تيانشان تورى   ›   ۇيرەنۋ   ›   شولۋ

شۇعىلالى تاريحتى ساعىنىشپەن ەسكە الىپ، گۇلدەنۋ ۇلى ءىسىن بىرگە جاراتايىق

شينحۋا اگەنتتىگىنىڭ شولۋشىسى

  جاڭا جۇڭگو قۇرىلعاندىعىنىڭ 70 جىلدىعىن قۇتتىقتاۋ قارساڭىندا، باس شۋجي شي جينپيڭ جۇڭگو كوممۋنيستىك پارتياسى ورتالىق كوميتەتى بەيجيڭ شياڭشان توڭكەرىستىك ەسكەرتكىش ورنىنا ارنايى بارىپ، شۋاڭچيڭ داچاسى، لايچيڭشۋان سياقتى توڭكەرىستىك بايىرعى ورىنداردى ىززەت - قۇرمەتپەن كورىپ، شياڭشان توڭكەرىستىك ەسكەرتكىش سارايىن ەكسكۋرسيالادى ءارى ماڭىزدى ءسوز سويلەدى. باس شۋجي جۇڭگو كوممۋنيستىك پارتياسىنىڭ جۇڭگو حالقىنا باسشىلىق ەتىپ بۇكىل مەملەكەتتە جەڭىسكە قول جەتكىزگەن جانە پارتيا ورتالىق كوميتەتىنىڭ جۇڭحۋا حالىق رەسپۋبليكاسىن قۇرۋعا دايىندالعان شۇعىلالى تاريحىن ەسكە الىپ، ماۋ زىدۇڭ جولداس قاتارلى اعا بۋىن توڭكەرىسشىلەردىڭ ۇشان - تەڭىز ۇلى ەڭبەكتەرىن ساعىنىشپەن ەسكە ءتۇسىرىپ، ”اۋەلگى ماقساتتى ۇمىتپاي، بورىشتى ەستە بەرىك ساقتاپ، قايراتتانا العا ۇمتىلىپ، ءورىس اشا جاڭالىق اشايىق“ دەگەن ۇندەۋ جاريالاپ، ءبىزدىڭ جاڭا جۇڭگونى ويداعىداي بەكەمدەۋىمىزگە، ويداعىداي دامىتۋىمىزعا قۇدىرەتتى العا ۇمتىلۋ كۇشىن ۇستەدى.

  ”ۇلكەن قاعيدانى ءبىلۋ ءۇشىن، اۋەلى، ونىڭ استارىنداعى تاريحقا ءۇڭىلۋ كەرەك“. جۇڭگو كوممۋنيستىك پارتياسى ورتالىق كوميتەتى بەيجيڭ شياڭشاندا جارتى جىل عانا تۇرعانىمەن، بۇل جەر ءبىزدىڭ پارتيامىزدىڭ ازاتتىق سوعىسقا باسشىلىق ەتىپ، بۇكىل ەلدە جەڭىسكە جەتۋىنىڭ، جاڭا دەموكراتيالىق توڭكەرىستە ۇلى جەڭىسكە قول جەتكىزۋىنىڭ باس قولباسشىلىق شتابى، جۇڭگو توڭكەرىسى ماڭىزدى ءتۇيىنىنىڭ اۋىل - قىستاقتان قالاعا ويىسۋىنىڭ ماڭىزدى بەلگىسى بولىپ، پارتيا تاريحىندا، رەسپۋبليكا تاريحىندا شۇعىلالى ءىز قالدىردى. تاريحتى اينا ەتىپ، تاريحتى ۇستاز تۇتىپ، جۇڭگو حالقىنىڭ تاياۋ زاماننان بەرگى 170 نەشە جىلدىق كۇرەس تاريحىن ەستەن شىعارماي، جۇڭگو كوممۋنيستىك پارتياسىنىڭ 98 جىلدىق كۇرەس تاريحىن، جاڭا جۇڭگونىڭ 70 جىلدىق دامۋ تاريحىن جادىمىزدا ساقتاساق، ءبىز تاريحتان مول ءنار الىپ جانە تەرەڭ وي ءتۇيىپ، ”قىزىل بيلىكتىڭ وڭاي - وسپاق قولعا كەلمەگەندىگىن، جاڭا جۇڭگونىڭ وڭاي - وسپاق قولعا كەلمەگەندىگىن، جۇڭگوشا سوتسياليزمنىڭ وڭاي - وسپاق قولعا كەلمەگەندىگىن“ تەرەڭ تانىپ، جۇڭگوشا سوتسياليزم جولىمەن بۇلجىماي ءجۇرىپ، ءبىر نيەتپەن سەلبەسىپ، ۇلتتىڭ گۇلدەنۋى سىندى ۇلى ءىستى بىرگە جۇزەگە اسىرا الامىز.

