستاندا ”جىبەك جولى ەكونوميكالىق بەلدەۋىن“ بىرگە قۇرۋ سىندى ۇلى باستامانى ورتاعا قويعاندىعىڭىزدى ايرىقشا داڭق دەپ بىلەدى، بۇل ءوڭىردىڭ، ءتىپتى، دۇنيە ءجۇزىنىڭ بولاشاقتاعى دامۋىندا ايرىقشا ماڭىزدى مانگە يە. قازاقستان جاق جۇڭگو جاقپەن جوعارى جىكتەگىلەردىڭ بارىس - كەلىسىن جيىلەتىپ، ”ءبىر بەلدەۋ، ءبىر جول“ اياسىندا ەكونوميكا - ساۋدا، نەگىزدىك قۇرىلعى، ەنەرگيا، 5G، عىلىم - تەحنيكا، گۋمانيتارلىق سياقتى سالالارداعى ناقتى ىستەر سەلبەستىگىن كۇشەيتۋدى كۇتەدى. ەكى جاق شاڭحاي سەلبەستىك ۇيىمى جانە ازيا ءوزارا سەلبەستىك جانە سەنىم شارالارى جونىندەگى كەڭەس اياسىندا پىكىرلەسۋدى، سايكەسۋدى جيىلەتىپ، ”ءۇش ءتۇرلى كۇش“كە سوققى بەرىپ، ءوڭىردىڭ حاۋىپسىزدىگىن قورعاپ، سىرتتان كەلەتىن كيلىگۋگە قارسى تۇرۋى ءتيىس.
كەڭەستەن كەيىن، شي جينپيڭ توقايەۆپەن بىرگە «جۇڭحۋا حالىق رەسپۋبليكاسى مەن قازاقستان رەسپۋبليكاسىنىڭ بىرلەسكەن مالىمدەمەسى»نە قول قويدى. ەكى ەلدىڭ مەملەكەت باسشىلارى تاعى كوپ ءتۇرلى ەكى جاقتى سەلبەستىك كەلىسىمدەرىنە قول قويۋعا كۋا بولدى.
كەڭەستىڭ الدىندا، شي جينپيڭ حالىق سارايىنىڭ شىعىس قاقپاسىنىڭ سىرتىنداعى الاڭدا توقايەۆكە ارناپ قارسى الۋ سالتىن وتكىزدى. ياڭ جيەچى، شىن يۋەيۋە، ۋاڭ ي، شيا باۋلۇڭ، حى ليفىڭ قاتارلىلار قاتىناستى.
