اۆتونوميالى رايون بۇقارانىڭ مۇددەسىنە نەمقۇرايدى قاراعان، زيان جەتكىزگەن ماسەلەلەردى ارناۋلى رەتتەۋ - وڭاۋ قىزمەتىن تىڭعىلىقتى ورىستەتتى
بۇقارا ەڭ كوڭىل ءبولىپ وتىرعان، ەڭ تىكە، ەڭ رەال مۇددە ماسەلەلەرىن كۇش سالا شەشتى
ءتىلشى لي چۇنشيا 9 - ايدىڭ 14 - كۇنى ۇرىمجىدەن حابارلايدى. مەكتەپ اۋلاسىنداعى جانە ماڭايىنداعى ازىق - تۇلىك حاۋىپسىزدىگىن قالاي قامتاماسىز ەتۋ كەرەك؟ قالا مەن اۋىلداعى ەڭ تومەنگى تۇرمىستى قامتاماسىزداندىرۋدا ”بەتجۇزدىك قامتاماسىزداندىرۋ“، ”بايلانىس ارقىلى قامتاماسىزداندىرۋ“ جايتتەرى بار ما؟ الەۋمەتتىك جالعا بەرىلەتىن ءۇي سالاسىنداعى بەلگىلەمەگە قايشىلىق جاساپ ءبولۋ سياقتى ماسەلەلەر دەر كەزىندە شەشىلدى مە ... نەگىزگى تاقىرىپتىق تاربيە ورىستەتىلگەننەن بەرى، رايونىمىز بۇقارانىڭ مۇددەسىنە نەمقۇرايدى قاراعان، زيان جەتكىزگەن ماسەلەلەردى ارناۋلى رەتتەۋ - وڭاۋ قىزمەتىن تىڭعىلىقتى ورىستەتىپ، بۇقارا ەڭ كوڭىل ءبولىپ وتىرعان، ەڭ تىكە، ەڭ رەال مۇددە ماسەلەلەرىن كۇش سالا شەشتى. 8 - ايدىڭ سوڭىنا دەيىن بۇكىل رايونىمىزدا حالىق تۇرمىسى سالاسىنداعى بۇقارانىڭ مۇددەسىنە نەمقۇرايدى قاراعان، زيان جەتكىزگەن ماسەلەلەردەن 808ىن تەكسەرىپ ءبىر جاقتى ەتىپ، 881 ادامدى ءبىر جاقتى ەتتى.
”ءبىز «بۇقارانىڭ مۇددەسىنە نەمقۇرايدى قاراعان، زيان جەتكىزگەن ماسەلەلەردى ارناۋلى رەتتەۋ - وڭاۋ جونىندەگى اتقارۋ جوباسى»ن جاساپ، اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى ورگاندارى باستاماشى بولىپ، ارناۋلى رەتتەۋ - وڭاۋداعى باستاماشى بولعان ورىندار مەن قاتىناسقان ورىندار مۇشە ورىن بولعان ارناۋلى رەتتەۋ - وڭاۋ قىزمەتى مەحانيزمىن ورناتىپ، بۇقارانىڭ مۇددەسىنە نەمقۇرايدى قاراعان، زيان جەتكىزگەن ارەكەتتەردى توڭىرەكتەي وتىرىپ، ارناۋلى رەتتەۋ - وڭاۋدى كۇشتى شوعىرلاندىرا ورىستەتىپ، بۇقارانىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتتىك“، - دەدى اۆتونوميالى رايوندىق ءتارتىپ تەكسەرۋ كوميتەتىنىڭ، باقىلاۋ - تەكسەرۋ كوميتەتىنىڭ قاتىستى جاۋاپتىسى.
