تيانشان تورى   ›   جاڭالىقتار   ›   شينجياڭ حابارلارى

رايونىمىز باي مازمۇندى قيمىلدار وتكىزىپ، مەرەكەنى قارسى الدى

ءتىلشى لي لي، ەرىكتى ءتىلشى ۋ چىنلۇڭ

  جۇڭچيۋ مەرەكەسى قارساڭىندا، رايونىمىزدىڭ جەر - جەرى الۋان فورمادا نەگىزگى تاقىرىپتىق مادەنيەت قيمىلدارىن وتكىزىپ، ءار ۇلت بۇقاراسىنا قيمىل بارىسىندا جۇڭحۋانىڭ تاڭداۋلى ءداستۇرلى مادەنيەتىنىڭ تارتىمدىلىعىن سەزىندىرىپ، مەرەكەنى بىرگە قۇتتىقتادى.

  بىرگە ايكۇلشە جاساۋ، ايكۇلشە جەۋ، جۇمباق شەشۋ، ادەبيەت - كوركەمونەر ويىندارىن تاماشالاۋ، جۇڭچيۋ مەرەكەسىنىڭ سالت - ساناسىن ءبىلۋ... 9 - ايدىڭ 11 - كۇنى تۇستەن كەيىن ءۇرىمجى قالاسىنىڭ ”مەيىر جەتكىزۋ“ − مەيىرگە تولى مەرەكە. ەرىكتى شاعىن ارەكەتى، تيانشان رايونىنىڭ ”اي تولعان جۇڭچيۋ. سۇيىسپەنشىلىككە تولى تيانشان“ ەرىكتى قىزمەت وتەۋ قيمىلى ءۇرىمجى قالالىق كاسىپتىك ورتا دارەجەلى ارناۋلى تەحنيكۋم مەكتەبىندە وتكىزىلدى. تيانشان رايونى حيجياشان اۋماعىن باسقارۋ كوميتەتى بەيۋان كوشەسى الەۋمەتتىك اۋماعىنىڭ كادرلارى، جۇمىسشى - قىزمەتشىلەرى جانە قاراستى اۋماقتاعى تۇرعىندار، سونداي - اق ءۇرىمجى قالاسىنىڭ ءار سالاسىنان كەلگەن ەرىكتىلەر كوڭىلدى دە ۇمىتىلماس شاقتى بىرگە وتكىزدى.

  ءۇرىمجى قالالىق ورتا حالىق سوتى مەكەمەسىنىڭ بەيۋان كوشەسى الەۋمەتتىك اۋماعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ مۇشەسى امانگۇل مەن الەۋمەتتىك اۋماق تۇرعىنى ۋاڭ جيڭلۋ جۇپ قۇراعان تۋىس، ول ەكەۋى ۋرىن ايكۇلشەسىن بىرگە جاسادى. ”دوڭگەلەك تە ءتاتتى ۋرىن ايكۇلشەسى ءبىزدىڭ قازىرگى باقىتتى دا تاتۋ - ءتاتتى تۇرمىسىمىزدىڭ سيمۆولى“، - دەيدى ۋاڭ جيڭلۋ.

  ”وتانىم ەكەۋىمىز ءبىر ءسات تە اجىرامايمىز، مەيلى قايدا بارسام دا وتانىمدى جىرلايمىن...“ 9 - ايدىڭ 10 - كۇنى تۇستەن كەيىن اراسان اۋدانىنىڭ كۇندەلەن فەرماسىندا ءان اۋەنى قالىقتادى، جەرگىلىكتى مالشىلار مەن شينجياڭ شەكارادان كىرىپ - شىعۋ شەكارا قورعانىسى تەكسەرۋ باس پۋنكتى شاربورىك شەكارا ساقشى بولىمشەسىندەگى حالىق ساقشىلارى بىرگە ءان ايتىپ، ءبي بيلەپ، جۇڭچيۋ مەرەكەسىن شات - شادىمان قارسى الدى. كوپشىلىك اق شاي ءىشىپ، ايكۇلشە جەپ، ادەبيەت - كوركەمونەر ويىندارىن تاماشالاپ، قازىرگى تاماشا تۇرمىستى تىلگە تيەك ەتتى.

