تيانشان تورى   ›   جاڭالىقتار   ›   شۋجي ەستەلىگى

شاڭحاي قالاسىنىڭ ۋاكىلدەر ۇيىرمەسى شينجياڭعا كەلىپ باعىتتامالى كومەكتەسۋ قىزمەتىن تەكسەردى

چىن چۋانگو، دۇڭ يۇنحۋ، شوكىرات زاكىر، شاۋكەت يمىن، نۇرلان ءابىلماجىن قيمىلعا قاتىناستى

  تىلشىلەر ياۋ تۇڭ، ۋاڭ شيڭرۇي، لي ياڭ، ميھىرگۇل عوپۇر 9 - ايدىڭ 12 - كۇنى قاشقاردان حابارلايدى. 9 - ايدىڭ 8 - كۇنىنەن 12 - كۇنىنە دەيىن، شاڭحاي قالالىق ساياسي كەڭەستىڭ ءتوراعاسى دۇڭ يۇنحۋ شاڭحاي قالاسىنىڭ ۋاكىلدەر ۇيىرمەسىن باستاپ شينجياڭعا كەلىپ، باعىتتامالى كومەكتەسۋ قىزمەتىن تەكسەردى، ۇشتاستىردى. اۆتونوميالى رايوندىق پارتكومنىڭ شۋجيى چىن چۋانگو، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر، اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى شاۋكەت يمىن، اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن قاتارلىلار قيمىلعا قاتىناستى.

  9 - ايدىڭ 8 - كۇنى تۇستەن كەيىن اۆتونوميالى رايون شاڭحاي قالاسىنىڭ ۋاكىلدەر ۇيىرمەسىمەن ۇرىمجىدە قىزمەت كەڭەسىن وتكىزدى. چىن چۋانگو اۆتونوميالى رايوندىق پارتكوم جانە ۇكىمەت، سونداي - اق بۇكىل رايونىمىزداعى ءار ۇلت حالقى اتىنان شاڭحاي قالاسى ۋاكىلدەر ۇيىرمەسىنىڭ شينجياڭعا تەكسەرۋگە كەلگەندىگىن قىزۋ قارسى الاتىندىعىن ءبىلدىرىپ، شاڭحاي قالاسىنىڭ ۇزاق ۋاقىتتان بەرى شينجياڭ قىزمەتىنە كۇش سالا قولداۋ كورسەتكەنىنە جانە قالتقىسىز كومەكتەسكەنىنە شىنايى العىس ايتتى. چىن چۋانگو بىلاي دەدى: پارتيامىز شاڭحايدا دۇنيەگە كەلگەن، شي جينپيڭ جولداستى ۇيتقى ەتكەن پارتيا ورتالىق كوميتەتى شاڭحايعا شىنايى ءۇمىت ارتىپ، كەلەلى مىندەت جۇكتەپ وتىر. شاڭحاي قالاسى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدەن جازباي، باس شۋجي شي جينپيڭنىڭ شاڭحايدا قىزمەت تەكسەرگەندە سويلەگەن ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭ تاپسىرعان 3 ءتۇرلى تىڭ، كەلەلى مىندەتتى جەدەل تياناقتاندىرىپ، ”بەس ورتالىق“، ”ءتورت ۇلكەن ماركا“ قۇرىلىسى سياقتى قىزمەتتەردى كۇش سالا ىلگەرىلەتىپ، جاڭا داۋىردە بۇكىل مەملەكەتتىڭ رەفورما جاساۋداعى، ەسىك اشۋداعى كوش باسشىسى بولۋ، جاڭالىق اشا دامۋدا اتويشى بولۋ بارىسىندا ەلەۋلى ىلگەرىلەۋشىلىكتەرگە قول جەتكىزدى. ءبىز شىن جۇرەكتەن قۇتتىقتايمىز.

  چىن چۋانگو مىنالاردى ءبىلدىردى: شاڭحاي قالالىق پارتكوم مەن قالالىق ۇكىمەت شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل تياناقتاندىرىپ، شينجياڭعا باعىتتامالى كومەكتەسۋ قىزمەتىن كەلەلى ساياسي جاۋاپكەرشىلىك ساناپ، شينجياڭنىڭ قوعام ورنىقتىلىعى مەن باياندى تىنىشتىعىنا ماڭىزدى ۇلەس قوستى، ءار ۇلت كادرلارى مەن بۇقاراسى العىستارىن كوڭىلگە ءتۇيدى. شينجياڭ ”ءتورت تانىم“دى مىقتاپ ورناتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدەن جازباي، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىن ورىستەتۋدى وراي ەتىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن ىشكەرىلەي دايەكتىلەندىرىپ، تياناقتاندىرىپ، 7 - رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەت ءماجىلىسىنىڭ ورنالاستىرۋىنا، تالابىنا ساي، شاڭحاي قالاسىنىڭ وزىق تاجىريبەلەرىن بەلسەندىلىكپەن ۇيرەنىپ، ۇلگى الىپ، ەكى جەردىڭ ءار سالاداعى ناقتى سەلبەستىكتەرىن ىلگەرىلەتىپ، شينجياڭعا باعىتتامالى كومەكتەسۋدىڭ جان - جاقتى ءونىمىن ۇزدىكسىز ارتتىرىپ، شينجياڭنىڭ ورنىقتىلىق، دامۋ ءتۇرلى قىزمەتتەرىن تىڭعىلىقتى ويداعىداي ىستەپ، ۇزدىك ناتيجەلەرمەن جاڭا جۇڭگو قۇرىلعاندىعىنىڭ 70 جىلدىعىن قۇتتىقتايدى.