تانىستىرۋعا قاراعاندا، رايونىمىز ماسەلەنى باعدار ەتۋدەن جازباي، نازاردى وقۋ - اعارتۋ جانە ەمدەۋ، قورشاعان ورتانى قورعاۋ، ازىق - تۇلىك جانە ءدارى - دارمەك حاۋىپسىزدىگى سياقتى حالىق تۇرمىسى سالالارىنداعى بۇقارانىڭ مۇددەسىنە زيان جەتكىزگەن ماسەلەلەرگە شوعىرلاندىرىپ، بۇقارانىڭ قاسىندا تۋىلعان بۇرىس ستيل مەن ”بولماشى شىرىكتەسۋ“ ماسەلەسى، ساناقتا جالعاندىق جاساۋ ماسەلەسى سياقتىلاردى قاداعالاپ، بۇقارانىڭ نازار اۋدارعانىنا جاۋاپ قاتىپ، دالمە - ءدال رەتتەۋ - وڭاۋعا، ۇستىنەن وڭاۋ مەن تۇبىرىنەن وڭاۋدى قاتار قولدانۋعا تاباندى بولعان. سونىمەن بىرگە، ءوزى تەكسەرىپ، ءوزى تۇزەتۋ، تەكسەرۋدى قۋزاستىرۋ، رەتتەۋ - تۇزەتۋدى تياناقتاندىرۋ ارقىلى ناقتى ماسەلەنى شەشىپ قالماستان، باياندى مەحانيزم ورناتىپ، كەمەلدەندىرگەن.
ماسەلەگە قادالا رەتتەۋ - تۇزەتۋدى يگەرىپ، حالىق تىلەگىنە قاراي تياناقتاندىرۋدى يگەردى. بۇقارانىڭ مۇددەسىنە نەمقۇرايدى قاراعان، زيان جەتكىزگەن ماسەلەلەردى ارناۋلى رەتتەۋ - وڭاۋ قىزمەتىندە، اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى باستاماشى بولىپ، 3 اي ىشىندە ءۇرتىس 3 رەت ارناۋلى تاقىرىپتا ءماجىلىس اشىپ، 10 ءىرى رەتتەۋ - وڭاۋ سالاسىنىڭ 40 ءتۇرلى رەتتەۋ - وڭاۋ ءتۇيىنىن ايقىنداپ، جاۋاپكەرلىك ارقالايتىن ورىنداردى تياناقتاندىرىپ، قۋزاۋ، تەكسەرۋ ورىستەتىپ، بۇقارانىڭ ءتول مۇددەسىنە قاتىستى ءبىر توپ ماسەلەنى شەشتى.
قوعامنىڭ نازار اۋدارۋى ءبىرشاما جوعارى بولىپ وتىرعان ازىق - تۇلىك، ءدارى - دارمەك حاۋىپسىزدىگى سالاسىنداعى بىلىقپالىق جايتتەرى ماسەلەسىنە مەڭزەس، اۆتونوميالى رايوندىق بازار باقىلاۋ، باسقارۋ مەكەمەسى بەلگىلەمەگە قايشى، زاڭعا قايشى ارەكەتتەردى قاتاڭ رەتتەپ - وڭاپ، مەكتەپ ماڭايىنداعى ءتۇرلى جىلجىمالى ازىق - تۇلىك جايمالارىنان جيىنى 67سىن اداقتاپ، توقتاتىپ، بەلگىلەمەگە قايشى، زاڭعا قايشى كاسىپورىنداردان 230ىن تەكسەرىپ ءبىر جاقتى ەتىپ، ءدارى - دارمەك قىلمىسىنا شاتىلدى دەپ كۇمان تاعىلعان 7 دەلو، 74 ادامدى قوعام حاۋىپسىزدىگى تاراۋلارىنا وتكىزىپ بەرىپ، بۇقارانىڭ اس - سۋ حاۋىپسىزدىگىن شىنايى قامتاماسىز ەتتى.