  شۇعىلالى تاريحتى ساعىنىشپەن ەسكە الىپ، گۇلدەنۋ ۇلى ءىسىن بىرگە جاراتۋدا، ءسوز جوق، ”توڭكەرىستى سوڭىنا دەيىن جۇرگىزەتىن“ توڭكەرىستىك رۋحتى ساۋلەلەندىرۋ كەرەك. ”توزعان جاۋدى جىگەرلەنە سوعۋ كەرەك وكشەلەپ، اتاققۇمار چۋ باۋاڭعا كەتپە استە ەلىكتەپ“. توڭكەرىس جىلدارىنان قۇرىلىس كەزەڭىنە، ونان رەفورما جاساۋعا، ەسىك اشۋعا دەيىن پارتيامىز قاشاندا ۇلى وزىنە توڭكەرىس جاساۋمەن ۇلى قوعامدىق توڭكەرىستى ىلگەرىلەتىپ، حالىقتى باستاپ تاريح بەتىنەن وشپەس ورىن العان شۇعىلالى جەتىستىككە قول جەتكىزدى. قازىر ءبىز ”قوس 100 جىلدىق“ كۇرەس نىساناسىن جۇزەگە اسىرۋدىڭ تاريحي توعىسۋ كەزەڭىندە، جول تاۋدىڭ بەل ورتاسىنا كەلىپ ءتىپتى دە قيىنداي تۇسكەن، كەمە سۋدىڭ ورتاسىنا كەلىپ اعىن ءتىپتى دە كۇشەيگەن شەشۋشى كەزەڭدە تۇرمىز. توڭكەرىستى سوڭىنا دەيىن جۇرگىزۋ رۋحىن جالعاستىرىپ جانە ساۋلەلەندىرىپ، ”ءتورت سەنىم“دى ۇزدىكسىز بەكەمدەپ، باتىلدىقپەن كۇرەس جۇرگىزىپ، شەبەرلىكپەن كۇرەس جۇرگىزىپ، كوپتەگەن جاڭا تاريحي ەرەكشەلىكتەرگە يە ۇلى كۇرەستەردىڭ تىڭ جەڭىستەرىنە قول جەتكىزگەندە عانا، ۇزدىكسىز تىڭ ءورىس اشىپ، جاڭا كەرەمەتتەر جاراتىپ، ”جۇڭگو“ اتتى الىپ كەمەنىڭ تولقىن جارا العا ءجۇزۋىن ىلگەرىلەتە الامىز.

  شۇعىلالى تاريحتى ساعىنىشپەن ەسكە الىپ، گۇلدەنۋ ۇلى ءىسىن بىرگە جاراتۋدا، ءسوز جوق، جالپى ءۇشىن پارتيا قۇرىپ، حالىق ءۇشىن بيلىك جۇرگىزەتىن توڭكەرىستىك پەيىلگە تاباندى بولۋ كەرەك. پارتيامىزدىڭ نەگىزى حالىقتا، تامىرى حالىقتا، كۇشى دە حالىقتا. قاشاندا حالىقپەن ەتەنە بايلانىستى ساقتاپ، بوران - شاشىندى بىرگە وتكەرىپ، تاعدىرلاس بولۋ − پارتيامىزدىڭ بارلىق قيىندىقتار مەن قاتەرلەردى جەڭىپ شىعۋىنىڭ ءتۇبىرلى تياناعى. بۇقارانىڭ مۇددەسىندە كىشكەنە ءىس بولمايدى، بارلىق ىسكە ىنتا - ىقىلاس قويۋ كەرەك. حالىقتى جۇرەكتەگى ەڭ بيىك ورىنعا قويىپ، حالىقتى سۇيەتىن، حالىقتىڭ قامىن ويلايتىن، حالىق ءۇشىن ىستەيتىن، حالىققا تيىمدىلىك جاسايتىن كۇشتى ىنتا - پەيىلدە بولا وتىرىپ، سانالى تۇردە حالىقپەن بىرگە ويلاپ، حالىقپەن بىرگە ىستەپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتكەندە عانا، ءارقاشان حالىقتىڭ قولداۋىنا يە بولۋعا بولادى.

  شۇعىلالى تاريحتى ساعىنىشپەن ەسكە الىپ، گۇلدەنۋ ۇلى ءىسىن بىرگە جاراتۋدا، ءسوز جوق، ”ەكى بولسىن“دى ەستە بەرىك ساقتاپ، تاڭداۋلى ستيلدى ساۋلەلەندىرۋ كەرەك. تەمىر سوقساڭ قۇرىش بول. توتەنشە بۇلجىماس ستيل − پارتيامىزدىڭ ”ءتورت ءتۇرلى سىن“نان ءوتىپ، ”ءتورت ۇلكەن قاتەر“دى جەڭىپ شىعۋىنىڭ پارمەندى كەپىلى. پارتيا 18 - قۇرىلتايىنان بەرى، ستيل قۇرىلىسىن ماڭىزدى تۇتقا ەتىپ، پارتيانى جاپپاي قاتاڭ جونگە سالۋ ايتارلىقتاي ناتيجە بەرىپ، پارتيا ستيلى، ۇكىمەت ستيلى جاڭارىپ، پارتيا تىلەگى، حالىق تىلەگى توعىستى. ستيل قۇرىلىسى ماڭگى جالعاسادى، ونى تاباندىلىقپەن، تىنباي ەڭبەك ەتىپ مىقتى يگەرە ءتۇسۋ كەرەك. كىشى پەيىل، بايسالدى بولۋ، داندايسىماۋ، ۇشقالاقتىققا سالىنباۋ، قاجىرلىلىقپەن كۇرەس جۇرگىزۋ تاڭداۋلى ستيلىن جالعاستىرىپ جانە ساۋلەلەندىرىپ، قاشاندا قايراتتانا ءىس تىندىراتىن العا باسۋ رۋحىن ساقتاپ، ”ەمتيحان تاپسىراتىن“ سەرگەكتىكپەن جانە تاباندىلىقپەن كۇشكە كۇش قوسا وتىرىپ كۇرەس جۇرگىزىپ، جاڭا داۋىرگە ءتان تاڭداۋلى جاۋاپ قايتارۋعا قۇلشىنۋ كەرەك.

  (شينحۋا اگەنتتىگىنىڭ 9 - ايدىڭ 13 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.