بۇكىل رايوننىڭ ورگان پارتيا قۇرىلىسى قىزمەت ءماجىلىسى اشىلدى

چىن چۋانگو بۇكىل رايوننىڭ ورگان پارتيا قۇرىلىسى قىزمەتى ماجىلىسىندە بىلاي دەپ باسا دارىپتەدى

باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، ”ۇشتە ۇلگى“ بولۋدى امالياتتا ايگىلەپ، ونەگەلى ورگان قۇرۋعا قۇلشىنۋ كەرەك

شاۋكەت يمىن، نۇرلان ءابىلماجىن، لي پىڭشين قاتىناستى، سۇن جينلۇڭ باسقاردى

　　تىلشىلەر ياۋ تۇڭ، ۋاڭ شيڭرۇي 9 - ايدىڭ 16 - كۇنى ۇرىمجىدەن حابارلايدى. 9 - ايدىڭ 16 - كۇنى تۇستەن بۇرىن بۇكىل رايوننىڭ ورگان پارتيا قۇرىلىسى قىزمەت ءماجىلىسى اشىلدى. اۆتونوميالى رايوندىق پارتكومنىڭ شۋجيى چىن چۋانگو ماجىلىسكە قاتىناستى ءارى ءسوز سويلەدى. ول بىلاي دەپ باسا دارىپتەدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، باس شۋجي شي جينپيڭنىڭ ورتالىق پەن مەملەكەت ورگاندارىنىڭ پارتيا قۇرىلىسى قىزمەتى ماجىلىسىندەگى ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرىپ، تياناقتاندىرىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، پارتيا ورتالىق كوميتەتى الاڭسىز بولاتىن، حالىق بۇقاراسى ريزا بولاتىن ونەگەلى ورگاندى بەلسەنە قۇرۋ كەرەك.

　　ءماجىلىس باس شۋجي شي جينپيڭنىڭ ورتالىق پەن مەملەكەت ورگاندارىنىڭ پارتيا قۇرىلىسى قىزمەتى ماجىلىسىندەگى ماڭىزدى ءسوزىنىڭ رۋحىن جەتكىزدى، ۇيرەندى. اۆتونوميالى رايون باسشىلارىنان شاۋكەت يمىن، نۇرلان ءابىلماجىن، لي پىڭشين، شۇي حايرۇڭ، ۋاڭ جۇنجىڭ، سارقىت اقان، جاڭ چۇنلين ماجىلىسكە قاتىناستى. اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى سۇن جينلۇڭ ءماجىلىستى باسقاردى.

　　چىن چۋانگو بىلاي دەپ اتاپ كورسەتتى: باس شۋجي شي جينپيڭنىڭ ورتالىق پەن مەملەكەت ورگاندارىنىڭ پارتيا قۇرىلىسى قىزمەتى ماجىلىسىندەگى ماڭىزدى ءسوزى − پارتيا قۇرىلىسىنىڭ جاڭا ۇلى ينجەنەرياسىن ىلگەرىلەتۋگە جەتەكشىلىك ەتەتىن باعدارلامالىق حۇجات، ول جاڭا داۋىردە پارتيا مەن مەملەكەت ورگاندارىنىڭ پارتيا قۇرىلىسىن كۇشەيتۋ مەن جاقسارتۋعا، ءار دارەجەلى ورگانداردىڭ پارتيا قۇرىلىسىن جاپپاي كۇشەيتۋگە ايقىن العا باسۋ بەتالىسىن كورسەتتى، ءتۇبىرلى بويسۇنۋ ولشەمىن ازىرلەدى. يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن شىن مانىندە بىرلىككە كەلتىرىپ، ورگان پارتيا قۇرىلىسىن كۇشەيتۋ مەن جاقسارتۋدىڭ كەلەلى ماڭىزىن جەتە تانىپ، ورگان پارتيا قۇرىلىسى قىزمەتىن جاقسى ىستەۋ جاۋاپكەرشىلىك سەزىمى مەن بورىشتىلىق سەزىمىن كۇشەيتىپ، رايونىمىزدىڭ ورگان پارتيا قۇرىلىسىنىڭ ساپاسى مەن دەڭگەيىن جاپپاي جوعارىلاتۋ كەرەك.