بۇقارانىڭ اڭىسى كۇشتى بولعان ”بەتجۇزدىك قامتاماسىزداندىرۋ“، ”بايلانىس ارقىلى قامتاماسىزداندىرۋ“ ماسەلەلەرىنە مەڭزەس، اۆتونوميالى رايوندىق حالىق ىستەرى مەڭگەرمەسى قازىنا، قوعام حاۋىپسىزدىگى سياقتى قاتىستى تاراۋلارمەن بىرلەسىپ، قالا مەن اۋىلدارداعى ەڭ تومەنگى تۇرمىستى قامتاماسىزداندىرۋ سالاسىنداعى قاتە قامتاماسىزداندىرۋ، قامتاماسىزداندىرۋدان قالىپ قالۋ سياقتى ماسەلەلەردى قاتاڭ تەكسەرىپ، وتباسى كىرىسى ەڭ تومەنگى تۇرمىستى قامتاماسىزداندىرۋ ولشەمىنەن اسىپ كەتكەن ادامداردى جىلجىمالى تۇردە رەتتەپ ەڭ تومەنگى تۇرمىستى قامتاماسىزداندىرۋ كولەمىنەن شىعارىپ تاستادى، سونىمەن بىرگە شارتقا ۇيلەسەتىن 65 مىڭ ادامدى ەڭ تومەنگى تۇرمىستى قامتاماسىزداندىرۋ كولەمىنە ەنگىزدى، ”بەتجۇزدىك قامتاماسىزداندىرۋ“، ”بايلانىس ارقىلى قامتاماسىزداندىرۋ“ سياقتىلارعا ساياتىن ەڭ تومەنگى تۇرمىستى قامتاماسىزداندىرۋ وبيەكتىلەرىنەن 684 ادامدى تىزىمنەن شەگىندىرىپ، جىلجىمالى باسقارۋدا ”قامتاماسىزداندىرۋعا تيىستىلەرىن مۇمكىندىگىنشە قامتاماسىزداندىرۋ“، ”شەگىندىرۋگە تيىستىلەرىن مۇمكىندىگىنشە شەگىندىرۋ“دى ورىندادى.
الەۋمەتتىك جالعا بەرىلەتىن ءۇي سالاسىنداعى بەلگىلەمەگە قايشىلىق جاساپ ءبولۋ، بەلگىلەمەگە قايشىلىق جاساپ يگىلىكتەنۋ، وتكەرمەلى جالعا بەرۋ جانە وتكەرمەلى قارىزعا بەرۋ، ءۇي دەلدالىنىڭ جالعا بەرۋى بىلىقپالىعى سياقتى ماسەلەلەرگە مەڭزەس، اۆتونوميالى رايوندىق تۇرعىن ءۇي جانە قالا، اۋىل قۇرىلىسى مەڭگەرمەسى الەۋمەتتىك جالعا بەرىلەتىن ۇيگە كىرۋگە رۇقسات ەتۋ، قايتارتۋ، جىلجىمالى باسقارۋ سياقتى ەرەجە - تۇزىمدەردى اناعۇرلىم كەمەلدەندىرىپ، شارتقا ۇيلەسپەيتىن الەۋمەتتىك جالعا بەرىلەتىن ۇيدەن 1891ىن قايتارتىپ، قامتاماسىزداندىرۋ وبيەكتىلەرىمەن 772 جالعا بەرۋ كەلىسىمىنە قايتادان قول قويىسىپ، كەشىكتىرىلگەن ءبىر ميلليون 265 مىڭ 400 يۋان جالعا بەرۋ اقىسىن تولەتتى.
رەتتەۋ - تۇزەتۋ ناتيجەسىن ”كوزبەن كورىپ، قولمەن ۇستاۋعا بولاتىن“ بولدى، ءار ۇلت بۇقاراسى ارناۋلى رەتتەۋ - وڭاۋ الا كەلگەن جاڭا لەپتى، جاڭا وزگەرىستى شىنايى سەزىندى. ”ءبىز ارناۋلى رەتتەۋ - وڭاۋعا ’قايتا قاداعالاۋ‘ قىزمەتىن ورىستەتىپ، رەتتەۋ - وڭاۋدىڭ ناتيجەسىن اناعۇرلىم بەكەمدەپ جانە تەرەڭدەتىپ، ءار ۇلت بۇقاراسىنىڭ مۇددەسىن شىنايى قورعايمىز“، - دەدى اۆتونوميالى رايوندىق ءتارتىپ تەكسەرۋ كوميتەتىنىڭ، باقىلاۋ - تەكسەرۋ كوميتەتىنىڭ قاتىستى جاۋاپتىسى.
