تيانشان تورى   ›   جاڭالىقتار   ›   شينجياڭ حابارلارى

ءۇرىمجى اۆياتسياسىنىڭ 5 جىلدا تاسىمالداعان جولاۋشى سانى 8 ميلليون ادام - رەتتەن استى

  ءتىلشى ما ينيڭ 9 - ايدىڭ 13 - كۇنى ۇرىمجىدەن حابارلايدى. جاقىندا اياقتاعان 2019 - جىلعى جازعى دەمالىس كەزىندەگى تاسىمال بارىسىندا، ءۇرىمجى اۆياتسيا شەكتى جاۋاپكەرشىلىك سەرىكتەستىگىنىڭ تاسىمالداعان جولاۋشى سانى 460 مىڭ ادام - رەتتەن اسىپ، سايكەس مەزگىلدەگىمەن سالىستىرعاندا %14.32 ارتقان، كەزەكشى ۇشاقتارعا جولاۋشى وتىرۋ سالىستىرماسى %92كە جەتتى. ءۇرىمجى اۆياتسياسى قۇرىلعان 5 جىلدان بەرى، جىبەك جولى ەكونوميكالىق بەلدەۋىنىڭ وزەكتى رايون قۇرىلىسىمەن بەلسەنە توعىسىپ، قىزمەت وتەۋ ساپاسىن ۇزدىكسىز جوعارىلاتىپ، جولاۋشى تاسىمال مولشەرى 8 ميلليون ادام - رەتتەن استى.

  2014 - جىلى 8 - ايدىڭ 29 - كۇنى ءۇرىمجى اۆياتسياسىنىڭ ۇرىمجىدەن ۇشقان بوين 737 − 800 تۇرپاتتى جولاۋشىلار ۇشاعىنىڭ قۇلجا اۋەجايىنا كەلىپ قونۋىمەن، ءۇرىمجى اۆياتسياسى رەسمي جۇمىس جۇرگىزدى. ءۇرىمجى اۆياتسياسى قۇرىلعاننان بەرى، وڭىرلىك ورىن باسىمدىعىنا تولىق ارقا سۇيەپ، ءىس جۇزىندىك ارەكەتى ارقىلى شينجياڭنىڭ وڭىرلىك ەكونوميكاسىنىڭ، قوعامىنىڭ دامۋىن قولدادى، ءۇرىمجى - قاشقار، ءۇرىمجى - حوتان، ءۇرىمجى - قاناس سياقتى شينجياڭ ىشىندەگى اۋە جەلىلەرىن اشىپ، شينجياڭ ىشىندەگى ءار وڭىردەگى ادامداردىڭ بارىس - كەلىسىنە، ساۋدا - ساتتىق بارىس - كەلىسىنە، ساياحاتتاۋعا، تىنىعۋعا قولايلى شارت - جاعداي جاراتتى. سونىمەن بىرگە، ءۇرىمجى اۆياتسياسى ۇرىمجىدەن چىڭدۋ، حاڭجوۋ، چيڭداۋ، ۋحان سياقتى جەرلەرگە كەلىپ - كەتەتىن ساۋدا ىستەرى، ساياحات بويىنشا جولاۋشى قاينارى شوعىرلانعان اۋە لەنيالارىن بەلسەنە اشىپ، قولايلى، اشىق اۋە داڭعىلىن تۇلعالادى.

  ”شينجياڭدى تياناق ەتۋ، ەۆروپا - ازيانى جالعاۋ“، ءۇرىمجى اۆياتسياسى تاعى ۇرىمجىدەن باستاپ ۇشاتىن حالىقارالىق اۋە جولى تورابىن قۇرۋعا قۇلشىنىپ، ءۇرىمجىنىڭ حالىقارالىق اۆياتسيا ورتالىق بەكەتى مەن اۋە كاسىبىنەن ۇلگى كورسەتۋ رايونىن قۇرۋعا دەم بەرىپ، حالىقارالانعان اۆياتسيا سەرىكتەستىگىنە قاراي بەلسەندى قادام تاستادى. 2018 - جىلى 6 - ايدا ءۇرىمجى اۆياتسياسى ماۋسىمدىق حالىقارالىق ساياحات اۋە جولى − ءۇرىمجى - يركۋتسكى اۋە جولىن اشتى ءارى رەسمي ىسكە قوستى. 2019 - جىلى 5 - ايدا ءۇرىمجى اۆياتسياسى ءۇرىمجى - ۋحان - سينگاپۋر اۋە جولىن اشىپ، شينجياڭ، حۋبەي ەكى جەردىڭ ساياحاتشىلارىنىڭ سينگاپۋرعا بارىپ ساياحاتتاۋىنا، ساۋدا بابىمەن بارۋىنا قولايلىلىق جاراتىپ قانا قالماستان، ”ءتىپتى شينجياڭ جاقسى جەر“ ايگىلى ماركا وبرازىن شەتەلدەرگە تاراتتى.

  حالىقارانى بەتكە الىپ دامۋمەن بىرگە، ءۇرىمجى اۆياتسياسى دارىندىلاردى ەنگىزۋ ارناسىن اشىق ۇستاپ، ”ءبىر بەلدەۋ، ءبىر جول“ جەلى بويىنداعى مەملەكەتتەردى ءتۇيىن ەتىپ، ورتا ازيانى، باتىس ازيانى، وڭتۇستىك ازيانى بەتكە الىپ دارىندىلاردى بەلسەنە قابىلدادى، قازىر رەسەي قاتارلى ەلدەردەن كەلگەن شەتەلدىك اعا ۇشقىشتان 30دان ارتىق ادام بار.

  ”ءبىر بەلدەۋ، ءبىر جول“ قۇرىلىسىنىڭ ىشكەرىلەي ىلگەرىلەۋىنە ىلەسە، بيىل جىل سوڭىندا ءۇرىمجى اۆياتسياسى بىرتىندەپ شياڭگاڭ اۋە جولىن اشۋدى، جاپونيا سياقتى حالىقارالىق اۋە جولدارىن اشۋدى، ورتا ازيا، باتىس ازيا، وڭتۇستىك ازيا جانە ەۆروپا سياقتى وڭىرلەردىڭ حالىقارالىق اۋە جولدارىن اشۋ تەبىنىن كۇشەيتىپ، رەسەي، تۇركيا، وزبەكستان، تاجىكستان سياقتى مەملەكەتتەرگە ۇشاتىن حالىقارالىق اۋە جولىن اشۋدى جوسپارلاۋدا.

  قازىر ءۇرىمجى اۆياتسياسى 800-B737 تۇرپاتتى جولاۋشىلار ۇشاعىنان 15ىن ىسكە قوستى، جالپى 30 قالادا 50گە تاياۋ اۋە جولىن اشتى. الداعى جەردە ءۇرىمجى اۆياتسياسى ”شينجياڭ ىشىندە توراپتانعان، شىعىس - باتىستا سەكتور قالىپتاسقان، نەگىزگى جەلى مەن قوسالقى جەلى ۇشتاسقان، ەۆروپا - ازيا تۇتاسقان“ اۋە جولى تورابىن قالىپتاستىرۋعا كۇش سالىپ، ەۆروپا - ازيا ەكونوميكا، مادەنيەت اۋىس - كۇيىسىنىڭ اۋەدەگى كوپىرىن ورناتادى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • جاڭا قىستاقتىڭ جاڭا كەلبەتى
  • كەمەنى بالىققا تولتىرىپ، مول ونىممەن ورالدى
  • جاڭا ۇيگە كوشتى جاڭا تۇرمىس كەشىردى