　　چىن چۋانگو بىلاي دەپ باسا دارىپتەدى: جاڭا جاعدايدا بۇكىل رايوننىڭ ورگان پارتيا قۇرىلىسىن كۇشەيتۋدە جانە جاقسارتۋدا شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى باتىل ورىنداپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتىنىڭ ەكىنشى، ءۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، باس شۋجي شي جينپيڭنىڭ ورتالىق پەن مەملەكەت ورگاندارىنىڭ پارتيا قۇرىلىسى قىزمەتى ماجىلىسىندەگى ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ءسوزى مەن ماڭىزدى نۇسقاۋىنىڭ رۋحىن، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرىپ، تياناقتاندىرىپ، پارتيانىڭ ساياسي قۇرىلىسىن كۇش سالا كۇشەيتىپ، نازاريامەن قارۋلانۋدى كۇش سالا تەرەڭدەتىپ، نەگىزگى ساتىنىڭ نەگىزىن كۇش سالا بەكەمدەپ، ستيل تۇزەتۋ، ءتارتىپتى قاتايتۋدى كۇش سالا ىلگەرىلەتىپ، كورنەكتى ماسەلەلەردى كۇش سالا شەشىپ، بورىش، جاۋاپكەرشىلىك ارقالاۋدى كۇش سالا نىعايتىپ، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەنىڭ تابىستارىن بەكەمدەپ، تەرەڭدەتىپ، ورگان پارتيا قۇرىلىسىنىڭ ساپاسىن جاپپاي جوعارىلاتىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنۋدە، دايەكتىلەندىرۋدە ۇلگى بولىپ، شي جينپيڭ جولداستى ۇيتقى ەتكەن پارتيا ورتالىق كوميتەتىمەن باستان - اياق وسكەلەڭ ءبىر اۋىزدىلىقتى ساقتاۋدا ۇلگى بولىپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىن باتىل دايەكتىلەندىرۋدە، تياناقتاندىرۋدا ۇلگى بولىپ، پارتيا ورتالىق كوميتەتى الاڭسىز بولاتىن، حالىق بۇقاراسى ريزا بولاتىن ونەگەلى ورگان قۇرىپ، جۇڭگوشا سوتسياليستىك شينجياڭ قۇرۋعا پارمەندى كەپىلدىك ازىرلەۋ كەرەك.

