”كەشىرىم ەتۋ، سيلىق اقشا بەرۋ، كومەكتەسۋ، قارىز اقشا تاراتۋ، كومەك قاراجات بەرۋ“ كوپ ءبىر تۇلعالاندىرىلدى
رايونىمىزدىڭ وقۋشىلارعا قارجىلاي كومەكتەسۋ ساياساتى ”ءۇشتى تۇتاس قامتۋ“دى جۇزەگە اسىردى
ءتىلشى جاۋ شييا 9 - ايدىڭ 14 - كۇنى ۇرىمجىدەن حابارلايدى. ”مەملەكەتتىڭ وقۋشىلارعا قارجىلاي كومەكتەسۋ ساياساتىنىڭ مەنىڭ داشۋە وقۋ ارمانىمدى جۇزەگە اسىرعاندىعىنا العىس ايتامىن“، - دەدى 9 - ايدىڭ 11 - كۇنى شينجياڭ قازىنا - ەكونوميكا داشۋەسى 2 - جىلدىعىنىڭ وقۋشىسى حۇرشيدا مامەت تەبىرەنىپ.
حۇرشيدانىڭ ءۇيى ءۇشتۇرپان اۋدانىنىڭ اقيار قالاشىعىندا، وتباسىندا 6 ادام بار، اعاسى مەن ءىنىسى وقۋدا، وتباسىنىڭ ەكونوميكالىق اۋىرتپالىعى ءبىرشاما اۋىر. بىلتىر داشۋەگە قابىلداۋ ۇقتىرۋىن تاپسىرىپ العاننان كەيىن، حۇرشيدا 6000 يۋان مەملەكەتتىڭ وقۋعا كومەكتەسۋ ءوسىمسىز قارىز اقشاسىن ءوتىنىش ەتىپ الدى.
وسى سەكىلدى، وقۋشىلارعا قارجىلاي كومەكتەسۋ ساياساتىنان يگىلىكتەنىپ، بىلتىر اقسۋ كاسىپتىك تەحنيكا شۋەيۋانىنىڭ توقىماشىلىق ينجەنەريا فاكۋلتەتىنەن وقۋ تاۋىسقان پاتەم قۇربان ”ءۇشتى كەشىرىم ەتۋ، ءبىر كومەك قاراجات“ وقۋشىلارعا قارجىلاي كومەكتەسۋ ساياساتىنىڭ (جاتاق اقىسىن كەشىرىم ەتۋ، وقۋلىق اقىسىن كەشىرىم ەتۋ، وقۋ اقىسىن كەشىرىم ەتۋ، جىلىنا 2000 يۋان تۇرمىستىق كومەك قاراجات بەرۋ) قولداۋىندا، وقۋىن ءساتتى تاۋىستى. قازىر ول اقسۋ حۋافۋ رەڭدى ءجىپ ءيىرۋ شەكتى سەرىكتەستىگىنىڭ قىزمەتكەرىنە اينالىپ، ايلىق ەڭبەكاقىسى 3000 يۋاننان اسىپ، وتباسىنىڭ كەدەيلىكتەن ارىلىپ، كىرىسىن ارتتىرۋىنا كۇش شىعارۋدا.
وقۋشىلارعا قارجىلاي كومەكتەسۋ ساياساتى حۇرشيدا، پاتەم سياقتى نەشە 10 مىڭداعان وتباسىندا قينشىلىعى بار وقۋشىنىڭ وقۋىن تاۋىسۋىنا كومەكتەستى. تاياۋ جىلداردان بەرى، رايونىمىز وقۋشىلارعا قارجىلاي كومەكتەسۋ تەبىنىن ونان ارى ارتتىرىپ، قارجىلاي كومەكتەسۋ ساياساتىنىڭ قامتىمىن جىلدان - جىلعا كەڭەيتىپ، قارجىلاي كومەكتەسۋ سوماسى، قارجىلاي كومەكتەسەتىن ادام سانى جىل سايىن مولايدى. ساناققا قاراعاندا، تۇتاس رايونىمىزدا وقۋشىلارعا قارجىلاي كومەكتەسۋ قارجىسىنىڭ ۇسىنىلىمى 2007 - جىلعى 136 ميلليون يۋاننان 2018 - جىلى 5 ميلليارد 854 ميلليون يۋانعا ارتىپ، 40 ەسە جوعارىلاعان.