  9 - ايدىڭ 7 - كۇنى تۇستەن كەيىن ”قىل قالاممەن كەستەلەنگەن الەۋمەتتىك اۋماق، مەيىرگە تولى جۇڭچيۋ“ اتىنداعى حاتكەرلىك جارىسى ءۇرىمجى ەكونوميكالىق - تەحنيكالىق اشۋ رايونى (توۋتۇنحى) جۇڭيا سولتۇستىك جولى ءمالى باسقارماسى چياۋدۇڭ الەۋمەتتىك اۋماعىنىڭ قيمىل ۇيىندە وتكىزىلدى. قيمىل ۇيىندە سولعىن سيا ءيىسى شىعىپ تۇر، تۇرعىن ازات ءشامشي تۇڭ جيانگونىڭ جەتەكشىلىگىندە دەن قويا جاتتىعۋدا. ”حاتكەرلىكتى توتەنشە ۇناتامىن ءارى تىنباي جاتتىعۋعا پەيىلمىن. جۇڭحۋانىڭ تاڭداۋلى ءداستۇرلى مادەنيەتىن ۇيرەنۋ فورماسىمەن جۇڭچيۋدى قارسى الۋ توتەنشە ءماندى“، - دەيدى ازات.

  9 - ايدىڭ 11 - كۇنى تۇستەن كەيىن مارالباسى اۋدانى جاڭا وستەڭ اۋىلى چيگايقۇدىق قىستاعى قىستاق تۇرعىندار كوميتەتىنىڭ اۋلاسى دىر - دۋمانعا بولەنىپ، شاپالاق داۋىسى، الاقايلاعان ۇندەر تولاستامادى. شينجياڭ كوركەمونەر تەاترى ءان - ءبي ۇيىرمەسىنىڭ مادەنيەت ارقىلى حالىققا تيىمدىلىك جاساۋ كونسەرت قويۋ شاعىن بولىمشە اترەتى وسى ارادا كونسەرت قويىپ جاتتى. شينجياڭ كوركەمونەر تەاترى ءان - ءبي ۇيىرمەسىنىڭ ورىنباسار باستىعى ليۋ پىڭ تىلشىگە ”الداعى 40 كۇندە حالىققا تيىمدىلىك جاساۋ كونسەرت قويۋ شاعىن بولىمشە اترەتى مارالباسى اۋدانىنداعى، ماكىت اۋدانىنداعى، يوپۇرعا اۋدانىنداعى 100دەن استام اۋىر كەدەي قىستاققا بارىپ، نەگىزگى ساتىداعى بۇقاراعا باي مازمۇندى ادەبيەت - كوركەمونەر كونسەرتىن جەتكىزەدى“دەدى.

  ۇعىسۋعا قاراعاندا، جۇڭچيۋ مەرەكەسى بايلانىسىمەن ىلە قازاق اۆتونوميالى وبلىستىق كىتاپحانا باس بولىپ ۇيىمداستىرعان ”جۇڭحۋا ۇلتىنىڭ ءداستۇرلى مادەنيەتى − جۇڭچيۋ“ ارالامالى كورمەسى الەۋمەتتىك اۋماقتارعا، اۋىل - قالاشىقتارعا، مەكتەپتەرگە جەتكىزىلىپ، كورمە سۋرەت پەن ءسوزىن قاتار بەرۋ فورماسىمەن جۇڭچيۋ مەرەكەسىنىڭ توركىنى، سالت - ساناسى سياقتىلاردى تانىستىرادى؛ قابا اۋدانىنىڭ اق قايىڭ كورىنىس ءوڭىرى جۇڭچيۋدە اسىل ىزدەۋ، اق قايىڭدا استرونوميالىق جولمەن ايدى تاماشالاۋ، كلاسسيك كينولاردى قويۋ سياقتى قيمىلدار وتكىزەدى؛ قۇمىل قالاسى حۇيچىڭ اۋىلىنداعى ونەرپازدار قاعاز قيما، شارۋالار سۋرەتىن سىزۋ سياقتى فورمالارمەن جۇڭچيۋ مەرەكەسىن قۇتتىقتايدى ەكەن.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى