شينحۋا اگەنتتىگىنىڭ 9 - ايدىڭ 16 - كۇنى بەيجيڭنەن بەرگەن حابارى. ءتىلشىنىڭ جاڭا جۇڭگو قۇرىلعاندىعىنىڭ 70 جىلدىعىن قۇتتىقتاۋ قيمىلى اقپارات ورتالىعىنان ۇعىسۋىنا قاراعاندا، 9 - ايدىڭ 14 - كۇنى تۇستەن كەيىننەن 9 - ايدىڭ 16 - كۇنى تاڭعا تاياۋ بەيجيڭ تيان - انمىن رايونىندا جانە چاڭ - ان كوشەسىنىڭ بويىندا جاڭا جۇڭگو قۇرىلعاندىعىنىڭ 70 جىلدىعىن قۇتتىقتاۋ قيمىلىنىڭ 2 - رەتكى تۇتاس بارىسىنىڭ، بارلىق ماڭىزدى بولەكتەردىڭ، ءبىر ءبولىم كۇشتەردىڭ جاتتىعۋى وتكىزىلگەن. شامامەن 280 مىڭ ادام جاتتىعۋعا قاتىناستى، سالتانات ەتتى نەمەسە سول جەردىڭ وزىندە ءتۇرلى قامتاماسىز ەتۋ قىزمەتتەرىن ۇستىنە الدى.
تانىستىرۋعا قاراعاندا، 2 - رەتكى جاتتىعۋ قۇتتىقتاۋ جينالىس سالتى، اسكەري پارات، بۇقارالىق شەرۋ، بىرىككەن ساۋىق قيمىلدارى، مايدان جاڭالاۋ جانە شۇعىل جاعدايعا توتەپ بەرۋ، ءبىر جايلى ەتۋ سىندى 6 جاتتىعۋ مازمۇنىن قامتىپ، ىشكى جاقتاعى تۇتاستىقتى ءتۇيىندى تۇردە سايكەستىرىپ، ءارقايسى جاقتاردىڭ ۇيىمداستىرۋ، قولباسشىلىق ەتۋ جانە قامتاماسىز ەتۋ جۇيەسىنىڭ قىزمەت اينالىمىن جاپپاي تەكسەرگەن. 2 - رەتكى جاتتىعۋعا تۇڭعىش رەتكى جاتتىعۋ نەگىزىندە ءتىپتى دە كوپ ادام، ماڭىزدى بولەك جانە بۋىن قوسىلدى. مۇندا پاراتتان وتەتىن قوسىن اسكەري پارات، سالتاناتتىق ساپ، جەر بەتى تىركەسپەلى توبىن قۇراۋ جاتتىعۋىن ءتۇيىندى جاسادى. بۇقارالىق شەرۋدە جينالۋ، بىتىراۋ، تۇتاس تۇلعالىق ءجۇرۋ، تۇتاستىققا سايكەسۋ جاتتىعۋى ءتۇيىندى ءجۇرىلدى. بىرىككەن ساۋىق قيمىلىندا ءارقايسى ونەر كورسەتۋ بولەگىنىڭ تۇتاس تۇلعالىق توعىسۋى مەن تۇتاستىقتى سايكەستىرۋى جاتتىقتىرىلىپ، مايداندا ءبىر تۇتاس تۇلعاعا اينالعان ونەر كورسەتۋ ءونىمى كورسەتىلدى.
وسى رەتكى ۋاقىتى 24 ساعاتتان ارتىق جالعاسقان جاتتىعۋ قيمىلىنىڭ ۇيىمداستىرىلۋى ءتارتىپتى بولىپ، ءارقايسى بۋىندار ءبىر - بىرىمەن تىعىز قابىسىپ، ءاربىر بارىسى، ءاربىر كورىنىسى، ءارقايسى مىندەتى مينۋت، سەكۋندىنا دەيىن دالمە - ءدال اشالانىپ، جاۋاپكەرشىلىكتى جەكەلەرگە دەيىن تۇراقتاندىرىپ، كوزەۋلى نىساناعا قول جەتكىزدى. بەيجيڭ قالاسىنىڭ قاتىستى جاعى مىنانى ءبىلدىردى: 2 - رەتكى جاتتىعۋدىڭ ۋاقىت ارالىعى تىم ۇزاق، ساياتىن رايونى ءبىرشاما ۇلكەن بولدى، قالىڭ قالا حالقىنىڭ تۇسىنگەندىگىنە جانە قولداعاندىعىنا شىن جۇرەكتەن ەرەكشە العىس ايتامىز.