پارتيا ورتالىق كوميتەتى شينجياڭنىڭ وقۋ - اعارتۋ قىزمەتىنە وسكەلەڭ ءمان بەرىپ، ۇزاق ۋاقىتتان بەرى شينجياڭداعى ءار ۇلت وقۋشىلارىنا ىقىلاستى قامقورلىق جاساپ كەلدى. پارتيا 18 - قۇرىلتايىنان بەرى، اۆتونوميالى رايوندىق پارتكوم مەن ۇكىمەت وقۋشىلارعا قارجىلاي كومەكتەسۋ قىزمەتىن ەكونوميكالىق قيىنشىلىعى بار وقۋشىلاردىڭ ەڭ كوڭىل بولەتىن، ەڭ تىكە، ەڭ رەال ماسەلەلەرىن شەشۋدەگى حالىق تۇرمىسى ينجەنەرياسى رەتىندە يگەرىپ، مەكتەپكە دەيىنگى وقىتۋدان اسپيرانتتىق وقۋ - اعارتۋعا دەيىنگى ءبىرشاما كەمەلدى وقۋشىلارعا قارجىلاي كومەكتەسۋ ساياساتتىق جۇيەسىن بىرتىندەپ ورناتتى، اقاۋسىزداندىردى. قازىر رايونىمىزدا ”كەشىرىم ەتۋ، سيلىق اقشا بەرۋ، كومەكتەسۋ، قارىز اقشا تاراتۋ، كومەك قاراجات بەرۋ“ كوپ ءبىر تۇلعالاندىرىلعان وقۋشىلارعا قارجىلاي كومەكتەسۋ ساياساتى جۇيەسى قالىپتاسىپ، وقىتۋ ساتىسىن تۇتاس قامتۋ، ۇكىمەت باسقارۋىنداعى، حالىق باسقارۋىنداعى مەكتەپتەردى تۇتاس قامتۋ، وتباسىندا ەكونوميكالىق قيىنشىلىعى بار وقۋشىلاردى تۇتاس قامتۋ سىندى ”ءۇشتى تۇتاس قامتۋ“دى جۇزەگە اسىردى.
وقۋشىلارعا قارجىلاي كومەكتەسۋدە ”بىردە - بىرەۋىنىڭ كەم بولماۋىنا، بىردە - بىرەۋىنىڭ قالىپ قالماۋىنا“ شىنايى كەپىلدىك ەتۋ ءۇشىن، رايونىمىز اۆتونوميالى رايون، ايماق (وبلىس، قالا)، اۋدان (قالا، رايون) جانە مەكتەپتەردىڭ 4 دارەجەلى وقۋشىلارعا قارجىلاي كومەكتەسۋدى باسقارۋ جۇيەسىن ورناتىپ، ”دالمە - ءدال قارجىلاي كومەكتەسۋ“ ۇستانىمىن وقۋشىلارعا قارجىلاي كومەكتەسۋ قىزمەتىنىڭ تۇتاس بارىسىنا ءسىڭىرىپ، قارجىلاي كومەكتەسۋ وبيەكتىنىڭ دالمە - ءدال بولۋىنا شىنايى كەپىلدىك ەتىپ، جەتىم، مۇگەدەك وقۋشىلار، ەڭ تومەنگى تۇرمىسى قامتاماسىزداندىرىلاتىن وتباسى، اپات سەبەبىنەن كەدەيلەسكەندەر سياقتى 6 تۇردەگى ادامدار توبىن قارجىلاي كومەكتەسۋ كولەمىنە ەنگىزەدى.
اۆتونوميالى رايوندىق وقۋ - اعارتۋ مەڭگەرمەسىنىڭ قاتىستى جاۋاپتىسى مىنالاردى ءبىلدىردى: وقۋشىلارعا قارجىلاي كومەكتەسۋ ساياساتىنىڭ پارمەندى اتقارىلۋى وتباسىندا ەكونوميكالىق قيىنشىلىعى بار وقۋشىلاردىڭ ەكونوميكالىق اۋىرتپالىعىن بارىنشا جەڭىلدەتىپ، سانسىز كەدەي وتباسىنا ءۇمىت ۇشقىنىن تۇتاندىرىپ، وقۋ - اعارتۋ ارقىلى كەدەيلەردى دالمە - ءدال سۇيەمەلدەۋدى جەبەۋدە، كەدەيلىكتىڭ ۇرپاقتارعا جالعاسۋىن ۇزۋدە ماڭىزدى رول اتقاردى.
