مەملەكەتتىك حالىق قۇرىلتايى قۇرىلعاندىعىنىڭ 60 جىلدىعىن قۇتتىقتاۋ جينالىسىندا سويلەنگەن ءسوز
شينحۋا اگەنتتىگىنىڭ 9 - ايدىڭ 15 - كۇنى بەيجيڭنەن بەرگەن حابارى. 9 - ايدىڭ 16 - كۇنى باسپادان شىعاتىن «ىزدەنۋ» جۋرنالىنىڭ 18 - سانىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ ماڭىزدى ماقالاسى «مەملەكەتتىك حالىق قۇرىلتايى قۇرىلعاندىعىنىڭ 60 جىلدىعىن قۇتتىقتاۋ جينالىسىندا سويلەگەن ءسوزى» جاريالانادى.
ماقالادا بىلاي دەپ باسا دارىپتەلدى: حالىق قۇرىلتايى ءتۇزىمى − جۇڭگوشا سوتسياليستىك ءتۇزىمنىڭ ماڭىزدى قۇرامداس بولىگى ءارى جۇڭگونىڭ مەملەكەتتى جونگە سالۋ جۇيەسى مەن جونگە سالۋ قابىلەتىنە تىرەك بولاتىن ءتۇبىرلى ساياسي ءتۇزىم. جاڭا جاعدايدا ءبىز حالىق دەموكراتياسى تۋىن بيىك ۇستاپ، حالىق قۇرىلتايى تۇزىمىنە مىزعىماي تاباندى بولۋىمىز ءارى داۋىرمەن بىرگە العا باسىپ، حالىق قۇرىلتايى ءتۇزىمىن كەمەلدەندىرىپ، جۇڭگوشا سوتسياليستىك ساياسيدىڭ دامۋ جولىمەن بۇلجىماي ءجۇرىپ، سوتسياليستىك دەموكراتيالىق ساياسي قۇرىلىستى ۇزدىكسىز ىلگەرىلەتۋىمىز، سوتسياليستىك ساياسي وركەنيەتتى دامىتۋىمىز كەرەك.
ماقالادا بىلاي دەپ اتاپ كورسەتىلدى: جۇڭگودا قانداي ساياسي ءتۇزىم ورناتۋ − تاياۋ زاماننان كەيىن جۇڭگو حالقى ءدوپ كەلگەن تاريحي سيپاتتى تاقىرىپ. جاڭا جۇڭگونىڭ دۇنيەگە كەلۋى جۇڭگو حالقىنىڭ حالىق قۇرىلتايى ءتۇزىمى سىندى وسى ويدى امالياتتا جۇزەگە اسىرۋىنا العى شارت ورناتتى، شارت - جاعداي ازىرلەدى. جۇڭگودا حالىق قۇرىلتايى ءتۇزىمىن جولعا قويۋ − جۇڭگو حالقىنىڭ ادامزاتتىڭ ساياسي ءتۇزىم تاريحىنداعى ۇلى جاسامپازدىعى، تاياۋ زاماننان كەيىن جۇڭگونىڭ ساياسي ومىرىندەگى اشتى ساباقتاردى تەرەڭ قورىتىندىلاۋ ارقىلى شىعارعان نەگىزگى تۇجىرىمى، جۇڭگو قوعامىنىڭ 100 جىلدان استام ۋاقىتتاعى تەبىندى وزگەرىسىنىڭ، توقتاۋسىز دامۋىنىڭ تاريحي ناتيجەسى، جۇڭگو حالقىنىڭ ەڭسە كوتەرىپ، قوجايىن بولۋىنىڭ، ءوز تاعدىرىن يگەرۋىنىڭ تابيعي تاڭداۋى.
ماقالادا بىلاي دەپ اتاپ كورسەتىلدى: جۇڭگودا سوتسياليستىك دەموكراتيالىق ساياسيدى دامىتىپ، حالىقتىڭ ءوز - وزىنە قوجايىن بولۋىنا كەپىلدىك ەتۋدىڭ، مەملەكەتتىڭ ساياسي ءومىرىنىڭ ومىرشەڭ كۇشكە باي ءارى تىنىش، ءتارتىپتى بولۋىنا كەپىلدىك ەتۋدىڭ تەتىگى − پارتيا باسشىلىعىنىڭ، حالىقتىڭ ءوز - وزىنە قوجايىن بولۋىنىڭ، مەملەكەتتى زاڭمەن جونگە سالۋدىڭ ورگانيكالىق بىرلىگىنە تاباندى بولۋ.