  دۇڭ يۇنحۋ بىلاي دەدى: جاقىن جىلداردان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، اۆتونوميالى رايوندىق پارتكوم مەن ۇكىمەت شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن مۇقيات دايەكتىلەندىرىپ، تياناقتاندىرىپ، ورنىقتىلىق، دامۋ ءتۇرلى قىزمەتتەرىن ءبىر تۇتاس جوسپارلاپ ىلگەرىلەتتى، تيانشاننىڭ تۇستىگى مەن تەرىستىگىندە قوعامى ورنىقتى، ەكونوميكاسى دامىعان، ۇلتتارى ىنتىماقتى، شەكاراسى بەكەم تاماشا جاعداي جارىققا شىقتى.

  دۇڭ يۇنحۋ بىلاي دەدى: شينجياڭعا باعىتتامالى كومەكتەسۋ − مەملەكەت ستراتەگياسى، جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ ماڭىزدى مازمۇنى، ورتالىقتىڭ قاشقار ايماعىنا جانە قارامايلى قالاسىنا باعىتتامالى كومەكتەسۋ مىندەتىن شاڭحايعا تاپسىرۋى شاڭحايعا سەنىم ارتقاندىعى، بۇل ءتىپتى شاڭحايدىڭ بۇلتارتپاس جاۋاپكەرشىلىگى جانە بورىشى. شاڭحاي قالالىق پارتكوم مەن قالالىق ۇكىمەت شينجياڭعا كومەكتەسۋ قىزمەتىنە وسكەلەڭ ءمان بەرىپ، پارتيا ورتالىق كوميتەتىنىڭ ورنالاستىرۋىن، تالابىن باتىل دايەكتىلەندىرىپ، تياناقتاندىرىپ، ”حالىق تۇرمىسىن نەگىز ەتۋ، كاسىپ سالاسىن ءتۇيىن ەتۋ، جوبالاۋدى الدىمەن جۇرگىزۋ، دارىندىلاردى ماڭىزدى ورىنعا قويۋ“ قىزمەت باعىتىنان جازباي، بۇكىل قالا كۇشىن ىسكە قوسىپ، ۇزدىك دارىندىلاردى تاڭداپ، ءار جاقتىڭ اقىل - پاراساتىن ۇيىستىرىپ، شينجياڭعا كومەكتەسۋدىڭ ءتۇرلى مىندەتتەرىن جاپپاي تياناقتاندىرادى. كەلەسى قادامدا، شاڭحاي 7 - رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەت ءماجىلىسىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە جەتۋ سىندى باستى مىندەتتى مىقتاپ يگەرىپ، ەكونوميكانى دامىتۋ مەن حالىق تۇرمىسىن جاقسارتۋدى نەگىز ەتۋدەن جازباي، جۇرت تىلەگىن ۇيىستىرۋدى ماقسات ەتىپ، ۇلتتار ىنتىماعىن نىعايتۋدى باستان - اياق ءسىڭىرىپ، سەرپىندى اناعۇرلىم ارتتىرىپ، ءورىستى اناعۇرلىم كەڭەيتىپ، قىزمەتتىڭ دالدىگىن، ناقتى ونىمدىلىگىن ۇزبەي جوعارىلاتىپ، جۇڭگوشا سوتسياليستىك شينجياڭ قۇرۋعا كۇش قوسادى.

  شينجياڭداعى كەزىندە، شاڭحاي قالاسىنىڭ ۋاكىلدەر ۇيىرمەسى ءۇرىمجى قالاسىنا جانە قاشقار ايماعىنىڭ قاشقار قالاسىنا، قاعىلىق اۋدانىنا، پوسكام اۋدانىنا، ياركەن اۋدانىنا، مارالباسى اۋدانىنا بارىپ تەكسەرۋ جۇرگىزىپ، شينجياڭعا كومەكتەسۋ نىساندارىنىڭ اياق الىسى احۋالىن ۇستىنەن ۇعىسىپ، كەدەي وتباسىلارىن ارالاپ، ولاردان حال سۇراپ، باعىتتامالى كومەكتەسۋ قىزمەتى اڭگىمە ءماجىلىسىن اشتى ءارى شينجياڭعا كومەكتەسۋشى كادر - دارىندىلارعا امانداستى.

  شاڭحاي قالاسىنىڭ ورىنباسار قالا باستىعى پىڭ چىنلەي، اۆتونوميالى رايوننىڭ باسشىلارىنان شۇي حايرۇڭ، سارقىت اقان، جاۋ چيڭدار جوعارىداعى قيمىلدارعا قاتىناستى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.