شي جينپيڭ مەملەكەت ينتەرنەت حاۋىپسىزدىگى ۇگىت اپتالىعىنا ماڭىزدى نۇسقاۋ بەرىپ بىلاي دەپ باسا دارىپتەدى
حاۋىپسىز، تىزگىندەمەلى بولۋعا جانە اشىق، جاسامپاز بولۋعا بىردەي ءمان بەرۋدەن جازباي، قالىڭ حالىق بۇقاراسىنىڭ ينتەرنەت كەڭىستىگىندەگى تابىس سەزىمىن، باقىت سەزىمىن، حاۋىپسىزدىك سەزىمىن جوعارىلاتۋ كەرەك
شينحۋا اگەنتتىگىنىڭ 9 - ايدىڭ 16 - كۇنى تيانجيننەن بەرگەن حابارى. جۋىردا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ مەملەكەت ينتەرنەت حاۋىپسىزدىگى ۇگىت اپتالىعىنا ماڭىزدى نۇسقاۋ بەرىپ بىلاي دەپ باسا دارىپتەدى: ينتەرنەت حاۋىپسىزدىگى ۇگىت اپتالىعىن وتكىزۋ، جالپى حالىقتىڭ ينتەرنەت حاۋىپسىزدىگى تانىمى مەن شەبەرلىگىن جوعارىلاتۋ مەملەكەت ينتەرنەت حاۋىپسىزدىگى قىزمەتىنىڭ ماڭىزدى مازمۇنى. مەملەكەت ينتەرنەت حاۋىپسىزدىگى قىزمەتىندە ينتەرنەت حاۋىپسىزدىگى حالىق ءۇشىن بولۋدان، ينتەرنەت حاۋىپسىزدىگىندە حالىققا سۇيەنۋدەن جازباي، جەكەنىڭ ينفورماتسيا حاۋىپسىزدىگىن قامتاماسىز ەتىپ، ازاماتتاردىڭ ينتەرنەت كەڭىستىگىندەگى زاڭدى ۇقىق - مۇددەسىن قورعاۋ كەرەك. ينتەرنەت حاۋىپسىزدىگى تاربيەسىن، تەحنيكاسىن، كاسىبىن توعىستىرا دامىتۋدان جازباي، دارىندى جەتىلدىرۋدىڭ، تەحنيكالىق جاڭالىق اشۋدىڭ، كاسىپ دامۋىنىڭ ءتيىمدى ەكولوگياسىن قالىپتاستىرۋ كەرەك. دامۋىن جەبەۋ مەن زاڭ بويىنشا باسقارۋدىڭ ءوزارا بىرلىگىنەن جازباي، جاساندى زەردە، زات ينتەرنەتى، كەلەسى ۇرپاق حابارلاسۋ تورى سياقتى جاڭا تەحنيكالاردى، جاڭا قولدانىستاردى زور كۇشپەن جەتىلدىرۋمەن بىرگە، جاڭا تەحنيكانى قولدانۋعا زاڭنان، زاڭ ەرەجەدەن جانە ولشەمدى ارنادان بەلسەندىلىكپەن پايدالانىپ جەتەكشىلىك ەتۋ كەرەك. حاۋىپسىز، تىزگىندەمەلى بولۋ مەن اشىق، جاسامپاز بولۋعا بىردەي ءمان بەرۋدەن جازباي، اشىق ورتانى تياناق ەتە وتىرىپ ينتەرنەت حاۋىپسىزدىگىن قورعاپ، حالىقارالىق اۋىس - كۇيىستى، سەلبەستىكتى كۇشەيتىپ، قالىڭ حالىق بۇقاراسىنىڭ ينتەرنەت كەڭىستىگىندەگى تابىس سەزىمىن، باقىت سەزىمىن، حاۋىپسىزدىك سەزىمىن جوعارىلاتۋ كەرەك.
2019 - جىلعى مەملەكەت ينتەرنەت حاۋىپسىزدىگى ۇگىت اپتالىعىنىڭ اشىلۋ سالتى 9 - ايدىڭ 16 - كۇنى تيانجيندە ءوتتى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت ۇگىت ءبولىمىنىڭ باستىعى حۋاڭ كۇنميڭ اشىلۋ سالتىندا شي جينپيڭنىڭ ماڭىزدى نۇسقاۋىن وقىدى ءارى ءسوز سويلەدى. ول بىلاي دەدى: باس شۋجي شي جينپيڭنىڭ ماڭىزدى نۇسقاۋىنىڭ رۋحىن مۇقيات ۇيرەنىپ، دايەكتىلەندىرىپ، ينفورماتسيالانىپ دامۋ اۋقىمىن جەتە يگەرىپ، ينتەرنەت حاۋىپسىزدىگى سىن - سايىسىنا بەلسەندىلىكپەن توتەپ بەرىپ، قالىڭ حالىقتىڭ ينتەرنەت حاۋىپسىزدىگىن قورعاۋداعى نەگىزگى تۇلعالىق رولىن تولىق ساۋلەلەندىرىپ، ”تورتكە تاباندى بولۋ“دىڭ پرينسيپتىك تالاپتارىن ناقتىلى تياناقتاندىرىپ، حالىق بۇقاراسىنىڭ ينتەرنەت كەڭىستىگىندەگى ءتول مۇددەسىن پارمەندى قورعاۋ كەرەك.
مەملەكەت ينتەرنەت حاۋىپسىزدىگى ۇگىت اپتالىعى 2014 - جىلدان باستاپ ءار جىلدا ءبىر كەزەك وتكىزىلىپ كەلەدى. وسى كەزەكتى ۇگىت اپتالىعى ”ينتەرنەت حاۋىپسىزدىگى حالىق ءۇشىن، ينتەرنەت حاۋىپسىزدىگىندە حالىققا سۇيەنۋ“دى نەگىزگى تاقىرىپ ەتتى. 9 - ايدىڭ 16 - كۇنىنەن 22 - كۇنىنە دەيىنگى ارالىقتا ينتەرنەت حاۋىپسىزدىگى كورمەسى، ينتەرنەت حاۋىپسىزدىگى تەحنيكاسى جونىندەگى جوعارى دارەجەلىلەر تالقى مىنبەرى، ينتەرنەت حاۋىپسىزدىگى نەگىزگى تاقىرىپتىق كۇنى سياقتى قيمىلدار وتكىزىلەدى.
