قالا - قالاشىقتاردا 429 مىڭ 300 ادام جاڭادان جۇمىستاندىرىلدى
اۋىل - قىستاقتارداعى ارتىق ەڭبەككۇشتەردەن 2 ميلليون 237 مىڭ ادام - رەت باسقا سالاعا ويىستىرىلىپ جۇمىستاندىرىلدى
ءتىلشى لي چۇنشيا 9 - ايدىڭ 15 - كۇنى ۇرىمجىدەن حابارلايدى. ءتىلشى اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنەن مىنانى ۇعىستى: بيىل الدىڭعى 8 ايدا رايونىمىز ورنىقتى جۇمىستاندىرۋ مەن اناعۇرلىم جوعارى ساپالى جۇمىستاندىرۋدى جۇزەگە اسىرۋدى كوزدەپ، جۇمىستاندىرۋ ارقىلى حالىققا تيىمدىلىك جەتكىزۋ ينجەنەرياسىن ىشكەرىلەي اتقاردى، جۇمىستاندىرۋ اۋقىمى جالپى جاقتان ورنىقتىلىقتى ساقتاپ، نەگىزگى جۇمىستاندىرۋ كورسەتكىشى ورنىقتىلىق بارىسىندا جاقسارىپ، قالا - قالاشىقتاردا جاڭادان جۇمىستاندىرۋداعى جىلدىق نىسانا - مىندەتتىڭ 90 پايىزدان استامىن ورىندادى، اۋىل - قىستاقتارداعى ارتىق ەڭبەككۇشتەردى باسقا سالاعا ويىستىرىپ جۇمىستاندىرۋداعى جىلدىق نىسانا - مىندەتتىڭ 80 پايىزدان استامىن ورىندادى، جاڭادان ارتقان شارۋاشىلىق قۇرۋشىلار سانىنىڭ، ساياحات كاسىبى ارقىلى جەتەكتەلگەن جاڭادان جۇمىستاندىرىلعاندار سانىنىڭ جىلدىق نىسانا - مىندەتىن ارتىعىمەن ورىندادى.
الدىڭعى 8 ايدا بۇكىل رايونىمىزدىڭ قالا - قالاشىقتارىندا 429 مىڭ 300 ادام جاڭادان جۇمىستاندىرىلىپ، جىلدىق نىسانا - مىندەتتىڭ ％95.4ى ورىندالدى؛ اۋىل - قىستاقتارداعى ارتىق ەڭبەككۇشتەردەن 2 ميلليون 237 مىڭ ادام - رەت باسقا سالاعا ويىستىرىلىپ جۇمىستاندىرىلىپ، جىلدىق نىسانا - مىندەتتىڭ ％82.8ى ورىندالدى؛ قالا - قالاشىقتارداعى جۇمىستانۋى قيىنعا سوققان 36 مىڭ 800 ادام جۇمىستاندىرىلىپ، جىلدىق نىسانا - مىندەتتىڭ ％92.06ى ورىندالدى، بىردە - ءبىر ادامى جۇمىستانباعان وتباسىلاردان 24 ساعات ىشىندە يكەمدىلىكپەن كەمىندە ءبىر ادامدى جۇمىستاندىرۋ جاعدايى ساقتالدى.
الدىڭعى 8 ايدا، رايونىمىزدىڭ جۇمىستاندىرۋ ارقىلى كەدەيلەردى سۇيەمەلدەۋ قىزمەتى تىڭعىلىقتى ىلگەرىلەتىلدى، وڭتۇستىك شينجياڭنىڭ 22 اۋىر كەدەي اۋدانىنداعى ارحيۆ تۇرعىزىلىپ، كارتچكالاندىرىلعان كەدەي وتباسىلارداعى ەڭبەككۇشتەردەن ۇيىمدى تۇردە 62 مىڭ 247 ادام باسقا سالاعا ويىستىرىلىپ جۇمىستاندىرىلىپ، جىلدىق نىسانا - مىندەت ％155.6 بولىپ ورىندالدى. وڭتۇستىك شينجياڭنىڭ 4 ايماق، وبلىسىنداعى قالا - قالاشىقتاردا 117 مىڭ 300 ادام جاڭادان جۇمىستاندىرىلىپ، بۇكىل رايونىمىزداعى قالا - قالاشىقتاردا جاڭادان جۇمىستاندىرىلعانداردىڭ ％27.32ىن يەلەدى.
