تيانشان تورى   ›   جاڭالىقتار   ›   سپورت الەمى

از ۇلتتاردىڭ 11 - كەزەكتى مەملەكەتتىك ءداستۇرلى سپورت جارىسى تولىق تابىسپەن اياقتادى

شينجياڭدىق ساڭلاقتار ىنتىماقتاسا سەلبەسىپ، جىگەر - قايراتتارىن ايگىلەدى

  ءتىلشى جىڭ ييۋان 9 - ايدىڭ 16 - كۇنى جىڭجوۋدان حابارلايدى. 9 - ايدىڭ 16 - كۇنى از ۇلتتاردىڭ 11 - كەزەكتى مەملەكەتتىك ءداستۇرلى سپورت جارىسى حىنان ولكەسىنىڭ جىڭجوۋ قالاسىندا جابىلدى، بۇكىل ەلدىڭ جەر - جەرىنەن كەلگەن ءار ۇلت سپورتشىلار، جاتتىقتىرۋشىلار جانە قوناقتار شات مەرەيلى، بەرەكەلى بەينە ىشىندە وسى كەزەكتى سپورت جينالىسىنىڭ تولىق تابىسقا جەتكەندىگىن بىرگە قۇتتىقتادى.

  شينجياڭ ۋاكىلدەر ۇيىرمەسىنىڭ تابىسى مول بولىپ، ءبىرىنشى دارەجەلى 6 سيلىققا، ەكىنشى دارەجەلى 18 سيلىققا، ءۇشىنشى دارەجەلى 10 سيلىققا يە بولىپ قانا قالماستان، بۇكىل ەلگە شينجياڭداعى ءار ۇلت حالقىنىڭ ىنتىماقتاسا سايىسىپ، قايسارلىقپەن ۇمتىلاتىن رۋحاني بەت - بەينەسىن ايگىلەدى.

  شينجياڭ ۋاكىلدەر ۇيىرمەسىنىڭ ورىنباسار باستىعى، اۆتونوميالى رايوندىق ۇلت ىستەر كوميتەتىنىڭ (ءدىن ىستەرى مەكەمەسى) مەڭگەرۋشىسى (مەكەمە باستىعى) ماحمۇت وسمان بىلاي دەدى: ”وسى كەزەكتى سپورت جارىسىنا قاتىناسۋ ارقىلى شينجياڭ ۋاكىلدەر ۇيىرمەسىندەگى ءار تۇرگە قاتىناسقان سپورتشىلار، جاتتىقتىرۋشىلار، كوماندا جەتەكشىلەرى جۇڭحۋا ۇلتى ورتاق تۇلعا تانىمىن اناعۇرلىم بەرىك ورناتىپ، ءارقايسى ۋاكىلدەر ۇيىرمەسىمەن جارىسۋ، بەلدەسۋ، ءوزارا سەلبەسۋ ارقىلى اراداعى دوستىق سۇيىسپەنشىلىكتى تەرەڭدەتتى“.

  شينجياڭ ۋاكىلدەر ۇيىرمەسىنىڭ ورىنباسار باستىعى، اۆتونوميالى رايوندىق دەنە تاربيە مەكەمەسىنىڭ ورىنباسار باستىعى ءجۇرات قاسىم بىلاي دەدى: ”وسى رەتكى جارىستا شينجياڭ ساڭلاقتارى ەرلىكپەن العا ۇمتىلىپ، ىنتىماقتاسا سايىسىپ، ويداعىداي ناتيجەگە قول جەتكىزىپ، تاماشا قاسيەتتەرىن كورسەتىپ، شينجياڭدىقتاردىڭ جىگەر - قايراتىن ايگىلەدى. تاياۋ جىلداردان بەرى، شينجياڭ از ۇلتتاردىڭ ءداستۇرلى سپورت تۇرلەرىنەن جيىنى 629ىن انىقتاپ، رەتتەدى، ماسەلەن، قالىڭ ءار ۇلت بۇقاراسى جاقسى كورەتىن داۋاز، سارعايدي (كەڭىستىكتەگى اينالمالى شىعىرىق)، جاياۋ تارتىس (يىققا سالىپ ارقان تارتۋ) سياقتىلار. بۇدان كەيىن اۋىل - قىستاقتاردا، الەۋمەتتىك اۋماقتاردا، مەكتەپ اۋلاسىندا زور كۇشپەن كەڭەيتىپ، جالپىلاستىرىپ، جالپى حالىقتىق دەنە شىنىقتىرۋ سپورتىن ۇزدىكسىز تەرەڭدەتە تۇسەمىز“.

  وسى كەزەكتى سپورت جارىسى از ۇلتتاردىڭ مەملەكەتتىك ءداستۇرلى سپورت جارىسىنىڭ تۇڭعىش رەت ورتا بولىكتەگى ولكەدە وتكىزىلۋى، بۇكىل ەلدەگى 31 ولكەدەن (اۆتونوميالى رايون، توتە قاراستى قالا)، شينجياڭ ءوندىرىس - قۇرىلىس بيڭتۋانى، ازاتتىق ارميا جانە تايۋاننان كەلگەن جيىنى 34 ۋاكىلدەر ۇيىرمەسىنىڭ 7009 سپورتشىسى 17 جارىس ءتۇرى مەن 194 ونەر كورسەتۋ تۇرىندە جارىسقا قاتىناستى. سپورت جارىسى كەزىندە، تاعى از ۇلتتاردىڭ ءداستۇرلى دەنە تاربيە مادەنيەتى كورمەسى، ۇلتتاردىڭ زور كولەمدى بىرىككەن ساۋىعى سياقتى قيمىلدار وتكىزىلدى.

  وسى كۇنگى جابىلۋ سالتىندا تاعى از ۇلتتاردىڭ مەملەكەتتىك ءداستۇرلى سپورت جارىسىنىڭ تۋىن وتكىزىپ بەرۋ - وتكىزىپ الۋ سالتى وتكىزىلدى. مەملەكەتتىك كەڭەستىڭ بەكىتۋىمەن از ۇلتتاردىڭ 12 - كەزەكتى مەملەكەتتىك ءداستۇرلى سپورت جارىسى 2023 - جىلى حاينان ولكەسىندە وتكىزىلەتىن بولدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ءشول دالا جاسىلداندى
  • جاڭا قىستاقتىڭ جاڭا كەلبەتى
  • كەمەنى بالىققا تولتىرىپ، مول ونىممەن ورالدى