1955 - جىلى 9 - ايدىڭ 27 - كۇنى تۇستەن كەيىن جۇڭحۋا حالىق رەسپۋبليكاسى ءتوراعاسىنىڭ شەن بەرۋ، وردەن بەرۋ سالتى بەيجيڭدەگى جۇڭنانحايدىڭ حۋايرىنتاڭ زالىندا سالتاناتپەن ءوتتى. وسىدان باستاپ، جۇڭگو حالىق ازاتتىق ارمياسى اسكەري شەن ءتۇزىمىن رەسمي اتقاردى.
9 - ايدىڭ 27 - كۇنى تۇستەن كەيىن ءتوراعا ماۋ زىدۇڭ مارشال اسكەري شەنىن بەرۋ بۇيرىق كۋالىگىن رەت بويىنشا جۋ دى، پىڭ دىحۋاي سياقتى سوعىستىق ەڭبەگى ەسەلى جوعارى دارەجەلى قولباسىلارعا بەردى. سونان كەيىن، ماۋ زىدۇڭ تاعى ءبىرىنشى دارەجەلى 1 - تامىز وردەنىن، ءبىرىنشى دارەجەلى تاۋەلسىزدىك، ەركىندىك وردەنىن، ءبىرىنشى دارەجەلى ازاتتىق وردەنىن جەكە - جەكە حالىق توڭكەرىستىك سوعىسىنىڭ ءارقايسى كەزەڭدەرىندە ۇلەسى بارلارعا بەردى. سول كۇنى مەملەكەتتىك كەڭەس تە قولباسى اسكەري شەنىن بەرۋ سالتىن وتكىزدى، جوۋ ىنلاي داجياڭ، شاڭجياڭ، جۇڭجياڭ، شاۋجياڭ اسكەري شەنىن بەرۋ بۇيرىق كۋالىگىن جەكە - جەكە سۋ يۇي قاتارلى بەيجيڭدەگى قولباسىلارعا بەردى. وسىدان كەيىن، ءارقايسى ۇلكەن اسكەري رايوندار دا ىلگەرىندى - كەيىندى شەن بەرۋ سالتىن وتكىزدى.
سوناۋ 1949 - جىلى ماۋ زىدۇڭ: ”قاھارمان، سىننان وتكەن حالىق ازاتتىق ارمياسى نەگىزىندە، ءبىزدىڭ حالىقتىق قارۋلى كۇشتەرىمىز، ءسوز جوق، ساقتالۋعا جانە دامىتىلۋعا ءتيىس. بىزدە قۇدىرەتتى قۇرلىق ارمياسى بولىپ قانا قويماي، ونىڭ ۇستىنە قۇدىرەتتى اۋە ارمياسى مەن قۇدىرەتتى تەڭىز ارمياسى دا بولادى“، - دەپ جاريالاعان بولاتىن. 1949 - جىلى 11 - ايدا اۋە ارمياسىنىڭ باسشىلىق ورگانى رەسمي قۇرىلدى؛ كەلەسى جىلى 4 - ايدا تاعى تەڭىز ارمياسىنىڭ باسشىلىق ورگانى قۇرىلدى. اۋە ارمياسى، تەڭىز ارمياسى رەسمي تۇردە جۇڭگو حالىق ازاتتىق ارمياسىنىڭ ارميا ءتۇرى بولدى. 1950 - جىلى زەڭبىرەكشى اسكەرلەردىڭ، تانكى اسكەرلەرىنىڭ، قۇرىلىس اسكەرلەردىڭ، اۋە قورعانىس اسكەري ءبولىمىنىڭ، قوعام حاۋىپسىزدىگى اسكەري ءبولىمىنىڭ باسشىلىق ورگاندارى دا ىركەس - تىركەس قۇرىلدى. وسىدان سوڭ، تاعى تەمىر جول اسكەرلەرىنىڭ باسشىلىق ورگانى دا قۇرىلدى.
نەشە جىلدىق قۇلشىنىس ارقىلى اۋە ارمياسى اۋە اسكەرلەرى شىسى مەن باسقا دا قىزمەتشىلەر قوسىنىن قۇردى، تەڭىز ارمياسى سۋ ءۇستى ۇرىس كەمەسى جانە اۋە اسكەرلەرى اسكەري ءبولىمىن قۇردى، قۇرلىق ارمياسىنىڭ ءارقايسى تەحنيكالىق اسكەر تۇرلەرى دە بەلگىلى كولەمگە جەتتى. حالىق ازاتتىق ارمياسى جالاڭ اسكەر تۇرىنەن بارلىق ارميالىق اسكەر تۇرلەرى بىرىكتىرىلگەن ارميا بولۋدىڭ بۇرىلىسىن ورىندادى. زىمىران جانە رەاكتيۆتىك تەحنيكا، اتوم ەنەرگياسى تەحنيكاسى سياقتى مەملەكەت قورعانىسىنداعى وزىق عىلىم - تەحنيكالارعا دا زەرتتەۋ جۇرگىزىلە باستادى. سونىمەن ءبىر ۋاقىتتا، جۇڭگو حالىق ازاتتىق ارمياسى اسكەري ىستەر شۋەيۋانى، ارتقى شەپ شۋەيۋانى، جوعارى دارەجەلى جاياۋ اسكەرلەر باس مەكتەبى جانە اسكەري ىستەر ينجەنەريالىق شۋەيۋانى، جۇڭگو حالىق ازاتتىق ارمياسى ساياسي شۋەيۋانى سياقتى وسى زامانعى سوعىس جۇرگىزۋ دارىندىلارىن باۋلۋعا ۇيلەسەتىن ءتۇرلى مەكتەپتەر ىركەس - تىركەس قۇرىلىپ، ءبىرشاما كەمەلدى مەكتەپ جۇيەسى العاشقى قادامدا قالىپتاستى.
وسىلايشا، حالىق ازاتتىق ارمياسىن توڭكەرىستەندىرۋ، وسىزامانداندىرۋ، جۇيەلىلەندىرۋ قۇرىلىسى جاڭا كەزەڭگە قادام تاستادى.
(شينحۋا اگەنتتىگىنىڭ 9 - ايدىڭ 12 - كۇنى بەيجيڭنەن بەرگەن حابارى)
