تىلشىلەر ليۋ دۇڭلاي، جاڭ تيڭ 9 - ايدىڭ 15 - كۇنى بەيجيڭنەن حابارلايدى. 9 - ايدىڭ 16 - كۇنىنەن 18 - كۇنىنە دەيىن، دۇنيە جۇزىلىك باۋ - باقشا كورمەسى 3 كۇندىك ۋاقىتپەن ”شينجياڭ كۇنى“ نەگىزگى تاقىرىپتىق قيمىلىن قارسى الادى. شينجياڭ كورمە رايونى، گۇيرۇي تەاترحاناسى سياقتى كوپ ورىنداردا شاتتىققا تولى ءان - بي مەن حوش ءيىسى اڭقىعان جەمىس - جيدەك كوپتەگەن ساياحاتشىلاردى وزىنە باۋرايتىن بولادى. فورماسى الۋان ءتۇرلى، مازمۇنى باي ”شينجياڭ كۇنى“ قيمىلى − شينجياڭنىڭ جاڭا جۇڭگو قۇرىلعاندىعىنىڭ 70 جىلدىعىنا ارناعان تاماشا تارتۋى سانالادى.
وسى رەتكى ”شينجياڭ كۇنى“ قيمىلىنىڭ نەگىزگى تاقىرىبى −”شينجياڭ جاقسى جەر“. نەگىزگى مازمۇنى − شينجياڭنىڭ ەكولوگيالىق ونىمدەرىن تانىستىرۋ، ساياحاتتى ۇگىتتەۋ - تانىستىرۋ، ەرەكشە جەمىس - جيدەكتى تانىستىرۋ جانە ساۋدا جارمەنكەسى سياقتىلار. ءبىرسىپىرا تارتىمدى قيمىلدار نەگىزگى تاقىرىپتى ارقاۋ ەتە وتىرىپ بىرىنەن سوڭ ءبىرى ورىستەتىلەدى، 3 كۇندىك ”شينجياڭ كۇنى“ باي مازمۇندى بولادى.
9 - ايدىڭ 16 - كۇنى تۇستەن بۇرىن، ”شينجياڭ كۇنى“نىڭ اشىلۋ سالتى وتكىزىلەدى. جۇرت شينجياڭنىڭ ەرەكشە تارتىمدى ادەبيەت - كوركەمونەر ويىندارىن كورە الادى، ونان كەيىنگى ءدامدى تاعامدار سارالاۋ كورمەسىندە، ساياحاتشىلار تاعامداردان قۇشىرلانا ءدام تاتىپ، شينجياڭنىڭ ءدامدى تاعامدارىنىڭ كەرەمەتىن تولىق سەزىنەدى.
”شينجياڭ كۇنى“ كەزىندە، جەكە - جەكە ”ەرەكشە جەمىس - جيدەك تانىستىرۋ جانە كاسىپورىنداردىڭ ۇشتاسۋ كەڭەسى“ جانە ”شينجياڭنىڭ مادەنيەت - ساياحاتىن ارناۋلى تاقىرىپتا تانىستىرۋ كەڭەسى“ وتكىزىلىپ، شينجياڭنىڭ ەرەكشە جەمىس - جيدەك كاسىبى ساياساتى مەن نىساندارى، شينجياڭنىڭ مادەنيەت - ساياحات بايلىعى، ساياحات - مادەنيەت جاسامپازدىق ونىمدەرى سياقتى جاقتار ارناۋلى تانىستىرىلادى.
”شينجياڭ كۇنى“ ايماق، وبلىس، قالالارعا ءوزىن ايگىلەيتىن تۇعىر ازىرلەيدى. 9 - ايدىڭ 17 - كۇنىنەن 18 - كۇنىنە دەيىن، رەت - ءتارتىپ بويىنشا ىلە قازاق اۆتونوميالى وبلىسىنىڭ، ءۇرىمجى قالاسىنىڭ، حوتان ايماعىنىڭ ارناۋلى تانىستىرۋى وتكىزىلەدى. وسىنىڭ الدىندا، اقسۋ ايماعى، سانجى حۇيزۋ اۆتونوميالى وبلىسى، تۇرپان قالاسى سياقتى ايماق، وبلىس، قالالار دۇنيە جۇزىلىك باۋ - باقشا كورمەسىندە ارناۋلى تانىستىرۋ قيمىلىن وتكىزىپ، تاماشا ونىمدىلىككە قول جەتكىزدى.
