”تاياۋدان بەرى سوۆەت وداعى جاق سوتسياليزم قۇرۋ بارىسىنداعى كەيبىر كەمشىلىكتەرى مەن اعاتتىقتارىن اشىققا شىعارىپ الدى، ولار جۇرگەن بۇراڭ جولمەن سەن تاعى جۇرمەكشىسىڭ بە؟ بۇرىن ءبىز ولاردىڭ تاجىريبە - ساباقتارىنان عيبىرات الىپ، بۇراڭ جولداردى از باسقان بولاتىنبىز، قازىر ءتىپتى دە ساباق الۋعا ءتيىسپىز“.
سوۆەت وداعى كوممۋنيستىك پارتياسىنىڭ 20 - رەتكى ۋاكىلدەر قۇرىلتايىنان كەيىن، ماۋ زىدۇڭ 1956 - جىلى 4 - ايداعى ”ون ءىرى قاتىناس تۋرالى“ سوزىندە بۇكىل پارتيانى ”سوۆەت وداعىن ۇلگى ەتىپ“، ءوز جولىمىزعا وي جۇگىرتۋگە جانە ىزدەنۋگە ءناسيحاتتادى. وسىدان كەيىن، پارتيا مەن ۇكىمەت كوپ جاقتان ىزدەنىس جاسادى.
1956 - جىلى 1 - ايدا، جۇڭگو كوممۋنيستىك پارتياسى ورتالىق كوميتەتى بەيجيڭدە زيالىلار ماسەلەسى جونىندە ءماجىلىس اشتى. جوۋ ىنلاي ماجىلىستە ”زيالىلار ماسەلەسى جونىندە باياندامانى“ جاساپ، زيالىلاردىڭ باسىم كوبىنىڭ ”جۇمىسشى تابىنىڭ ءبىر بولگىنە اينالعاندىعىن“ ايقىن ورتاعا قويدى. ماجىلىستەن كەيىن، جۇڭگو كوممۋنيستىك پارتياسى ورتالىق كوميتەتى ىلگەرىندى - كەيىندى زيالىلار ماسەلەسى جونىندە ءبىرتالاي حۇجاتتاردى شىعارىپ، بۇكىل ەلدە زيالىلار قىزمەتىنىڭ ورىستەتىلۋىن ىلگەرىلەتتى. بۇكىل ەلدە ءبىر مەزەت زيالىلار ماسەلەسى ءماجىلىسىنىڭ رۋحىن دايەكتىلەندىرۋ ورلەۋى كوتەرىلىپ، ”وسى زامانعى عىلىمعا جورىق جاساۋ“ ۇرانى جاڭعىردى.
مادەنيەت پەن عىلىمدى دامىتۋ ءۇشىن، 5 - ايدىڭ باسىندا، ماۋ زىدۇڭ ەڭ جوعارى مەملەكەت ىستەرى ماجىلىسىندە ”بارلىق گۇل شەشەك اتۋ، جالپى جارىسا ءۇن قاتۋ“ باعىتىن رەسمي جاريالادى. ”بارلىق گۇل شەشەك اتۋ، جالپى جارىسا ءۇن قاتۋ“ باعىتىنىڭ ورتاعا قويىلۋى بەينە ءبىر اينا سەكىلدى ساياسيى ورنىقتى، ەكونوميكاسى دامىعان، حالقى ىنتىماقتى ءبىر مەملەكەتتىڭ وبرازىن كەسكىندەپ، ادەبيەت - كوركەمونەردى گۇلدەندىرۋ، عىلىمدى دامىتۋداي ءداۋىر تالابىن بەينەلەدى.
9 - ايدا، جۇڭگو كوممۋنيستىك پارتياسىنىڭ 8 - رەتكى مەملەكەتتىك ۋاكىلدەر قۇرىلتايى اشىلدى. قۇرىلتاي مىنالاردى اتاپ كورسەتتى: سوتسياليستىك ءتۇزىم ەلىمىزدە نەگىزىنەن ورناتىلدى؛ ەل ىشىندەگى باستى قايشىلىق حالىقتىڭ ەكونوميكانى، مادەنيەتتى جەدەل دامىتۋعا بولعان قاجەتى مەن قازىرگى ەكونوميكانىڭ، مادەنيەتتىڭ ادامداردىڭ قاجەتىن قاناعاتتاندىرا الماۋى جاعدايى اراسىنداعى قايشىلىق؛ بۇكىل ەل حالقىنىڭ باستى مىندەتى كۇشتى شوعىرلاندىرا وتىرىپ قوعامدىق وندىرگىش كۇشتى دامىتىپ، مەملەكەتتى ونەركاسىپتەندىرۋدى جۇزەگە اسىرىپ، حالىقتىڭ كۇن سايىن ارتىپ وتىرعان زاتتىق جانە مادەنيەت قاجەتىن بىرتىندەپ قاناعاتتاندىرۋ.
1956 - جىل − جاڭا جۇڭگونىڭ ءوزىنىڭ سوتسياليزم جولى جونىندەگى ىزدەنىسىنىڭ باستاماسى. وسى جىلداعى كوپتەگەن كەلەلى شارالار بىلايعى تاريحي دامۋعا تەرەڭ ىقپال كورسەتتى.
(شينحۋا اگەنتتىگىنىڭ 9 - ايدىڭ 15 - كۇنى بەيجيڭنەن بەرگەن حابارى)