　　چىن چۋانگو بىلاي دەپ اتاپ كورسەتتى: نەگىزگى پرينسيپتى يگەرىپ، قىزمەتتىڭ ماڭىزدى ءتۇيىنىن كورنەكتىلەندىرىپ، جاڭا داۋىردەگى بۇكىل رايوننىڭ ورگان پارتيا قۇرىلىسى قىزمەتىنىڭ جاڭا جاعدايىن قۇلشىنا اشۋ كەرەك. بىرىنشىدەن، تۋ ايقىن تۇردە ساياسيدى دارىپتەۋ، پارتيانىڭ ساياسي قۇرىلىسىن كۇش سالا كۇشەيتۋ كەرەك. ساياسي ورگان تانىمىن بەرىك ورناتىپ، ساياسي قۇرىلىستى ورگاننىڭ ءتۇبىرلى قۇرىلىسى ەتۋگە، ماڭداي الدى ورىنعا قويۋعا تاباندى بولىپ، پارتياعا ادال بولۋ تاربيەسىن كۇشەيتىپ، ساياسي تاباندىلىق پەن ساياسي قابىلەتتى جوعارىلاتىپ، باس شۋجي شي جينپيڭنىڭ ۇيتقىلىق ورنىن باتىل قورعاۋدى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاۋدى ەڭ ۇلكەن ساياسي، ەڭ ماڭىزدى ساياسي ءتارتىپ جانە ساياسي قاعيدا ەتىپ، يدەيادا، ساياسيدا، ارەكەتتە پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋ، بارلىق ارەكەتتە پارتيا ورتالىق كوميتەتىنىڭ بۇيرىعى مەن قولباسشىلىعىنا قۇلاق اسۋ كەرەك. ەكىنشىدەن، پارتيانىڭ جاسامپاز نازارياسىمەن قارۋلانۋدى كۇشەيتۋ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن كۇش سالا جەتە ءتۇسىنۋ، جەتە يگەرۋ، ناقتىلاندىرۋ كەرەك. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنۋدى، دايەكتىلەندىرۋدى كەلەلى ساياسي مىندەت ەتۋگە تاباندى بولىپ، جۇيەلى تۇردە ىشكەرىلەي ۇيرەنۋگە، دەر كەزىندە ىلەسە ۇيرەنۋگە، ءىس جۇزىندىكپەن بىرلەستىرىپ ۇيرەنۋگە، شىن سەنىپ، شىنايى اتقارۋعا تاباندى بولىپ، ۇيرەنۋدىڭ ىشكەرىلەي ورىستەتىلۋىن، ناقتىلانۋىن، كوكەيگە ۇيالاۋىن ۇزدىكسىز ىلگەرىلەتىپ، ۇيرەنۋ ارقىلى سەنىمدى بەكەمدەۋ، ۇيرەنۋ ارقىلى شارتسىز ادال بولۋ، ۇيرەنۋ ارقىلى بورىش ارقالاۋ كەرەك. ۇشىنشىدەن، ۇيىمدىق قابىلەتتى ءوسىرۋدى ماڭىزدى ءتۇيىن ەتۋ، ورگاننىڭ نەگىزگى ساتى پارتيا ۇيىمىن كۇش سالا نىعايتىپ قۇرۋ كەرەك. نەگىزگى ساتىنى جاپپاي يگەرۋدىڭ ايقىن باعدارىن ورناتىپ، ساياسي سيپات پەن ساياسي يقۋاتتى كۇشەيتىپ، ولشەمدەندىرۋ، جۇيەلىلەندىرۋ قۇرىلىسىن ىلگەرىلەتىپ، پارتيا مۇشەلەرىن تاربيەلەۋدى، باسقارۋدى، باقىلاۋدى كۇشەيتىپ، ورگان نەگىزگى ساتى پارتيا ۇيىمىنىڭ جان - جاقتى العا باسۋىن، جان - جاقتى ىسىلۋىن ىلگەرىلەتىپ، ورگانداعى قالىڭ پارتيا مۇشەلەرىن ءبىر - ءبىر نارت قىزىل تۋعا اينالدىرۋ، ورگان نەگىزگى ساتى پارتيا ۇيىمىنىڭ ءبارىن پارمەندى دە قۋاتتى جاۋىنگەر قامالعا اينالدىرۋ كەرەك. تورتىنشىدەن، كورنەكتى ماسەلەلەردى شەشۋ، ورگاننىڭ ستيلدى وڭاپ، ءتارتىپتى قاتايتۋىن كۇش سالا ىلگەرىلەتۋ كەرەك. ورگاننىڭ پارتيا قۇرىلىسىندا ساقتالىپ وتىرعان ماسەلەلەردى رەتتەۋ - وڭاۋدى نەگىزگى تاقىرىپتىق تاربيەدە ماسەلەلەردى قاداعالاۋمەن، رەتتەپ - تۇزەتۋمەن ورگانيكالى بايلانىستىرۋعا تاباندى بولىپ، ارناۋلى رەتتەۋ - وڭاۋدى تىڭعىلىقتى ورىستەتىپ، رەتتەۋ - تۇزەتۋدى تياناقتاندىرۋ جاعدايىن ”قايتا قاداعالاۋ“دى ىشكەرىلەي ورىستەتىپ، حالىق ءۇشىن ناقتى ىستەردى شىنايى ويداعىداي ىستەپ، ستيل قۇرىلىسىن ۇزدىكسىز كۇشەيتىپ، پارتيا ەرەجەسىن، پارتيا ءتارتىبىن قاتايتىپ، 1 - توپتاعى نەگىزگى تاقىرىپتىق تاربيەنىڭ جەتىستىكتەرىن ۇزدىكسىز بەكەمدەپ، ولقىلىقتاردى تولىقتاۋدىڭ، ءالسىز تۇستاردى كۇشەيتۋدىڭ ءىس جۇزىندىك ونىمدىلىگىمەن ورگان پارتيا قۇرىلىسىنىڭ ساپاسىن جوعارىلاتىپ، ءار ۇلت بۇقاراسىنا جاڭا وزگەرىستەردى، جاڭا بەينەنى شىنايى سەزىندىرۋ كەرەك. بەسىنشىدەن، بورىشتى، جاۋاپكەرشىلىكتى كۇشەيتۋ، ءتۇرلى قىزمەتتەردى كۇش سالا ىلگەرىلەتۋ كەرەك. بۇكىل رايونداعى ءار دارەجەلى ورگاندار ورگاننىڭ پارتيا قۇرىلىسى قىزمەتىن كۇشەيتۋدى جەتەكشى، قوزعاۋشى كۇش ەتىپ، اناعۇرلىم قايراتتانا العا باساتىن رۋحاني كۇيمەن، اناعۇرلىم شىندىققا جۇگىنىپ، ناقتى ءىس ىستەيتىن قىزمەت ستيلىمەن، اناعۇرلىم ادال دا بەرىك جاۋاپكەرشىلىك ارقالاۋمەن جاڭا داۋىردەگى پارتيانىڭ شينجياڭدى جونگە سالۋ جالپى جوباسىن قۇلشىنا دايەكتىلەندىرىپ، تياناقتاندىرىپ، ورنىقتىلىقتىڭ، دامۋدىڭ ءتۇرلى قىزمەتتەرىندە الدىڭعى قاتاردا ءجۇرۋدى، ۇلگى بولۋدى ىلگەرىلەتۋ كەرەك.