بيىل، رايونىمىز شارۋاشىلىق قۇرۋ ارقىلى سۇيەمەلدەۋدىڭ ءتۇرلى ساياساتىن بەلسەنە تياناقتاندىرىپ، شارۋاشىلىق قۇرۋ، جاڭالىق اشۋ جارىستارىن وتكىزۋ سياقتىلار ارقىلى شارۋاشىلىق قۇرۋدىڭ تاماشا رايىن قالىپتاستىردى. الدىڭعى 8 ايدا، بۇكىل رايونىمىزدا 58 مىڭ 600 ادام جاڭادان شارۋاشىلىق قۇرىپ، جىلدىق نىسانا - مىندەت ％195.3 بولىپ ورىندالدى؛ 115 مىڭ 100 ادام جۇمىستانۋعا جەتەكتەلىپ، جىلدىق نىسانا - مىندەت ％127.9 بولىپ ورىندالدى.
3 - كاسىپتىڭ جۇمىستاندىرۋعا باۋراۋ قابىلەتى اناعۇرلىم كۇشەيتىلىپ، جۇمىستاندىرۋعا باۋرايتىن باياندى نەگىزگى كۇشكە اينالدى. الدىڭعى 8 ايدا قالا - قالاشىقتارداعى جاڭادان جۇمىستانعانداردىڭ ىشىندە، 3 - كاسىپتە 296 مىڭ 100 ادام جۇمىستاندىرىلىپ، قالا - قالاشىقتاردا جاڭادان جۇمىستاندىرىلعانداردىڭ ％68.97ىن يەلەدى. مۇنىڭ ىشىندە، ساياحات كاسىبى ”جەتى ءبىر توپ“ ارناسى ارقىلى 42 مىڭ ادامدى تىڭنان جۇمىستاندىرىپ، جىلدىق نىسانا - مىندەت ％104.99 بولىپ ورىندادى. بۇل شينجياڭنىڭ قوعام ورنىقتىلىعى پايداسىنىڭ ۇزدىكسىز جارىققا شىققاندىعىن، ساياحات كاسىبى دامۋىنىڭ جۇمىستاندىرۋعا جەتەكتەۋ قوزعاۋشى كۇشىنىڭ ارتقاندىعىن كورسەتەدى.
ەڭبەكشىلەردىڭ شەبەرلىگىن جوعارىلاتۋ − ورنىقتى جۇمىستاندىرۋدىڭ تەتىگى. الدىڭعى 8 ايدا، بۇكىل رايونىمىز 871 مىڭ 200 ادام - رەت ءتۇرلى كاسىپتىك باۋلۋ ورىستەتىپ، جىلدىق نىسانا - مىندەتتىڭ ％79.20ىن ورىندادى. مۇنىڭ ىشىندە، اۋىل - قىستاقتارداعى ارتىق ەڭبەككۇشتەردەن 490 مىڭ 700 ادام - رەت باسقا سالاعا ويىستىرىلىپ جۇمىستاندىرۋ بويىنشا باۋلۋعا قاتىناستىرىلىپ، جىلدىق نىسانا - مىندەت ％138.74 بولىپ ورىندالدى. ارحيۆ تۇرعىزىلىپ، كارتچكالاندىرىلعان كەدەي وتباسىلارىنداعى ەڭبەككۇشتەردەن 181 مىڭ 300 ادام - رەت باسقا سالاعا ويىستىرىلىپ جۇمىستاندىرۋ بويىنشا باۋلۋعا قاتىناستىرىلىپ، جىلدىق نىسانا - مىندەت ％194.08 بولىپ ورىندالدى. بۇكىل رايونىمىزداعى اۋىل - قىستاقتارداعى جاڭادان جۇمىستانعانداردىڭ ىشىندە، 283 مىڭ 600 ادام ورنىقتى جۇمىستاندىرىلىپ، قالا - قالاشىقتارداعى جاڭادان جۇمىستانعاندار سانىنىڭ ％66.06ىن يەلەدى.
اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىندەگى قاتىستى جاۋاپتى ادامنىڭ تانىستىرۋىنا قاراعاندا، رايونىمىز ”جۇمىستاندىرۋ ساياساتىن تياناقتاندىرۋ جىلى“ قيمىلىن ۇزدىكسىز ىشكەرىلەي ورىستەتۋ ارقىلى ءتۇيىندى قاۋىمدى كورنەكتىلەندىرىپ، جۇمىستاندىرۋ ارقىلى كەدەيلەردى سۇيەمەلدەۋ، جۇمىستانۋ قابىلەتىن جوعارىلاتۋ، قىزمەت وتەۋ - قامتاماسىز ەتۋ سياقتى جاقتاردا ۇزدىكسىز كۇش سالىپ، قالا مەن اۋىلداعى بۇقارانىڭ ورنىقتى جۇمىستانۋىن، باياندى جۇمىستانۋىن، ۇزاق ۋاقىت جۇمىستانۋىن جەبەپ، ەڭبەك ارقىلى اناعۇرلىم تاماشا تۇرمىسقا جەتۋىنە مۇمكىندىك جاساعان.
