تيانشان تورى
تيانشان تورى   ›   جاڭالىقتار   ›   ماڭىزدى حابارلار

ۋاڭ حۋاييۇي جولداس قايتىس بولدى

شي جينپيڭ ۋاڭ حۋاييۇي جولداستىڭ قايتىس بولعاندىعىنا ازا ءبىلدىردى ءارى ونىڭ وتباسىنداعىلاردان حال سۇرادى

چىن شي، چىن چۋانگو ازا ءبىلدىردى جانە حال سۇرادى

  جۇڭگو كوممۋنيستىك پارتياسىنىڭ تاڭداۋلى مۇشەسى، اۆتونوميالى رايوندىق 9 - كەزەكتى، 10 - كەزەكتى حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى ۋاڭ حۋاييۇي جولداس ناۋقاستانىپ، ەمدەۋ ءونىم بەرمەي، 2019 - جىلى 9 - ايدىڭ 13 - كۇنى ساعات 14تەن 40 مينۋت وتكەندە ۇرىمجىدە 78 جاسىندا قايتىس بولدى.

  جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ۋاڭ حۋاييۇي جولداستىڭ قايتىس بولعاندىعىنا ازا ءبىلدىردى، ونىڭ وتباسىنداعىلاردان حال سۇرادى. چىن شي ازا ءبىلدىردى ءارى ونىڭ وتباسىنداعىلاردان حال سۇرادى.

  ورتالىق كوميتەتتىڭ ۇيىمداستىرۋ ءبولىمى جانە اۆتونوميالى رايوندىق پارتكوم، حالىق قۇرىلتايى، ۇكىمەت، ساياسي كەڭەس، شينجياڭ اسكەري رايونى، شينجياڭ ءوندىرىس - قۇرىلىس بيڭتۋانى ۋاڭ حۋاييۇي جولداستىڭ قايتىس بولعاندىعىنا ازا ءبىلدىردى.

  چىن چۋانگو، شوكىرات زاكىر، شاۋكەت يمىن، نۇرلان ءابىلماجىن، سۇن جينلۇڭ، لي پىڭشين قاتارلى اۆتونوميالى رايوندىق پارتكومداعى، حالىق قۇرىلتايىنداعى، ۇكىمەتتەگى، ساياسي كەڭەستەگى، شينجياڭ اسكەري رايونىنداعى، شينجياڭ ءوندىرىس - قۇرىلىس بيڭتۋانىنداعى باسشى جولداستار، دەمالىسقا، پەنسياعا شىققان ءبىر ءبولىم ساقا جولداستار تۇرلىشە تاسىلدەرمەن ازا ءبىلدىردى جانە حال سۇرادى.

  ۋاڭ حۋاييۇي جولداس 1941 - جىلى 6 - ايدا شانشيدىڭ سۇيدى اۋدانىندا دۇنيەگە كەلگەن، 1974 - جىلى 10 - ايدا جۇڭگو كوممۋنيستىك پارتياسىنا مۇشە بولعان، 1960 - جىلى 9 - ايدا شينجياڭ داشۋەسى ساياسي تاربيە فاكۋلتەتىندە ساياسي تاربيە كاسىبىن وقىعان، 1965 - جىلى 9 - ايدا شينجياڭ داشۋەسى ساياسي تاربيە فاكۋلتەتى پارتيا تاريحى كافەدراسىندا وقىتۋشى بولعان، 1975 - جىلى 11 - ايدا ميچۋان اۋدانىندا وقۋ - اعارتۋعا كومەكتەسكەن، 1977 - جىلى 12 - ايدا اۆتونوميالى رايوندىق پارتكومنىڭ اداقتاۋ كەڭسەسىنىڭ قىزمەتكەرى، شينجياڭ داشۋەسى ساياسي تاربيە فاكۋلتەتى پارتيا تاريحى كافەدراسىندا وقىتۋشى، 1984 - جىلى 5 - ايدا شينجياڭ داشۋەسى پارتكومى ۇگىت ءبولىمىنىڭ باستىعى، 1986 - جىلى 6 - ايدا شينجياڭ داشۋەسى پارتكومىنىڭ ورىنباسار شۋجيى، 1988 - جىلى 11 - ايدا شينجياڭ داشۋەسى پارتكومىنىڭ شۋجيى، ورىنباسار مەكتەپ باستىعى، 1993 - جىلى 3 - ايدا اۆتونوميالى رايوندىق پارتكومنىڭ باس حاتشىسى، 1996 - جىلى 4 - ايدا اۆتونوميالى رايوننىڭ ورىنباسار ءتوراعاسى، 2001 - جىلى 1 - ايدا اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى بولعان، 2009 - جىلى 6 - ايدا زەينەتكە شىققان.

  ۋاڭ حۋاييۇي جولداس ساياسيدا تاباندى، پارتياعا ادال بولىپ، يدەيادا، ساياسيدا، ارەكەتتە باستان - اياق پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتادى. ماركسيزم - لەنينيزم نازارياسى دەڭگەيى ءبىرشاما جوعارى، جازعان كوپتەگەن نازاريالىق ماقالالارى «ىزدەنۋ» قاتارلى جۋرنالداردا جاريالاندى ءارى «ماۋ زىدۇڭ يدەياسىنان جالپى بايان» سياقتى 3 شىعارماسى باسپادان شىقتى. وقۋ - اعارتۋ قىزمەتىمەن ۇزاق ۋاقىت شۇعىلدانىپ، جوعارى مەكتەپ، پارتكوم ورگانى، ۇكىمەت، حالىق قۇرىلتايى سياقتى ورىنداردا كوپتەگەن باسشىلىق مىندەتتەردى وتەدى، نازاريالىق جانە امالياتتىق تاجىريبەسى مول، ۇيىمدىق باسشىلىق قابىلەتى ءبىرشاما كۇشتى. پارتيانىڭ لۋشيان، باعىت - ساياساتتارىن جانە اۆتونوميالى رايوندىق پارتكومنىڭ كەلەلى شەشىمدەرىن، ورنالاستىرۋلارىن باتىل دايەكتىلەندىردى، تەكسەرۋ - زەرتتەۋگە باسا ءمان بەردى، ءىستى زاڭ بويىنشا قاتاڭ ىستەدى، پارتيانىڭ وقۋ - اعارتۋ باعىتىن تياناقتاندىرۋ، عىلىم - تەحنيكا ءتۇزىلىسى رەفورماسىن ىلگەرىلەتۋ، زاڭ شىعارۋدى باقىلاۋدى كۇشەيتۋ، حالىق قۇرىلتايى ۋاكىلدەرىنىڭ رولىن ساۋلەلەندىرۋ جانە حالىق قۇرىلتايى ورگان قۇرىلىسىن كۇشەيتۋ جاقتارىندا قىرۋار قىزمەتتەر ىستەدى. باسشىلىق قىزمەت ورىننان شەگىنگەن سوڭ، اسىرەسە، پارتيانىڭ 18 - قۇرىلتايىنان بەرى، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن مۇقيات ۇيرەنىپ، دايەكتىلەندىرىپ، ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن باتىل جاقتاپ، اۆتونوميالى رايوننىڭ ورنىقتىلىق، دامۋ ىستەرىنە بۇرىنعىداي كوڭىل ءبولىپ، شينجياڭنىڭ قوعام ورنىقتىلىعى مەن باياندى تىنىشتىعىنا بەلسەندى ۇلەس قوستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.