تيانشان تورى
تيانشان تورى   ›   جاڭالىقتار   ›   ماڭىزدى حابارلار

شي جينپيڭ حى يچىڭمەن كەزدەستى

  شينحۋا اگەنتتىگىنىڭ 9 - ايدىڭ 11 - كۇنى بەيجيڭنەن بەرگەن حابارى (ءتىلشى ليۋ حۋان). مەملەكەت ءتوراعاسى شي جينپيڭ 9 - ايدىڭ 11 - كۇنى تۇستەن كەيىن حالىق سارايىندا جاڭادان سايلانعان ءارى ورتالىق ۇكىمەتتىڭ تاعايىنداۋىنا يە بولعان اۋمىن ەرەكشە اكىمشىلىك رايونىنىڭ 5 - كەزەكتى اكىمى حى يچىڭمەن كەزدەستى.

  شي جينپيڭ حى يچىڭنىڭ ورتالىق ۇكىمەتتىڭ اۋمىن ەرەكشە اكىمشىلىك رايونىنىڭ 5 - كەزەكتى اكىمدىگىنە تاعايىنداۋىنا يە بولعاندىعىن قۇتتىقتايتىندىعىن ءبىلدىردى. شي جينپيڭ بىلاي دەدى: ۇزاق ۋاقىتتان بەرى ءسىز وتاندى ءسۇيۋ، اۋمىندى ءسۇيۋ تۇرعىسىنان جازباي، اۋمىن قوعامىنا ىقىلاسپەن قىزمەت ەتىپ كەلدىڭىز، مەملەكەتتىك حالىق قۇرىلتايى تۇراقتى كوميتەتىنىڭ مۇشەسى جانە اۋمىن زاڭ شىعارۋ كوميتەتىنىڭ ءتوراعاسى سياقتى كوپتەگەن قىزمەتتەردى اتقارعان مەزگىلدە بار زەيىن - قۋاتىڭىزى جۇمساپ، مەملەكەتتىڭ رەفورما جاساۋ، ەسىك اشۋ جانە وسىزامانداندىرۋ قۇرىلىسىنا، اۋمىننىڭ گۇلدەنۋىنە، ورنىقتىلىعىنا بەلسەندى ۇلەس قوستىڭىز. ورتالىق مۇنى تولىق تۇراقتاندىرادى. بۇل جولعى اكىم سايلاۋىندا ءسىزدىڭ كوپ داۋىسپەن كورسەتىلىپ، كوپ داۋىسپەن سايلانۋىڭىز اۋمىن قوعامىنىڭ ءسىزدى جاپپاي شىنايى مويىندايتىندىعىن تولىق كورسەتتى.

  شي جينپيڭ مىنالاردى ءبىلدىردى: بيىل اۋمىننىڭ وتان قۇشاعىنا ورالعاندىعىنىڭ 20 جىلدىعى. 20 جىلدان بەرى حى حوۋحۋا، سۇي شى - ان 2 اكىمنىڭ باستاۋىندا اۋمىن ەرەكشە اكىمشىلىك رايونى ۇكىمەتى قوعامداعى ءار سالا قايراتكەرلەرىن ىنتىماقتاستىرىپ، ”ءبىر ەل، ەكى ءتۇزىم“ باعىتىن جاپپاي، دۇرىس ءتۇسىنىپ جانە دايەكتىلەندىرىپ، نەگىزگى زاڭ مەن ءتۇبىرلى زاڭنىڭ بەدەلىن باتىل قورعاپ، وتاندى ءسۇيۋ، اۋمىندى ءسۇيۋ وزەكتى قۇن كوزقاراسىن جالعاستىرىپ، اۋمىن ەكونوميكاسىنىڭ جىلدام ارتۋىن، حالىق تۇرمىسىنىڭ ءۇرتىس جاقسارۋىن، قوعامنىڭ ورنىقتىلىعىن، جاراسىمدىلىعىن جەبەپ، دۇنيە جۇزىنە اۋمىن ەرەكشەلىگىنە يە ”ءبىر ەل، ەكى ءتۇزىم“ تابىستى امالياتىن ايگىلەدى. فاكت ”ءبىر ەل، ەكى ءتۇزىم“نىڭ بۇكىلدەي جۇزەگە اساتىندىعىن، قولدان كەلەتىندىگىن، جۇرت تىلەگىنەن شىعاتىندىعىن دالەلدەدى!

  شي جينپيڭ حى يچىڭنىڭ كەلەلى جاعدايدى كوكەيدە ساقتاپ، بيىكتە تۇرىپ الىسقا كوز تاستاپ، اۋمىننىڭ ءىس جۇزىندىك جاعدايىن جانە مەملەكەتتىڭ دامۋ ستراتەگياسى قاجەتىن دۇرىس يگەرىپ، اۋمىن ەرەكشە اكىمشىلىك رايونىنىڭ جاڭا كەزەكتى ۇكىمەتىن جانە قوعامداعى ءار سالا قايراتكەرلەردى سايكەسە ەكپىندەي ىلگەرىلەپ، وزگەرىس ەنگىزىپ، جاڭالىق اشىپ، اۋمىننىڭ بولاشاق دامۋىن دەن قويا جوبالاپ، ”ءبىر ەل، ەكى ءتۇزىم“نىڭ تابىستى امالياتىنىڭ تىڭ داستانىن ۇزدىكسىز جازۋعا ىنتىماقتاستىرۋىن، باستاۋىن ءۇمىت ەتتى.

  حى يچىڭ ورتالىق ۇكىمەتتىڭ ءوزىن اۋمىن ەرەكشە اكىمشىلىك رايونىنىڭ 5 - كەزەكتى اكىمى ەتىپ تاعايىنداعاندىعىن داڭق دەپ سەزىندى، ءتوراعا شي جينپيڭ مەن ورتالىق ۇكىمەتتىڭ باسشىلىعىندا ”ءبىر ەل، ەكى ءتۇزىم“ باعىتىن بۇلجىماي دايەكتىلەندىرىپ، تياناقتاندىرىپ، نەگىزگى زاڭ مەن ءتۇبىرلى زاڭنىڭ بەدەلىن ويداعىداي قورعاپ، ورتالىق پەن اۋمىن ەرەكشە اكىمشىلىك رايونىنىڭ تاماشا قارىم - قاتىناسىن ويداعىداي قورعاپ، ورتالىقتىڭ جان - جاقتى باسقارۋ - جونگە سالۋ ۇقىعىن ويداعىداي قورعاپ، مەملەكەتتىڭ يەلىك ۇقىعىن، حاۋىپسىزدىگىن جانە دامۋ مۇددەسىن ويداعىداي قورعاپ، ”ءبىر ەل، ەكى ءتۇزىم“نىڭ اۋمىنداعى امالياتىنىڭ نىق قاداممەن الىستارعا جالعاسۋىن ىلگەرىلەتۋگە بەل بۋدى.

  حان جىڭ، ديڭ شۋەشياڭ، ياڭ جيەچى، يوۋ چۋان، ۋاڭ ي، جاۋ كىجى قاتارلىلار كەزدەسۋگە قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.