− شينجياڭ ايەلدەر اۋرۋىن زەرتتەۋ ورنىنىڭ باستىعى، اۆتونوميالى رايوندىق حالىق شيپاحاناسى ايەلدەر اۋرۋىن زەرتتەۋ كەڭسەسىنىڭ مەڭگەرۋشىسى ماينۇر نياز تۋرالى
ءتىلشى لي لين، پراكتيكانت جاڭ شياۋحان
8 - ايدىڭ 10 - كۇنى عىلمي ماجىلىسكە قاتىناسىپ كەلگەننەن كەيىن، ماينۇر نياز اۋەجايدان توتە اۆتونوميالى رايوندىق حالىق شيپاحاناسىنا كەلىپ، ايالداماي وپەراتسياعا كىرىپ، 2 وپەراتسيا جاسادى. بۇل ماينۇر نيازدىڭ قازىرگى قىزمەتىندەگى قالىپتى جاعداي. بىلتىر 12 - ايدا زەينەتكە شىققان ول ءباز - باياعىسىنداي ناۋقاس قاراپ، لەكسيا جاساپ، زەرتتەۋ جۇرگىزىپ، ءىس جۇزىندىك ارەكەتىمەن اۋەلگى ماقساتتان اينىماي، ايەلدەردىڭ سالاماتتىعىن قورعاۋدىڭ ءبىرىنشى شەبىندە ايانباي تەر توگۋمەن كەلەدى.
شاڭحاي مەديتسينا داشۋەسىنەن وقۋ ءبىتىرىپ، اۆتونوميالى رايوندىق حالىق شيپاحاناسىنىڭ تۋىت بولىمىندە 40 جىلدان استام ۋاقىت قىزمەت ىستەدى؛ جاپونياعا بارىپ كوپ جىل وقىپ، شەتەلدەگى ۇسىنىستان باس تارتىپ، تۋعان جەرىنە قايتىپ كەلدى، اۆتونوميالى رايوندىق حالىق شيپاحاناسىنىڭ ورىنباسار باستىعى بولدى؛ شينجياڭداعى جاتىر موينى راگى ساندىق مالىمەت قامباسىن قۇرىپ، ءوزىنىڭ ۇجىمىن باستاپ 2010 - جىلى تۇڭعىش توپتاعى مەملەكەتتىك كلينيكالىق ءتۇيىندى ارناۋلى ءبولىم قاتارىنا ءساتتى كىردى؛ ءۇرتىس 3 كەزەك مەملەكەتتىك حالىق قۇرىلتايى ۋاكىلى بولىپ سايلانىپ، مەملەكەتتىك كەڭەستىڭ ەرەكشە قوسىمشا قاراجات الاتىن مامانى بولۋ سياقتى كوپتەگەن داڭق اتاقتارعا يە بولدى، بۇكىل مەملەكەتتىك جانە اۆتونوميالى رايوندىق 22 عىلمي زەرتتەۋ نىسانىن باسقارۋدى ۇستىنە الدى، ىلگەرىندى - كەيىندى 170تەن استام عىلمي ماقالا جاريالادى... ماينۇر نيازدىڭ قىسقاشا ءومىربايانىن اشا قالساڭىز، قاراپايىم دا كوز تارتىمدى اڭىز اڭگىمە تىڭداعانداي بولاسىز.
■ تۋعان جەردە تامىر تارتىپ، تىنباي كۇرەس جاسادى
”مەن وسى شيپاحانادا تۋعامىن، قىزمەتكە شىققاننان كەيىن دە وسىندا 40 جىل بولارىمدى ويلاماپپىن“، - دەدى ماينۇر نياز تىلشىگە. ونىڭ اۆتونوميالى رايوندىق حالىق شيپاحاناسىنا دەگەن سۇيىسپەنشىلىگى وتە تەرەڭ.