حالىق قۇرىلتايى ءتۇزىمى − پارتيا باسشىلىعىنىڭ، حالىقتىڭ ءوز - وزىنە قوجايىن بولۋىنىڭ، مەملەكەتتى زاڭمەن جونگە سالۋدىڭ ورگانيكالىق بىرلىگىنە تاباندى بولۋداعى ءتۇبىرلى تۇزىمدىك ورنالاستىرۋ. حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋدە، ءسوز جوق، جۇڭگو كوممۋنيستىك پارتياسىنىڭ باسشىلىعىنا بۇلجىماي تاباندى بولۋ، ءسوز جوق، حالىقتىڭ ءوز - وزىنە قوجايىن بولۋىنا كەپىلدىك ەتۋ جانە ونى دامىتۋ، ءسوز جوق، مەملەكەتتى زاڭمەن جونگە سالۋدى جاپپاي ىلگەرىلەتۋ، ءسوز جوق، دەموكراتيالىق ورتالىقتاندىرۋ تۇزىمىنە تاباندى بولۋ كەرەك. زاڭ شىعارۋ قىزمەتىن كۇشەيتۋ جانە جاقسارتۋ، زاڭ اتقارۋ قىزمەتىن كۇشەيتۋ جانە جاقسارتۋ، باقىلاۋ قىزمەتىن كۇشەيتۋ جانە جاقسارتۋ، حالىق قۇرىلتايى ۋاكىلدەرىمەن جانە حالىق بۇقاراسىمەن بايلانىستى كۇشەيتۋ، حالىق قۇرىلتايى قىزمەتىن كۇشەيتۋ جانە جاقسارتۋ كەرەك.
ماقالادا بىلاي دەپ اتاپ كورسەتىلدى: مەملەكەتتىڭ ساياسي ءتۇزىمىن جوبالاۋدا جانە دامىتۋدا، ءسوز جوق، تاريح پەن رەالدىقتىڭ، نازاريا مەن امالياتتىڭ، فورما مەن مازمۇننىڭ ورگانيكالىق بىرلىگىنە باسا ءمان بەرۋ كەرەك. ءبىز شەتەلدەردىڭ ساياسي وركەنيەتىندەگى پايدالى جەتىستىكتەردى قابىلداۋىمىز قاجەت، ءبىراق، جۇڭگونىڭ ساياسي ءتۇزىمىنىڭ تۇبىرلى نەگىزىنەن بەزۋىمىزگە استە بولمايدى. جۇڭگوشا سوتسياليستىك ساياسي ءتۇزىمنىڭ ىسكە اسۋىنىڭ، ومىرشەڭ كۇشكە يە بولۋىنىڭ، ءونىمدى بولۋىنىڭ سەبەبى − ول جۇڭگو قوعامىنىڭ توپىراعىندا ءوسىپ - ونگەن. جۇڭگوشا سوتسياليستىك ساياسي ءتۇزىم بۇرىن دا جانە قازىر دە جۇڭگو قوعامىنىڭ توپىراعىندا ءوسىپ كەلەدى، بولاشاقتا ۇزدىكسىز قاۋلاپ ءوسۋى ءۇشىن، ءسوز جوق، جۇڭگو قوعامىنىڭ توپىراعىنا تەرەڭ تامىر تارتۋى كەرەك.