　　چىن چۋانگو بىلاي دەپ باسا دارىپتەدى: ورگاننىڭ پارتيا قۇرىلىسىن كۇشەيتۋدى كەلەلى ساياسي مىندەت ەتىپ، ورگاننىڭ پارتيا قۇرىلىسى قىزمەتىن مىقتاپ يگەرۋ، ناقتاپ يگەرۋ، ويداعىداي يگەرۋ كەرەك. ءار دارەجەلى پارتكومدار زەرتتەپ ورنالاستىرۋدى، ۇيىمدىق باسشىلىقتى جانە تياناقتاندىرۋدى ىلگەرىلەتۋدى كۇشەيتۋ، تاراۋلاردىڭ، ورىنداردىڭ پارتكومدارى (پارتيا باسشىلىق گرۋپپالارى) نەگىزگى تۇلعالىق جاۋاپكەرشىلىكتى تياناقتاندىرىپ، ”شۋجي يگەرۋگە، شۋجيدى يگەرۋگە“ تاباندى بولۋ، ءارقايسى فۋنكتسيالىق تاراۋلار ءوز جاۋاپكەرشىلىگىن ارقالاپ، تىعىز سايكەسىپ، بىرىككەن كۇش قالىپتاستىرۋ كەرەك. ءتۇزىمدى، قوسىندى، قىزمەتتى قامتاماسىز ەتۋدى كۇشەيتىپ، ارناۋلى جانە قوسىمشا مىندەتتەگى پارتيا ىستەرى قىزمەتكەرلەرىن تولىقتاپ، كۇشەيتىپ، تەكسەرۋ، باعالاۋ مەحانيزمىن جاقسارتىپ، كەمەلدەندىرىپ، ءتۇيىندى قىزمەت پەن ماڭىزدى ءتۇزىمدى ويداعىداي تياناقتاندىرىپ، ورگان پارتيا قۇرىلىسى قىزمەتىنىڭ ناقتى ونىمدىلىككە قول جەتكىزۋىنە شىنايى كەپىلدىك ەتۋ كەرەك. ۇگىت سەرپىنىن كۇشەيتىپ، ورگاننىڭ پارتيا قۇرىلىسى قىزمەتىن كۇشەيتۋ جانە جاقسارتۋ ءۇشىن تاماشا جاعداي جاساۋ كەرەك.

　　سۇن جينلۇڭ بىلاي دەپ اتاپ كورسەتتى: سانالى تۇردە باس شۋجي شي جينپيڭنىڭ ماڭىزدى ءسوزىنىڭ رۋحىمەن يدەيانى جانە ارەكەتتى بىرلىككە كەلتىرىپ، ساياسي دەڭگەيدى شىنايى جوعارىلاتىپ، نەگىزگى تاقىرىپتىق تاربيەگە ۇشتاستىرىپ، ماڭىزدى ءتۇيىندى كورنەكتىلەندىرىپ، ارقاۋدى يگەرىپ، تەتىككە جەتەكشىلىك ەتىپ، ”ۇشتە ۇلگى“ بولۋدى امالياتتا ايگىلەۋگە، ونەگەلى ورگان قۇرۋعا ءتىپتى دە زور كۇش سالىپ، ولقىلىقتاردى تولىقتاۋ، ءالسىز تۇستاردى كۇشەيتۋ بارىسىندا ورگان پارتيا قۇرىلىسىنىڭ ساپاسىن ءوسىرۋ كەرەك. تاراۋلاردىڭ، ورىنداردىڭ پارتيا باسشىلىق گرۋپپالارى (پارتكومدار) ءوز جاۋاپكەرشىلىگىن ارقالاپ، ءوز جاۋاپكەرشىلىگىن ادا ەتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، اۆتونوميالى رايوندىق پارتكومنىڭ تالاپتارى بويىنشا باتىلدىقپەن باسقارىپ، باتىلدىقپەن قاتايتىپ، شىنايى باسقارىپ، شىنايى قاتايتىپ، ۇنەمى باسقارىپ، ۇنەمى قاتايتىپ، پارتيا قۇرىلىسىنىڭ ءتۇرلى مىندەتتەرىن شىن مانىندە ناقتاپ تياناقتاندىرۋ كەرەك.

　　اۆتونوميالى رايوندىق حالىق قۇرىلتايىنىڭ، ۇكىمەتتىڭ، ساياسي كەڭەستىڭ، بيڭتۋاننىڭ باسشىلارى، اۆتونوميالى رايوندىق جوعارى حالىق سوتى مەكەمەسىندەگى، اۆتونوميالى رايوندىق حالىق پروكۋراتۋراسىنداعى نەگىزگى جاۋاپتى جولداستار، اۆتونوميالى رايونعا (ورتالىققا) توتە قاراستى ورىندارداعى قاتىستى جاۋاپتى جولداستار ماجىلىسكە قاتىناستى.