1976 - جىلى ماينۇر نياز شاڭحاي مەديتسينا داشۋەسىنەن وقۋ بىتىرگەننەن كەيىن، اۆتونوميالى رايوندىق حالىق شيپاحاناسىنىڭ تۋىت بولىمىنە قىزمەتكە بولىنەدى. تالپىنعىش ول ءبىلىم الۋ جاعىندا تىنباي تالپىنىپ العا باسادى. 1989 - جىلى دەنساۋلىق ساقتاۋ مينيسترلىگى قارتتار مەن جاستاردىڭ شەكارا وڭىردەگى جاپون ءتىلى كۋرسىن اشىپ، بۇكىل ەلدەن كۋرسانت تاڭدايدى. ءبولىم مەڭگەرۋشىسىنىڭ شابىتتاندىرۋىمەن ماينۇر نياز بۇعان تىزىمدەلەدى. جاپون ءتىلىن كاسىپتىك ۇيرەنگەننەن كەيىن، ول مەملەكەتتىك ەمتيحانعا قاتىناسىپ، ”ساساكاۋا مەديتسينا وقۋ سيلىق اقشاسى“ بويىنشا ءبىلىم اسىرۋشى بولادى. 1992 − 1994 جىل، 1998 − 2003 جىل 2 رەت جاپونياعا بارىپ وقىپ، 2003 - جىلى جاپونيا مەديتسينا داشۋەسىنەن دوكتورلىق اتاق الادى. ماينۇر نيازدىڭ ءومىر بايانىنىڭ استارىندا تىنباي كۇرەس جاساۋ حيكاياسى جاتىر.
جاپونيا مەديتسينا داشۋەسىنەن دوكتورلىق وقۋىن بىتىرۋدەن بۇرىن، ماينۇر نياز جەتەكشىسىنە 16 عىلمي ماقالا تاپسىرادى، جەتەكشىسى ونىڭ تالپىنعىشتىعىن، ىزدەنگىشتىگىن بارىنشا القايدى.
كوپ جىلدىق شەتەلدە وقۋ اياقتالعاننان كەيىن، ول شەتەل شيپاحاناسىنىڭ ۇسىنىسىنان باس تارتىپ، تۋعان جەرىنە، اۆتونوميالى رايوندىق حالىق شيپاحاناسىنا تاعى قايتا ورالادى.
■ باتىلدىقپەن بورىش ارقالاپ، سالاماتتىقتى قورعادى
وتانعا قايتقاننان كەيىن، ماينۇر نياز شينجياڭدا ىشتەگى نارەستەگە جاتىر ىشىندە دياگنوز قويۋ تەحنيكاسى جانە شينجياڭداعى جاتىر موينى راگىن زەرتتەۋدى الدىمەن ورىستەتىپ، شينجياڭنىڭ ايەلدەر اۋرۋلارى سالاسىنداعى جول اشۋشىعا اينالدى.
كلينيكالىق ءبىرىنشى شەپتە ۇزاق ۋاقىت قىزمەت ىستەگەن ماينۇر نياز شينجياڭنىڭ ءىشىنارا وڭىرلەرىندە جاتىر موينى راگىنىڭ تۋىلۋ مولشەرى ءبىرشاما جوعارى ەكەندىگىن بايقايدى. ول جاتىر موينى راگىنىڭ تۋىلۋ رولىنا قاراتا، ساقتىق جانە ارالاسىپ ەمدەۋ قىزمەتىن قاينارىنان جاقسى ىستەۋ عانا تۇبەگەيلى وڭاۋ ءادىسى دەپ قارايدى.
سوڭعى مەزگىلگە وتكەن جاتىر موينى راگىنىڭ ەمدەۋ اقىسى ءبىرشاما جوعارى بولاتىندىقتان، اۋرۋ سەبەبىنەن كەدەيلەسۋ مەن اۋرۋ سەبەبىنەن قايتا كەدەيلەسۋ جاعدايى بۇل تۇردەگى ناۋقاستاردا ءبىرشاما كورنەكتى ەدى.