ماقالادا بىلاي دەپ اتاپ كورسەتىلدى: ءبىر مەملەكەتتىڭ ساياسي ءتۇزىمىنىڭ دەموكراتيالى، ءونىمدى بولعان - بولماعانىنا باعا بەرۋدە، باستىسى، مەملەكەتتىڭ باسشىلىق جىگىنىڭ زاڭ بويىنشا ءتارتىپتى تۇردە اۋىسقان - اۋىسپاعانىنا، بۇكىل حالىقتىڭ مەملەكەت ىستەرى مەن قوعامدىق ىستەردى زاڭ بويىنشا باسقارعان - باسقارماعانىنا، شارۋاشىلىق جانە مادەنيەت ىستەرىن زاڭ بويىنشا باسقارعان - باسقارماعانىنا، حالىق بۇقاراسىنىڭ مۇددە تالاپتارىن ىركىلىسسىز بەينەلەي العان - الماعانىنا، قوعامداعى ءار جاقتىڭ مەملەكەتتىڭ ساياسي ومىرىنە ءونىمدى تۇردە قاتىناسقان - قاتىناسپاعانىنا، مەملەكەتتىڭ شەشىمىنىڭ عىلميلانۋدى، دەموكراتيالانۋدى جۇزەگە اسىرعان - اسىرماعانىنا، ءار جاقتاعى دارىندىلاردىڭ مەملەكەتتىڭ باسشىلىق جانە باسقارۋ جۇيەسىنە ءادىل باسەكە ارقىلى كىرگەن - كىرمەگەنىنە، بيلىك باسىنداعى پارتيانىڭ نەگىزگى زاڭ مەن زاڭدارداعى بەلگىلەمەلەرگە ساي مەملەكەت ىستەرىنە باسشىلىق ەتكەن - ەتپەگەنىنە، ۇقىقتى جۇرگىزۋدىڭ ءونىمدى تۇردە تەجەلگەن - تەجەلمەگەنىنە جانە باقىلانعان - باقىلانباعانىنا قاراۋ كەرەك. ۇزاق ۋاقىت قۇلشىنۋ ارقىلى ءبىز وسى ءتۇيىندى ماسەلەلەردى شەشۋدە شەشۋشى ىلگەرىلەۋشىلىكتەرگە قول جەتكىزدىك. جۇڭگونىڭ جۇمىسشى تابىنىڭ باسشىلىعىنداعى، جۇمىسشى - شارۋا وداعىن نەگىز ەتكەن حالىق دەموكراتياسى ديكتاتۋراسىندىق مەملەكەت قۇرىلىمىن جولعا قويۋى، حالىق قۇرىلتايى تۇزىمىندىك بيىلىك قۇرىلىمىن جولعا قويۋى، جۇڭگو كوممۋنيستىك پارتياسىنىڭ باسشىلىعىنداعى كوپ پارتيا سەلبەستىگى مەن ساياسي كەڭەس ءتۇزىمىن جولعا قويۋى، ۇلتتىق وڭىرلىك اۆتونوميا ءتۇزىمىن جولعا قويۋى، نەگىزگى ساتىداعى بۇقارانىڭ ءوزىن باسقارۋ ءتۇزىمىن جولعا قويۋى ايقىن جۇڭگولىق ەرەكشەلىككە يە.
ماقالادا بىلاي دەپ اتاپ كورسەتىلدى: جۇڭگوشا سوتسياليستىك ءتۇزىم سەنىمىن بەكەمدەۋدە، ەڭ الدىمەن جۇڭگوشا سوتسياليستىك ساياسي ءتۇزىم سەنىمىن بەكەمدەپ، جۇڭگوشا سوتسياليستىك ساياسيدىڭ دامۋ جولىمەن ءجۇرۋ سەنىمى مەن بەكىمىن كۇشەيتۋ كەرەك. سوتسياليستىك دەموكراتيالىق ساياسيدى دامىتۋدىڭ تەتىگى − ارتىقشىلىعىمىز بەن ەرەكشەلىگىمىزدى السىرەتۋ جانە تارايتۋ ەمەس، قايتا باسىمدىعىمىز بەن ەرەكشەلىگىمىزدى كۇشەيتۋ جانە كەڭەيتۋ. سوتسياليستىك دەموكراتيالىق ساياسيدىڭ تۇزىمدەنۋىن، ارناعا ءتۇسۋىن، تارتىپتەنۋىن ۇزدىكسىز ىلگەرىلەتىپ، جۇڭگوشا سوتسياليستىك ساياسي ءتۇزىمنىڭ ابزالدىلىعىن اناعۇرلىم جاقسى ساۋلەلەندىرىپ، پارتيا مەن مەملەكەتتىڭ گۇلدەنىپ، كوركەيۋىنە، باياندى تىنىشتىعىنا اناعۇرلىم كەمەلدى تۇزىمدىك كەپىلدىك ازىرلەۋ كەرەك.