ناۋقاستىڭ ەمدەلۋگە اقشاسى جوق بولۋىنداي جاعدايعا كەزدەسكەن سايىن ماينۇر نياز جومارتتىقپەن كومەك قولىن ۇسىناتىن. دەسە دە، ول جەكەنىڭ كۇشىنىڭ ءالسىز ەكەندىگىن، ەمدەلۋگە اقشاسى جوق بولۋ، اۋرۋ سەبەبىنەن كەدەيلەسۋ ماسەلەلەرىن شەشۋ ءۇشىن، ءسوز جوق، ساياسات جاعىندا قولداۋ بولۋ كەرەكتىگىن بايقايدى.
مەملەكەتتىك حالىق قۇرىلتايى ۋاكىلى بولىپ سايلانا سالا، ول شينجياڭعا جاتىر موينى راگىن اداقتاپ تەكسەرۋ قاراجاتىنان قولداۋ كورسەتۋدى ۇسىنىس ەتەدى، بۇل ۇسىنىسى مەملەكەتتىڭ قاتىستى تاراۋىنىڭ نازارىن اۋدارىپ، نىسان قاراجاتى ءساتتى تياناقتانادى دا، شينجياڭدا ءۇرتىس 5 جىل بويى جاتىر موينى راگىن اداقتاپ تەكسەرۋ جۇرگىزىلەدى.
2013 - جىلى وتكىزىلگەن 12 - كەزەكتى مەملەكەتتىك حالىق قۇرىلتايىنىڭ 1 - ماجىلىسىندە ماينۇر نياز جاتىر موينى راگىن اداقتاپ تەكسەرۋ ساندىق مالىمەتىن الىپ، مەملەكەتتىڭ جاتىر موينى راگىنىڭ ساقتىق ۆاكسيناسىن تەزىرەك كىرگىزىپ، ەڭ الدىمەن شينجياڭ سياقتى جاتىر موينى راگى كوپ تۋىلاتىن وڭىرلەردە ۆاكسينا قويىپ، جاتىر موينى راگىنىڭ تۋىلۋ مولشەرىن تومەندەتىپ، ايەلدەردىڭ دەنساۋلىق، سالاماتتىق جاعدايىن جاقسارتۋدى ۇسىنىس ەتەدى. 2016 - جىلى 7 - ايدا جاتىر موينى راگىنىڭ ۆاكسيناسى تۇڭعىش رەت ەل ىشىندە بازارعا سالىنادى.
2006 - جىلدان 2018 - جىلعا دەيىن، ماينۇر نياز سان مارتە نەگىزگى ساتىعا ىشكەرىلەي بارىپ، ادام ومىراۋ ءۇرپى وسپەسى ۆيرۋسىمەن (HPV) جۇعىمدالۋ جانە جاتىر موينى راگىنىڭ تۋىلۋ مولشەرى جاعىندا كوپ رەت تەكسەرۋ - زەرتتەۋ جۇرگىزەدى. وسى ارالىقتا، ول جانە اداقتاپ تەكسەرۋ گرۋپپاسىنىڭ مۇشەلەرى جيىنى 26 مىڭ ادام - رەت اداقتاپ تەكسەرۋ جۇرگىزىپ، شينجياڭداعى جاتىر موينى راگىنىڭ تۋىلۋىنداعى ءبىرىنشى قول ماتەريالدى يەلەپ، شينجياڭ جاتىر موينى راگى ساندى مالىمەت قامباسىن قۇرىپ، جاتىر موينى راگى تۋىلۋىنىڭ اۋرۋدان بۇرىنعى وزگەرۋى، جاتىر موينى راگىنىڭ تۋىلۋ جاعدايى جانە مۇنان كەيىنگى عىلمي زەرتتەۋ جاعىندا قىمباتتى ساندىق مالىمەت ازىرلەيدى.
ماينۇر نياز ءبىر جاعىنان اداقتاپ تەكسەرە ءجۇرىپ، ءبىر جاعىنان ءتۇرلى ورىنداردان پايدالانىپ، جاتىر موينى راگىنان ساقتانۋ جانە ەمدەۋ بىلىمدەرىن ۇگىتتەيدى. قازىرگە دەيىن، ول ۇلكەندى - كىشىلى 1000 رەتتەن استام لەكسيا سويلەپ، جاتىر موينى راگىن اداقتاپ تەكسەرۋ جاڭا تەحنيكاسىن جالپىلاستىرۋ جاعىنداعى ءبىلىم اسىرۋ ۇيرەنۋ كلاسىن 46 رەت اشىپ، نەگىزگى ساتىداعى ەمدەۋ قىزمەتكەرلەرىن جاتىر موينى راگى جونىندەگى ءبىلىم كۋرسى بويىنشا 3000نان استام ادام - رەت تاربيەلەدى.
■ شيپاگەرلىكتە قايىرىمدى بولىپ، عىلىمعا ۇلەس قوستى
شيپاگەرلىكتە قايىرىمدى بولدى. ماينۇر نياز ناۋقاس كورگەندە ۇنەمى ۇستەمە جۇمىس ىستەپ، ءار رەت ەڭ سوڭعى ناۋقاستى اتتاندىرعاننان كەيىن بارىپ قىزمەتتەن تۇسەتىن. ول: كەيبىر ناۋقاستار الىستان كەلەدى، كەلەسى ناۋقاس قاراۋ كەزەگىنە قالدىرسام، ولاردىڭ شىعىنى مولايىپ كەتەدى، - دەدى.
ماينۇر نياز ناۋقاسقا كوڭىل ءبولىپ، سابىرلى بولدى، وقۋشىنى قاتاڭ باسقارىپ، ولارعا قامقورلىق جاساي ءبىلدى. شىحىزى داشۋەسى جانە شينجياڭ مەديتسينا داشۋەسى سياقتى جوعارى مەكتەپتەردىڭ ماگيستر، دوكتور جەتەكشىسى رەتىندە، ول ىلگەرىندى - كەيىندى 56 ماگيستر، دوكتور اسپيرانت تاربيەلەپ شىقتى. ول وقۋشىلاردان كلينيكالىق شەبەرلىكتى يگەرىپ، عىلمي زەرتتەۋ قابىلەتىن كۇشەيتىپ قانا قالماستان، عىلىم جاعىندا جان - جاقتى جەتىلىپ، بۇقارا ءۇشىن ناقتى ىستەر تىندىرۋدى تالاپ ەتتى. ول ۇنەمى وقۋشىلارىن ەرتىپ نەگىزگى ساتىعا ىشكەرىلەي ارالاسىپ تەكسەرۋ - زەرتتەۋ جۇرگىزدى.
ارناۋلى ماماندىق قابىلەتى قۇرىلىسىن ءتىپتى دە جاقسى جۇرگىزۋ ءۇشىن، ماينۇر نياز 2008 - جىلى باستاماشى بولىپ تۋىت زەرتتەۋ كەڭسەسىن قۇرىپ، اۆتونوميالى رايوندىق حالىق شيپاحاناسىنىڭ تۋىت ءبولىمى عىلمي زەرتتەۋى مەن ءپان قۇرىلىسىنا تۇعىر ازىرلەدى. ول ومىرىندە ۇيرەنگەنىن ۇجىمداعى ءاربىر شيپاگەرگە قالتقىسىزدىقپەن ۇيرەتىپ، ۇجىمدى باستاپ 2010 - جىلى تۇڭعىش توپتاعى مەملەكەتتىك كلينيكالىق ءتۇيىندى ارناۋلى ءبولىم قاتارىنا ءساتتى ءوتتى، بۇل ەمدەۋ كلينيكاسى ءپانىنىڭ مەملەكەتتەگى ماڭداي الدى ورەگە جەتكەندىگىنىڭ دالەلى ەدى.
